وفاة حاجة سودانية بالمدينة المنورة

اللهم ارحم الحجه نعمه واغفر لها وادخلها الجنه واحفظ ربي حجاج بيتك وتقبل حجهم واغفر ذنبهم واعدهم الي اهليهم سالمين غانمين امين يا رب

ربنا يرحمها ويغفر لها

…اقتباس..
اعلن ذلك عابدين درمة منسق شؤون الموتى ببعثة الحج السودانية مشيرا الى أن الوفاة طبيعية جراء توقف القلب والتنفس.

..درمة دة بقي طبيب!!!؟؟؟وكيف يعلن الخبر هو!!؟؟سبحان الله..

إنا لله و إنا إليه راجعون.
اللهم أرحمها رحمة واسعة يا رحمن يا رحيم و صبر آلها و ذويها الصبر الجميل.
مشيرا الى أن الوفاة طبيعية جراء توقف القلب والتنفس. طيب ما أي زول بيموت بيتوقف القلب و التنفس !!!

خلاس درمة أدوهو وظيفة رسمية : منسق شئون الموتى. طبعا عملوا ليهو راتب بمبلغ وقدره. ياجماعة الحجاج ديل ما من زمان بموتو في الأراضي المقدسة وأخوانهم المسلمين بستروهم ، الجديد شنو .

أنا أقول ليكم الجديد شنو : فساد ناس الانقاذ وصل حتى الاراضي المقدسة .فساد في فساد وعفن في عفن.

اللهم اغفر لها وارحمها وبارك فى ذريتها…وهنيئا لها بحسن الخاتمة

7إنا لله و إنا إليه راجعون.
اللهم أرحمها رحمة واسعة

انا لله وانا اليه راجعون

اللهم ارحمها واغفر لها واسكنها الجنة وانا لله وانا اليه لراجعون..

يا اخوانا عليكم الله بقت على درمه والله درمه دا راجل طيب و يستاهل كل خير واهي جاتو فرصه وبياكل منها حلال الدور الباقي علي الباقين الطلعو زيت الشعب السوداني

لها الرحمة والمغفرة من عند ربها، ولذويها الصبر والسلوان. إنا لله وإنا إليه راجعون.

عابدين درمة منسق شؤون الموتى ببعثة الحج السودانية !!!!
الإنتهازي الشوم دة كمان وصل البقيع ؟؟؟؟؟؟؟؟؟
مبروك عليك الوظيفة

اقتباس واعلن عابدين درمة منسق شؤون الموتي ببعثة الحج السودانية ) والله يا كيزان الغفلة حيرتونا معاك حتي الموت عملتو لي تنسيق اها يادرمة عزرائيل رقمو كم ومكتبو وين ياعالم ماتختشو

مشكلتنا في السودان عندنا صحافة عبيطة وغبية لا نعرف معنى الخصوصية باختصار صحافة فاشلة مهنياً ،، لماذا يكتب اسم المتوفي ،،، يجب الإشارة فقط إلى أن هنالك وفاة لشخص ما دون ذكر اسمه ، لأن ذكر الإسم قد يسبب مشاكل كثيرة ، خصوصاً عندم يكون أهل المتوفى لم يتم اعلانهم بالخبر ، كذلك نجد عند وجود حادث مروري تقريراً شامل أسماء و صور الموتى و عناوينهم و موديل السيارات في الحادث و أرقامها ،،
نحن شعب بسيط في كل شيء ،، بعيدين عن المهنية ، لا نعرف الخصوصية

حسن خاتمة …الله يرحمها ……. هو دا دكتور عمومى ام اخصائى ام استشارى يا جماعة افتونا ……

اللهم ارحمها واجعل مسكنها الفردوس الاعلي من الجنه

انا بتزكر قبل كم سنه في العيد قناة الارزقيه المسماه بالنيل الازرق ديك البتستضيف اي جاهل استضافة هذا الارزقي درمه واخوه الحكم داك وسألتو المذيعه عن اطرف موقف قال وانا عريس يوم دخلتي دق الباب جوني جماعه من ناس الحكومه قالو لي حبوبة الوزير فلان اتوفت وقاليك لازم تجي تدفنا قال تحت الحاحهم مشيت معاهم بعد مادفنت جاني واحد من ناس الامن قال لي الريس عاوزك قال غسلت يديني وجيت سلمت عليه في المقابر قال الريس ماسك يدي قال لي يادرمه انا عاوز اقابلك ياخ اقابلك وين قال قلت لي ياريس الاتجيني هنا المقابر ..
اسف للاطاله لكن القصه اعلاه بتوريك مدي جهل وتخلف هذا الصعلوك المسمي برئيس جمهورية السودان الذي يبحث عن الشهره مره جمال فرفور ومره درمه ومره ميسي غير قرمصيص الحبش واكيد السيد درمه استفاد من هذا الجاهل ووضع نفسو بمهنة حانوتي بدرجة سفير+ جواز دبلوماسي واعفاءت وراتب بالعمله الصعبه في بلد يموت الناس فيه جوعا ولا تجد مايستر عوراتها .. اللهم لاحسد

اخوتى الاعزاء رحم الله رجل عرف قدر نفسه اخونا عابدين راجل بسيط ولقد جلست معه كثيرا المفهوم الذى يدور فى ازهانكم عكس ذلك رجل اتعود على هذه المهنه ونتمنى له التوفيق فلا داعى للااساءه نشكره على ذلك سو باجر اوغير ذلك