بقينا ملطشة
منذ أن بدأ العبدلله الكتابة الصحفية قبل حوالى عشرين عاما فهو يميل إلى عدم تناول الأحداث التي يكتب عنها الزملاء الكتاب ويتناولها العديد من المواطنين على المنتديات والمواقع الأسفيرية وذلك من منطلق أن الموضوع ( بيكون أخد حقو في الكتابة) .. غير أن ما نحن بصدده اليوم وعلى الرغم من تناول العديدين له وجدت نفسي غير قادر على السكوت عليه فهو يمس حياء المجتمع السوداني ويجرح كبريائه .
نعم عزيزي القارئ الأمر يخص ذلك الإعلان الكارثة الذي نشرته صحيفة (الإنتباهة) قبل ايام ذلك الإعلان الذي دفعت به إلى الصحيفة وزارة تنمية الموارد البشرية (إدارة إستخدام السودانيين بالخارج) وهذه الوزارة لعلم القارئ الكريم يرأسها ثلاثة وزراء (ما تخلوهم أربعة) والإعلان المذكور يبحث عن موظفات للعمل بدولة خليجية في مجالات المبيعات والفنادق والضيافة والاستقبال وحجز تذاكر الطيران والكول سنتر والمبيعات والتسويق (يعني أي حاجة وكده) !
طيب لنري المواصفات (لشغلانية الأى حاجة دي) ..الشرط الأول : العمر من 21 إلى 35 (عمر الزهور) أما الشرط التاني فهو (جمال الشكل على أن تكون اليشرة غير داكنه) … يعني حلا وبياض !
أما بقية الشروط (الحاشرنها ساي نظام توجد شروط) فهى مستوى متوسط للغة الأنجليزية وإجادة إستخدام الكمبيوتر والذكاء وسرعة الفهم (عشان تفهمها وهي طائرة) !
طيب عشان المتقدمة تتحصل على الوظيفة (الياتا ما معروفه من الوظائف الفوق دي) تعمل شنو.؟ تقول فقرة (المطلوب) في الإعلان :
– صورة جواز سفر ساري المفعول لمده عام
– صورة آخر مؤهل دراسي (ولم يتحدث الإعلان عن أي مؤهل دراسي) لأنو الشغلانية فيما يبدو ما عندها أي صلة بالدراسة كما سوف يتضح لاحقا عند التوقف في (المؤهلات التانية)
– المؤهلات التانية يا سادة يا أفاضل تقول عنها الفقرة :
– عدد 3 صور ملونة تبين الشكل من الرأس إلى القدم (مش لازم يتأكدوا من المؤهل) على أن تكون مختلفة (يعني ما من زاوية واحدة .. ودي للإطمئنان أكثر إحتمال تكون كاسرة ركبه في حتة أو حالجة صواميل)
– معلومات عن الطول والوزن والأمراض والعمليات الجراحية إن وجدت (يعني المؤهل الداخلي) يكون مافيهو أي تشويهات .. ضربة شومة طعنة سكين .. عملية زائده (لأنها ممكن تأثر في العمل) !
طيب (البت) المؤهلاتها (ظابطة) تعمل شنووووو؟ يقول الإعلان مجيباً على هذا التساؤل :
– تقدم الطلبات بمكتب أبوجمال للإستخدام الخارجي تلفون رقم كذا !! يوميا من 8 صباحا وحتى 5 مساء !! (وأبو جمال يقعد 9 ساعات في اليوم ينقي في المؤهلات) !
إنتهي الإعلان البائس المقرف الحقير .. والذي للأسف الشديد قامت بالتصديق على نشره أحدي وزارات (المشروع الحضاري) ! مما يجعلنا غير مندهشين إذا أقدمت الوزارة هذه بالدفع بإعلان عن وجود وظائف شاغرة غير محددة (للجنس اللطيف) في إحدى الدول الخليجية بمؤهلات أكاديمية هي (القراءة والكتابة) والتعامل مع (الويندوز) على أن تكون المتقدمة :
رقراقة الوجه بضة الجلد ملساء القدمين ردماء الكعبين .. ناعمة الساقين.. ضخماء الركبتين.. لفاء الفخذين .. ضخمة الذراعين .. هيفاء البطن .. ممشوقة الخصر.. رخصة الكفين.. ناهدة الثديين.. حمراء الخدين.. كحلاء العينين .. زجاء الحاجبين.. لمياء الشفتين.. بلجاء الجبين شماء العزبين .. شنباء الأسنان.. محلوكة الشعر.. عطرة الثغر .. غيراء العنق .. طفلة الملمس.. عطبولة العنق .. عيطموس !
كسرة :
والله العظيم بقينا ملطشة !!
كسرة ثابتة (قديمة) :
أخبار ملف خط هيثرو العند النائب العام شنو(وووو وووو وووو وووو)؟
كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو؟
الشريف بتاع خط هيثرو موش قاليك الكويتيين بحبونا … و تيييييب
الفاتح جبرا تاكد لنا كل يوم باهتمامك بالانسان السودان وكرامته اكثر من الحيكومة التى فقط تتفنن فى ازلال واهانة كرامة هذا الانسان فلك الشكر ووفقك الله الى الخير والصواب دوما…..
