بعد غياب (23) عاماً إبن يرى أباه لأول مرة..
بعد غياب (23) عاماً إبن يرى أباه لأول مرة..
09:41
الخرطوم-سفيان البشرى
بعد غياب دام 23 عاماً إلتقى الأب عباس البشرى محمد عبد الله، بإبنه «متوكل» الذي لم يراه بعد أن تركه جنيناً في بطن أمه واستقبل الأبن «متوكل» أباه أمس بمطار الخرطوم وسط فرحة غمرت الأهل والعشيرة. وتعود تفاصيل القصة، إلى أن المواطن عباس البشرى غادر الى مدينة نيالا بعد زواجه مباشرة إذ كان يعمل في تجارة المواشي بجانب الجزارة ولم يتمكن من العودة إلى الخرطوم وأصبح لديه ما يقارب الـ300 رأس من الأبقار بمعاونة صديقه ولكن القدر كان له بالمرصاد إذ قامت مجموعة من جماعة النهب المسلح بأخذ كل ما لديه وقتل صديقه الأمر الذي جعله يفكر في العودة الى الخرطوم وعلمت أسرته بعودته فقامت بإستقباله بالدموع وارتمى في حضن ابنه الذي لم يعرف عنه شيئاً طيلة هذه الفترة وصدق المثل القائل «مصيرو الحي بيلاقي».
آخر لحظة
اما كان في مقدور هذا التاجر ان ياخذ معه زوجته وابنه للعيش معه بنيالا؟
اما كان في مقدوره ان ياتي الى الخرطوم كل فترة وفترة حتى يطمئن على اسرته؟
اما كان في مقدوره اصدار تاشيرة سفر لاسرته لقضاء الاجازة معه كل سنة في ميدنة نيالا التي هي خارج السودان؟
اما كان في مقدور الابن طيلة 24 عاما البحث عن والده؟
سبحان الله
غادر الى مدينة نيالا بعد زواجه مباشرة. انا افتكرت الشخص ده فى بلد تانية بعيدة عن السودان. يا اخى انشاء الله 300 الف راس معقولة الانسان بنسى اهله وناسه عشان خاطر بقر. معقولة فى ناس بالشكل ده. يا اخى الله يغفر له بالعملو فى زوجته والخبر بقول بعد زواجه مباشرة والمسكينة ذنبها شنو يعتبر البقر احسن منها. عن جد ما قادر اكتب ولا اعلق الا ان اقول سامحك الله يا اخى.
نيالا دي وين جنب الاسكا ده تهرب من المسئولية
انتو ياجماعة ملاحظين شئ انو اى واحد يرجع من تلك المناطق صفر اليدين بعد سنين ويرمى اللوم على النهب المسلح لانو متوكل ممكن يكون ترك الدراسة وتحمل المسؤلية وهو صغير لم ينعم باحلى ايامة واحسن انا بشوف الذي يجلس بعشرات السنين بعيدا عن اولادة احسن يكون هناك للابد اخى نفس كاسك شارب منو وحمدا على السلامة
دى نيالا ولا جوهانزبريج لا حولا وام الولد ده عارفة انك فىنيالا و صابرة الزمن ده كله ؟
بالغت فيها دى و الله يا ابوشنب
والله انا فكرت الرجل كان في جبال الوق واق نيالا سبحان الله دة نيالا جدعة حجر من الخرطوم كيف راجل يبعد من اولادة 23 سنة وعمل لية 200راس ولا مليونين راس الرجعة شنو بعد طول هذة المسالة النهب المسلح يعني رجع كنبة يعني لو ما ناس النهب المسلح كان مليون سنة بس ناس النهب المسلح هم الرجعوة لن الراجل اصبح لا يمتلك شي لذلك فتش في دفاترة القديمة وتذكر ان لة ابن وعاد لة والله لو ما المنامة وعقوق الوالدين كنت قلت للولد لا ترضي بة لكن اللهم اني صائم الحمد لله بالطلة
زكرني قول واحد من جدودي قابل واحد في الخلا قالوا ليهو الزول ده عندو مية بقرة عايش معاهن من بلد لي بلد ، جدنا ده قاليهن قولوا ;( مية وواحد بقرة).
ولدو مفروض يشكر جماعة النهب المسلح
متوكل المسكين أمه عايشه ،،، ولو عايشه يرجع ليها بعد تلاتة وعشرين سنة راجل خرتاية تعمل بيهو شنو ضيع عليها سنين عمرها ،،، شحنها وسافر وفجأة تذكرهم عندما الجيب بقى فاضي ،،، يا حسرة
بصراحة الواحد بيسمع كتير من جنس الحكايات دي: فلان مشي الغرب و رجع بعد عشرين او تلاتين سنه (بعد ما القرعه او القله تقع من الرف وتتفقش وصاحبنا يفوق من الغيبوبه و يقعد يتلفت ويسأل : انا وين و ليا كم سنه هنا؟!!!))
يا اخوانا ولاد الغرب: هي الحكايه ايه بالظبط؟
زنننننننننننن
ياخ دي خرافة ساي وكلام ما بخش الراس
الله سفه عقول بس
طبعا اسة ح يقول ليك كان عاملين ليه عمل وخزعبلات من النوع دا
والله في اباء لولا امر الله ما يستاهلو اولادهم يعياينوا ليهم
اللهم احفظنا
بعدي اية بعد مافات الاوان انسي النساك
يا ناس انتو غالطانيييين
بيقصد 23 يوم
دا راجل شماسى وكضاب.اول حاجة النهب المسلح كان قبل 23سنة موجود لكن كل المشاكل والبلاوى دى كانت فى شمال دارفور فقط هسى يوم اى زول عارف انو مشاكل دارفور اكبر اثرها فى الشمال الدارفورى غايتو لو بعد 23سنة محتاج لابو تكون ما احترمت امك
شيخنا غلبه اليسوى وكلامه غير مقنع حتى لدي الاطفال لانه نيالا جزء من السودان وليس بعيدا الناس بيرحوا وبيرجعو بين حين واخرى فما بالك هو تاجر مواشي عندو الاموال الكثيرة دي عشان كده ربنا سلط عليه ناس النهب المسلح لانه ظالم لاسرته البريئة ان صح التعبير او هنالك سر من وراء ذلك قد تكون الزوجة مطلقة منذ مغادرته او هي التي كانت وراء سفرة الى نيالا