إنشاء مسار إضافي لطريق الخرطوم- مدني

(مبيناً أن دولة الصين قامت بالدراسة وأعلنت استعدادها لتنفيذه عبر القروض.)

والدخل القومي كله يذهب لجيوب ازلام النظام الفاسد واغلب المشاريع يتم انشائها بالقروض ويجي في الاخير الرقاص اب جاعورة يفتتح ويرقص ويجعر ويشتم … هريتونا بالقروض وهريتوا الاجيال القادمة من الآن بهذه القروض الله يقرضكم عاجلا وليس اجلا ..

اساسا الطرق الخارجية الحرطوم مدنى الخرطوم عطبرة مبرمجة على ثلاث مسارات
لكن اكلين الحرام وامول الشعب يعملو واحد ماشى واحد جاى وشفتو الناس ال راحت بسب الحوادث
ما فى بعد نظر من الاول لو فى ضمير واخلاص فى العمل ما كان فى 2013 ناس الحكومة يفكرو يعملو 3 مسارات
ويا ريت تكون صحيحة مش كلها تكون حفر ومستنقعات

قروض ساي شغالين من الصين مافي بلد غير القشران دي

طرق في الجزيرة وكل الولايات والمخروبة ولاية شمال كردفان دي مالها اليس ولاية سودانية واهلها سودانيون ؟ وهل لديهم حق في التنمية ولو بنصيب النملة ؟ اتقواالله يا اهل الانقاذ في شمال كردفان لديها طريق واحد وهو يزيل كل الغبن اذا شيد هذا الطريق

كملوا للناس الما وصلهم زلط بعدين متعوا الناس بالطريق المزدوج في ناس في السودان من الله خلقه ما شافت الظلط وناس كردفان ميتين من العطش انتوا بتعملوا في شوارع الظلط اخجلوا يا ناس واخافوا الله وبعدين الطريق المزدوج دا بتعملوا بقروش منو وهل الجزيره اهم من باقي ولايات السودان الاخري

الاخ ابو خالد بربك هل لغتي التي كتبتها بها لغة عنصرية يا عنصري انت انا قلت اهل الاننقاذ وهل العبارة هي عنصرية هل من يطالب بحقه هو عنصري فاذا كان حزب المؤتمر كل اهلنا مؤتمر وطني ولكن كلمة ونريد مساواتنا بباقي الولايات وطريقنا بارا ام درمان اوضح من الشمس في كبد السماء يا اخي يظهر انك تجهل شمال كردفان فهي سيدة الاستقلال وهي لم تحمل السلاح ضد الدولة وهي التي قتل ابنائها في الحروب وليس انتم احصوا شهداء الحرب في كل الجهات فلنا الفضل الاكبر منذ المهدية لم ينصرها الا اهل كردفان وشيكان خير دليل .

قبل ان تبدأوا في عمل الطريق نريد شيئا واحدا وهو ان تحصوا عدد الموتى الذي راحوا ضحية الطريق أتحداكم لو كانوا اقل من 500 ألف شخص .. وبعد هذا من يقوم بالحرب والتمرد نحن ام اهل دارفور .. كذلك نريد الشطار من الحكومة ان يقولوا لنا كم شخص مات بالملاريا في الجزيرة بسبب توقف مشروع النيل الازرق الصحي منذ قيام الانقاذ .. مؤكدا ان الارقام لا تقل عن 100 ألف شخص .. كذلك كم شخص ماتوا بسبب الاصابة بالبلهارسيا نتيجة المشروع الرقم حوالي 82 ألف شخص .. أين هذه الارقام من أرقام دارفور .. أي شخص من الجزيرة يعرف هذه الارقام تماما ..إذن من هو الاحق بالتمرد ورفع السلاح ؟ ومن هو الاحق بالتعمير والتعويض وان كان النفس البشرية لا تقدر بثمن .. خلونا نناقش هذا الامر يا أهل الجزيرة وأنا منكم .. لنبدأ نناقش هذه القضية اليوم قبل الغد .

والله لو شفتو موضوع تانى احسن انا من الجزيرة وعارف كان حكومة او كلومة الولاية كلهم حرامية من الغفير للوزير وماعايزين طريق بس عايزين صاين لو ممكن