مدير الحج والعمرة يتحدى الوزير
الخرطوم: محمد بشير :
في تطور لافت؛ رفض المدير العام لهيئة الحج والعمرة الموقوف بقرار وزاري عن العمل، الانصياع لقرار الوزير، ولجنة التحقيق التي أوقفته عن العمل ومنعت دخوله لمقر الهيئة. وأبلغت مصادر مأذونه من داخل الهيئة (الأخبار) أمس أن المدير العام الموقوف استطاع الدخول إلى مباني الهيئة رغم الحراسة المشددة، ومارس كافة صلاحياته بما فيها الاجتماع بمنسوبي الهيئة، وإبلاغهم صراحة أن جهات عليا أمرته بالاستمرار في العمل، ما اعتبره المصدر مخالفة "جنائية" لجهة أن الشخص الموقوف عن العمل، والمحال إلى التحقيق لا يحق له ممارسة أعماله. وتساءل المصدر: هل الجهات العليا هي رئيس الجمهورية أم مجلس الوزراء؟، وكيف سمحت السلطات بدخوله بالرغم من وجود قرار من الوزير ولجنة التحقيق؟؟، وهل هناك جهات تعمل لصالحة وترغب في هز هيبة الدولة، ممثلة في مجلس الوزراء الذي يمثله الوزير؟. وكشف المصدر أن المدير الموقوف قام بإلغاء الأعمال التي بدأها المدير المكلف آدم جماع، منذ الأربعاء الماضي والمتعلقة بتنفيذ توجيهات مجلس الوزراء الداعية لتخفيض تكاليف الحج التي رفض المدير الموقوف تنفيذها، وعلى رأسها إعطاء الولايات حصتها من المؤسسات، بتوجيهات من رئيس الجمهورية، والتباحث من جديد مع شركات الاتصالات، كاشفا عن أن ولاية الخرطوم ظلت منذ أكثر من شهرين تطالب بحقوقها في المؤسسات إلا أنها لم تجد استجابة.
البرلمان في الانتظار
من جهتها عقدت لجنة الشؤون الاجتماعية بالمجلس الوطني اجتماعاً عاديا نهار أمس تطرقت في جزء منه لأزمة الحج والعمرة. وقال رئيس اللجنة بالإنابة عباس الفادني لـ(الأخبار) أمس: إن لجنتهم في انتظار قرار لجنة التحقيق التي كونها وزير الإرشاد والأوقاف د.أزهري التجاني، وقطع بعدم تكرار تجارب الأعوام الماضية التي صاحبت الحج؛ لجهة أن لجنتهم لن تتهاون هذا العام. وعن تحرك البرلمان وقراراته تجاه المدير العام للحج والعمرة الموقوف، والذي لم ينصع للقرارات، قال الفادني: إنهم في انتظار نتائج التحقيق وزاد قائلاً (نتمنى أن لا تهتز هيبة الدولة ممثلة في الجهاز التنفيذي).
الجزيرة تعتذر عن استقبال مدير الحج الموقوف
وفي الأثناء أبلغت مصادر- طلبت حجب هويتها- (الأخبار) أن المدير الموقوف ذهب للمشاركة في مؤتمر لمدراء الحج بالولايات والذي تنظمه ولاية الجزيرة، إلا أن الأخيرة طالبته بمغادرة أراضيها. وأبلغته صراحة بعدم ترحيبها به؛ لجهة أن المؤتمر يخاطبه وزير الإرشاد والأوقاف وهو الشخص الذي وجه بإيقافه، مما يدخل الولاية في حرج، وأضافت بأن المدير الموقوف استجاب لطلب ولاية الجزيرة وغادر المؤتمر.
الاخبار
شين وقوي عين !