يا جبرا بالنسبة للمشروع الحضارى فاقول لك باننىاكتشفت الان اننا كنا فاهمين الحكومة غلط كم وعشرين سنةونحنا فاهمين الحيكومة غلط يا جدعان … اتاريهو دا هو المشروخ الحضارى(المشروخ) …. عشان كدة عمك بشة كان بيقول انا حصل غشيتكم انا حصل كضبت عليكم اتارى نحنا كنا ظالمين الراجل ساى …. غايتو الله يغفر لينا فى سوء ظننا فى الحيكومة دى …. وشكرا.
يا جبرة كلو مفهوم علا عيطبوس دي شن نفرا
يديك العافية وللابن ناجي كل ماذكرت من محفزات حاكم انت خلاص راحت عليك واحدة بالمواصفات دي بتقوم بيك
والله ياجماعة حيرتونا .ده كلو كوم وشرط العمليات الجراحية دي كوم تاني , دايرين البت من جوه تكون نضيفة مافيها اي اثار خدشه ضربة لانو صاحب العمل وزباينو بحتاجو المنطقه تكون ملساء ناعمه وطريه عشان يطرحو فيها مشروعهم الحضاري !!!
تبا لكم من انتهم!!!!
ما في زيك يا أستاذ يعني ما تكون عريضة المنكعين ولا شلولخ صحي بقينا ملطشة وسخرة كنت منتظرة يوم يبيعوا النسوان بالدستة والرجال بالكيلو لكين كنت بضحك ساكت أتاريه حقيقة وأظن باقي المواصفات – نسبة للسرية – تسلم في ظرف مغلق يد بيد في مكتب التوظيف
هو بعد دا كلوا معقول نحن عندنا رئيس جمهورية يااستاذ جبرة لامن نسال عن توجيهاتوا .
كلو عرفناهو زلكن عيطموس دى شنو ؟ عريانة ؟
مقال في الصميم رغم كثرة تناول الموضوع،، بس كلمة(حالجة صواميل)دي كتيرة شوية منك… مش؟!
…..معلومات عن الطول والوزن والأمراض والعمليات الجراحية إن وجدت (يعني المؤهل الداخلي) يكون مافيهو أي تشويهات .. ضربة شومة طعنة سكين .. عملية زائده (لأنها ممكن تأثر في العمل) !
ياجبره اضف الى عملية الزائدة وضربة السكين ..(الختان) لأنه عملية جراحية واغلب السودانيات مختونات وحسب شروط الاعلان ان تكون غير مختونة ..
الذ حاجه انو ما ضروري تعرف انجليزي رغم انها ستتعامل مع اجانب وتبيع تذاكر سفر….
المطلوب بس تقول يس ..نو نو نو نو ..اه. اوكي ثانك يو فيري فيري مطش…مسخره..اه يا وطن
هو يا استاذ نحن يا دوب بقينا ملطشة، لا نحن ملطشة مما بقى رئيسنا عمر البشير ، نحن بقينا مسخرة من 23 سنة ولا قيمة ولا وزن لنا… والحمد لله
احترنا والله – ما معنى عيطموس يا اخونا جبرا؟
“رقراقة الوجه بضة الجلد ملساء القدمين ردماء الكعبين .. ناعمة الساقين.. ضخماء الركبتين.. لفاء الفخذين .. ضخمة الذراعين .. هيفاء البطن .. ممشوقة الخصر.. رخصة الكفين.. ناهدة الثديين.. حمراء الخدين.. كحلاء العينين .. زجاء الحاجبين.. لمياء الشفتين.. بلجاء الجبين شماء العزبين .. شنباء الأسنان.. محلوكة الشعر.. عطرة الثغر .. غيراء العنق .. طفلة الملمس.. عطبولة العنق .. عيطموس !”
لكن ما لقيتك فطحل وخطيرررررر في (بنت عدنان)!!!
بس ممكن تشرح لينا معنى (عيطموس)
…ما تفوٍّر دمك ساى , الموضوع اخد حقو فى الكلام,بس باقى البيان بالعمل بسحل صاحب الصحيفة وصاحب المكيتب,اما الوزيرة اعتقد انها ما قادرة تفعد فى بنبر التكل بتاعها من الرجفان والخوف من الفٍعلة,وبعدين عيطموس دى لو كانت شقحاء..ياسلااام.. كان تكون اجمل..!
لعنة الله عليهم أجمعين ، والغريبة إنو في متقدمات للوظيفة الكارثة ؟ حاجة تطمم البطن ، أصلها طامة.
