الكان السبب
? المواطنة (س) موظفة سابقة بإحدي المصالح الحكومية ، توفى عنها زوجها وقد ترك لها بنتاً واحدة تخرجت حديثاً من إحدي الجامعات في إنتظار أن تجد عملاً ، فجأة تدهورت حالة (س) الصحية فذهبت إلى المستوصفات الخاصة بعد أن عجزت المستشفيات الحكومية من تشخيص المرض ، ذهبت إلى عدة مستوصفات ، قابلت العديد من الأطباء ، أجرت العديد من الفحوص ، لم يتفق الجميع حول تشخيص واحد لكن البعض قد شخص المرض بانه (ورم خبيث بالثدي) !
? أشارت لها إحدى صديقاتها أن تسافر إلى (القاهرة) لأن قريبتها قد حدث لها نفس الشيء وقد تعالجت تماماً عند أحد أطباء الأورام هنالك ، إقتنعت (س) بالفكرة ولكن كانت العقبة هي من أين تأتي بالمال ؟ تذاكر السفر ، السكن، الفحوصات ، أجرة الطبيب و (حق العملية) إن أشار لها الطبيب بذلك؟
? لم يكن لدى (س) غير معاشها الشهري وقطعة أرض تركها لها (المرحوم) تقع على تخوم الخرطوم ، أشارت لها إبنتها بأن تقوم ببيعها فهي الشيء الوحيد الذي يمكنه الإيفاء بمستلزمات وتكاليف الرحة ، بالفعل (قامت (س) ببيع القطعة بواسطة أحد السماسرة وقامت بتحويل قيمتها التي بالكاد تكفي لرحلتها العلاجية ، وما لبثت أن أكملت إجراءآت السفر لها ولمرافقتها (إبنتها) .
? إستأجرتا شقة في (وسط البلد) وفي اليوم الثاني وبعد أن إستراحتا من وعثاء السفر قررتا الذهاب إلى (عيادة الطبيب) حسب العنوان الذي بالكارت .. ما إن إقتربا من المجمع الطبي الذي يوجد به الدكتور حتى توجه نحوهما (زول سوداني) كامل الدسم يفيض وجهه بالبشاشة والترحاب .. عراقي وجلابية وعمة وسديري و(شنب) .. صافحهن مصافحة حارة :
? والله أنا مما شفتا التوب ده عرفتكن سودانيات وجايات للعلاج .. إن شاء الله مافي عوجة؟
? الحمدلله .. بس أمي دي عيانه وجايين نعالجا ..
? مافي مشكلة تب .. أنا موجود مشكلة تب مافي
? أصطحبهما (صاحبنا) إلى عيادة الدكتور الذي أشار عليهن بغمل بعض الفحوصات والصور التشخيصية .. أمام كاونتر دفع رسوم الصور فوجئتا بأن المبلغ (المصري) الذى كان معهن (ناقص 400 جنيه) فما كان من صاحبنا إلا أن يخرج محفظته من جيب الجلابية ويعطيهما المبلغ قائلاً :
? إنتو ما مجهزات عملة مصرية كفاية وللا شنو؟
? لا لسه ما صرفنا
? حقو إنتو تصرفو قروشكم كولها عشان تاني ما يحصل ليكم كده .. هسه أكيد الدكتور ح يكتب ليكم أدوية وعلاجات
? والله كلامك صاح يا ولدي .. اها القروش بصرفوها وين؟
? هنا قريب .. الشارع الأول ده خليهو الشارع التاني فيهو صرافة ممكن أصرف ليكم بسرعة وأجي قبل النتيجة أكيد الدكتور ح يكتب ليكم أدوية وحاجات
? (وهي تفتح الشنطة) : كلامك صاح يا ولدي .. كدي هاك (عد) ديل يا ولدي
? أخذ صاحبنا (الدولارات) على أمل أن يقوم بتحويلها ويعود ريثما تظهر الفحوصات .. لكنه لم يعد حتى بعد أن عادت (س) إلى أرض الوطن بعد أن وقف على سفرها بعض من أبناء هذا البلد العظيم !!!
