قصيدة ضد ترشيح البشير

يلا يا جماعة هيا ننازلا
يلا يا شبابنا نضالنا نواصلا
بلادنا تنادي هيا نحصلا
الشجرة الخبيثة نخلخلا
نقلعا من جذورا وننتلا
حكمة اصيلة وحكاية مفصلا
جل الباري ختاها مؤصلة
الثابته ما بتصبح براها محولا
الا تمد ايدك تنتلا
ايد في ايد تتشابك مسلسله
كفاية مهازل وكفاية بهدلا
كفانا شكاوي نقة وولوله
البشير السم الهاري أس البلا
بلادنا واعدة البشير فشلا
بلادنا واحدة البشير فصلا
حالفين يمين تاني ما ينزلا
البشير مرفعين الخلا
جيوش الفساد راعيها واولا
بي هموم الناس ماليهو صلة
كفاية الارواح الكتلا
والارواح الشردا وبهدلا
وخيرات بلادنا الماكلا
ياشعبنا الجبار نيران غضبك اشعلا
هياك انهض ماتبقى بركانا خاملا
يا شبابنا والله عيب نعاين نتواكلا
يا نقوم يانخلي للنسوان المرجلا

القاسم هجانا
[email][email protected][/email]