اسماعيل ينفي زواج البشير للمرة الثالثة.. ويقول : المنعطفات والتحديات التي تواجه البلاد أغرت بعض الجهات بنشر الشائعات لزرع الفتنة والتشكيك وحزب البشير لن تهزه المخططات الشريرة
سما-الخرطوم ــ
أكد مستشار الرئيس السوداني، الدكتور مصطفى عثمان إسماعيل تماسك صفوف قيادات حزب “المؤتمر الوطني” الحاكم والتزام الجميع ببرامج الحزب السياسية والاقتصادية، نافيا بشدة وجود أي خلافات في أي مستوى من مستويات الحزب، نافيًا فى الوقت ذاته ما تردد حول زواج الرئيس البشير.
وقال إسماعيل في تصريح له ، إن قيادة الحزب تدير نشاطه السياسي وفق شفافية عالية ومساحات واسعة للتشاور الحر والمفتوح الذي يسمح لكل الآراء والاتجاهات بالتعبير عن نفسها على أن يسود قرار المؤسسات .
ونفى اسماعيل ما تردد من شائعات زعمت أن الرئيس عمر البشير قد عقد قرانه بإحدى المدن، وأكد “أن الخبر عارٍ تماما عن الصحة”، قائلا “إن ما تم تداوله في هذا الشأن محض تسريبات خاطئة”.
وأكد مستشار الرئيس السوداني أن التحديات التي تواجه البلاد والمنعطفات التي تشهدها أغرت بعض الجهات بنشر الشائعات بغرض زرع الفتنة والتشكيك التي وصفها بافتراءات كاذبة، مؤكدا أن المؤتمر الوطني لن تهزه المخططات الشريرة عن المضي قدما في مشروعه، منوها إلى أن الحزب يراهن على الشعب السوداني والذي إليه يكون الاحتكام وعنده القول الفصل -على حسب تعبيره .
اقتباس للتمعن والتأمل
*(اكد أن قيادة الحزب تدير نشاطه السياسى
وفق شفافية عالية!!
ومساحت واسعة!!
للتشاور الحر!!
والمفتوح!!
الذي يسمح لكل
الاراء
والاتجاهات!!
بالتعبير عن نفسها!!
على أن يسود قرار المؤسسات!!)
هي قول عرس عديييييييييييييييييييل بعمل ليها شنو زولكم ده عامل زي كلب السره
ما عيب او غلط اذا تزوج ولو كنت في نفس ظرفة (عدم الانجاب) لتزوجت باربعة بحثا عن الاولاد …. سمعنا الشمار والف الف مبروك وكمان قالوا امورة صغيرة ومن ضواحي مدني .
(لن تهزه المخططات الشريرة)
شنو يا جماعة الراكوبة الحاجات الشريرة القاعدين تجيبوا لينا فيها زى المخططات الشريرة وصورة السيدات الأولانيات وكدة!!!!!!!!!بعدين حكاية التعرى وحتى لو فى الأخبار فقط”أن الخبر عارٍ تماما عن الصحة”، يعتبر خدش للراى العام وبرضو حاجة ماكويسة!! منكم لله !!! يا ناس الجماعة ديل عندهم منعطفات،ونشر أفترءات ودق ويكة!!!! ونشر غسيل !!!!وشنو ما عارف والمشروع بتاعهم دة لسع بيخدروا فيهوا ( عن المضي قدما في مشروعه) ،طبعآ تخدير المواطن ماعاد بجيب فائدة حتى لو ينقو من مزرعة الرئاسة الجمهورية!!!المواطن واعى بقضيتوا ،يس ساعدوه بالجكة!!!! أنشا الله الراكوبة الفضائية برضو تكون كفاية !!!!!!!
و سمعة ده مالو مخلوع ومنزعج كده من حكاية عرس البشير؟ إتحول لى “ماذون أنكحة شرعية” كما يسمى فى السعودية؟
ياخوانا خلوا الفارغة ومقدودة يعني شنو هل تزوج البشير الخامسة ؟ مالسع عنده خانتين فاضيين ممكن يملاهم في اي وقت وهو مستطيع وعادل
وأحنا مالنا تزوج ثالثة أم عاشرة …!!!! دا مش موضوعنا يارئيس شحادين القصر !!! ولا قلبت مستشار الرئيس لشؤون التعر..ة ؟؟؟؟ راجل فارغ
يعرس ليها شنو , هو اسه وداد دي قادر عليها, واللهي يابشة لوصح انك عرسته معناها حتقضيها رقيص بس ما اكتر
ليس مهما عندنا أن يتزوج أو يطلق ……المهم نريد اسقاطكم يا كيزان يا فاسدين ..
