عثمان محمد حسن
* حميدتي نفس الزول الكاتل ولدك.. جَا يقول المكون العسكري لن يسلم الشرطة والاستخبارات للمدنيين حتى لا يبطش المدنيون بالشعب
* أضحك صُر وشَّك.. وكشِّر عن أنيابك وأطلع الشارع، في تحدٍّ لذلك الأعمى المسَّكُّوهو كلاشنكوف، يكتل الثوار وبيهو يهدد الثورة!
______________________
قال الدوش الصغير:-
“نفس الزول الكاتل ولدك.
حاكم بلدك..
نفس الزول القاتل ولدك..
شال لي روحو الفاتحه وقلدك..
حاكم بلدك..
(رمز سيادة)
شال من ايد الكوز (السوط والسلطه)
وجلدك..
نفس الكوز في وجه جديد
نفس الكلب في الرقبة (قلادة)
نفس كتائب الظل والغل
نفس جهاز الامن والخوف
هم بي أمرك (فضو قيادة)
وقامت ثورة..
وحصدت لجنة…!
فاخر عيش الوزراء الجونا..
بس في الغالب كعبة العجنة..
جائز تحكم غصباً أمه
وتقلب كل ايامه ضلمه
ويبقى مصيرك سقطة و(سجنه)
وقامت ثورة..
حصدت من ارواح اولادنا الطاهرة..
لمن زاد الغل في نفوسهم
رسمو الخرطة هناك في القاهرة..
سمو شيهدنا الباسل (شاذ)
وسمو البت مطلوقه وقاهرة..
دسو العيش والخير والجاز..
ونامت عين الشرطة الساهرة..
وقامت ثورة..”
#يوسف_الدوش
[email protected]
الدوش الصغير مثل الدوش الكبير يقرأ سنين لي قدام وكما قال الدوش الكبير (شوف الظلم جاااي من فين عليك فتح عنيك) الشاعر شاف الظلم جاااي من فين علينا بس للاسف للحين الكثير من الشعب السودان يشوف الفيل ويضعن في ظله يا جبنا يا جهلا
والله قالها جعفر المتحدث الرسمي لقوى الحرية والتغيير قال عايزننا نفض اعتصام ترك عشان نكون كلنا مجرمين فض اعتصام قصاد فض اعتصام يعني نفس حركات كيزان مع الشيوعيين (انا واخوي الكاشف) تقول له حرام عليك عملت كده ليه يقول ليك ما الشيوعيين عملوها كمان (ما اخوي الكاشف عملها كمان) ولكن فوتوها عليهم والبرهان وحميدتي ما عارفين قدر نفسهم وفاكرين المدنيين شوية شباب صغير وناسين منهم المهندسين والصحفيين والاساتذة والاطباء ولانهم محترمين فاكرنهم هينين وسهلين والليلة دخلوهم في جحر ضب وفضحوهم وعروهم امام الشعب