هههههههه بلد سااااايبة ههههههههه
وزير يقولو ليهو ما تجى ويجى وناس شغالة من غير علم الحكومة و و و وووو ههههههه
معليش يا جماعة شر البلية ما يضحك ههههههههه
زمان فى الجامعه كانو بقولو لينا شرف البورت لمن يطلع شى غلط هسى اكتشفنا انو لا فى شرف بورت ولا فى بورت من اساسو ومافى مسؤل ومافى ضمير ومافى شعب ومافى بلد
لله درك يا وطن
ابــــــــــــوعــــــــمــــــــــر
هذا هو نهج المنافقين تجار الدين مدير هيئة مياه ولاية الخرطوم لن يستقيل لان ذلك تولي يوم الزحف ومدير هيئة الحج والعمره تمت اقالته بقرار الوزير ضعيف الشخصية ازهري التجاني الا انه رفض الاقالة ويهدد بأن جهات عليا وجهته بعدم التنفيذ بلاهي يا اخوانا ديل ناس بخافوا الله ………. الله لا بارك فيكم اللهم ازيلهم ومزقهم وارنا فيهم آية من اياتك اللهم اضرب الظالمين بالظالمين واخرجنا منهم سالمين ….
حسبنا الله ونعم الوكيل حرامية حتى فى شعائر الله (مشروع حمارى ) طظ ظط ةطظ :lool: 😡 😉 ( ) 😮 :confused: ;( 😮 😮 😮 😮 😮 😮 😮 😮 😮 😮 😮 😮 😮
الراجل اب جضوم ده عارف انو مابيلقي احسن من بير الدهب دي لانو المزه هنا في الحج والعمره !!!!!!!!!!!!!!!!!!!!! لعب جد في الحجاج رسوم مامعروفه بتجي من وين وكمان موزعين الحج حج سياحي وحج مامعروف اسمو شنو
ياخ امشي اكل في مكان تاني بس الا الحج والعمره
بالله عليكم دا مستوى ناس تحكم بلد؟؟
والله الحكومة دى أخير منها سوق الجزارين ..على الأقل بيحترمو قراات شيخهم
بعدين اليومين دى طالعة موضة جهات عليا دى..عشان تعرفوا إنو البلد بيتحكم بي حقى وحقك وزولى وزولك
هؤلاء هم المؤتمرجية … حرامية وعينن قوية ..
وقسماً كان دا الإسلام الذي تدعوه الكفار أحسن منكم ..
الإسلام ليس صلاة وصوم وقيام ليل ولحية وغرة جبين ..
الإسلام سلوك وأفعال …
البلد كلها سايبه وزريبه
الا يوقوفا كل المسؤلين
لانهم إ من رحم ربي نسخ متشابهه
بس المسكين البقع في القيد زي ما بقولوا
والدايرين يركبوا التونسيه بلفقوا ليهو قضيه ويشتتوا عشان كان اتكلم مهما اتكلم بعد داك مافي زول يصدقوا ويقولوا ليك ده اصلا حرامي كيف نصدقوا
نظام تصفية حسابات وكده
لك الله يابلد
فى حالة ذى دى انا شخصيا لاعاوذ حج ولا عمرة ولو جاتنى بلاش اللة ينعلكم كرهتو الناس الدين
الزول ده داير يثبت شنو؟؟؟؟؟
سؤال برئ : شكل الراجل ده بديكم أى شعور ببعض التقوى؟؟؟؟؟!!!! خليكم من حكاية الحج والايمانيات العالية وبعدين فى اى واحد سمع عنه انو بيعمل اعمال خير ولا فى زول بالحجم ده مستعد يتحرك عشان الحجاج
يا ناس
هههههههههههههه …. الزول ده عايز يقعد رجالة؟
يا ناس أفهموها الراجل قال جهات عليا يعني ما جهه واحده
يعني بقصد البشير ونافع و……………………
ياربي قوش جهه عليا ؟أفتونا يرحمكم الله
حتى الشعائر الدينية ما سلمت منكم يا حكومة السجم والرماد؟ وعاملين فيها اسلام وهي لله وما عارف شنو يا منافقين وبعدين يا جماعة تعالو دي دولة ولا سوق ام دفسو؟
رحمك الله يا وطني الحبيب
الزول ده مالاقى ليهوا زول يوقفوا فى حدوا لانوا مفترى وما شايف فى الدنيا دى زول غيروا لانوا بضيق على الناس فرص اداء الشعيرة وكمان ماعاوز يلتزم بالتوجيهات بتخفيض الرسوم انشاءالله نشوف فيك يوم وتكون اول ضحية للمفسدين
ده شكله ….. الله يسلمك !!!!!!