سمح القول في خشم سيدو !! لقد تحول المستشار لببغاء يردد ما يؤمر به ؟؟ ما هو مصير المزكرة المرفوعة و التي غضت مضجع الرئيس و جأر عالياً بأن من رفعها عضوية منفلتة يجب أن تخضع لمحاسبة !!
للأمانة بارت سلعتكم و إنفض سامركم
و الله يا مصطفي عثمان خجلت ليك شدييييد !!
ياخ انت دخلك شنو بعرس راجل تاني , و طالع تتفاصح كمان !
ده شنو اسي ؟ مستشار الرئيس لشئون العرس و الحنة و الإنجاب مثلا ؟
اصلك ما وراك ذرية والنتيجة واضحة من وداد الجاتك بتبعها من شمس الدين – ما تحطم بنات الناس – باقي ليك شوية ايام وتروح في ستين داهية – بلغ ايها المستشار للزيجة !!!!
ما يعرس كان عرس وما عملا قبل كدى وعرس فى بت عمو ولاهى بتبقى ليهو شنو السيدة الرايقة بت البلد المسكينة
يتزوج الثالثة امر لا يهم المواطن و بنت الناس مسكينه ستلحق بالاخريات كزوجه ولديها منظمة طوعية واسم رنان فاقده الاحساس والحقوق الشرعية واشيعه ونسه و تعيش حياة العز .
لان رئيسك ايها المستشار من هواة جمع النفائس واكتناز المال والقصور المعلقة و الحسان الغيد ؟
لانه عاش طفولته محروم من اكل الطيبات السكن الفاخر والاقتران بحورية من بنات العمارات .
والله معزور ومسكين وخليه اعيش ايامه وهو من اصحاب الدنيا و لم يعمل للاخره ناسيا متناسيا بان هناك يوم عصيب حيث لا ينفع مال و لا بنون الا من اتى بقلب سديد .
ما تفضحنا مع الجديدة كفاية فضحتنا مع فاّظمة و وداد ا.
زولكم داماعندو اي موضوع الناس بتعاني من الغلا وهوشغل بنسوان الرجال
الله يخيبك يابتاع السن والضرس انتهى بيك المطاف مشاطة تنفى وتاكد افعال ابوجاعورة
تلاقك الايامات دى بتنتقم وبتشفى من ايام ما كنت مريض بالسل وانتا مبعوث على حساب دافع الضرئيبة
كبير اخصائى المسالك البولية والبول اللاارادى ( اى زى الماسك صحبك المستشار الاخر بتاع شؤون التاصيل احمد عمر الامام )بمستشفى الملك سعود بالرياض
انتو مصطفى اسماعيل مستشار الشؤون الخارجية ولا الداخلية لرئيس الجمهورية ونفي الزواج مفروض يقوم بيهو وزير الدفاع لانه اقرب للرئيس في مثل هذه الاشياء او كما في مثل هكذا اشياء
السؤال ماهي نوعية هذا الزواج هل هي كامل الاركان ام لا اذا لم تكن كذلك فهي فساد في الارض
سثتبت لك الأيام ما كنت جاهلا يا المستشار الاجتماعي مصطفى اسماعيل واذا اتضح بأن كلامك غير صحيح والبشير متزوج حتقول شنو ، نحن لا يهمنا يتزوج البشير أو يطلق نحن من باب الظروف المعيشية للسودانيين نستهجن هذه الزيجات على حساب القصر المملوك للشعب السوداني …
ابشر يا ريس -الريس عايز ينافس ادريس ديبي -مافي حد احسن من حد -يعني وداد بقت سكند هاند-يبدو الراجل ما مرتاح مع وداد عايز يأدبها بي بي ضرتها -اصلو شمس الدين كان كاتل قلبها بالعواسة-
حكايه عجيبه !!!! المستشار المزعوم ده أو بالأحرى التفل المعجزه و فى تأكيدات قويه وبحمقه شديده و نفس حار على أمرين هامين:
1- تماسك صفوف قيادات حزب “المؤتمر الوطني” الحاكم والتزام الجميع ببرامج الحزب السياسية والاقتصادية…… و لاحظوا الإجتماعيه ( الزيجات و الطلاقات) غير موجودة..
