هوان

طيب وين وعود البشير للنساء بأن الولادة حتكون بالمجان. من المفترض أن يشمل هذا القرار حتى المستشفيات الخاصة.

كسرة:

دا إذا كان تم إصدار القرار وتطبيقه.

سلام للبلد الماعندو وجيع

سلام كمان لي ناس كافوري ولي مربع 9 سلام مخصوص

كسرة …… ومن يهن يسهل الهوان عليه

دا اذا لقيتو مصحه من اصلو في بلد السجم دي
,,,,,,,,,,, تحياتي,,,,,,,,,,,,,,

تعرف ياجبره انا عندى قريبى ربنا لكرمو واتزوج واحده من بنات الجماعه اياهم مشيت ليهم زياره لقيتها قالو مشت تلد فى القاهره مخصوص قامت للولاده فعلا بعد اسبوع جات والسمايه كانت عشاء حفله فى واحد من الانديه والغرييه كانت انشاد دينى محفوف بكثير من المسؤولين وهاك يا هدايا باسم المولود الكلام ده فى الخرتوم دى ما فى حته بعيده وحكمه الله العشاء يعرس للحله كامله ابدا ما عشاء سمايه اما الناس خليها ساى جنس قشرات وعروض ازياء وفترينات متحركه من الدهب عيار 24 انا كان واصلت معاك بفحمك الغريبه انا مشيت السمايه وحسيت بانى من كوكب اخر جانى احساس غريب انتهى ببكاء حار شديد ما عارفه ليه لكن يادوب لقيت تفسير بعد مقالك ده

مجموعة من الجزم تحكم السودان ولسع الغريق قدام .. شوف ياجبرا انا خمسينى وعلى الطلاق
بالتلاتة القى لى جهة تتبنانى عشان افجر ليك القصر ده بالفيهو اوافق الليلة قبل بكره
عشان الاجيال القادمة تعيش عيشة طيبة … البشير لا يعرف العيب والبشير ارمى الاشارة
يمين وادخل شمال …

دا ضلام بتلدا فيه بت رجال ؟؟؟
يقال انه كان في واحد زوجته في حالة وضوع – وطلبوا منه يجيب الداية – خرج الراجل والدنيا ضلام شديد والمطر يرعد – وصاحبنا خايف قلبه مقطوع – يلف ويدور في البيوت القريبة – ويسأل يا اخوانا ما عنكم داية – ويلف ويجي في نفس البيت – يا اخوانا ما عندكم داية – ناس البيت قالوا ليه يا اخي قبل شوية سألتنا وقلنا ليك ما عندنا – وصاحبنا يسب ويسخط ( عليكم الله دا ضلام بتلدا فيه بت رجال ) – هذا يقودني الى امر يتعلق بمدرسة كوستي للقابلات – جاء مقترح من مجلس ادارة جامعة الامام المهدي – كلية الطب – بأن تجفف مدرسة القابلات وتستقل مبانيها لكلية الطب وذلك لقربها من المستشفى – كان الدكتور / عزالدين عمر التاي – طيب الله ثراه – رئيس مجلس ادارة الجامعة – فطرح الأمر علينا في مجلس البلدية لوقوع المدرسة في اختصاصه – ودار بيني وبين الدكتور حوار عن المقترح – فقلت له مازحا – نحن لا مانع لدينا من تجفيف المدرسة – لكن بشرط ان تضمن لنا ولمدة خمس سنوات لا تحمل امرأة في محافظة كوستي – يعني ايقاف الانجاب – فضحك وقال هذا مستحيل طبعا – وتمسكنا بحقنا في المدرسة – من المصادفات ورابط لهذا الموضوع وفي زيارة للسيد / رئيس الجمهورية لريف جنوب النيل الأبيض – كانت مرافقتنا له وفي طريق العودة كنت مع المحافظ والمدير التنفيذي في سيارة واحدة – وطلبوا مني بصفتي ابن المنطقة ان نسلك بهم اقصر الطرق واسهلها – ولشئ في نفس يعقوب سلكت بهم طريق ( البحر ) لاعيد ذكرياتي هناك – وفي الطريق وامام قرية صغيرة لا تتعدى بيوتها السبعة او العشرة اصطف اهلها ببساطتهم ليحيوا وفد الرئيس – وكانو يهتفون ( عايزين داية – عايزين داية ) فالتفت للاخوة الذين معي وقلت لهم هؤلاء هم الذين تريدون ان تغلقوا دونهم مدرسة قابلات كوستي – فضحكوا وقالوا ( والله معاك حق ) – فهل يا ترى اهلنا هناك ما زالوا يطالبون بـ ( الدايه ) ام لهم مطالب اخرى ؟ واتمنى ان لا يكون تقرير المصير !!!

