حجز أوراق قضية سيدة متهمة بحيازة مائتي قندول حشيش للقرار
الخرطوم : انعام محمد آدم
حددت محكمة جنايات الحاج يوسف، برئاسة القاضي عباس محمد خليفة جلسة اليوم بالنطق بالحكم في مواجهة سيدة ضبط بحوزتها عدد (200) رأس من الحشيش داخل منزلها بشرق النيل، وحسب التحريات أن معلومة وردت لشرطة مكافحة المخدرات تفيد بوجود سيدة بمنطقة شرق النيل، تعمل في تجارة الحشيش، وبعد المتابعة والرصد داهمت الشرطة منزل المتهمة وبالتفتيش تم العثور على الحشيش داخل شنطة بإحدى غرف المنزل، وتم إلقاء القبض على السيدة، ودون بلاغ في مواجهتها، وتمت محاكمتها تحت المادة (15أ) ترويج المخدرات من قانون المخدرات والمؤثرات العقلية.
التيار
ياخي ماممكن .. جننتوا النسوان في عيشتهن يا بتاعين الحكومة يا عواليق ..
يبيعن الكسرة تدفقوا ليهن كسرتهن ..يبيعن الشاي تدفقوا الشاي .. يبيعن بنقو تمسكوهن .. تودوهن الحراسة تغتصبوهن .. شنو القصة ..
أطلقوا صراح المرا دي بطلوا حركات فارغة منكم … وده تهديد عديل ..
ثم ثانياً .. مش انتو كلكم بتنفخوا بما فيكم بكري وسبدرات وحميدتي وأي زول .. طيب ليه تحرموا نفسكم وتحرموا الشعب المسكين من النفخ؟ .. أطلقوا صراحها بالله خلوا العفانات الما عندها داعي
بعدين القاضي بتاع المحكمة دي زول متوهم ساي صدقوني لأنو لو درس القانون صاح طوالي حيطلق صراحها ويرجع ليها بضاعتها .. وتاني حاجة لأنو البنقو ما ضار أصلاً .. حصل سمعت ليكم بي زول مسطول قاعد يضارب في الشارع ولا بنبذ في الناس؟ لو سكران ومسطول معليش لكن مسطول وما كاتح حاجة ما عندو أي تأثير على المجتمع وما ممكن المسطول يغلط في حق زول مهما اتوهم عليهو