2- ونفى ما تردد من شائعات زعمت أن الرئيس عمر البشير قد عقد قرانه بإحدى المدن، وأكد “أن الخبر عارٍ تماما عن الصحة” ..و دى هل هو متأكد 100%؟؟؟
إن قيادة الحزب تدير نشاطه السياسي وفق شفافية عالية ومساحات واسعة للتشاور الحر والمفتوح الذي يسمح لكل الآراء والاتجاهات بالتعبير عن نفسها على أن يسود قرار المؤسسات .
طيب …إذا دا حالكم ليه بتنزعجـوا شـديد كده من إشاعه غير سياسيه؟؟؟؟
ما هو مشروع حزب المؤتمر الوطنى؟؟؟؟ الناس الهممهم عالية بيأسسوا لوطن حر ديمقراطى موحد و دولة مؤسسات الحكم و تداوله بين ابناء الوطن مستقران اها بعد داك الكبارى و الطرق و السدود و التنمية البشرية و الزراعية براها بتجى و كذلك الاستثمار الاجنبى و المحلى!!!!! انتو يا ناس المؤتمر الوطنى متاكدين انكم بتفهموا فى السياسة ولا همكم كله بس تقعدوا فى الحكم باى ثمن ولو على حساب امن واستقرار و نهضة الوطن!!! والله الذى لا اله غيره انتو لو ادوكم بلد مكون من عرق واحد و ما فيه مشاكل الا تمزقوه و تفتتوه حتة حتة والله على ما اقول شهيد!!! انتو ما تصلحوا تديروا فريق كرة قدم خليكم من بلد كالسودان و ادارة فرق القدم ذاتها ما ساهلة!!!!!
مصطفي لن نسسي لك حين قته قبل الانقاذ كان الشعب السوداني مثل الشحادين لن ننساها لك ابدا ايها شحاد الارعن وانته ما مستشار ريس انته وزير عريس وليكم يوم يا اولاد الهرمه
بالله شوف الخايب الباطل دا،دا كلام بقولو راجل هسة
شكرا سعادة المستشار على النفي الذي نزل بردا و سلاما على قلوب زوجتي الرقيص و على شعب السودان قاطبة، و بهذا نعلنك مستشارا لشئون النسوان
منوها إلى أن الحزب يراهن على الشعب السوداني والذي إليه يكون الاحتكام وعنده القول الفصل -على حسب تعبيره .
معقولة بس يا مصطفى الحزب يراهن على الشعب السوداني ..؟ عن أي شعب تتحدث؟ عن الشعب الذي كان شحاذا قبل مجيئكم الكريه للسطلة ؟ عن الشعب اللي كان شحات وعملك طبيب وقبل بيك وزير كمان تمثله لدى الدول الأخرى … إنت وأمثالك لا يجب أن يتحدثوا بإسم الشعب إتق الله في من رباك وعلمك وكبرك فنعته بأتفه الألفاظ
البتقول فيه ده إسمة إنحطاط أخلاقي يا مجرم …ده بيعرف بالقوادة … بعدين إنت مستشار وله مشاطة لعنة الله عليك …البشير ماعنده خشم وبعدين البشير عاوز يتزوج عشان يعمل شنو؟؟؟
هل زواج عمر البشير فتنة و تشكيك و مخطط شرير يهز مشروعكم الحضارى.!!!ليه هو ده اصلو زواج ولا انقلاب..الزواج و الطلاق سلوك شخصى و خصوصيات لا دخل لنا بها..فأذا تزوج او طلق أى احد فهذا حقه الشرعى فى القرءان و السنه..فيا سيادة المستشار خلينا من امور النسوان دى و شوف ليك بيروت امشيها…
السيد المستشار الرأءسي لأ تتحدث بما يهين رجولتك
والله يا سودانيين انتو بتيعين شمارات بشكل!مالكم ومالو مايعرس ..بالله خلو الناس فى حاله!!!بس بينى وبينكم والكلام ده مايطلع برة قعدتنا دى!!!قالو أصلو الريس شاف البت فى عرس ادريس دبى اللى كان فى السلام روتانا!!!والوقت داك كان مصطفى قاعد بشمال الريس ..فالريس لما البت جابت ليهو الباردوسوس لى مصطفى وقال ليهو:مصطفى رجع كرسيك ده لورا عايز أسألك سؤال…مصطفى اتبجم مرة واحدة لأنو الايام ديك كانت الحكومة العريضة ماظهرت…فمصطفى قلبو طار وافتكر انو الريس حينقلو واحدة من السفارات البرة…الريس قال لى مصطفى فى أضانو:البت الجابت لينا البارد دى من وين؟…مصطفى أخد تنهيدة كبيرة وقال للريس:قطعت قلبنا!من الصباح ماكان تقول كده..!مصطفى قال للريس:دقايق واجيب ليك خبرا..وانطلق مصطفى والريس ضحك فى سرو لأنو مصطفى شرب جغمة واحدة من الببسى…أها..جة الخبر الأكيد…والله ياريس طلع زيتنا فى بيتنا…كيف يا مصطفى…فرد مصطفى:البت اسمها ريم وهى الأخت الصغيرة للوزيرة….هوى يا ناس بعدين تقولو انا بتاع شمارات!!!!!!!!
