عبد الواحد : حزب البشير خلي يجيب ناسو من الخرطوم عشان يقاتلوا ، انتو شيلو القروش والسلاح،حلال عليكم ، لكن ما تقاتلوا.

عااااااااااااااااااااااااااااااقل خلاص……………

كلامك سمح تب ياستاذ عبد الواحد وكما قلت كفاية الاقتتال فى دارفور وجنوب كردفان والنيل الازرق ، عليكم بوكر العصابة حيث الفلل والعمارات والعربات الفارهة والتى كلها عبارة عن حصاد النهب والسرقة التى تمت وتتم الان ، فى هذا الوكر سوف تنضم اليكم الجماهير المغلوبة على امرها وتقاتل الى جانبكم لاجتثاث هذا الورم الخبيث الذى تتضخم ومن ثم اخذ فى التفتت عندما قلت الموارد ونضب بعضها ، نحن فى انتظاركم

ايوه يا عبدالواحد نحن بس عاوزين ود ابوالعفين دا يجي زيارة عشان وجبة دشمان في كراكير بتع جبل مرة …واي كوز عاوز يتفسح او بطن الارض خير له من ظهرها؟ احنا خدماتنا ممتازة ميه الميه اثني عشر سنة خبرة !! اعلانات شركة خمس نجوم للسفر والسياحة مدينة قولو!

كلكم فاسدين كان إنتو أو الحكومة وإذا كان اولاد المسؤلين بمشوا شرم الشيخ القريبه والرخيصة دي إنتو اولادكم في دول اوربا وفي امريكا ؛ يعني بالواضح الحكومه فاسدة وإنتو أفسد منها

يا جماعة المحيرني ناس قوقول ايرش اضافو حفرة النحاس وكفيكانجي وحظيرة الردوم لحدود جنوب السودان وجماعتنا واحد فيهم قال بغم مافي … قادة الجنوب شغالين في كل الاتجاهات ما بنوموا ونحن ناسنا همهم كلو جمع الدولارات وقتل الطلاب والمعارضة الداخلية التقول السودان ده بتاع ابوهم ما بتاع كل السودانيييين …

ايوة يا خميس ياهو ذاتو عبد الواحد محمد نور

الولد ده حماده نافع مالو عندو بهق ولا جزام ولا برص من اكل مال الغلابه بتظهر في اجسامهم وعمو البشير سرطان قال في شرم الشيخ بس قولو لينا هو هسي لو في شرم اليشخ خلي يشيل شيلتو معاي الجايهو من المظلومين

ياعوض عبدالرحمن الأمين ؛ ياعوض البلد كان عليك إنت منها العوض وليها العوض ؛ جبهجي شنو ومؤتمر وطني شنو ؛ وعبدالواحد شنو ؛ كلهم فساد لعملة واحدة وأنا كان زي مابتقول ماكنت من قراء الراكوبه ؛ بس مشكلتكم إنكم مابتعرفوا ثقافة قبول الرأي الأخر بس عاوزين الناس كلهم يهتفوا بيكم ؛ وتفتكر اسلوبك ده أسلوب حضاري أو ديمقراطي ؟ إذا كان إنت خارج السلطة بتعمل وبتقول كده ؛ طيب لو كنت في السلطه بتعمل شنو؟ هل هذه الديمقراطيه والعدالة التي تنادي بها ؛ بظن مافي فرق بينك وبين ناس المؤتمر الوطني ؛ و إذا عاوز تقنع الناس مابتقنعهم بالألفاظ البذيئه والشتم وإنما بالمنطق ؛ وأخيرا لقبي ليس لإنتمائي لحزب معين والإستقلاليه معانيها كثير وليس هناك شي يجعلني أخفي إنتمائي الحزبي