? ما ينط لينا زول يقول الكلام ده ما بيحصل .. ده الحاصل من لسان المواطنة (س) شخصياً .. هو بلا دفن الرؤوس في الرمال الطلع (زيتنا) منو ؟ أقصد شنووووووو …
? عرفنا الشعوب لما تجوع ممكن (تنصب) و (تحتال) لكن هل يمكن لشخص أن يحتال على مريض بمرض خبيث بينه وبين فقدان الحياة ما يقدره الجليل الرحيم؟ أي نوع من السودانيين هؤلاء الذين يعيشون من النصب والإحتيال على أبناء جلدتهم .. أي رجل (سوداني) يمكن أن ينصب على إمراة سودانية في بلاد غربة (ومريضة كمان)؟
? أسئلة كثيرة حائرة لا ندري لها إجابات كلها تصب في خانة (ماذا أصاب الشخصية السودانية) ألم نكن من قبل مثالاً للفضيلة والأخلاق النبيلة .. لم نكن من قبل نسمع مثل هذه القصص العجيبة … ومن المؤكد إنو دي بس (عينة) وأن هنالك ما يندى له الجبين .. لا حول ولا قوة إلا بالله !!
? كسرة :
? الله يجازي الكان السبب !!
? ? كسرة ثابتة (قديمة) :أخبار ملف خط هيثرو العند النائب العام شنو؟ 56 واو – (يعني ليها سبعة سنوات وشهرين) ؟
? كسرة ثابتة (جديدة): أخبار تنفيذ توجيهات السيد الرئيس بخصوص ملف خط هيثرو شنو؟ 45 واو (يعني ليها ثلاث سنوات وتسعة شهور)
الجريدة
,انا حصل معاي كده.واحد من اهلي مثال للتدين والنزاهة عملت ليهو توكيل عشان يشتري لي قطعة ارض ويشرف علي بناءها
اها المهم اكل مني ما اكل واخر المتمة اكتشفلك انو عمليات البيع كلها باسمو رغم التوكيل العاملو ليو وكان على وشك يسجلها باسمو بس لطف الله هو ما منع ذلك.نصب نصب اينما ذهبت وتعاملت
والله فورت دمي ورفعت السكري والضغط بالقصه دي
مهلا جبرا اولا نحن لانعفى هذا اللص الحقير من افعاله المشينة ولكن اقولها بكل صدق اغلب السودانين يتعاملون بسذاجة حيرت الشعوب الاخرى حتى باتوا يطلقون علينا اشنع عبارات الهبل
السودانى فى نظرهم اهبل عبيط ساذج تعرف لماذا لاننا نتعامل مع الاخريين بكل حسن نية (والطريق الى الجحيم مفروش بالنيات الحسنة)
والله ياجبرا القصة هزتنى وخاصة المنصوب عليهم والدة مريضة وتخيلت انها والدتى لكن برجع اللوم للوالدة على هذا التصرف واقولها افترضوا دائما النية السيئة فى الاخريين تسلموا ولن تخسروا شى
يجب ان نغير من بعض عاداتنا حتى لانكون دائما نحن الضحيايا لامثال هؤلاء الذين ماتت ضمائرهم من زمان واصبحوا نصابيين ومتسعدون ان ياكلوا مال النبى بضمير مرتاح ماذا يفيد لومنا لامثال هؤلاء
اللـــــــــــــــــــــــــــــه.
دي مناسبة أقول لكم أنا سوداني.
في بداية اغترابي قال لي رجل فااااااااضل سوداني طبعا : مشكلة السودانيين الأمور المالية! لما تلقى شرطي عليه شيك مرتد . ومفروض هو يقبض على الآخرين؟!