خلاس التمش…… ما (عيطوس)
العم جبرا لك التحية
الموضوع مش موضوع مشروع حضاري
الموضوع مشروع دعارة واذا مره هذا الامر سوف تقرأ في المرة القادمة اعلان دعارة علي عينك يا تاجر في بلد المشروع الحضاري؟ ربنا يكذب الشينة
الإعلان المذكور شاركت فيه وزارة تنمية الموارد البشرية ونشرته صحيفة القواد الأكبر الطيب مصطفى وغضت الطرف عنه بقية مؤسسات الدولة بما فيها مؤسسة الرئاسة التي يجلس على رأسها التنبل الأكبر البشير ، طيب لماذا لا تفكر الحكومة المفلسة وبعد أن قطت مواردها في إنشاء وزارة جديدة للدعارة واللواط تحت الإشراف المباشر لمؤسسة الرئاسة على أن توكل الوزارة لوزير نشط وخبير في هذا المجال الحيوي مثل نافع علي نافع أو قطبي المهدي أو مصطفى عثمان أو الخبير الوطني ربيع عبد العاطي وأن توفر الميزانية اللازمة لعمل الوزارة واختيار الكادر البشري من العاهرات والغلمان من الموالين للنظام خصوصا منتسبي المؤتمر الوطني
يا استاذ جبرة ما نحن قبل كدة مؤهلين و منضبطتين و فصلونا من سودانير بدون ما يشوفوا ملفاتنا و اللجنة حتى الان ما ورت الناس الاسس العملت بيها و قرار الغاء الوظيفة طلع من اعلى مستوى تكون يا ربى نفس الاسباب ما ختينا صورة من الشعر حتى الاقدام فى داخل الملف؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟75
وخالكم اصلو ماكضب قام بالتوجيه بنشر الاعلان المامعرفوف مدفوع فيه كم وتاني يوم قال بعتزر (( واعتزارك ما بفيدك)) وطالما هو الخال ابيض البشرة بتكون بنته واخته بيضاء فاليسجل ليهن على طول……………… حسبي الله ونعم الوكيل في مسئولينا
ياجبر ان بيجيبا ليك من الاخر … دولارات خط هيثرو الشريف ود بدر عمل بيها (( زلط سحر)) وهو الطريق الرابط بين العاصمة وقرية السريحه بالجزيرة … وعليه كل شاب من خارج السريحه عاوز يتزوج بنت من السريحه ما يدفع مهر ولايحزون … يعني ناس السريحة المهر يخصموه من قيمة زلط سحر .. والعاقبة عندكم في المسرات …
تمام: (والله العظيم بقينا ملطشه)
والله ما يتناقله أناس عرفو- بالانصاف والامانة- ؛عن دور هذي المكاتب، شيء يغضب كل غيور علي وطنه وشعبه، الأكثر ايلاما سفاراتنا تعلم كل شيء وتغض النظر… نودي وشنا وين يا الله… ألا أغثنا من ثمود
ينصر دينك يا جبره اديهم بالحته الفيها الحديده
لعنة الله عليهم
اذلونا وامتهنوا كرامتنا
(يعني المؤهل الداخلي) يكون مافيهو أي تشويهات .. ضربة شومة طعنة سكين .. عملية زائده (لأنها ممكن تأثر في العمل) !
حلوة الزوغة من ( سادة .. سنة .. فرعوني ) .. والله في الزوغان بقيت أخطر من الشريف أحمد عمر بدر
لكن ابو جمال باااااااااااااااالغ
اعــــــــــــــــــــــلان هآآآآآآآآآآآآآآآآآآآآآآآآم
اعلن عن فتح استديو لتصوير المتقدمات وبجودة فتوشوب عاليةوباسعار تنافسية
أبو نااااااهد ، بتصديق من الوزيرة اشرآآآآآآقة
بيني بينكم قاسماها معاي بالنص
.
.
مهيموش الهم المصنع
.
.
والله مهازل
ملطشة فعلا يا اخ الفاتح مفروض ترفع دعوى قضائية ضد الوزارة والصحيفة الناشرة للاعلان السخيف وتتابع من الشعب السوداني وتثبت لينا كسرة ثابتة
قضية الاعلان المفسد بتاع بيع حرائر السودان للخليجيين العند القضاء خبرو شنو !!!؟؟
يااستاذ الفاتح عايزين ترجمه لي شنباء ومحلوكه وعيطموس
يا جماعة الخير كل البنات في الاعلان دة تعالو شوفوهم هنا معانا. بعد ما المعلن (بكسر اللام) يشيل حقو و المعلن له(بفتح اللام) يشيل حقو برضو (يعني يشبع عديييل كدة)والبنات ديل يتجدعن تلقاهن فاتحات دكاكين الشاي و يجرجرن في السجائر و الشيش (دي غايتو الحاجة الظاهرة و الحاجة الما ظاهرة ما افتكر انو تكون بعيدة بالحركات البعملن فيهادي) والله والله و الحلف بالله ما خلي شي انا شفت حركات ندمتني غلي اني اكون سوداني و الغريبة انو تلقي السودانيين فاعدين و هاك يا هظار و حركات تفور الدم. طبعا حينط لي واحد يقول لي انت لو ما مشيت هناك العرفك شنووو؟ طيب يا خينا انا فعلا مشيت لكن فرد مره و ما زدتها و الما مصدقني يمشي الفري………
لله درك يا وطن
ما مشروع حضارى وكدا
سفارة ثم وزارة ثم وكالة ثم صحيفة القذارة ، تووف ، توووف ، تووووف ، توووووف ،..أصلو ما وقف فى أى حتة( شفت الواوات دى كيف ؟) ،.. ولا قشة واحدة من النوع البقصم ظهر البعير ما عترت ليه
المشروع الدعاري الاخواني
ثورة الدعاره الوطنيه
والخال الدعاري
والوزيره الداعره
وسيرر سير يادعير
السلام عليكم الاستاذ الفاضل…لا اجد نفسي مندهشا من هذا الاعلان مش الاعلان دا طلع في صيفة(الخال)ومن وزارة ود اختو..يعني الموضوع ما خطير..وبعدين البنات كترن فى البلد دي وزهجن من البلد دى زاتو…والله كان ما الضجة ددى كلها بتلقي الجكس النضيف (المنجلخ)كلو بهناك…لكن تناولكم للموضوع بالطريقه دي شويا كدا البنات شعروا بالخجل….ربنا يهدي السريره..
