عرمان يدعو السودانيين في الخرطوم ووسط البلاد بالتصدي الحاسم للنظام والعمل على اسقاطه.
لندن ? مصطفى سري
دعت الحركة الشعبية في الشمال السودانيين في وسط البلاد والعاصمة الخرطوم التصدي الحاسم لنظام المؤتمر الوطني الحاكم ، واعتبرت ان اغتيال الطلاب هو جزء من استراتيجية اجهزة امن النظام ، وحذرت من تورط البلاد في الصراعات الاقليمية باقامتها علاقات مع ايران على حساب جيران السودان الاقربين .
واعتبر ياسر عرمان الامين العام للحركة الشعبية في الشمال ان اغتيال الطلاب هو جزء من استراتيجية اجهزة نظام المؤتمر الوطني الحاكم ، وقال ( وهي سلسلة الاغتيالات طوال ثمانية اعوام استهدفت طلاب دارفور كجزء من فرق تسد ودق اسفين لتقسيم حركة الطلاب السودانيين على اساس اثني وجغرافي ) ، وقال ان النظام استهدف في الماضي جنوب السودان حتى انفصل ، واضاف ( والان علينا اخذ الدرس من تجربة الجنوب ) ، وتابع ( المطلوب خروج نظام الانقاذ وليس خروج دارفور ) ، في اشارة تحذيرية من تفتيت البلاد ، وقال ( على كافة السودانيين التصدي الحاسم لا سيما سكان وسط السودان والعاصمة الخرطوم ) ، معتبراً تصدي جميع السودانيين هو الذي يضمن الحفاظ على وحدة البلاد ، وقال ان ( ذلك يرد الاعتبار للنسيج الوطني والوصول الى سلام دائم وديموقراطية ودولة للمواطنة) ، واضاف ( اسلام السودان هو اسلام دارفور ولا علاقة له بفقه الضرورة ، واسلام المؤتمر الوطني هو الذي قسم الحركة الاسلامية والان يستخدم سكينه لتمزيف البلاد كلها ) ، داعياً جماهير الحركة الشعبية والجبهة الثورية الى الخروج مع كافة قوى التغيير تحت راية السودان .
وحول التحالف المتنامي بين الخرطوم وطهران قال عرمان ان تورط نظام الانقاذ في السودان في الصراعات الاقليمية واقامته علاقات مع ايران على حساب جيران البلاد الاقربين في المملكة العربية السعودية ، الامارات ، البحرين والكويت وبقية دول الخليج يجب ان يؤخذ على محمل الجد ، واضاف ان تحويل السودان الى ارض معركة اقليمية لمصلحة ايران والتخطيط مع حركات الاسلام السياسي والانغماس في مشاريعها للاستيلاء على الحكم في البلدان الغنية بالنفط لابد من اخذه بجدية ، مشيراً الى التصريحات المتكررة لمدير شرطة دبي ضاحي خلفان ، وقال ( ما شهدناه مؤخراً تحول السودان والخرطوم الى مقر لاجتماعات تلك الجماعات ) ، واضاف ( ندعو القوى السياسية لادانته والعمل مع غالبية السودانيين في السعودية وبلدان الخليج لايصال صوت الشعب السوداني وغالبيته الساحقة التي تقف ضد هذه التحالفات ) ، وقال ( هذه التحالفات تضر بالشعب السوداني قبل جيرانه ) .
[email][email protected][/email]
العنقالي بيرى انو ازالة النظام سلميامش ممكن
الحل الوخيد هو الكفاح المسلح, ياعرمان بالله سيبك من كلام السياسة والفلسفة , المقام مقام حرب وتحريض على قيام حروب نوعية وعمليات داخل الخرطوم وموت ودمااار حقيقى لاركان النظام , الهبات الجماهيرية والطلابية النظام قادر يلمها حتى لو يحبس نص البلد زى ماعمل فى يوينو الفات واللى خذلنا فيها السياسيين بكلام فارغ
ناس دارفور يتحالفوا مع العواليق بتاعننا ديل موقتا بس , لانو عارفينهم كرهونا وبنفصلوا , الخلاص كاودا تخلص روحكم على روح الانقاذ
ما هو الثمن الذي يقبضه نظام الإنقاذ نظير جعل السودان أرضاً للمعركة لصالح إيران ؟؟
الثمن هو حصول نظام الإنقاذ من إيران على الأسلحة المحرمة وغير المحرمة دولياً لإبادة شعب السودان في الهامش .. في دارفور وجنوب كردفان والنيل الأزرق !!!