عشان كدا فقدوا وظائفهم لصالح جنسيات أخرى.
ومن يومها هذه المعلومة عندي تزاد تأكيدا.
لي ديون بسيطة ( لكن تحل مشكلة وحق ) على سودانيين كثر.
الحل واحد من اثنين
1- تقطع علاقتك نهائيا مع المدين ومشاكل وتأخذ حقك وممكن ما تأخذ.
2- تنسى فلوسك مع حاجتك لها وتدبر أمرك من نافي وتنتظر سيادتو لما يتذكرك دا لو أصلا تذكرك. وواحدين بجي تاني يقول لك عندك معاي كدا وتديني دا ويبقو كدا وبحلهن ليك ( هنا مافي كدا ولا متين ) مفتووووح.
واحد قال لي ياخ داير فلوس وبرجعن ليك بعد كمييييين يوم كدا.ينفس هذا الجر.
أقل من خمس دقائق أودعت له المبلغ كنت قريبا من الصراف وقلبي موسوس .
غايتو الآن مرت السنة الأولى. طلبت منه مرة حق البنزين وكنت فعلا محتاجة قبل نهاية الشهر يوم أو يومين صدقوا ما قدر ووقع الحرج بيني وبينه.
ولسا منتظر .
واحدإشك كم سنة مرت ومافي إييي خبر.
وللأسف معه فلوس أكثر مما عندي هذه المصيبة.
الدين بقى الاسم الحركي للشحدة.
لم يصدق معي سوداني واحد في دين طوال فترة غربتي ( قريبامن عشرين سنة)
أما الإخوة العرب ما كذب علي واحد منهم طوال هذه الفترة في دين.
يستدين الزميل العربي أما الناس ويرد في الموعد أما الناس .
أما السوداني يستدين سرا ولا يرد أصلا.
وبرضو بنديِّن مهما حدث . الله يوسع علينا قولواآمين.
ما بقول لي زول ما تدين أبدا .
الناس جوعى اكلت دينها . الله يجازى الكان السبب.
الناس جوعى اكلت دينها . الله يجازى الكان السبب.
ده زول ملوص ساي الحمد لله ان جمعوا 86 نفر بتلقي فيهن 96% ناس كويسين واولاد ناس وال 4% انت عارفن والغريق قدام الكلام ليك يا المنطط عينيك … بعد ده قولت الروب ما بتحل امسكوا الخشب
جوة السودان راكبين عربات وبيخبتوا النسوان خبت
عديل بعد نهب مايحملونه من ممتلكات. غير ناس
المواتر. مافي امرأة تخجل من سوداني في الغربة
في احتراف بالخارج في الشغلانية في مصر من زمااااااان.ربنا يشفيها أن شاء ألله ويعوضها. والله يجازي
الكان السبب.
الجماعه ديل لما جو قالو سنعيد صياغة الانسان السودان ما دا الحصل مالك مستغرب
الموضوع خطير بالجد بالذات في مصر.. الظاهر السوادنيين إتعلموا من الناس هناك فنون النصب والإحتيال..
عموماً الواحد ما يضمن ليهو زول حتى داخل السودان خليك من الغربة!!..
عزبزى جبرا
اتمنى ان تكون بخير
حقيقة قصتك دى طممت لى بطنى واتخيل لى تانى طن ليمون و رقشة شطة ما تفتح نفس الواحد
و تجى تسمع واحد من انصار السنة يقول ليك الخروج على الحاكم فيهو مفسدة!!!!