إقتراح وجيه مني و أكيد كله موافق أن تتقدم السيدة الوزيرة و زميلتا و معاهن تالتن كارمنو بالسفر للكويت كعينه وكدة للتذوق لأنو دي أول مرة يطلب الكوايتة لحم مدخن( باربكيو) .
يا أستاذ ما تخلينا في الفقرة الأخيرة ، أحلى و أبلغ .
عفواً تم سحب بند العمليات الجراحية لان الشغل بالليل وفى الظلام يعنى مافى حاجة حتظهر .
(وذلك لتشجيع المتقدمات), شكراً
واحدة زميلتنا مشت هي وزوجها مكتب استخدام قابلو سعودي بيعمل في اجراءات استخدام وقال للموظف انا ابغي شغالة سودانية, قال ليهو ماعندنا اصر قال لازم يجيبو ليهو شغالة سودانية لانو السواق بتاعو سوداني.NO COMMENT
حسبنا الله ونعم الوكيل
عيطومس دي يعني جسمها يكون بتاع أكروبات كدي يعني لزوم ماتخرب الملاية
المؤلم حقا أننا برضاء تام و غباء مركب نسوق لهذا العهر، و كمان على أعلى المستويات
( وزارة تنمية الموارد البشرية ) يكونوا فهموا أن الإعلان يترجم أهداف وزارتهم اللي هي اصلا ليس لها أي عمل تقوم به. يا للعار و يا للخيبة!!!!!و الله الواحد كلما يقرأ الموضوع ده يصاب بلفة راس، من المسؤول عن هذه الغفلة و البلادة و الدياثة؟
فى كشف طبى فى مكتب ابو جمال لموضوع العمليات دا ،،يعنى البنت تتفتش فى الاول جوه وبره ولو اموره ظابطه وختم شركه يتم القبول ولو ختم مزور مع السلامه ،،،طيب يا اخوانا فى محرم مع البنات المسافرات ديل ولا ابو جمال يكشهن ويقوم والضمان شنو انو ابو جمال ما ابو جمال دا بس بفتش فى الجمال
والله يا اخوانا انا اتحدى لو ابو جمال دا ما شغال شغله تانيه
والله ملطشه اخر الزمن الكوايته يهينوننا للدرجه دى وفى بلدنا
لو فيكم واحد راجل يمشى الكويت ويعمل اعلان زى دا او فى السعوديه والله الا يقصوا رقبة ابو جمال دا وفى ميدان عام
ياجبرا أنا مستغرب!!إنتو ليه مصريين على إحباطنا بهذا الشكل؟!!.. وفيها آيه لما ناس المشروع الحضارى (يصدروا شوية لحوم بيضاء لخارج البلاد؟!!).. ما نحن كمان طول عمرنا كنا بنستورد من الحدود الشرقيه (لحوم أشبه بلحمة التونه القطعه الواحده ذو اللون الابنوسى!!) وما فى زول إعترض ونظامنا التبشيرى راى أن يدور الشغلانه وقرر تصدير (لحوم بيضاء غالية الثمن وإستيراد المزيد من اللحوم الابنوسية اللون على طريقة الراحل ابو حريره فى عملية تصدير الزيوت النباتيه الفاخره وإستيراد زيوت أقل قيمه!!) حتى يوفر لخزينة الدوله عملات حره جدا جدا جدا!! والحاجه التانيه والاهم ياجبرا المفروض ان العمر المطلوب هو فى حدود 25/30 سنه وأعتقد دى فتره كافيه إتحصنت فيها البنت السودانيه بفضل (المشروع الحضارى!!) والنظام والحمد لله قام بالواجب وأكتر ومجهوده فى هذا المضمار بالذات لا ينكره إلا إنسان جاحد وناكر (لمجهودات اصحاب الجلاليب والملافح ومركوب جلد النمر الاصلى الممنوعه حسب الاتفاقيات الدوليه التى تنص على معاقبة لابسه!!) ولا تنسى الاصبع السبابه المرفوع للسماء طوال الوقت والذى لاشك أثمر بعد كل هذا الوقت !!.
