جدد رئيس مجلس السيادة وقائد الجيش السوداني عبد الفتاح البرهان اليوم، تأكيده على أن “القوات المسلحة ستفي بوعدها بالنأي عن السياسة، وستعمل على حماية المرحلة الانتقالية”.
وجاءت تصريحات الفريق عبد الفتاح البرهان، خلال كلمة ألقاها أثناء اجتماع تنسيق أمني أفريقي في الخرطوم، حيث أوضح “إن الشعب السوداني يتطلع إلى توافق وطني تشارك فيه كل القوى السياسية وصولا إلى انتخابات حرة ونزيهة”.
وخلال تصريحاته شدد البرهان على “ثقته بأن تكون لجنة التنسيق الإقليمية مؤهلة لمواجهة الظواهر السلبية من التطرف والإرهاب وغيرهما”، موضحا أن “السودان درج على استضافة اللاجئين من مختلف دول الجوار، ومن الضروري تطوير آليات حل النزاعات”.
فيما أشار رئيس مجلس السيادة السوداني إلى إنه “تم فض الشراكة مع المكون المدني بعد سعيه للتدخل في الجيش”، مضيفا، “لا يوجد ما يسمى بالتسوية الثنائية ولن نسمح بتدخل السياسيين في الجيش”.
وخلال تصريحاته عبر البرهان عن تحذيره السياسيين في السودان، بقوله “كونوا بعيدا عن الجيش ومحاولات التحريض لن تنجح”، مؤكدا أن “أي مجموعة سياسية تحاول التدخل في الجيش هي عدو لنا”.
والجدير بالذكر أن سبق و أعلنت القوات المسلحة السودانية، أن البرهان “نفى ما يشاع عن إبرام أي تسوية ثنائية مع أي من المكونات السياسية”، مؤكدة أن “القوات المسلحة ستقف على مسافة واحدة من الجميع دون الانحياز لأي طرف وتدعم خطوات التحول الديمقراطي”.
منو المتربص بالجيش
كلام ما مفروض يقال من قائد للجيش
هل تخاف ان ينقلب عليك الجيش
عشآن كدا مكنت مرتزقة الجنجويد و غرب أفريقيا من التواجد في العاصمه
اكيد الكيزان عندهم جيش موازي لكل هذه الجيوش
حسبنا الله ونعم الوكيل
ابرهة السجمان ينذر ويحذر … وبكرر مجددا !!
خليك فى احذر احذر لحدي ما تلقي نفسك فى كوبر …… او مدفون فى خور فى المرخيات !!
لا أفهم الدعوة الى عدم تدخل السياسيين في الجيش. الجيش يحتكر السلطة السياسية. كيف لا يتدخل السياسيون عساكر ومدنيين في الجيش؟
ياتو تحريض يا جنابو !!!!!!!!!! بعدين نقمة عدم مشاركة الجيش العمل السياسي دي بقت زي نقمة نوكيا القديمة
((( الدعم السريع يشارك بديلاً للجيش في ملتقى دولي لجيوش العالم بإندونيسيا ))
(فيما أشار رئيس مجلس السيادة السوداني إلى إنه “تم فض الشراكة مع المكون المدني بعد سعيه للتدخل في الجيش”، مضيفا، “لا يوجد ما يسمى بالتسوية)
كذاااب
تم فض الشراكة بأوامر من سيدك السيسي،، لا يوجد جيش
جنرالات مترهلون من الفساد والتجارة في كل شيئ وجنود جهلاء يعانون من سوء التغذية
والسيسي بعد أن دمر اقتصاد بلاده واعادها الي عهد الخديوي اسماعيل، اتصل بغلامه البرهان لتنفيذ الأوامر
أعظم جيش في العالم، وهو الجيش الأمريكي، يخضع لسلطة المدنيين، اما البرهان يريد أن يكون الجيش كالجيش المصري يتاجر حتى في الفسيخ وسراويل النساء
البرهان واللجنه الامنيه = الجيش
او
الجيش =اللجنه الامنيه البرهان ورفاقه
مسدار الجيش
مانشيت الصحف نشرت كباسن شاكي قال الجيش تغازم وهان كرامة الكاكي
يا بلد السمر قوليلي ايه الجاكي تريدي البذلك وتكرهي البهواك
الجيش في الضعين ضاق المهازل عرقة اتهرشوا الجنود واندق قايد الفرقة
الفعل الحصل يا ديشنا كان بتدرقة في وجه الشعب الاحترام بتفرقة
السوس كان كتر عود المرق بنشق والجيش كان سلم من الوسخ بتنق