خلينا من خط هيثرو و سيبك من شركة الاقطان و انسى بتاع ديوان الزكاة القبضوهو مع الفراشة
القصة بتاعتك دى مش اى مفسدة غيرها بتهون ان شاء الله يقتلونا واحد واحد نبقى زى سوريا و الا يحرقونا زى اليهود مش ارحم من القهر دا
حسبى الله و نعم الوكيل
انا شخصيا لم اشعر بصدمة وانا اقرأ هذه القصة لآنيي امضيت أكثر من ثلاثين عاما في الاغتراب و بمقارنة بسيطة لسمعتنا بالخارج بداية الاغتراب حتى الان فقد تقلص رصيد سمعتنا كثيرا جدا وذلك لاسباب عدة يطول شرحها .. نسأل الله الستر
كان الله في عون الاسرة المهمومة لكن يجب على الجميع اخذ الحذر من القريب قبل الغريب وخلونا من حكاية تخيل كيف يكون الحال لو ما كنت سوداني ، ما حا يحصل شي حا يكون عندك جنسية دولة تانية وبس ، او القصص الخيالية اننا اكرم من يمشي على قدم ان والشهامة والرجولة تنتهي مع حدودنا الجغرافية البرية .
الشعب السوداني مثله مثل شعوب الارض به الغث والسمين ونقطة وسطر جديد .
,انا حصل معاي كده.واحد من اهلي مثال للتدين والنزاهة عملت ليهو توكيل عشان يشتري لي قطعة ارض ويشرف علي بناءها
اها المهم اكل مني ما اكل واخر المتمة اكتشفلك انو عمليات البيع كلها باسمو رغم التوكيل العاملو ليو وكان على وشك يسجلها باسمو بس لطف الله هو ما منع ذلك.نصب نصب اينما ذهبت وتعاملت
والله فورت دمي ورفعت السكري والضغط بالقصه دي
مهلا جبرا اولا نحن لانعفى هذا اللص الحقير من افعاله المشينة ولكن اقولها بكل صدق اغلب السودانين يتعاملون بسذاجة حيرت الشعوب الاخرى حتى باتوا يطلقون علينا اشنع عبارات الهبل
السودانى فى نظرهم اهبل عبيط ساذج تعرف لماذا لاننا نتعامل مع الاخريين بكل حسن نية (والطريق الى الجحيم مفروش بالنيات الحسنة)
والله ياجبرا القصة هزتنى وخاصة المنصوب عليهم والدة مريضة وتخيلت انها والدتى لكن برجع اللوم للوالدة على هذا التصرف واقولها افترضوا دائما النية السيئة فى الاخريين تسلموا ولن تخسروا شى
يجب ان نغير من بعض عاداتنا حتى لانكون دائما نحن الضحيايا لامثال هؤلاء الذين ماتت ضمائرهم من زمان واصبحوا نصابيين ومتسعدون ان ياكلوا مال النبى بضمير مرتاح ماذا يفيد لومنا لامثال هؤلاء
اللـــــــــــــــــــــــــــــه.
دي مناسبة أقول لكم أنا سوداني.
في بداية اغترابي قال لي رجل فااااااااضل سوداني طبعا : مشكلة السودانيين الأمور المالية! لما تلقى شرطي عليه شيك مرتد . ومفروض هو يقبض على الآخرين؟!
عشان كدا فقدوا وظائفهم لصالح جنسيات أخرى.
ومن يومها هذه المعلومة عندي تزاد تأكيدا.
لي ديون بسيطة ( لكن تحل مشكلة وحق ) على سودانيين كثر.
الحل واحد من اثنين
1- تقطع علاقتك نهائيا مع المدين ومشاكل وتأخذ حقك وممكن ما تأخذ.
2- تنسى فلوسك مع حاجتك لها وتدبر أمرك من نافي وتنتظر سيادتو لما يتذكرك دا لو أصلا تذكرك. وواحدين بجي تاني يقول لك عندك معاي كدا وتديني دا ويبقو كدا وبحلهن ليك ( هنا مافي كدا ولا متين ) مفتووووح.
واحد قال لي ياخ داير فلوس وبرجعن ليك بعد كمييييين يوم كدا.ينفس هذا الجر.