جبره كيف حالك يا استاز عندي ليك موضوع مسخن بس يا ريت يا جبره توعدني انك ما تسيبو امر مالكرام الموضوع يا سيدي عندنا صاحبنا قدم للدراسات العليا في جامعة الخرطوم طلبو منو 100 جنيه قال ايه رسوم لدعم الجامعه بدون ايصال قال في واحده اسمها تهاني ادتو ورقه مكتوب فيها 100 جنيه وختمتا قال ليها انا داير ايصال رسمي قالت ليهو ده ايصال رسمي ولو ما دفعتا جوه ما بسجلو ليك ولا بعتمدوك بالله شوف والله بقينا ملطشه اتاري التجنيب في كل مكان في السودان ما موضه رور وكده
في كل الدنيا في مثل هذه الحاله بل اقل منها بكثير الوزير يحترم نفسه حتي ولو كان غير محترم ويتقدم باستقالته ويفسح المجال للتحقيق معه الا في هذا البلد المغلوب علي امره الواحد يحلف بالطلاق وجنس جرسه والمصيبة تلقي الوزارة فيها بدل الواحد ثلاثة
هذة ياستاذ جبرة الشريعه الغير مدغمسة والتي وعدنا بها السيد الرئيس وخاله الذي يجري وراء المال باسم الدين لو انه رجل دين لما اذن بنشر هكذا اعلان والله ولكن حب المال
تحياتي واحترامي للاستاذنا جبرا .. على حد علمي كان في قانون يمنع سفر البنات بدون محرم راحت فين القانون دا .. ولا ذي ارنيك 15 يمكن تجاوزه عشان الناس البيحبونا .. والله حقيقة بيحبون بس بيحبون غير داكنة اللون .. الله يخرب بيتك يا … كما خربت البلد
يعني ياحبره الحكومة دي تعمل ليكم شنو!!تجيب ليكم من وين!!!
البترول مامكفي والجبايه مالحقه كفي!!!
والكهربة اسامة خاتيها سفي!!!
وابوجاز الدهب مامكفي!!!
والمتعافي باع كل شي وللزراعة والجزيرة كان مصفي!!!
وابوريالة اكل حته الرادار وما موفي!!!
وفلان وفلانه وبشة ماقادر يكفي!!!
بدل لحم البهايم الماموفي اخيرلحم حي يمكن يكفي !!!
ملطشة منذ عام 1989 . هى لله لا لدنيا قد عملنا فليعد للدين مجده جاهزين لحماية الدين المشروع الحضارى
كسرة
اخبار معاينات مكتب ابو جمال شنو
العُطْمُوس والعَيْطَمُوس: الجميلة، العَيْطَمُوس من النساء التامَّة الخلق وكذلك من الإِبل العَيْطَموس الناقة التامَّة الخلْق.
حكومة داعرة و ماشاعرة…الله لا طرح فيكم بركة…غلبكم التعملوا عايزين تصدروا النسوان؟؟!!
عفيت منك تب يا استاذ يا رائع أديهم اداهم بلا عليك الله ديل ناس مرغوا سمعتنا في التراب ..
نام وزير السياحه طويلاً وصح من النوم وصرح ولم يمضي علي تصريحات الوزير السلفي اليومينواكد فيها رفضه لسياحة البلاجات ورفضه لقدوم باخرة مصريه محمله بالسياح الذي يطلبون ممارسة الهشتك بشتك فكان الرد سريعاً من وزارة تنمية الموارد البشرية والعمل بالاعلان الكارثه فلماذا لايذهب الوزير السلفي والثلاث الوزراء المتهمين بالتصديق علي الاعلان الكارثه استقالة لانو الاقالة شكلها ما وارده
أخى / الفاتح جبرة قد نسمع غدا بأعلان جديد بتصدير الغلمان لدول الخليج وغيرها وليس هذا غريبا ولا بدعة عند أهل المشروع الحضارى.لا أظن ان تتم مساءلة ومحاسبة للوزارة و لالأبوجمال ولا للخال الرئاسى وليس هناك قيمة للأعتذار.أخى / الفاتح حكومة المشروع الحضارى قد رأت أن الشعب أصبح ذليلا حقيرا ولا بد من زيادة الجرعات لأهانته ولذلك كل ماكتب فى هذا الموضوع لن يمحى عاره ألا النزول للشارع وأزالتهم جميعا أو أن يزيلونا نحن كشعب مهان جميعا.
ما يحير فعلا استاذ الفاتح هو تمرير الوزيرة اشراقة( والوزيرين الآخرين ) طلب وكالة ابو جمال بهذه المواصفات المهينة !! اضافة لعدم بحث مسألة المحارم في حالة سفر بناتنا للخارج وهي التي اصرت من قبل عند استوزارها مصاحبة شقيقها مجدي لها كمحرم ( تشبهآ بسيدنا موسي وشقيقه هارون ) علي حد زعمها !!!
