احتجاجا على تهميشه ..وزير الدولة بالخارجية منصور العجب يقدم استقالته للميرغني

بالله .. قلتو تهميش .. وليه تمشي لندن ما تلحق المناضل التوم هجو في كاودا.

رسالة مفتوحة للدكتور منصور العجب !!

الدكتور منصور يوسف العجب ابو الجن مكانه في الدناندر وليس في وزارة الخارجية وقد اتته الفرصة للعودة الى هناك لعله يصلح شئ مما افسده حكم العائلة الاقطاعي منذ اربعينات القرن الماضي . الدندر والتهميش صنوان لأسم واحد منذ الازل, التهميش مع سبق الاصرار والترصد والدندر او الدنادر هي المنطقة الواقعة في مثلث سنجة السوكي القضارف حتى الحدود الحبشية وقد اشتهرت بحظيرة الدندر للحياة البرية وفي خضم حمياة الحياة البرية دخل الناس ايضاً في الحماية حتى توحشوا واصبحوا ضمن قطعان الماشية….

منطقة الدندر لا تقل في المساحة عن كثير من الدويلات التي صار لها شأن واقامت الدنيا ولم تقعدها ولكن لم يسمع احد بمنطقة الدندر إلا عندما يأتي ذكر الحظيرة أو الصيد البري لأنها ببساطة منطقة مقفولة تحكمها عائلة ود العجب بامتيازات استعمارية مكتوبة وغير مكتوبة ولا احد يقدر يفتح بوزه….

المنطقة محرومة من الخدمات والمشاريع الإعاشية والخدمية والتعليم على نطاق واسع أما ماء الشرب فهو يأتي من نهر الدندر الموسمي الذي يجري لثلاثة اشهر ثم يجف ويلجأ الناس الى حفر الرمل في قاع النهر لاستخراج الماء فيما يعرف بالجمام. في الجمامة يشرب الناس وقطعان الماشية وبعد اخلاء الموقع تحضر القرود والزرزور وكل ما له حاجة للماء كي يشرب….

اما في موسم الخريف فتتقطع السبل لعدم وجود الطرق المعبدة فتموت الحامل في الولادة لعدم وجود وسيلة تنقلها لمستشفى الدندر وهي المستشفى الوحيد في كل الاقليم (الدولة) والبديل قد يكون مستشفى سنجة او مستشفى كركوج وكليهما يبعد لاكثر من مائة كيلوميتر يمشيها المريض واهله في الخريف سيراً على الاقدام او ركوباً على الحمير أوالجمال اذا توفرت وكانت الطريق سالكة….

اما من الناحية الامنية ففي الخريف حراس الصيد على ظهور الجمال يقومون بالمهمة مع عدم التدخل في الشئون الاهلية لفض النزاعات التي تنشب نتيجة الاختلاف على حدود المزارع او بسبب الزهج والقرف الناتج من العطالة المتفشية بنسبة 100% خاصة في فصل الصيف إلا من بعض الاعمال الهامشية مثل قطع الاشجار لصناعة الفحم وصناعة الخمور البلدية بواسطة الإجناس الوافدة وقد تنشأ مشاجرات تؤدي الى القتل فيبقى القتيل ممد لثلاثة ايام حتى تأتي الجهة المسئولة من الدندر لتباشر الاجراءات الرسمية وقد وقد شهدت كم جريمة ا بام عيني قبل مغادرتي المنطقة نهائياً شأني شأن كل الشباب الذين هاجروا لعدم وجود اسباب للحياة او اي شئ يساعد على بناء المستقبل اللهم إلا اذا كنت ابن تاجر يعمل في الزراعة ويمارس نظام (الشيل) المتفشي في التجارة فيمكنك ان تكون بليونير ربوي ولكن آخرتك للإفلاس لأن الله يمحق الربا ويحل البيع والبيع كله ربا في ربا بسبب العدم المدقع الذي يعيش فيه الناس…. وبالمناسبة لا يوجد من يفتي لأن الحياة الدينية غير معروفة…

الدكتور يسوف المنصور العجب يجب يرجع الى الدندر وفوراً لأن الوضع هناك في انتظاره ويحتاج الى نفض كامل من الارض الى السقف وإقامة نظام جديد عكس النظام الذي كان سائد ويطالب للناس بحقوقها المستحقة المنسية في الامن والصحة والتعليم والماء النظيف والمدارس والطرق البرية والمشاريع الزراعية وخاصة ان المنطقة من اخصب بقاع ما تبقى من السودان وهي عامرة بالثروة الحيوانية وصالحة لتكون فرنسا الركن الشرقي من السودان بكل خيرات الدنيا ومن ضمنها البترول الذي اجرت ابحاث على تنقيبه في المنطقة……

فارجع يا دكتور ارجع وسنعود نحن جميعاً لنكون يدك اليمنى !

