رسالة مهمة من أبو الغيط لحمدوك

يدوب التهنئه يا عرب بعيد الاستقلال السوداني اللي مر عليه اكثر من أسبوعين و قربت لشهر . ما لكوم يا ناس كنتو نايمين وين ؟ اللي صحاكم شنو بعد طول السبات ؟ و لا كنتو دايرين تعرفوا خط سير حمدوك كان ماشي لوين !
علي كل حال بان تأتي متاخرا خير من ان لا تأتي !
شكرا لتهنئه الجامعه بعيد الاستقلال مع انو كثوار عيد استقلالنا الحقيقي ذكري ثوره ديسمبر المجيدة! بس ما شفنا ليكم فيها تهنئه ان شاء الله المانع خير ، برضو لو كانت برضو متأخره برضو بنقبلها ، بس رسلوا التهنئه !

كتر خيرهم وبارك الله فيهم الله يكفينا شرهم . بوق السيسي ده وقرقاش اتصلوا بيكم عشان يورطونا في حلف الدول المشاطييه للبحر الأحمر القايداهو السعودية عشان يتحكموا في ميناء بورتسودان ظاهريًا لمواني دبي وباطنيا للكيان الصيهوني .
رسالة واضحة للمجلس السيادي بشقة العسكري وخاصة حميدتي والبرهان ولمجلس الوزراء حمدوك شخصيًا اوووووعكمممم تدخلونا في التزام أو اتفاق أو حتي وعود نحن الشعب السوداني مع هؤلاء الخونة الأوباش . ولازم تفهموا أنكم لازم توضحوا لينا ما يجري خلف الكواليس ما تعملوا لينا رايحين وتورطونا بحجج واهية ووعود كاذبة منهم .
بطلوا غشامة انحنا مفتحيين وشايفنكم .
ليه ما رديتو علي السيسي في زكروا كل مره انو السودان وليبيا خط احمر في امن مصر ؟ وين سيادتنا يا سادة؟