وهذه الوزارة لعلم القارئ الكريم يرأسها ثلاثة وزراء (ما تخلوهم أربعة)
يا أستاذ…هم فعلاً أربعة..إنت نسيت كرار التهامى؟ما هو بتاع جهاز شئون العاملين بالخارج
وأظن وكل الظن إثم [ان الفكرة من أولها بإيعاز منه ..لأن هذا الشخص له علاقات كثيرة مع بعض الأسر المشبوهة فى دول المهجر.والى يسأل مابتوه
تذكرت جارتنا الطاعنة فى السن وهى من غير الناطقين بالعربية.. ذات مرة جاءهم ضيوف وكانوا يتحدثون عن ان البشير سيفتتح مصنع (سيراميك) قريباً من منطقة سكنهم.. فقالت العجوز ساخرة:( كئ!!.. كمان سيراميت أملو ليهم مسنأ؟؟).. لا ادرى ماذا ستقول هذه العجوز اذا علمت باعلانات التوظيف ذات الشروط الغريبة.. ربما ظنت ان الدولة الرسالية عزمت على تصدير(سيراميك) للخليج!!..
صاحب الانتباهة بعد الفضيحتو بالبجلاجل — يقدر تاني يتكلم عن الشرفاء امثال عبد العزيز الحلو و مالك عقار و ياسر عرمان و مني و جبريل و عبد الواحد — امانة ماوقع التور الاهبل العنصري القواد — الخ .
عيطموس : هي صفة يطلقها البدو للبنت الجميلة..
وهذه الكلمة قيلت في احدى قصائد الشاعر ناصر الفراعنة ( ناقتي يا ناقتي )
وذلك في برنامج شاعر المليون. وإليك البيت التي جاءت فيه الكلمة:
ديرتي دار ابن ضاري وابن غثلم جريس
………………………ديرة اللي دوجوا في فيافي نجد جوس
ديرتي يابنت شيخ ٍ ومعدنها نفيس
………………………عيطموس ٍ دونها دثرتني عيطموس
جادل ٍ مطرق جسدها مع الغربي يميس
……………………………طينةٍ من تربة الخلد والدم محموس
و أظن ( على كلام احد دكاترة الجامعة ) :
أصلها ( عيط ) وهي الفتاة ذات العنق الطويل وهي إحدى صفات الجمال في المرأة ..
بعد ان جابت ليها دعارة من فوق والجماعة بدأوا يتلاومون ونحن نتفرج .. اقترح بان يلزم الكل بيته و يلبس طرحة سواء كان قطاع عام او خاص .. حتي يشوف الرئيس البشير صرفة لهذه الحكومة الخرقاء و برلمانها المايل ..
ياجبر ه ياخطييير (عطبولة العنق ..وعيطموس ) أييييييييييييييي ووه نسي )لكن العيطموس لم نجد
لها مرادفا في الرطانه ممكن واحد يتكرم يشرح لينا ؟؟؟
هيفاء مقبلة عجزاء مدبرة لا يشتكي منها قصر و لا طول
ان العيون التي في طرفها حور قتلنا ثم لم يحين قتلانا
و هكذا المواصفات اما العلم و التكنولوجيا و الهندسة يكفي المامها ببفتح الويندز و برنا مج
mircosoft offfice من 2003 لغاية 2013 و خلاص و الباقي معروف .. اعوذ بالله من غضب الله
في الدين اذا تساهل الرجل في اهل بيته و عدم غيرته عليهم فاعلم انه ليس لديه فلاح في دينا و لا في اخرة و لو ركبوا الفارهات و ان عاقبته الى بوار لان الله لا يحب الفساد
و الله يا ناس الحكومة سويتوا لينا وجع في القلب و زهجججججججججج كثيييييييييييييير بس و الله صابرين …. الله المستعان
مابقينا ملطشه ياجبره اتقي الله بقينا م…… قوادين عديل — كسرة ناس الامن كانو وين ماصادرو العدد
ياجبرا الاخ الذكر ليك( ساده ،، سنه ،، فرعونى ) الكارورى بتاع المشروع الدعارى بروج ( للساده ) فى الاعلان التلفزيونى عايزنك تشجعه
صاحب الإعلان وصاحب ألجريدة والوزير لازم يحلقو ليهم ,,,….
ياقلبي المكتول كمد …….من 23 سنه
بس الكلمةالاخيرة ما عرقت معناها ممكن تشرحا لينا يااستاذ جبرة
لكن جماعتك ديل ما فضل الا يقولوا الا ………………. فهمتني
الناس ديل المفروض ينجلدوا … مش دا اعلان ((فاضح)) ينجلدوا ويصوروهم بالفيديو وهم بينجلدو …. مش الرئيس قال (( الجلد مالو؟)) …. بالمناسبة مكاتب الاستقدام شغالة كده في البلد دي بيصدروا الاجنبيات بنفس الطريقة دي و شكلوا الحكومة دايرة تمسك المجال ده عشان الحكومة متعوودة دايييما تحتكر السوق وتنشف ريق الشعب الفضل… الى الله المشتكى
حسبي الله ونعم الوكيل
هناك عدد من الجهات التي انضحك عليها وهم على نياتهم واياديهم على جيوبهم ويمكن افتكروا خال فاطمة راح فيها. الموضوع دة لازم يضاف للكسرات الثابتة حتى يتم التحقيق فيه!!!!!
