حزب البشير ينوي زيادة ميزانية الدفاع في عام 2013.
في مواجهة الانتقادات المتزايدة من قبل المعارضة بسبب عدم القدرة على منع الهجوم الإسرائيلي على مصنع ?اليرموك? قبل أسبوعين, أعلنت السلطات في الخرطوم عن نيتها بزيادة ميزانية الدفاع في عام 2013.
ووعد نائب رئيس البرلمان السوداني، الذي أعلن عن النية لزيادة الميزانية, برد سوداني عنيف للهجوم على مصنع الاسلحة قائلا ?إذ لم يكن اليوم فسيكون غدا.?
وصرح السودان بأن أربع طائرات اسرائيلية هاجمت ودمرت أجزاء من المصنع للاسلحة لكن المعارضة السودانية تتساءل لماذا لم تتصدى قوات الدفاع الجوي لهذا الهجوم. ودعا المعارضة السودانية بقيادة حسن الترابي على الحكومة الحالية على الاستقالة بسبب ما وصفته ?بالاهانة للسيادة السودانية.?
تجدر الإشارة إلى أن السودان يخصص بالفعل جزءا كبيرا من ميزانيتها للإنفاق على الدفاع. في عام 2010، بلغت الإنفاق السوداني على الدفاع إلى 3.3 مليار دولار، وهذا العام من المتوقع أن يرتفع هذا الرقم إلى -3.92، . ولكن امتنع نائب رئيس البرلمان في إعلانه بان يفصح تفاصيل حول الزيادة المخططة في ميزانية الدفاع.
ويذكر أنه منذ إعلان استقلال جنوب السودان، قد تدهور الوضع الاقتصادي في السودان. وتوقع صندوق النقد الدولي في ابريل/ نيسان 2012 ان النمو الاقتصادي سيكون سلبيا في السودان (7.3٪-) ? ولكن في الشهر الماضي خفض خبراء الصندوق من توقعات النمو الى (11.2٪ -).
وتشير توقعات النمو في السودان لعام 2013 نحو 0٪.
الصحيفة
هو إنت عندك ميزانية عشان تزيدها؟
أنا عندي إقتراح ليكم تعينوا جماعة فلاعين ( جداعين ) حُجار وتطلبوا من الصين صناعة نبل مداها عشرة كيلومتر في الساعة وتوقفوهم جوار النظارة ( بتاعين الدفاع بالنظر ) وعندما تدخل طيارة المجال الجوي بتاعنا جماعة الدفاع بالنظر يبلغوا الجداعين وبتاعين النبل ليسقطوا الطيارات …
تكون التكلفة بسيطة وتساعد على تقليل العطالة بس أوعوا من التمكين هنا …
غدا إنشاء الله سوف تكون في مزبلة التاريخ
أما غدا بعد غدا وأما بعد غدا بعد غدايين وأما بعد غدايين بعد عشايييين
شبعانييين وتتكلموا سااكت .هو الكلام بفلوس ؟؟أتكلم ياعم .
والله لكن دي .
بصراحة كدا سيزداد الوضع سوءً اذا كان هسي ثلاث ارباع الميزانية بالدولة للجهات الامنية يعني لم تزيد البيحصل شنو ؟ مافي اي حاجة تاني غير الدفاع ؟
انحنا ما عاوزين رد . كدي هسي احمونا اول حاجة بعد داك قولوا الرد .
وين قيقم؟
وين البعيو وحواء الطقطاقة
وانصاف مدنى؟
الليلة يا اسرئيل وقعتك سودا
ولو ماالليلة بكرة
ولو ما بكرة بعد بكرة
ترد علي منو يا متخلف ، رئيسكم من الخلعه قالو بظرط من يوم الضربه المباركه .
لنعلم كيف تكون الوطنية والغيرة على الوطن ، لو كانت هذه الضربة والتفجيرات فى مشروع وطنى استراتيجى كمشروع الجزير مثلا فانك لا محالة ترى هذا السودان وقف عن بكرة ابيه على يد رجل واحد ولكنت شاهدت المظاهرات العفوية غير الحكومية تهز الوطن عامة وتزلزل اعلام اليهود المعتدين ….. لكن تقول لى مصنع حربى !!!!!! أنا ما قادر آكل مما ازرع ولا البس مما اصنع وتقول مصنع حر بى !!!!! لعنة الله عليكم ايها الفاجرين سماسرة الدين .ربنا يسلط عليكم من هم اسوء من اسرائيــــــل .
هذا المتخلف يتحدث مثل رفاقه أمثال الحاج آدم و عبد الرحيم اللمبي …
و الله بانت عوراتكم لأبعد حد ..