الناس ديل لو راحوا باذ الله
ماتركو ا ليهم حاجة نتعب فى الحث عنها
لادانتهم كل الفضائح والفساد اصبحا فى
وضوح كامل يعنى المحامين سوقهم سوف
يبور
والله مشكله سرقه ومعاها قلت ادب :lool: :lool: :lool:
جدوم وكتلة دهون بنات حواء الطقطاقة يقصرن… وتؤكد الترطيبه الرهيبة العايش فيها السيد المدير …..ويظهر االفقير لله سعادة المدير برضع من شطر مدرار مقاس 10 بوصة بالقديم ،،، عشان كده ما داير يفك ؟؟؟ يفك وين …بلا وزير بلا تحقيق بلا بطيخ الموسم قرب يفتح وما دايرين آي عطله !!!!! عمرة رمضان في القزاز وبعدو الحج طوالي يعني سفرتين طوال مضمونات……
سوعال : لو صاحب الصورة ده بتاع الحج والعمرة مال بتاع السياحة والفنادق بتاعكم كيف ؟؟؟ وحليلكم يالفقراء أهل الدين والصلاح والقيام والصيام…… الفقراء ال اتقسمو النبقة ومصو القرض……حليلكم يالزهاد العباد ناس الكسرة الحمرا الب بلوها بموية الأبريق…… حليلكم يا البتعشوا الضيوف وتبيتو على الجوع !!!!!
زول ما بخاف الله, خيخاف من وزير!!
اذا لم تستحي فاصنع ما تشاء..
من منطلق الساكت عن الحق شيطان اخرس
احكي لكم حكاية المدعو/ ادم جماع المدير المالي لهئية الحج والعمرة هذا
الجماع جاء قبل سنوات قليلة لاتتعدي السبع سنوات وسكن احد احياء منطقة ابوسعد
وسكن بيت بالايجار هل تعلمون ان جماع يمتلك الان في هذا المربع خمسة منازل من
افخر المنازل وقطعتين وللبلادة كل هذه العقارات في مربع واحد وصار لديه ثلاث
زوجات واولاده الفاشلين يدرسون في ماليزيا.
اللهم لاحسد بس سوأل بسيط ؟
من اين لك هذا المال من مال الحجاج؟ ام من مال الجنجويد؟
السوأل موجه للشيخ / ازهري التيجاني هل تعلم ان هذا الجماع ادخل مبلغ اثنين مليار
جنيه في العقارات خلال شهر واحد وهذا بشهادة السماسرة يعني مجموعة مش شاهد
واحد……..اللهم احفظنا .
جضووووومه الحجم العائلي…… ديل جضيمات و لاّ أنا عيوني كعبات ….. و مفروض المسئوول مع إقرار الذمة يجيب معاهو مقاس الجضوم و مقاس البنطلون أو السروال ( للناس البتلبس جلاليب )
السيد المدير مجاهد و رجل ذو خلق و دين و اقالته خيانة لدماء الشهداء…و هو يقولها و بالفم المليان للجميع احسن تخلوها مستورة او كما قال
المعلق ( مصطفى ) ان كان المدير ذو خلق كما تزعم فاليسأل عن سبب ابعاده – وذو الخلق لا يسعى وراء وظيفة انتهكت فيها كرامته وجرح فيها كبرياءه – ومن هم الشهداء – ارجو ان تكون واقعي وتعلق بموضوعية يا ( مطبلاتي )
قمة الفوضى هو اذا كان كلام الرئيس ما بتنفذ حيتنفذ كلام وزير ؟
والله يا اخوانا , انا مابعرف الناس بتاعين الحج والعمرة ديل , لكن كدي نحكي ليكم حكاية , شاهدت بام عيني كم هو الفرق شاسع وبين بين اوضاع الحجيج , السودانيين , وبقيت الحجاج التانيين , مع اوضاع سكن ومعيشة وخدمات مزرية , ومبالغ باهظة يدفعها هؤلاء ولا يجدون مقابلها 50% من الخدمات , وكما يقول حميد فقرا تغش في الله تخش بيتوا وتسرقوا ورا العشاء , وربنا موجود , وما بتبقي ليكم حجة تقولوا يومها انكم اسلاميين .
اذا كان الزول الفى الصورة الـبـغـل دا هو مدير الحج والعمرة و الله حسرتى على ازهرى التيجانى لانو هو من وزن الذبابة دا حيكسّـرو حته …حته……….دى حتكون معركه غير متكافئة يا ناس !!!!