تحياتي واشكرك علي قلمك النظيف والله ماعندي خبرة في الكتابة رجائي رجائي أن تكتب عن مهزلة وصول خادمات سودانيات للعمل في السعودية في البيت وهذا والله امر مهين ومذل لنا فنرجو فتح هذا الموضوهع هو اسوا من هذا الاعلان
نحن بقينا ملطشة منذ 23 سنة واذا جاء الفقر من الباب ذهبت الاخلاق من الشباك وتصريحات الوزيرة بأن هنالك فساد في الوزارة وتلقت تعليمات من جهات عليا بالسكوت استاذنا الفاتح جبرة وفيت وكفيت في كسرة هيثرو والان سوف تحفظ القضية وتسجل ضد مجهول كما قضية الاقطان والمستشار مدحت وغيرها لان الشركاء قيادات كبرى 0
نأمل الكسرات القادمة تكون كبيرة مثل ال 69 مليار دخل البترول و36 مليار بيع اصول مشروع الجزيرة والكم مليار بتاعت الاقطان ولما سوف بكون في بيع المشاريع المطروحة حاليا للتخصيص مثل مصانع السكر لان الصقور والحيتان تخطط لللانقضاض عليها والتبرير مثل قال الشريف بدر نحن ما عندنا مشروع ناجح وسياستهم افشال المشاريع التى كانت ناجحة ليسهل إبتلاعها وكل تلك االمليارات لم ينال الشعب السوداني منها دولار واحد كل المشاريع الفاشلة بقروض وهبات واتحدى اي مسئول يثبت انها صرفت في صالح الشعب ومساهمة عارف ثمن طائرة واحدة بيع بهاالناقل الوطنى وهل كثيرة مبلغ 40 مليون من اموال البترول لكي نبيع سودانير التى صارت سوداطير او مليار مليارين لكي نطور مشروع الجزيرة بل اثقل كاهلةالشعب بالجبايات والضرائب والرسوم وكل السرقات هذه هنالك ناس لديهم مستندات بس انت اكسر ونحن من خلفك وسوف نصبر ثاني عامين
لقد تعبنا وهرمنا والسؤال المحير العالم دي مابتشبع والشعب ماذا اصابه هل هو شعب اكتوبر والانتفاضة
ام انهكوه حتى لايقوى على الانتفاض 0
اتمنى من الله العلي القدير ان لا يوفق هولاء اللصوص من اكتشاف اي ثروات حتى تظل في باطن الارض كلي تستفيد منها الاجيال القادمة عسى ان تأتى اجيال اخرى لانه حرام يحكمنا نميري 16 سنة وعلى بابا والارعمائة حرامي 23 سنة والله المستعان وقلبي عليك ياوطني
نحن حفيدات مهيرة والنيل شاهد لمن حضن حبوباتنا الضفرن شعرن مع بعض فرار من دنس المستعمر ما بهمنا اعلان وليانا الدايرين اتجارو بعرضنا مستعدات والنيل جاهز لو غلبتكم عيشتنا وسترتنا يا احفاد شهدا كرري ولا نسيتو
وكسرة جديدة يا استاذ ،،،
اخبار فتيات الليل الحنصدرهم للخارج شنو ؟؟؟
ماشاء الله اكتفينا ذاتياً من الدعارة وقلة الادب وبقينا نصدر للخارج …
دا السودان ياهو دا السودان
العيطموس: المرأة الجميلة
عطمس (لسان العرب)
العُطْمُوس والعَيْطَمُوس: الجميلة، وقيل: هي الطويلة التَّارَة ذاتُ قوام وأَلواح، ويقال ذلك لها في تلك الحال إِذا كانت عاقراً. الجوهري: العَيْطَمُوس من النساء التامَّة الخلق وكذلك من الإِبل.
والعَيْطَمُوس من النُّوق أَيضاً: الفتِيَّةُ العظيمة الحسناء. الأَصمعي: العَيْطَموس الناقة التامَّة الخلْق. ابن الأَعرابي: العَيْطَمُوس الناقة الهَرِمة، والجمع العَطامِيس، وقد جاء في ضرورة الشعر عَطامِس؛ قال الراجز: يا رُبَّ بيضاء من العَطامِس، تضحك عن ذي أُشُرٍ عُضارِس وكان حقه أَن يقول عَطامِيس لأَنك لما حذفت الياء من الواحدة بقيت عَطَمُوس مثل كَرَدُوس، فلزم التعويض لأَن حرف اللين رابع كما لزم في التحقير، ولم تحذف الواو لأَنك لو حذفتها لاحتجت أَيضا إِلى أَن تحذف الياء في الجمع أَو التصغير، وإِنما تحذف من الزيادتين ما إِذا حذفتها استغنتيت عن حذف الأُخرى.
بالمواصفات الأخيرة دي أنا بقبلها عروس عديييييييييييييييييل. عقد وملك حر وليس إجار.
للجادات فقط ومن تأنس في نفسها الكفاءة.
في الآخر كلو اغتراب وسفر. بس سفر من سفر يفرق.
وتفضل المغتربة ابتداء على أن ثبت ذلك من خلال اختبار اللهجة.