والله ما عندى خبر دكتور منصور يوسف العجب يعمل بالخارجية من متين؟فعلا مهمش و انت يا منصور متين كنت اتحادى؟ثم ثانيا متين كان المؤتمر الوطنى حيعمل منك وزير مستقل و الله يا د منصور كم كنت معجب بك و بارائك يوم من الايام و الظاهر مسار بقى احسن منك ….لماذا هذا السقوط و الشعب السودانى المسكين منتظر منكم حاجة.

والله انا حزين على امثالكم

الواحد ينسى الماضى وناس الماضى و نفتش على الناس الكويسين فى الجيل القادم انشاء الله الله يعوض السودان فى هذه الاجيال الظاهر الاجيال القديمة دى فعلا اتعودت على الحياة السهلة و التعليم المجانى يا ود الدندر الابوك كان عمدة لن اشتمك الى حين

العيب مش في الإنقاذ العيب فيكم يا من تتوسلون موائد الغير ثم يرمى لكم بالفتات معروفة حكومة تلغي الاخر0

هوووووووووووووووووووووووووووووووووووووووووي الكلام دخل الحوش
فشل المؤتمرجية بقبول الاخر فقد سبقكم مشار ولام اكول قبل الانفصال
ياناس الاتحادي وكذلك مناوي ومبارك الفاضل وربما فقد نسمع باستقالة
الرئيس وزمرتة امين

اذا كان هذا هو حال المثقفين العقلاء في بلادي فكيف يكون حال الاميين والجهلاء ؟؟؟؟؟؟؟؟؟؟؟؟؟؟؟؟؟!!

والله لو جابو شيخ حلة حكيم يحكم السودان أحسن من كدا . صاح وللا ما صاح يا جماعة؟

همشني حاول حس بي
قبضني وارمي اللوم علي

ديل ثقلا ماب يستقيلوا مسكوا البلد فرزعوها وخلوها نتش نتش والله ديل بس ليهم يوم ونحنا من زمان قلنا الكلام ده وانتوا لو لاحظتوا ابو العفين من اول يوم ابى ان يعترف بكلام الوزير عثمان الشريف انو البلد فيها ترهل وكساد وفساد ومصر انو هم على صواب والداير يدخل يدخل تحت مظلتم والماداير يحلق فى الهواء ورغما عن كده الناس ثبلوا ودخلوا وهسع بدوا يتخارجو نحنا عارفين انهم ماب يفكوا بالساهل وب وحاتى وحاتك عشان كده التوم هجو اختار الطريق الصحيح ومن زمان الناس لو كانوا فى طريق التوم ده البلد كانت هسع طليقة من حكم الكيزان الحرامية اولاد الهرمه لعنة الله عليهم وعلى الرباهم …

والله تستاهل وكل من تعاون مع هذا النظام الفاسد… انتم من الاول ما عارفين ده ح يحصل ليكم.. طيب البدخلكم بيت المرفعين شنو؟؟؟؟؟؟؟؟؟؟؟؟؟؟؟؟؟؟؟؟؟ تستااااااااااااااااااهلوا.. اللهم لا شماته

الاتحادي يعاني من أزمة قيادة – Leadership

— راعي الضان في الخلا يعرف أن مشاكة الاتحادييين لا معنى لها … معروف في مثل هذه الانظمة القابضة.. انت تشارك لكي تنفذ برنامج الحزب الحاكم وتدعم السياسة التي كنت اصلا معارضا لها … وما في أحسن من كدا للنظام الديكتاتوري الحاكم, ولا أسوأ من كدا للحزب المشارك… مشاركة ضيزى في الجهاز التنفيذي والبرلمان (صاحب التشريع والرقابة) عند الحزب الحاكم والمال والاعلام عند الحزب الحاكم !!!

… ما يحير المرء أن تجربة الاتحادي والتي – تعتبر بكل المقايييس (دقسة) تاريخية للحزب – جاءت بعد تجارب سابقة كثيرة فاشلة ( مشار ولام كول- الحركة الشعبية أيام الفترة الانتقالية- مبارك الفاضل- أحزاب التوالي) !!!