القصة بيني وبينكم الرجال الذي ديل يوهمو ا نفسهم
بانهم يقدروا يقنعوا الناس الحولهم بانهم فحول ويقدموا
علي الزواج باكثر من مره واحده ويكب ليك القروش بالهبل
ولا عملوا قريص
الافضل يعرس من تشاد عشان تبادل المنفعه هههههههههههههههههههههههههههههههههههه
الشحااااااااااااااااااااااد الوهم دا
ياجماعه والله حكايه .. شنوا قاعدين للتوصيف بكلب السره وتيس ام الحسن … انشاء الله يكون زى مايكون .. عليكم الله شدوا حيلكم وامرقوا معانا لى بره الشارع بناديكم .. وخلونا من زعيط ومعيط ديل .. وخلوا الفارقه والمقدوده .. امامنا مهمه عسيره كيف حاننجزها وانحنا غارقين فى مثل هذه الامور الانصرافيه .. افتحوا عيونكم كويس وكونوا قدر التحدى .. وكلامكم دا بهذه الطريقه لابجيب لا بودى .. وكان عندكم راى غير دا اخير تكلمونى ؟؟؟؟؟؟
ارجوا ان اضيف ليكم كلام .. حقوا تمعنوا النظر بالجروح التى على ظهر الاخت نجلاء .. اتنظروا الى معاناة الاخت الصغيره لبنى احمد حسين وكثير من جروح ومعاناة الشعب السودانى … علشان كده حقوا الناس تكون اكثر جديه .. ولكم منى تحية النضال الشريف ..
غريبة,وداد لسه صغيرة,ربنا يحفظ لبشبش شبابو,الصبغة رااااااقده,وهو لسه بقدر ينطط ويرقص,ابوهو زمان عرس ليهو بت عمو بالغصب
ياجماعه البنت لوزه ومن الشبارقه شرق مدنى.. الله يعينها والله الونسه ماتلقاها. لانو مسيخ ودمو تقيل
طيب الرئيس يعرس ليه فشان شنو بعنى انت مثلا بنشاهد ناس برشلونه عشان ناس ميسى وانيستا وشاقى وكل الكوكبه يعنى لازم يكون عندك هدف وناس مبسى بيجيبوا الهدف الرئيس زول مسكين ساكت وقايل العرس ده رقيص ونقزى ساكت ده حتى بيهبش خروف الضحيه اكتر من نسوانه – بس مصطفى ده دخلو شنو فى الموضوع وده موضوع داخلى وهو مستشار للشئون الخارجيه
من حق البشير يتزوج وياحبذاولوكان من دولة الجنوب
ياجماعة خلوه يعرس ويجرب حظو تانى .. يمكن كايس الولد ومسعجل على الخلفة
إتقوا الله ياساده في أنفسكم أولا وفي البشير ثانياإنه بشر وزين له حب الشهوات من النساء والبين والقناطير المقنطرة من الذهب والفضة.. هل أنتم تكتم هذه حتى تسبوه ….. إنتوا عارفين معظم أهل النار من اللسان …………؟؟
كلس والله يا بشبش ايوه دا الكلام الصاح وريهم الحفر البير منو