انجمينا ? جبل مرة: smc
أعلنت القيادة العسكرية لحركة تحرير السودان فصيل عبد الواحد برئاسة القائد العام للحركة عبد القادر عبد الرحمن (قدورة) انضمامها للسلام والالتحاق بمفاوضات الدوحة مع الحكومة.
وأكدت في بيان صادر عن القائد العام للحركة (قدورة) تحصلت عليه (smc) انخراط القيادة العامة بكامل أركانها وقياداتها في العملية السلمية لحقن الدماء ووضع حد لمعاناة نازحي ولاجئي دارفور، مبينة أن السلام والتنمية المستدامة خيارات إستراتيجية للحركة وستعمل من أجل تحقيق هذه الأهداف.
وفي ذات السياق انسلخت مجموعة جديدة من فصيل عبد الواحد بقيادة الأمين تورو قائد غرفة العمليات بمنطقة سرونق غرب جبل مرة بمعية 180 جندي وآليات عسكرية.
وقال مصدر بالحركات المتمردة في تصريح لـ(smc) إن قائد العمليات قبل انشقاقه وخروجه عن المنطقة قام بتجريد عدد من مستشاري عبد الواحد من حراساتهم وعرباتهم وأجهزة الاتصال الخاصة بهم ومنهم مولانا محمد سليمان (ود كوسة)، أحمد آدم عنكبة، صالح بلال أبكر وآخرون، موضحاً أن هذه الإشكالات حدثت بسبب مخالفة عبد الواحد لوعد قطعه مع فصيله بالحضور للميدان برفقة عدد من الأجانب خلال الشهر الماضي لتسوية مشاكل القادة الميدانيين.
وأضاف المصدر إلى أن قيادات الفصيل بذلت مجهودات كبيرة لتهيئة الأجواء لاستقبال عبد الواحد والوفد المرافق له إلا أنه لم يحضر للميدان كما وعد الأمر الذي فجر موجة غضب عارمة وسط عدد كبير من القيادات التي أعدت هذا التصرف بمثابة سخرية وانتقاص من شأنها، كاشفاً عن سعي بعض المستشارين الذين تم تجريدهم من مخصصاتهم لاستخراج مستندات وأوراق ثبوتية مزورة تعينهم على الهرب لجوبا ويوغندا.
وأبان المصدر أن الرئيس التشادي إدريس دبي يقود وساطة فاعلة لإقناع مجموعة كبيرة من فصائل التمرد بدارفور للانضمام لمسيرة السلام، لافتاً إلى أن هناك عدد من قيادات الفصائل وصلت إلى العاصمة التشادية انجمينا تمهيداً للدخول في مفاوضات مع الحكومة.
