يا السني ما معنى الهتاف ؟( شعر)
بسم الله الرحمن الرحيم
يا السني ما معنى الهتاف ؟( شعر)
كتمت ؟ أكيد ما دايره ليها درس عصر
شان تعرفا
الأزمة وصلت حدها
والظلم فات حد الصبر
والغضبة صبحت تشتعل..
نيرانا يانا بنوقدا
أصبح كسير خاطر الوطن
بهوانه في نظر البدون ..
جيران حصادم في مسورا وزرعتا
ورصاص خسيس..
نقى الشهيد بعد الشهيد..من خيرتا
هيَ قربت؟ بل قد بدت..لكنها
دايرانا نتحزم جميع بى هبة واحدة نفرتقا
هادي البيانات..خير في خير
هادي الكيانات …خير في خير
هل من قيادة توحدا؟
شان ما يضيع دم الشهيد أبدا هبا
ولا أم شهيد تحرق حشاها بلا رجا
هل هي استوت ؟ بل صفرجت
ديك الغيوم اتجمعت..
بس ليه تقوم في الجامعات ..بعض المدن؟
وتنوم مدن..؟
يا السني ما معنى الهتاف
لى والي في عز الرياح ؟
وانت الرياح تاريخا من عندك بدا؟
قصر الكلام ..
الثورة بتفور في الصدور
والقمع حيزيد والفجور
خوف المشانق قالوه هم
بالساهلة ما بخلوا القصور
كان ما الرعود ..
تبرا الصواقع والبروق
ويكونوا زي أعجاز نخل خاوية
وما لهم من باقية
يرحل ظلام عاقبه الفجُر
واهو نحنا شايفين الشفق
وأكيد حيتفجر شعاع
يملا البلاد إشراق ونور
والشعب تاني يعود فخور
من تاني ما يغشاه جور
معمر حسن محمد نور
29/ابريل/2016
[email][email protected][/email]
البلد انفجر والشعر هو ندن نقوله منذ الصغر فى طابور الصباح
امتى يا أمة الامجاد والماضي التليد
اليوم نرفع راية استقلالنا ويسطر التاريخ امجادلنا