الجلد والغرامة لمشاهد أفلام فاضحة

20 سبتمبر، 2011

الخرطوم: أماني عقار:
أصدرت محكمة جنايات حي النصر بمايو حكماً بالسجن لمدة شهر والغرامة مائتي جينه والجلد (40) جلدة لشاب أدين بتهمة مشاهدة أفلام فاضحة، وأشار القاضي في حيثيات القرار أن الأدلة التي قدمها الاتهام كافيه لإقامة الحجة عليه والتي تتمثل في أقوال الشاكي والمتحري الذين ذكرا أثناء إفادتهما بأنهما ضبطا المتهم في حالة تلبس تام أثناء مشاهدته لأفلام فاضحة وعثروا أثناء التفتيش على عدد من الأفلام بجهازهاتفه النقال وتم توقيفه ودون بلاغ في مواجهته.

الاحداث

20 سبتمبر، 2011

تعليق واحد

  1. طيب و الزنا الصريح في وضح النهار ما بتعاقبوا عليه ولا شنو؟؟ ده كان المفروض تستروا عليهو و تنصحوه و تزجره أن يشاهد مثل هذه الأفلام !

    أها حتدوهو إعدام ولا شنو ؟

    تلقاهو خرمان ما لاقي يتزوج من الفقر العليهو

    نسأل الله أن ييسر الأمر لأبناء بلادي ليستطيعو الزواج و العمل و طلب الرزق في هذه البلاد الظالم أهلها

    رد

  2. ومازالت الشريعة المسيسة الموجهة لفئة بعينها تعمل …!!!

    على نمط الحكم ده خريجة شريعة الفاتحة بيت دعارة للطالبات تاخد مؤبد وغرامة

    20 مليون وتجلد 400 جلده بس حكم الناسات والكيمان والمزاج الله يقينا شره

    اللهم نبرأ اليك من كل ظالم وظُلم باسم الدين

    رد

  3. اها وهنا مافى فقه السترة؟؟ ما انتو دمرتوا الشباب وخليتوهم عواطليه عن العمل وعواطليه فى الاخلاق بسبب سياستكم القبيحه.. وبعدين خلاص دى مشاكل السودان اتحصرت فى دى ما تشوفوا لينا التماسيح الجوعونا ديل

    رد

  4. يا جماعة هذا الشاب من مايو و ليس من الاحياء الراقية فالناس في الدنيا مقامات أما في الاسلام الكل سواء.

    لم يبين المقال حيثيات الحادثة يعني هل كان الشاب يشاهد هذه الافلام الخليعة في بيته أم في مكان اخر و كيف عرفوا و به وهلم جرا و ذلك مهم , لماذا؟ لأن من مقاصد العقوبات ردع الاخرين و ليس فقط ايقاع الالم بالمذنب, فتأمل.

    رد

  5. طبعا ما مفترض نخلق مبررات للراجل دا لكن السؤال الراجل ادوهو سجن وجلد وغرامة تحت اى مادة من القانون؟ افيدونا يا ناس القانون.بعدين الموبايل دا مفترض حاجة شخصية ولا شنو يا جماعة الخير؟فيها افلام فيها ما فيها هم دخلهم شنو

    رد

  6. مسكين بحاول انفس على ذاتوا لانوا المجرمين ديل ما خلو ليه طريقة زواج ، نجد ان هؤلاء الاوباش يتزوجوا مثنى وثلاث ورباع وهو المسكين ما لاقى واحدة تفك عنه كربته ،اللهم لانسالك رد القضاء ولكن نسالك اللطف فيه

    رد

  8. طيب عقوبة الزني العديييييييييييييل شنو؟؟؟

    أنا أعتقد انو العقوبة دي مباااالغ فيها…أفتونا يا أهل العلم

    رد
جميع الحقوق محفوظة، لصحيفة الراكوبة© 2025 .. تعبر المقالات المنشورة عن رأي أصحابها، ولا تمثل بالضرورة وجهة نظر إدارة الراكوبة
زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..