معليش يا عميد الجنجويد من حقه دام الجيش تسيس كل يوم تندق
في عهد الملايش وانعدام العيش خربانه البلد ما فيها هيبة جيش
تندق يا عميد برضك تقول معليش وخليه الشعب الدولة تحمي الجيش
صقر الجديان حزن خو وتباكي علينا وقال بالصريح النصرما لينا
ما دام الحكم كتل الرجال الزينة اتهانت عروضنا ولامست كرعينا
ديل اكلوا السمح والجيش اكل طعمية واتخطوا الرتب بي رتب وهمية
يا حليل البلد لما كان محمية بالكاكي المدرع وهيبته القومية
رغم الظلم عاس فوق الضماير وفذة لسع باقي في وجدانها عسكور عزة
لو ما الجيش تقلبن والمكان بتنز ما بتنهز كان كل الخلق ينهز
الجيش قومي كان لا عرب لا نوبة وهسع تخصخص في رتب ملعوبة
لو ما حكم القجر والدنيا جات مقلوبة ما بنزل يمين علم الشعارها قروبة
يا حليل الزمن العد روح جيلها زمن العساكر ما بعرفوا قبيلة
بلدا رجال فيها مخدر نيلها كيف تنزل لي شلة وتفك دا الحيلة
الجيش تهمل وسيسوا الطابور وجينج التعنصر في الحصل معزول
النضم الهرش في الدار صبح محظور وبقت الملايش وحدها العسكور
القال الحقيقة بيدخل الزنزانة وبتهرش المليشيا الدولة بي اركانها
راتبهم مضخم والجيوب مليانة والجيش بالفلس متقحبد الجبخانة
ما شفنا الاسد من النعام بتحاب وما اظن الضكر في يوم بيكون مشاط
هم والرئيس كل البيكون يوم في بلاط وقدام العساكر بكتلوا الضباط
سوي الناجدة يا جيش واتحد في لامة وقوميتك تفيض فينا وتغطي العامة
لاك الشعب وجع ومراير سامة والحاكم تجبر واتنفخ في هامة
كان هضلم ظلم بي عازة في اولادها ورحمها يوت بينجب في الجنود والقادة
ماتوا الرجال والجيش فقد اوتادها بس غيرهم بكون دام امهم ولادة
جمع الغبش شان سلطة ما هو فراسة وكل الفتن يا ديش بقت من ساسة
الايدهم بقت فوق الجراح نخاسة هم في القصور والميري بكتل ناسها
اغتصبوا البلد بالظلم تلاتة عقود وزادوا الكروش والشعب ناشف عود
كان هم الشعب فوق الكبك مفقود ينكال الرماد في خشمكم هبوت
ديل همهم سلطة وعرس نسوان وشبع البلد في حكمهم توهان
هم والاباليس في الاصل اخوان وانكسرت عشانهم هيبة السودان،،،
.
ملحوظة:-
للاسف مافي جيش…الجيش أنتهي بنزول عبد الرحمن سوار الذهب.
كضاب كضاب كضاب
ما اكذب منك الا الكباشي والتشادي الارعن حميتي
برهان كذاب وحميتي تشادي أجنبي
يعمل البرهان جاهداً على خلق جفوة .. بل عداوة عميقة بين الجيش وكل القوى السياسية .. موحياً للضباط -الذين لا يطلق تصريحاته العنترية إلا وهو في وسطهم- بأن أن الجيش فوق كل السلطات فهو لا يخضع لأي سلطة في الدولة .. وذلك يكشف عن أن حديثه عن إنسحابه من أمر السياسة لا يعني خضوعه كعسكري لرئاسة الدولة المدنية .
هل القاده في الجيش يصدقون البرهان؟؟؟
واكيد هم يتحملون المسؤلية فيما يجري
لكل الجرائم التي كانت منذ سقوط الانقاذ
يا جماعة الزول ده كرهنا جيش جيش جيش ، هو وينو الجيش يا حليلو .. قوم لف بس دي فزاعة ساي داير تاكل بيها راسنا ، ارجا الراجيك بس وأركز .. بلا جيش بلا كلام فاضي معاك .. جيشنا الأصلي موجود ورجاله قاعدين .. إنت فارقنا بس بلا زحمة معاك .. قال جيش قال
ياخي دا حافظ ليو اربعه جمل كرهنا بيها
البرهان كضاب و كضاب و كضاب… لكن كضبك مكشوووووووووووووووووووووووف
الراجل ده عبيط .. صح ؟ يتكلم عن الجيش كأنها دولة هو رئيسها