ستندم على العنصريه

سنندم يوماً على نظرتنا العنصريه المتجزره و التى فتكت بالسودان و ستمزقه إرباً إرباً ،فأعوا و إصلحوا ما بأنفسكم قبل فوات الأوان before When it was too late
!
احكى لكم :
جئت لاشترى انبوب غاز بزمن مفاوضات نيفاشا.. تربطنى علاقه حلوه مع الجنوبى صاحب الغاز و يحبنى جداً و يخدمنى بإخلاص ،حيث أآنسه أحياناً . مره جيت لقيت ولد جنوبى راقد فى العنقريب. جلست و الولد م قام . قلت له: أنت قليل ادب ،كيف م تقوم و انا زول كبير !؟ نظر إلي بدهشه و لصاحب الغاز الذى قاله له: عمك كلامو صح،احترم نفسك قوم على حيلك . فقام ببطء لم يعجبنى و هو بحمل جريده ، قلت له : قاعد تتفرج فى الصور،لانو شكلك جاهل م بتعرف تقرى . قال لى :بعرف. فعقب اخيه :تعرف شنو ،انت أكملت سادس بس و بليد .
تحدثت معه ان ارجع أقرأ يا جاهل . فقال لى : و الله لمن قرنق يجى نبقى اسيادكم .فضحك عليه اخوه و قال له :انت بتحلم ،قرنق ح اعملك ليك شنو ، و الله تشتغل كناس فى المطار ، قرنق ينزل من الطياره ،انت توقف الكِنِيس و تعاين بس ، م اكتر .
المهم ،نقرت له على وتر يا جاهل ارجع اقرأ.
مرت الأيام ،مرت السنين ، قابلت صاحبى الجنوبى الذى قال لى : اخوى النصحتو اقرى داك بسلم عليك . هو فعلاً أخذ بنصيحتك و رجع للدراسه .السنه دى قبلوه بالجامعه .
هو دوماً فى ذكرتك و بقول :عمو أحمد غيّر لى حياتى كلها.
فحمدت له الله و همهمت لنفسى ، لو تعاملنا مع الجنوب بأخلاق و الله ، لما إنفصل .
فإنى و الله أكن تقديراً لجنوب السودان و اظن أننا ورثنا من الإنجليز طُعمة تفرقة الجنوب منا isolations و رعيناها حق رعايتها مما كان أول معول tool ⛏ لتقطيع و تمزيق الجنوب بتفرقه عنصريه بغيضه dirty racial discrimination
بكل عدم وعى إجتماعى و دينى حنيف .
ليتنا ننبذ أفكارنا و فهومنا الباليه قبل أن تفتت السودان الفضّل بأيدينا و نجنى الندم .
سنندم يوماً على نظرتنا العنصريه المتجزره و التى فتكت بالسودان و ستمزقه إرباً إرباً ،فأعوا و إصلحوا ما بأنفسكم قبل فوات الأوان before When it was too late
!
لرأب الصدع و لنصون وطن قبل أن نقول أنه مستهدف
و العيب فينا و لا لسوداننا عيب سوانا !

طبتم

[email][email protected][/email]