يا حنفي يا حبيب
أنا ما قادر ارثيك يا كمال .. ولا قادر أتصور الرأي العام بدون (إلا قليلا) .. وما قادر اتصور إنك ما ح تجي حفل التدشين بتاع كتابي الجديد عشان تجلس فى المنصة وتمسك المايك وتقول بي صوتك الذي يجذب الحضور كلامك البتقولو دايمن عني في حفلات تدشين كتبي التي أحرص غاية الحرص أن تكون أحد المتحدثين فيها K تقعد بأناقتك ديك وقميصك المخطط الأنيق وتقول (كتابات الفاتح جبرا لازم الزول يعمل يها قراءة تانية عشان الزول يكتشف ما بين السطور ) … حليل السطور يا كمال وحليلك .. تعرف الحصل كالتالي .. إتصلتا على أخونا المشترك عادل الباز وهو طبعن زي ما عارف بقي رئيس تحريري بعد ما تركت الرأي العام وخليتك (جناح شمال) بدون جناح يمين .. عادل الباز ما رد عليا .. تاني يوم إتصلتا في عادل قام رد .. (وعادل زي ما إنتا عارف) طوااااالي في إجتماعات .. المهم لمن رد عليا قلتا ليهو (يا خ بعد ما تطلع من إجتماعاتك الما بتخلص دي مش حقو كان ترجع ليا؟) .. قام عادل قال ليا : أنا ما كنتا في إجتماع .. ثم صمت قليلا وقال لي : كنت في تشييع كمال حنفي .. إنتا عارف يا كمال الحصل ليا شنو؟ قربتا أجي معاك بي غادي .. أصلو يا كمال خلاس (نحنا إنتهينا) .. الخبر ما قدرتا أصدقو .. في ناس كده لمن يقولوا ليكا ماتو ما بتقدر تصدق .. ما شرط إنو يكون المات ده أبوك ولا أمك ولا زول قريبك .. ممكن امك تصدق إنها ماتت لكن زول تاني (ذيك كده) ما تصدق .
أنا يا كمال حزين شديد وزي الزول الضربتو صاقعة .. عشان كده أنا آخر الناس الكتبو عنك وفقدوك بالجد .. والله يا كمال مما عادل الباز كلمني ولحدت هسه أنا ما قادر اصدق وأقول ليك حاجه .. والله يا كمال ما قدرتا أمشى (الفراش) لأنو الموضوع ده ما عاوز شئ (مادي) يقنعني بيهو .. أنا لم أري شخصاً متحدثاً مثلك ولا كاتباً عبقري الصياغة ً مثلك ولا شخصاً مهذباً مثلك .. ولا شخصا منصتاً مثلك ولا … ولا .. تخنقني العبرات يا كمال .. وتمتلئ المآقي بالدموع .. وفي القلب وجع شديد .. بالله يا كمال ما ح تجي تدشين كتابي الجديد ؟ ح يكون كرسيك قاعد .. يا حنفي يا حبيب .. ح تكون بيناتنا .. لحدت ما أكون معاك في القريب .. بإذن الله ..
كسرة :
يا للحزن والألم !
كسرة ثابتة (قديمة) :
أخبار ملف خط هيثرو العند النائب العام شنو(وووو وووو وووو وووو)+(و)
كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو(و)؟
ربنا يرحم الدكتور كمال حنفي ويغفر له ويجعل مثواه الجنة ويجبر كسر قلوبكم علي فراقه
لكن يا ود جبرا ان كسرتي بقت ثابتة زي خط هيثرو بتاعك حصل شنو في موضوع رسوم النفايات والمحكمة
اللهم أرحم كمال حنفي يذكرني بالمرحوم حسن ساتي وجوه مشرقة دائما تشرفنا في القنوات العالمية بحسن الكلام والثقة بالنفس أللهم ارحم كل موتى المسلمين
انا لله وانا اليه راجعون
يا دكتور الفاتح أحسن الله عزاءكم وربنا يتقبل كمال حنفي قبول حسن ويجعل مثواه الجنه إن شاء الله … ربنا يصبرك ويصبر أهله ولا نملك إلا الدعاء وقول الحمدلله.
إنا لله وإنا إليه راجعون …
رحمه الله رحمة واسعة وأسكنه فسيح جناته مع الصديقين والشهداء والأبرار والصالحين ..
أحسن الله عزائكم استاذ جبرا وجبر كسركم والهمكم الصبر وحسن العزاء ..
الله يرحمو ويرحم جميع موتى المسلمين …لكن عيب عليك ماتمشى الفراش
البركة فيكم يا الفاتح
اللهم ارحمه واغفر له
وادخله مع الصديقين والشهداء وحسن اولئك .. رفيقا…
لاحول ولا قوة الا بالله
لقد عصرت بالالم قلوبنا يا جبرة. لا حول ولا قوة إلا بالله.
