ديل ……ناس لالا…..المدورين بينا مع الرباعية والخماسية والخارج اللئيم….. شعب الله المحتار …الكرزايات هل القصة كيزان بس

عادل الأمين

خلونا نستحضر صلاح احمد ابراهيم
تقول لي مثقفو الخرطوم كالصحراء لا تنبت فيها بذرة اخطات في التشبيه للصحراء في المساء روعة وبهرة
وكانت الصحراء في ماضي الزمان شاعرا ذا قلم وقدرة
لكنه استكان للخمول وللذبول واذل شعره
فرط في خياله وما الخيال للصحرا ء الا الخضرة
مثقفو الخرطوم قهوة ونومة وسهرة وسكرة
تفحمني حلمك با هذا لقد اشبهتهم انت وهم في هجرة
(ديوان بوق العاج منشورات دبي الثقافية )
طبعا دماغكم يا شيوعيين ويا بعثيين ويا ناصريين بعمل شط دوان طوالي من كلامي وتشردوا من الحقيقة وتمارسو الاسقاط
اختصر الشاعر صلاح احمد ابراهيم يا مترفين المركز نضالكم في اربعة حاجات بس: مثقفو الخرطوم قهوة ونومة وسهرة وسكرة
دي دولة الهاوس نقر المستعربين والوافدين الجنسية البنية التي تحولت لرقم وطني مضروب وما فضل في الخرطوم غير الكدايس
السودان المزيف الذي صنعته المخابرات الاقليمية والمشاريع المصرية المنبتة….
غير معنية باهداف الثورة والشباب والشعب السوداني الاصيل في الاقاليم الخمسة والمركز حتى الان مايو٢٠٢٦
ويبقى الصراع بين السي والاسواء لن يعيدنا الي الديمقراطية وزمن الزمان كان زين
والكيزان جهل مخزي والشيوعيين والقوميين العرب جهل متغطرس واعيا من يداويه في السودان المنكوب
انت يا سوداني خلي التنبلة واللامبالاة
زول ما تجيبو بمشورة شعبية او انتخابات حقيقية ما تقبل بيه ابداده ساقط مفروض عليك من الخارج اللئيم الناهب للسودان
واتفضح الان تماما