انت ما بتفهم وين الشعب والاحزاب ديل ضميرهم مات من الاحساس
الرجاء حمل السلاح والنضال حتى نسترد الحق المسلوب لاينفع التظاهر بدون سلاح
هذا فظيع. الله يكون معنا [img]http://s01.flagcounter.com/mini/fcPpr/bg_ffffff/txt_fffff1/border_fffff2/flags_0.jpg[/img]
يا اخوان كثيرا دعينا و ننبه الى عدم الالتفات الى ما يقوله المسمى عرمان و جماعته من الحركة الشعبية شمال او شرق او غيره فقط ندعوكم ايها الشباب و الشعب السودانى الى الخروج فى الشوارع و فى كل الاماكن لاسقاط هذا النظام و رأسه لانه بسقوط الرأس الكل سيهرب و يولى الدبر اما الموضوع المهم بعد ذلك هو عدم السماح نهائيا لكل هذه الاسماء عرمان و كيزان و عقار و الحلو و النور و مناوى و الصادق و الميرغنى و الترابى و ابوعيسى و خليفة نقد و الهندى و المهدى و كل هؤلاء نعتبرهم هم الذين تسببوا فى ضياع دولة السودان و ايراد شعب السودان موارد التهلكة بفعل هؤلاء فيجب عدم منحهم اية فرصة لتولى اى مسئولية فى اى موقع فأن ارادو العيش كعامة الشعب فهم سودانيون و اما اذا ارادو ركوب الموجة و الظهور بأنهم خدام الشعب و المعبرين عنه فلا و الف لا فقد جربناهم جميعا من قبل فى كل المواقف فلم تستفيد البلد او الشعب منهم شيئا بل زادو الطين طينا و جميعهم غير مؤهل و ليسوا بأصحاب افكار او استنارة يمكن ان يعول عليها الشعب و عليه حذار و حذار و حذار من هؤلاء و اولهم المسمى عرمان فهو يلعب على كل الحبال و يلبس طواقى كل السودان و المهم الان و اولا هو ذهاب هذه الطقمة الفاسدة .
والله إنت ياعرمان بتنفخ فى قربه مقدوده ,, شعب شنو البيخرج للشارع ؟؟ دى جلافيط ,, لو عاوزين ثوره إستأجروا ليكم شوية مصريين مع شوية سوريين يعملوا ليكم ثوره ,, لانكم لو منتظرين ناس يا بلال عليا حتنتظروا طويلا
من الخطأ وضع كل القيادات المعارضة تقليدية وغير تقليدية في سلة واحدة. فعرمان متلا الذي ظل يحارب هذا النظام لأكثر من عقد من الزمان لا يمكن مقارنته بالصادق المهدي ( آسف الصادق السراج) الذي سلم السلطة بنفسه للكيزان والآن هو وابناءه يسترزقون منهم. كما ان شخصية كمن سميته خليفة نقد ينبقي ان نحتفي بوجوده بيننا. فهو مثلآ أول شيوعي سوداني اوغير سوداني يعلن إسلامه ويقول لكم بالفم المليان ان الشيوعية ضد الفقر والظلم وإستقلال الإنسان لأخيه الإنسان وليست ضد الدين. وأن مقولة ماركس الدين افيون الشعوب شأن يخصه هو ولا يخص الشيوعيين السودانيين. فشخصيات من هذا النوع ينبقي ان نحتفي بها ونقبلها بين صفوف الثوار ولا نبعدها من بينناونحقق للكيزان رغبتهم في عزل المد الثوري عن المحيط السياسي لشعب السودان. صحيح ان الثورة ستنتج قيادات جديدة ولكنها لن تأتي من عليين بل ستخرج من رحم هذا الوطن وشعبه
الشعب عاوز حاجه تحركو يا عرمان, يعني لو انتو حررتو مدينتين تلاته حاتلقو الملايين وافقه معاكم, الشعب لازم يضمن انو في ناس حاتحميه بالسلاح من عصابه البشير, ومنو غيركم يا عرمان بعد الله حايقدر يحمي الشعب من بني كوز!! ورب البيت نقطه دم من اي مواطن سوداني هي اغلي واطهر من البشير وعصابتو ومن شايعهم
يجب ان لا نعول على الاحزاب السياسية كثيرا مثل حزب الامة و الاتحادى الاصل و الشعبى لانهو أحزاب تخلت عن الشعب و جماهيرها و اصبحت جزء من النظام يجب التعويل و الاستعانة بالشباب و التكنوقراط الذين لا ينتمون الى اى حزب و التعويل و الاستعانة بالحزب الشيوعى و البعث و حركة حق و قرفنا و شباب من اجل التغيير وغيرهم كثر لانهم مواقفهم واضحةمن النظام ما هى كمثل الاحزاب التى استلقت فى حضن الموتمر الوطنى و امثال الامام الصادق المهدى و التضارب فى التصريحات و مولانا الميرغنى الذى بات جزء من النظام و اننا و حتى ولو اتت ديمقراطية بعد هذا الهوان كله فاننا لا نرتضى بزعامات تلك الاحزاب التى ماتت سريريا و حررت لها شهادات الوفاة من الشعب المعلم .