يا الفاتح عليك الله انا بكتب هنا لكن لازم ترد لى اولا من المواصفات المطلوبة ان تكون المتقدمة ماعملت عملية واافتكر المطلوب عملية ختان فرعونى وتلتيق وشلوخ وخلافه
طيب الدولة المحتاجة دى مامشت مصر او لبنان او تونس او المغرب او الهند والباكستان وتايلاند والفلبين كان وجدت تلك المواصفات بسهولة وهى ماعارفة السودانيين جعليين وشايقية ودناقلة صعبيين جدا فى مسالة العروض بعديين سودانيات يالمواصفات دى كان خطبوهم زمان وعرسوهم قبل ال35 سنة
ياجماعة الحالة بقت صعبة والوضع كارثي لان هنالك حوالي اكثر من 6الف مدمن ومدمنة مخدرات في الجامعات السودانية التى فتحت ابواب للفساد وواقعة الاخواني والذي ظبط في نهار رمضان ومعة 4 طالبات والطالبة تحضر من الاقاليم واهلها ليس لديهم اي مورد للدراسة بالعاصمة والصندوق القومي بصرف لها 50جنيه ودخله بالمليارات .
يجب ان نواجه الحقيقة اذا كان المعاش الذي يصرف للمواطن السوداني لايكفي ثمن دواء ووجية البوش اصبحت للقادرين فقط و الضاني اصبح مثل حليب الام والفقر والفساد منتشر في بلادنا والذين يحكمونا بأسم الدين هم ناشري الفساد والشعب المصري الان يقاوم الاخوان وكل واحد يقول مش عاوزين تجربة الاخوة السودانين واذا استمر الوضع هكذا سوف لن تكون هنالك اخلاق او شعب او وطن واصحى يا بريش
والله ياجماعة الخير لو ما الاعلان ده اخذ طابع النقد و الذي منو ده كان لقيتو الجكس الابيض بتاعنا ده يتدافرن في بوابة وكالة ايو جمال زي الترتيب ما الحالة بقت صعبة وكده
سبحان الله وزيرة جات بمحرمها ، وصارت قوادة من الوزارة شوفتو المهزلة كيف كدة ول بلاش ولسع ياما ح تشوفو مهازل ، ما بقينا فى زمن المهازل خلاص اشراقة قالت . ما ليك نصيب من اسمك والمفروض تنتحرى مش تستقيلى ، حسبنا الله ونعم الوكيل فيك وفة امثالك .
ياجبرة لو غى منك 1000 كان البلد اتصلحت يا ستار العيوب استر عيوبنا ولاحوله ولاقوة الا بالله أبوهيام
الشعب السوداني اصبح جعان وجبان . انا بعرف واحد ماقادر يوفر اللقمة الحلال لاولاده بقول للمره انا ماشي مامورية ويخليهافي البيت هي وبناتها وهو عارف من اين تاتي بمصاريف الشهر فهل تنتظرون من امثال هولاء شي سوي بيع لحم بناته بسعر رخيسسسسسسسسسسسسسسسسسسسسسسسسس؟ تف تف ثم تف علي الشعب السوداني .
يا جبره طبعا انا تاجر أغنام بس ديرك تقارن بين الاعلان او العطاء لشراء الاغنام او الماعز و الاعلان حق الجماعة ديل فما هو و جهة الشبهة بين الاعلانين (علي فكرة ركزو كويس دا أعلان عطاء لتوريد أغنام او ماعز و داخل السودان ما في الكويت او هلم جرة), يلا تابعوا الشوروط التالية :-
1- ان يكون العمر من 1 الي 2 سنة.
2- ان تكون الماعز بصحة جيدة ونشطة لا تظهر عليها علامات الضعف او الهزال.
3- ان تكون ذات اذن طويلة ووجه طويل.
4- قوية الارجل.
5- ممتلئة الضراع.
6-واسعة البطن.
7-ان تكون ذات رقبة طويلة.
8-ان تكون حلمات الضرع مشدودة غير متدلية.
9- تفضل الاغنام ذات اللون البني او الابيض.
الاستاذ جبره .. تحياتي .. باخي سيبك من حكاية الاعلان ده .. حليل زمن المقنعات .. واللا اقول لك الله يسترن .. واصل في خط هيثرو ده اخير ليك .. وبالمناسبه ودبدر ده لقيتو انسان طيييييييييب خلاص .. حنني والله.. لدلاجة ماقادر يقدم دفاع عن نفسو .. المهم كل الذين شاهدوه قالوا الزول ده ماحريف .. يعني مازي المتعافي الذي قال عن نفسه قايلني كيشه اسجل الشركات كلها باسمي .. غايتو الزول ده ذنبو في رقبتك ههههههههه. تحياتي
http://www.youtube.com/watch?v=WHa63UMMAOQ
ده الصنف البينفع مع ابوجمال والكيزان مطابق تماما للمطلوب
عليك الله ياستاذ جبره, بس وصف لي
الصنف الخطيييييييييير ,,ده وعليك الامان ما بكلم زول
احيييييييييييييييييييييييييييييك,واحترمك,واقدرررررررررررررك.