انا لله وانا اليه راجعون .. الدوام لله الواحد الأحد الفردالصمد.ز ربنا يتقبله القبول الحسن ويكرم اسرته وكل من عرفه بالصبر
له الرحمة والمغفرة ونسال الله له واينا الجنة ولك الصحة والعافية يا استاذ وراحة البال
الفراق حارررررررررر…الله يصبرك يا أخوي
انا لله وانا اليه راجعون
رحم الله د كمال حنفى رحمة واسعه وادخله في رحمته وجنته انه سمبع كريم رحيم العزاء لاسرته الكريمه ولصحيفة الراى العام ولك اخى الفاتح ولجميع اصدقائه ومعارفه وقراء روائعه رحمه الله رحمة واسعه
حتى في حزنك نبيل يا أستاذ..
اللهم أرحم كمال حنفي وجميع موتانا، وأجمعنا بهم في مستقر رحمتك..!
أخى/ الفاتح جبرة أحسن الله عزاكم وعزاء الشعب السودانى فى شخص عرف بهذه الصفات الحميدة,وأنا لله وأنا أليه راجعون.الفقد أليم لأى أنسان عزيز والفراق صعب ولكن نقول أنها سنة الله فى خلقه وكلنا راحلون ونسأل الله حسن الخاتمة.
انا لله وانا اليه راجعون اللهم ارحمه واحسن اليه والعزاء لاهله . كان اسلوبه في الكتابة حديدا بلا نظير وكما قال عنه احد معجبيه ” اسلوب استريو” تستمتع يالابداع اولا ثم ترجع تفتش المعاني
رحم الله الدكتور الانسان كمال حنفي الرجل النظيف في كل شئ الذي لم تغره الدنيا وزملاؤه وبعض تلامذته من اصحاب المليارات ولكنه حافظ علي نظافته في زمن اللانظافه حتي توفاه الله فكان رجل عيقريا بحق
اللهم أرحمه وأغفر له
وأحسن الله عزاءك يا استاذ
لاحولا ولا قوة إلا بالله
الله يرحموا ويحسن اليه ويجعل مثواه الجنة
وإنا لله وانا اليه راجعون
يااستاذ البركة فيكم وربنا يتقبلوا. كلامك مؤثر بس بصراحة الواجب في وشك ولازم تمشي تعزي اولادوا كده بتكون بريتوا والناس بالناس ياالفاتح .
بقت على هيثرو بس
يا حليل السودان كلو
أحسن الله العزاء ونسأله الرحمة والمغفرة لجميع الاموات ربنا يحسن صبرك أخي جبرا
انا لله وانا اليه راجعون وسبحان الحى الذى لايموت اللهم ارحمه رحمه واسعه واجعل مثواه الجنه يارب والله العظيم اخى الفاتح كلامك بكانى كلام زول موجوع زييى انا ما بعرف المرحوم الا من خلال تحليله فى برنامج بعد الطبع فى قناة النيل الازرق والله اخى جبرا كنت احبه فى الله جدا واقول لزوجى انى احب تحليله للاخبار واحب عربيته الفصحى الجميله التى يتحدث بها واحب اكثر اناقته وطريقة لبسه للبدل بطريقه غير تقليديه والله صرخت يوم قريت خبروفاته واصبحت اردد انا لله وانا اليه راجعون والى الان كل ما ارى برنامج بعد الطبع اتخيل جلسته وهو يحاور المذيع حقيقة فجعت لرحيله مثلك كاننى اعرفه .اللهم جازه بالحسنات احسانا وبالسيئات عفوا وغفرانا . اللهم نقه من الذنوب والخطايا كما ينقى الثوب الابيض من الدنس .اللهم اسقه من حوض نبينا محمد صلى الله عليه وسلم شربه هنيئه مريئه لا يظما بعدها ابدا ولا نقول الا ما يرضى الله
( انا لله وانااليه راجعون )
اللهم اغفر له وارحمه واجعله من اصحاب اليمين والهم اله وزويه الصبر والسلوان
وانشاء الله رلنا يتقبله قبولا حسننا واحسن الله عزاؤكم يا جبرا
انا لله وانا اليه راجعون
والله يا استاذ اصدق رثاء قريتو في حياتي انا مابعرف المرحوم بس دموعي ملت عيوني بالزات الفقرة الاخيرة[ يا حنفي يا حبيب .. ح تكون بيناتنا .. لحدت ما أكون معاك في القريب .. بإذن الله ..]
ربنا يرحمو ويخليك لي وليداتك وللغلابة
الا رحم الله الفقيد د. كمال حنفي
أضحكتنا .. وأبكيتنا يا أستاذ الفاتح
لك حسن العزاء