و ربنا يعين حريمكم و اولادكم (العايشين) معاكم و “متحملين” ( عبطكم) اكان دي بصيرتكم ؟؟؟
بالله ناس تفكرها بالضعف دا كان جاني واحد منهم بديه ( مرا) خليك من يكون على رأس البرلمان !!!؟؟
كلهم بيفكروا بنفس العقلية..3.92 مليار دى تنعش الإقتصاد وتحد من الغلاء وترفع دخل الفرد ويتم منها بناء مستشفيات ومدارس ..بس لو إنتوا فكرتوا صاح وأعلنتم فشلكم.فى إدارة دفة الحكم فى البلد..عليكم أن ترحلوا وتتركونا نعيش فى أمن ووئام مع جيراننا وأهلنا فى جميع أصقاع السودان الفضل ..فبإحلال السلام وإفشاء الحب ومكارم الأخلاق ..لا نحتاج لرصدميزانية شراء آلة القتل والدمار
أتركوا إسرائيل فى حالها ولاتستدعوها لتدمير ما إقتطعتموه من قوت الشعب لتدمروا به بنيته التحتية الضعيفة وجعله يعانى من الفاقة وشظف العيش لتزيدوا كنكشة فى مناصبكم ..
لعنكم الله
رئيس البرلمان عارف انو غداً لا ياتي ابداً فكل يوم ليه غد لذلك اطلق مثل هذا التصريح الهلامي
الله اكبر ما قصرتا ..
تزيد ميزانية الدفاع !
وزارة الدفاع يا رئيس برطمان المخلل ميزانيتها مفتوحة يصرفوا من مال الشعب زي ما دايرين
ولانهم اتعودوا على الميزانية المفتوحة فقد جعلوا سماوات السودان (مفتوحة) لكل من هب ودب
عشان ما يخربوا الرصة هسي تلقاهم فرحانين بالضربة الحاتجيب ليهم قروش اكتر من البحلمو بيها
كل يوم نحن في حال اسؤ الزيادة المزمعة ستكون من فتات عظامنا فقد استنفذت الانقاذ دمائنا وباشرت في استهلاك الجلود .
طبعا اللمبي مبسوط زادت يا بختك ابني ليك كم بناية كده وجيب دبابات تالقة وجيب خرده عسكرية وحول 2 مليار لحسابك السنة الجاية بدل كمشنات المفاوضات العبثية مع الجنوب ودولاراتها البسيطة انت قدامك مستقبل وزواجات كتيرة ولابد ترتاح ليك شوية علي شان الماتشات وبعد كده تلفها بي 3 كروت وزياده .
بس حلفناك ادي صاحب الفكرة لزيادة ميزانية الدفاع ولو الف دولار لانو بيستاهل .
زعم الفرزدق ان سيقتل مربعاً… فابشر بطول سلامة يامربع
تردوا شنو تتردى المويه فى ظورك وبعدين زيادة ميزانية الدفاع تعنى زيادة الكومشنات للسيد عبدالرحيم يعنى 3/4 الميزانية للدفاع وبعد ده يجو يضربونا عملتوا بيها شنو؟ خليتوا القيادة زى مدينة الملاهى طياره وسفينه ما فضل إلا تعملوا طوطحانيه كبيره تطوطح فيها الشعب السودانى
هههههههه
هههههههههههههههههههههه
أها قولوا لي حاتعملوا شنو مع الطيارة البتجي طافية الانوار؟؟؟
السيد رئيس البرلمان .. فى سوق امدرمان بدأ بعض ضعاف النفوس بشراء السكاكين والعصى المضببه وتخزينها عندما سمعوا تصريحاتكم بزيادة ميزانية الدفاع .. سيدى رئيس البرلمان استعينوا على قضاء حوائجكم بالكتمان وجزاكم .
البشارة للشعب السوداني الجماعه ناويين يعدموكم اللباس
لا توجد صرف علي ميزانية الدفاع أساسا تصرف في بناء الأبراج و شقق الضباط وتمليكهم السيارات وهم وضباط الشرطه. وأنا شخصيا في انتظار أفعال الرد والنشوف آخرته أمل ان لا يكون فساء كلام
ياعمو الطاهر لا لزوم للرد العنيف
وكان جيتو للجد اسرائيل دى فى الجو مابتتصاقع
احسن ليكن تحضرو سواطيركن وتوفرو مليارات الدولارات وعليكم بسماع ابداعات نائب الرئيس فى مجلس تشريعى الجرطوم ولاشك ان الصهاينة ترتعد فرائصهم ولايغمض لهم جفن بعد تهديدهم بمنازلتهم بالسواطير
ولايفل الساطور الا الساطور
نيقز والله الجماعة ديل نيقز
بالله انتو قادرين على الحروب الداخلية المشتعلة دي لمن دايرين تحاربوا اسرائيل ياخوانا اعقلوا اليس فيكم من رجل رشيد؟