رائع كالعادة يا أستاذ .. قلتا ليا قالوا العربية السوداء بالنهار والعربية البيضاء بالليل ؟ طبعا علمياً في بلدنا الحارة دى مفروض يكون العكس بدل ما يشغلوا الفريون شديد ويحرقوا قروش الشعب الفضل ده .. لكن الظاهر مخهم بالمقلوب الله يقلبهم قرود يا رب

عزيزى جبره

لماذا لا يوجد استقبال ولاده بمستشفى البان جديد

بالحاج يوسف ده السؤال

لا حول ولا قوة الا بالله

الهم ارفع غضبك عنا

الهم نحن بسطاء مسالمين

من اين اتو علينا هؤلاء الاشرار

المرة دي حقو تكتب – تجربتها في الولادة في الشارع العام للاستفادة لانو في كتيرات سوف يتعرضن لهذه التجربة اولا وثانيا تكتب في وصيتها اعفاء ابنها من الخدمة الالزامية لانو مولود في اجواء غير طبيعية –
رئيس المجلس التشريعي – الذي يخاف من الله – عليه ان (يفتك من الميزانية المهببة ) ويوجه باصدار شهادة ميلاد خاصة لمواليد الشوارع بعد تزايد اعدادهم – بثلاث فئات (1) مجهول الابوين (2) مجهول الاب (3) غير مجهول (يعني له اب وام مثل المولود في الشارع العام المقابل لمستشفى البان جديد بمنطقة الحاج يوسف ببحري

كسرة
(لو أن بقرة عثرت في العراق لخشيت أن يحاسبني الله ) هذا كلام عمر بخاف الله أما (عمر ) بتاع (وداد) ما بخاف لا من اوكامبو ولا من الله يرقص مع (الجكس )في حفلة في الشارع على انغام ظبية المسالمة وتجرحني ليه ..وانا كلّي جراح … لابد يوم ألقاك وارتاح

غريب ما يحدث فى بلدي ، كيف لا يستقبل مستشفى البان جديد لتلك السيدة وهي فى حالة مخاض الوضوع بحجة أن قسم الولادة لا يعمل ومن المعروف طبيا أسهل شيء هو توليد النساء (الولادة الطبيعية) ويمكن لأي طبيب عام أن يقوم بها وحتى السستره والممرضة ذو الخبرة وبالتأكيد هذه الكوادر متوفرة بالمستشفى ولا يعقل عدم استقبالها ويجب محاسبة ادارة مستشفى البان جديد الحكومي ، أما المستوصف الخاص فله الخيار من الناحية الانسانية فهو قطاع خاص يعمل بالربح وعليه التزامات الترخيص الطبي والضرائب والجبايات الاخرى ، كل شيء أصبح بالمال فى السودان وكما قال الامام علي بن طالب (رأيت الناس قد مالوا لمن عنده مال ومن لا عنده مال فان الناس عنه قد مالوا) وكان على الروفيسور مأمون حميده أن يتقدم باستقالته لأن تشغيل مستشفى البان جديد فيه تعاقد بينه والحكومة منذ سنوات مضت بدلا من أن يجلس فى شاشة التلفزيون فى برنامجه صحة وعافية ويزرف دموع التماسيح كلما عرض حالة مريض …

انت ياجبرا ماتصحي مرتك تعمل ليك فنجان القهوة ده، النايمة ليها شنو؟
وانت ذاتك القهوة ليك شنو؟

حسي نافع ذنبو شنو؟؟؟

مسطول مافاهم حاجة

انا مع اقتراح عبدالرحيم ال 11 مليار دى تعمل 2 مشروع جزيرة لانو اساسا لو المشروع ما قام مرة واحدة بتلد مافى لانو الرجال هم الح يلدوا دة لو لسة ماولدوا . اسمع رايك شنز فى سلة غذاء العالم… بلد الكديسة والناس كلو بيلد فى الخلاء مساواة لمن مبالغة