اخي علي وبعض من المعلقين الاخرين هم بعيد من دارفور لكن اذا كانو يعرفون هؤلا (اقصد عبد الواحد وزمرته)لما قالو هذا الكلام دا كان ممكن في البداية قبل التمرد الذي سمى نفسه حينها (جبهة تحرير دارفور) قبل جبهة تحرير السودان ولم يذكرو الاسباب التي سمو بها جبهتم الاسم الاول ولا تبريرات تغيره الي الاخير .
كل دارفور تعرف ان التمرد بدا بعنصريو وانتقائية في تكوين جيشه وقيادته في دارفور وهذا واضح من خلال إستهدافهم في كتم ومليط ونهب متاجر قبائل معينة وقتل اصحابها في حين ان المتاجر الاخرى مفتوحة ولم يأخذوا منها ولا منديل
كيف تفسر اذا رأيت كل المتاجر سليمة ماعدا متجرين التي تعود ملكيتها لإثنية معينة تنهب ويقتل اصحابها بإنتقائية.
كلام عبد الواحد دا يمكن يكون اجمل كلام قالوه في مسيرة حياته كلها ولكن واظن انه اراد ان يمهد للهبوط من الجبل ويئس من صعود ققم جبل مرة التي هشمت مناسمه
اهالي دارفور اذا التمسو الجدية من عبد الواحد لإعادة النظر من جديد في موضود الجنجويد الذي يلوكه يوميا في وسائل الاعلام وترك نعتهم بالمستوطنين الجدد بلا شك سيستمعون لما يقول ولكن طيلة الفترة التي ينعتهم فيها بالجنجويد تارة وبالمستوطنين اخرى ستظل قواته حبسة قمة جبل مرة فقط مثل القرود ولايحلمو بالنزول الى الارض نهايك عن تحرير تحرير السودان
هل تعلم ان قولو هي في قلب جبل مرة كيف يحررو السودان وهم لم يحررو جبل الذي هم في قمته منذ 2003 حتى اليوم لم يبارحوه شبرا وعدم نزولهم ليس بسبب الحكومة او جيشها ,لا بل بسبب الاهالي المحليين الذين قتل عبد الواحد اهاليهم.

ياريت لو الناس تبطل الحقد الذي اورثه الموتمر الوطني اخوتي من الغرب بعضهم يفهم القضية وبعضهم السياسة علمته الحقد انتهي منهم واصبحوا لايروون شي جميلا …المواتمر الوطني دمر السودان ولن يعود ابدا لنجاح سياسة فرق تسد

يا عبد الواحد ابن نتينياهو العدد 18 الف جندى واسر 45 الف وتدمير 23 الف دبابة هههههههههههههههههههههههههههههههههههههههههههههههههههههههههههههههههههه.. انت عامل مكتب توريد العمالة فى اسرائيل وتقول قتلت؟؟؟ قول امين بس.. ان شاء الله تلحق المقبور خليل

عبدالواحد الجقه كدي اطلع من باريس دي وابقي مارق عشان نلحقك ابوخليل

شدو ليك ركب فوق مهرك الجماح *** ضرغام الرجال الفارس الجحجاح
السم النقوع الفي البدن نتاح *** تمساح الدميره المابكتلوا سلاح
اعصار المفازه اللعيون كتاح *** المال ما بهم هوي ان كتر وان راح
ابواتك قبيل بحلوا للعوجات *** في الجود والكرم ايداك دوام بارزات
يا اب قلباحديد *** في الحاره ما بتنفات
بطنا جابتك والله ما بتندم *** يا اسد القبيلة الفي خلاك دمدم

ي جماعة نحن لي بتين نقعد نشاكل في بعضنا, نحن ما موحدين اصلا كيف نقدر نسقط حكومة عندها امن وسلاح ونحن. مفروض نتوحد اول حاجة من شرقنا لي غربنا لمة جنوبنا مع الشمال نبقي يد وحدة, وتاني نحن م عندنا علاقة بي ود نافع امشي ولا اجي ده تطرق لي مواضيع ما عندها معني ودي ما قضيتنا ولا هدفنا اصلا. وتاني حاجة نحن لمن نتكلم اكون بيناتنا كسودانيين يعني ذي عبد الواحد وامثالوا ما ادخلوا في قضيتنا ديل باعوا شرفم وزمتم زمان وطلعوا بره السودان عندهم جوازات بتاعت بلدان تانية بتحميهم عشان كدا لازم نحاسب لي خواطتناوما نشتغل بي كلام الخائن العايش بره السودان وبيتكلم عبر القنوات وهو ما عايش الالم مع الناس.