— لم يكن هذا ليحدث لو أن الاتحادي فيه الذين (يعرفون سياسة) من أمثال حسين الهندي ومبارك زروق وغيرهم ؟؟؟

— المرغني فقير الفهم والأداء السياسيين , وربما يحاول منافسة وتقليد المهدي ولكن الصادق , مهما كان تقويم الناس لموقفه – يعرف (سياسة) جيدا وان شارك يشارك بفهم ( حزبي أو وطني عام) وان عارض يعارض بفهم أيضاً- وهذا يفرق كتير !!!

انتم البروتين القوى الذى حافظ على حياة الانقاذ كل هذه السنين لان قوة الانقاذ تستمد من ضعف المعارضة. قضيتم قرابة السبعة عشر عاما معارضين للنظام وبعدها اتيتم مجررين اذيالكم متعطشين للمناصب وكانت فرصة الانقاذ ان تمنحها لكم وتعريكم امام شعبيتكم وتذلكم بالتهميش وتدفعكم للاستقالة وحالتك مثال حى لذلك. لقد ولى زمن الطاعة العمياء وسيدى الصادق وسيدى الميرغنى نحن الان فى زمن الهكر السياسى الم تفهموا اصول اللعبه بعد؟

والله واحد عاقل كدة ما في يعمل مع هذه الشرذمة ( ونحن قلنا يا جماعة هؤلاء الشرذمة ليس لديهم إنسانية هؤلاء حرامية في غفلة من الزمن استلموا زمام هذه البلاد وقطعوها أوصال ماذا أنتم فاعلون نسال الله أن يخلصنا منهم يا بركة هذا اليوم العظيم .

أيها الكتب عندي لكم سؤال مهم جداً أنتو الكتابات اليومية هذه هل بتصل للمشئولين أو بطلعوا عليها أحسب أنها كتابات لملئ القراغ وبس وتبقى مشكلة كبرى وطامة الاعتصام الاعتصام في منواحي الحياة وسوف تجيب نتيجة والآن ناس أهلنا في بيت المال على هبة الاستعداد وناس أبي روف أيضاً وكل الشعب السوداني عايز بس إشارة تحريك وبعدها إلا الكريم ونهاية حكم الطاغية ( اخرجوا للشوارع كل متاح الشرارة واقفة أمامكم بس عايزه من يحركها ولا تخافوا شوفوا أخوانكم المصريين ماذا فعلوا أخوانكم التوانسة ماذا عملوا خلوا رئيسهم يحلق في الجو قرابة الستة ساعات ما يعرف إلى أين يذهب

هو دا سودانى والا (محترف)؟؟

وزير دولة !!! وزراء بحالهم ما عندهم صلاحيات تقولي وزير دولة! ما سمعت قالوا كان مسار وياما سار وبقى وزير وبين يوم وليلة سريع استقال وكمان يقال أنه مقال لأنه طلب المحال صلاحيات وسلطة مكتملة إكتمال!!

خلاص اكلتوا الجداد وجعتوا بقيتوا تنبحوا مهمشيي…مهمشني… ما قلناهو من ذمان وانتم الذين احضرتم الشرطه لجماهير حزبكم عندما رفضت المشاركه الوضيعه و اعتبرتها (خيانه لدستور الحزب)

الجماعة ختوه زى الجوكر المقطوع ويسحبو فى الورق

اول مره اسمع بالزول دا عينوهو بتين

انتو الغلطانين …ز فاي زول يبيع المواطنين من اجل السلطة عمروا ما حيون راضي باي حاجة فاحسن حاجة اتعلمتو من التجربة عرفتوا انوا المؤتمر الوطني بيهمش الناس ضحك عليكم ساعة ما قال ليكم تعالوا نعمل حكومة وحدة وطنية فكنتو في غاية الغباء … زي التقول ما بتعرفوا المؤتمر الوطني كذاب ما قبليكم مناوي عمل سلام وجرى والجنوب وانفصل وعبدالواحد ورفض سلام المؤتمر والصادق المهدي والترابي والتجاني كل الناس دي جربت المؤتمر الوطني واكتشفت عدم مصداقية المؤتمر الوطني في البحث سلامة المواطن السوداني فما صدقوا انو البشير والحشرات بتاعوا حيوفوا بوعودهم فهم كدابيين

يا العجب دخلوك الميدان وما لعبو ليك باص خلوك زي الاهبل كان غيرك اشطر تعال معانا في الكراسي فوق عشان بعد شوية ح نرجمم بالحجار

!!!!!!shame ya wad alnazier

ياخوى انت صدقت انك وزير بالجد ولا شنو خلينا عيلك الله من القصص الفارغه دى انت مشيت تأدى القسم بأمجاد ما يهمشوك كيف يعنى