عايزين عشرة الاف من رجال التحرير عشان نتحرار لانو عندنا سامي خلاص بقي سمية مع احترامي لسمية هندوسة
عييق… الرخمه صبحت بوم
ود أب زهانا مكلوَّج
بكلمة بس يتهيَّج
ود أب زهانا خطير
وكلامو كلو فطير
ود أب زهانا أب خج
الفعلو كلو خمج
باع البلد من جم
والباقي بتوحم
+ + +
ود أب زهانا سلاح
في شعبو كيف نبَّاح
طير الرخم أصلو
دارس البلاده الصاح
ينقز نقيز الجن
والنقزي عاد في شن
شان البلد مضروب
الفشقه وحلايب
وحوضنا النوبي
وطلت “عوينات” غادي
بلهفه بتنادي
شعبا عظيم الشان
داسو اللي ما بيسوا
وتركوا ضُمه جعان
ود أب زهانا سلاح
ضد شعبو كيف نبَّاح
في شعبو كيف لطاش
وضد الأعادي طناش
+ + +
شاحد الكريم الله
الشعب يتوحد
ضد اللي باع بلدو
ضد البيسوي الشين
وساق البلد للدم
فرَّج علينا أمم
القلبو تب ما رحم
طبق الرماد وسجم
حرق القرى في دارفور
كتل العجوز في النوبه
خج العنج والفونج
شن خلا لينا الشوم
الأصنج الموهوم
حتى في الخرتوم
صادر حمار كلتوم
ست اللبن
+ + +
وساعة الطياره تحوم
كيف العقل ملخوم
شوف أب رياله بلوم
صحوه من النوم
الخاتي من اللوم
قاعد يلوك اللوم
ما قال كلام مفهوم
وود أب زهانا فرش
كِتِّر عليهو الرش
دربا تكوسوا عديل
ودربا يجيبوا الرب
حامد الكريم الرب
كيف بلغت الحلقوم
الرخمه صبحت بوم
+ + +
شاحد الكريم الرب
الشعب يتوحد
والغُمه جت تنزاح
الغُمه دُت تنزاح
وشان البلد يرتاح
ود أب زهانا يغور
وداك أب رياله يغور
ورفاقته جت في الخور
سيلا كسر ودفر
شعبي الصميمي ختر
لا وطا لا دنقر
قص العماله فجر
زحزح خيانة الدم
واتفنجر اتبسم…
إي ود أب زهانا يغور
ولجيخو جت مقبور
إي ود أب زهانا يغور
ولجيخو دُت مقبور
+ + +
ود أب زهانا غار
ضُمه البلد مِرتاح
فرهد شتيل الحب
طلَّ القمر فرحان
ومنقو من غادي
كفكف دميعاتو
وقالد حمد وخليل
أصلو القلوب عمرانه
وخيرنا العميم وافر
واصل لجيرانه
أصلو القلوب عمرانه
وخيرنا العميم وافر
واصل لجيرانه
علاء الدين أبومدين
الخميس 15 نوفمبر 2012
هذا النظام لن يسقط الا بعمل عسكري من الخرطوم..حرب الريف الطويلة ليس في مصلحة الثوار لان الوهن سيدب في اوصال مقاتليكم..عليكم بشئ من الابداع حي ولو في كادقلي..استهداف القيادات الامنية في المدن..الكيزان امنون في الخرطوم لذلك بطشهم شديد بالطلاب واما المواطنون فهم-خوافين ونسايين-كما قال الترابي,فلا تعولوا عليهم كثيرا
الشعب قلبو مات لانو اكل السحت، الموظف حوافز ورشاوي، والمزارع مرابحات ربوية وكتفلي، والتاجر كسر وشيل بي وضع، تاني فضل منو؟؟؟؟؟؟
رد علي فاطمة السمحة الشعب المصرى لقي الاحزاب البتلمو وتوجهة للثورة وين الاحزاب البتلمنا صدقينى الشعب جاهز للثورة ولكن منو البنظمها
