السفير الأمريكي يزور (أم ضواً بان) وينقل تحايا «أوباما» لـ(المسيد)
الخرطوم : صلاح حمد مضوي
أشاد القائم بالأعمال الأمريكي بالسودان السفير “جوزيف استانفورد” بالطرق الصوفية في السودان ومجتمعها الذي وصفه بالمتميز والممتاز، مؤكداً اهتمامه بها، ونقل خلال زيارته لمنطقة أم ضواً بان تحيات الرئيس “باراك أوباما” للطلاب الذين يدرسون القرآن بالمسيد، مؤكداً اهتمام الإدارة الأمريكية بالإسلام.
واستفسر القائم بالأعمال الأمريكي الذي زار الخليفة “الطيب الجد” خليفة الشيخ “ود بدر” عن الطريقة القادرية بعد أن زار خلوة القرآن وتناول وجبة الإفطار بالمسيد وقام بإهداء الخليفة (ألبوم) صور.
وفي السياق قال الخليفة “الطيب الجد” خليفة الشيخ “ودبدر” لـ”المجهر” إنه أبلغ القائم بالأعمال رغبة الشعب في تطبيع علاقات السودان مع الولايات المتحدة.
من جهته قال نائب دائرة أم ضواً بان “عمر عبد الرحيم” إن خليفة “ودبدر” طلب من القائم بالأعمال الوقوف مع السودان الذي عاش حروباً طويلة، وتعاون بلاده من أجل رفع الحصار الاقتصادي.
المجهر
وفي السياق قال الخليفة “الطيب الجد” خليفة الشيخ “ودبدر” لـ”المجهر” إنه أبلغ القائم بالأعمال رغبة الشعب في تطبيع علاقات السودان مع الولايات المتحدة.
ده ناطق باسم الحكومة ام الشعب ؟؟؟؟؟؟؟؟؟؟؟؟؟؟؟؟؟
بلد سايبة !!!!!!!!!!
اها ما سألوه من الفكى بتاع صلاح قوش حيمرق منها ولا بلحق امات طه ؟
شبهينا واتلاقينا ، الأمريكان يريدون إسلام القباب والنفاق، وهم داعم دائم للموالد والولائمّّ!!!
مؤشر خير و يؤكد على عمق النظرة الأميركية لموازين القوى و مرامز القوى المؤثرة فى المجتمعات. نحن فى السودان كنا دائما شعب طابعه الأساسى صوفى و من أراد أن يكسب ود هذا الشعب الكريم فعليه أن يخاطبه من مكان وده. وودنا فى رجال الصوفية، عسى الله أن يكتبهم من أوليائه و ينزلهم منازل الأبرار و الصديقين فى عليين. ابشروا أنتم أتباع الامام محمود طه و المكاشفى و الشيخ قريب الله و غيرهم كثير.
و نقول للخواجة الأمريكانى أحسنت أنت و جلالة مليككم أوباما و لهم منا كل التحايا و الدعاء لهم بأن ينعم الله عليهم بالهداية الى دين الحق كما هداهم اليوم الى هذا المعروف الذى لا ينكره الا جاحد.
الآن قد صوبت البوصلة الامريكية نحو الاتجاه الصحيح…
أعتقد أنّ هذه الزيارة تأتي في إطار رحلة البحث عن بديل لنظام البشير
يا شيخ الطيب الجد الامريكان ماعندهم مشكله مع الشعوب لوكان غير ذلك لما زارك في دارك مشكلته مع النظام وناس النظام في الخرتوم القريبه منك اركب حافله وامشي الخرتوم القصر الجهمورى وقول ليهم مقرود في الريس واساله انت الامريكان ديل ناس طيبين مقاشرنك في شنو؟ كان كلمك بالصاح وما لو لو ليك الكلام اديهو النصيحه ودى اقرب ليك من وصيتك للسفير عشان يمكن يغشي ليهو كمبو ويضرب عبارين وبعدين ينسي كلامك القلتو ليهو!!!!!!!!
الطيور علي أشكالها تقع هو خليفة وبدر ده العينوا ناطق بأسم الشعب منوا
وبعدين إنتوا حكاية الصوفية والالمان والامريكان دي شنو وطلب خليفة” وبدر”
من القائم بالأعمال الوقوف مع السودان أنتم مادام اولياء وصالحين وبتاعين
قراءن ماتطلبوا من ربنا ورب امريكا ورب الكون أليس الامر بيدي الله والله وتالله
بالله لاسلام ولا أمن ولا طمأنينه إلأ بالرجوع إلي لله تعالي بقلب صادق ونيه خالصه من
خير شرك لابدع لاخرافات .
يا ربي الخواجة دا يكون عاملين ليه عمل بفتش لي زول يفكو ليه ولا شنو
والسفير دا ما جاب معه لابتوبتات Dell هدية لكل واحد من شفع الخلوة بدل لوح الخشب
هاك الجدعة دى يا ربى اكل الدبلبة وصلى معاهم الظهر والعصر وحصل صلاة المغرب فى مسجد النور هسع الخبر شرف لخليفة الجد ودبدر السفير الامريكى يزور ام ضبان ويلتقى بالخليفة انشاءالله يكون قدم ليكم دعوة اوباما لزيارة ماما امريكا الست الناظرة عالم وهم
يا جماعه الامريكان ديل ليهم نظر طويله المدي شكلهم جربو الاسلام السياسي وفشلوا والعبره ببن لادن فاحسن المره دي يدعموا الصوفيه في كل مكان
انتو يااخوانا السفير الامريكي يخيل لي زي الزار ام ضوا بان دي قبل كده مش كده ماقادر اتذكر بالضبط اوعي يكون الامريكان مفتكرين الخلاوي اماكن تفريخ للارهاب كمان…الخواجات اولاد الحرام ديل مابسوا حاجة لوجه الله تعالي ساكت اكيد وراها حاجة ومادام فيها خواجات فوراها كارثة اكبر وامريكان كمان دي الناقصة..قال مهتمين باالاسلام قال هههههععع…بني قريظة ويوهودا مهتمين بالدين الاسلامي بالله اسف لكني لااصدق هذا
الناس ديل عندهم اليومين ديل اختيار وزير الخارجيه الوزير بيكون مرسلو للشيخ