أقل من خمس دقائق أودعت له المبلغ كنت قريبا من الصراف وقلبي موسوس .
غايتو الآن مرت السنة الأولى. طلبت منه مرة حق البنزين وكنت فعلا محتاجة قبل نهاية الشهر يوم أو يومين صدقوا ما قدر ووقع الحرج بيني وبينه.
ولسا منتظر .
واحدإشك كم سنة مرت ومافي إييي خبر.
وللأسف معه فلوس أكثر مما عندي هذه المصيبة.
الدين بقى الاسم الحركي للشحدة.
لم يصدق معي سوداني واحد في دين طوال فترة غربتي ( قريبامن عشرين سنة)
أما الإخوة العرب ما كذب علي واحد منهم طوال هذه الفترة في دين.
يستدين الزميل العربي أما الناس ويرد في الموعد أما الناس .
أما السوداني يستدين سرا ولا يرد أصلا.
وبرضو بنديِّن مهما حدث . الله يوسع علينا قولواآمين.
ما بقول لي زول ما تدين أبدا .
الناس جوعى اكلت دينها . الله يجازى الكان السبب.
الناس جوعى اكلت دينها . الله يجازى الكان السبب.
ده زول ملوص ساي الحمد لله ان جمعوا 86 نفر بتلقي فيهن 96% ناس كويسين واولاد ناس وال 4% انت عارفن والغريق قدام الكلام ليك يا المنطط عينيك … بعد ده قولت الروب ما بتحل امسكوا الخشب
جوة السودان راكبين عربات وبيخبتوا النسوان خبت
عديل بعد نهب مايحملونه من ممتلكات. غير ناس
المواتر. مافي امرأة تخجل من سوداني في الغربة
في احتراف بالخارج في الشغلانية في مصر من زمااااااان.ربنا يشفيها أن شاء ألله ويعوضها. والله يجازي
الكان السبب.
الجماعه ديل لما جو قالو سنعيد صياغة الانسان السودان ما دا الحصل مالك مستغرب
الموضوع خطير بالجد بالذات في مصر.. الظاهر السوادنيين إتعلموا من الناس هناك فنون النصب والإحتيال..
عموماً الواحد ما يضمن ليهو زول حتى داخل السودان خليك من الغربة!!..
عزبزى جبرا
اتمنى ان تكون بخير
حقيقة قصتك دى طممت لى بطنى واتخيل لى تانى طن ليمون و رقشة شطة ما تفتح نفس الواحد
و تجى تسمع واحد من انصار السنة يقول ليك الخروج على الحاكم فيهو مفسدة!!!!
خلينا من خط هيثرو و سيبك من شركة الاقطان و انسى بتاع ديوان الزكاة القبضوهو مع الفراشة
القصة بتاعتك دى مش اى مفسدة غيرها بتهون ان شاء الله يقتلونا واحد واحد نبقى زى سوريا و الا يحرقونا زى اليهود مش ارحم من القهر دا
حسبى الله و نعم الوكيل
انا شخصيا لم اشعر بصدمة وانا اقرأ هذه القصة لآنيي امضيت أكثر من ثلاثين عاما في الاغتراب و بمقارنة بسيطة لسمعتنا بالخارج بداية الاغتراب حتى الان فقد تقلص رصيد سمعتنا كثيرا جدا وذلك لاسباب عدة يطول شرحها .. نسأل الله الستر
كان الله في عون الاسرة المهمومة لكن يجب على الجميع اخذ الحذر من القريب قبل الغريب وخلونا من حكاية تخيل كيف يكون الحال لو ما كنت سوداني ، ما حا يحصل شي حا يكون عندك جنسية دولة تانية وبس ، او القصص الخيالية اننا اكرم من يمشي على قدم ان والشهامة والرجولة تنتهي مع حدودنا الجغرافية البرية .
الشعب السوداني مثله مثل شعوب الارض به الغث والسمين ونقطة وسطر جديد .