من انتم ..الي الامام الي الامام الي الامام
انسونا من الكضاب الغير مهدي والميرغني المنافق والترابي الافة سبب معظم ان لم يكن كل الكوارث..الثورة دي يقوم بها المواطن البسيط سواء كان طالبا او موظفا او مزارعا او نجارا او عسكريا نظيفا طبعا وان كنت اشك في وجود هؤلاء تحديدا…الثورة اذا كانت شعبية سيكتب لها النجاح ان شاء الله…بصراحة لاتعولوا علي الفزاعتين الصادق والميرغني فكلاهما فاسدان…في العام 1998 سالت احد معارفنا لماذا لاتثورون علي هذا النظام فقال لي عشان ياخدها ود المهدي او الميرغني لالا..عشان كده الثورة محتاجة دماء شبابية وليس دماء تكسرت صفائها وماتت وشبعت موتا كاامثال هؤلاء قال معارضة قال 23 سنة بتعارض في رحها بس والنظام الشيطاني الكيزاني الحقير يستشيط ضحكا وطربا..ليس شيئا غريبا وهم من النفعيين والانتهازيين طبعا..اذا هب هذا الشعب فالثورة منتصرة لامحالة
ياعزيزي عرمان ..أولاً تحية طيبة.
ياعرمان الكلام النظري مابفيد الناس ..الطلاب والنساء بتتعذب في بيوت الأشباح وبتموت ..التصدي لنظام أخوان الشيطان ..عاوز محاربين وناس بتعرف تستعمل السلاح.. وإنتوه عندكم السلاح وعندكم المحاربين وبقية الحركات الدارفورية كان العدل والمساوة وله ناس ميناوي وعبدالواحد..تعالوا حاربوا مع الطلاب والنساء والشرفاء من داخل الخرطوم وشوف البيحصل شنو ومابتخجل تقول الناس في الخرطوم لازم تتصدي..إنت عارف كويس جداً والناس كلها عارفة كويس ..ناس أخوان الشيطان ديل جاهزين ومشترين مرتزقة عشان يبيدوا الشعب السوداني ..العالم كله عارف إنو السودان محكوم بعصابة مجرمة ..إذن السفر والإجتماعات مع الدول الأروبية وأمريكا مامنها فايدة..ومابتجيب (مريسة تامزينوه)
ياعزيزي عرمان ناس عبد الخالق والشفيع ومحمود محمد طه وهاشم العطا وفاروق حمدنا الله وبابكر النور
وغيرهم من الشهداء الشرفاء ناضلوا وضحوا وماتوا في سبيل رفعة وإعلاء راية الديمقراطية والحرية والكرامة ..والأن الطلاب والنساء والشرفاء المدافعين عن الديمقراطية والكرامة يموتون في سبيل إعلاء الحق مثل ناس عبد الخالق وبقية الشهداء الشرفاء ..الناس البتموت الأن ياعرمان في الشوارع وفي بيوت الأشباح الطلاب أبناء الكادحين مش أولاد الصادق المهدي ولا محمد عثمان الميرغني ..لأ نو ديل جزء من النظام ياعرمان..
المهم ياعرمان خلوه الإجتماعات والحوامة بين الدول وعاينوه لقدام .. لأنو بعد شوية السودان حيبقي مثل لعبة زمان وإحنا أطفال (شد وأركب) إذا بتعرفها أو لعبتها ؟؟ والحشاش يمله شبكتوه..
تقبل تحياتي وإن شاء الله نشوفكم بمدافعكم ورجالكم في التصدي داخل الخرطوم اليوم قبل غداً؟؟؟