مشجع هلالي يلوِّح بالانتحار رفضاً لشطب البرنس وفييرا- صورة –

هههههههههههههههه والله كلام بس هيثم وعلاء الدين يوسف احسن لاعبين فى الهلال
حقو المشاكل الشخصيه تتحل بعيد عن الانديه الرياضيه

اما أمه وهم يعني ينتحر عشان شطب لاعب!!!

كم انت كبير يا علاء الدين

They should have left him die idiot

هزا النوع من الشباب الذي تريده الانقاذ وسعت إليه

داير ينتحر وبيبكى عشان لاعب وطالعين تظاهرو عشان لاعب كوره .. الجوع ماطلعكم مطلعكم لاعب عمرو فات عمر انو يلعب تانى وهو زاتو عمل ليكم شنو يعنى ؟ جاب كاس واحده ؟ احححى انا عليكم عالم بالجد تستاهل ..

هذا هو الشعب السوداني شعب سازج وما عندة موضوع شطب هيثم وعلاء الدين يوسف شي عادي الناس

معطيين هذا الامر اكبر من حجمة من هو هيثم ومن هو علاء الدين يوسف وماذا قدموا للهلال من

تسجيلهم الي شطبهم لاشي ؟ اكرر لاشي يزكر يمكن يكونوا قدموا الي انفسهم اكثر مما قدموا للهلال

بلاخص علاء الدين يوسف وهو يعلم ذلك جيدا اما هيثم مصطفي فهذا الرجل منتهي الصلاحية من عشرات

السنين وكان السبب الاكبر في انهاء مسيرة شباب اكثر اتو للهلال ولم يجدوا فرصة واحدة مما وجدوها

هولاء وهولاء يريدون ان ياكلوا زمنهم وزمن غيرهم ولا يعرفون بان الكورة لها اعمار

ولكن هم يريدون ان يخلدوا في الهلال والهلال وطن وليس حكرا لهيثم وعلاء فاليذهبوا الي مزبلة

التاريخ غير ماسوف عليهم زززز

وعلي الشعب السوداني ان يترك السطحية وقيام المسيرات الهادرة من اجل لاعبين لم ياتوا لنا

بشي يزكر كما قدم كثير من الاعبين السابقين من امثالهم واسرائيل لها الحق في ضربنا لاننا

شعب سطحي لا نراعي لمصالحنا عواطفنا كلها لهيثم مصطفي وعلاء الدين يوسف والحوت بالله هذا

شعب يرفعوا لة علم سبحان الله شعب كسول ويتعامل بالفارغة اكثر من الواقع اصحوا يانائمون

الناس من حولنا تتطور وتبني ناطحات السحاب ونحن في سباتنا العميق (لله درك ياوطن ) اموم

لة الحق في دفع واحد دولار لكل برميل يمر من ارضنا وسالفاكير يطالب بابيي وهجليج لهم

حق في ذلك طال ما نحن شعب نحي ونموت من اجل علاء الدين وهيثم مصطفي ومحمود عبد العزيز

(الحوت ) بين قوسين ونقيم لهم المظاهرات والمسيرات والندوات

يا اخ حاول الانتحار وانت بتطالب برفع الظلم عن اهل دارفور و جبال النوبة والنيل الازرق وكل المهمشين في السودان

طالب سوداني يتفوق على طلاب (50) جامعة عربية ببحث علمي نادر =====
مشجع هلالي يلوِّح بالانتحار رفضاً لشطب البرنس وفييرا(علاء الدين شلالييت)=====

(شتان بين هذا وذاك)

شوف الناس عايز تموت من اجل شطب لاعب كرة
وبالضفة الاخري 4 طلاب ماتو على ايدي النظام
والله شعب جبان ليسى الا

ياريت لو خلوه ينتحر ، هذا الشاب الابله
الطلاب تموت وترمي جثثها فى الترع ولم نرى شابا فعل من اجلهم ما فعله هذا الاحمق
هيثم مصطفى وعلاء الدين خلاص قدموا كل ما عندهم واصبحوا غير قادرين على العطاء
اخر زمن
شباب هايف جدا

يعنى كل مشاكل البلد إنحصرت فى شطب لاعب أو تسجيل لاعب ، وهى وين الكورة البتستحق تشجيع ، يا ولدى الكورة راحت من زمن ناس على قاقرين وجكسا وكمال عبد الوهاب وبشارة ، عليه يا ولدى بطل الخيابة وشوف مستقبلك ، أمك وأبوك وأسرتك منتظرنك خليك جاد وهذا عمل حرام حرام ، وهذه أشياء دخيلة علينا كسودانيين ـ ولو كررت هذه العملية مرة ثانية نصحيتى يساعدوك بلزة (دفرة)

ورئاسة الجمهورية نفسها ممثلة في هذا الرئيس المريض – تركت الشعب وحالة الشعب وهمها هيثم زفت والكوره يا ناس والله مهازل – الشعب جيعان – والمغتربيين يعانو – والناس قالت الرووووب . وده قال عايز ينتحر وكمان طلعو ونزلوه والله دى مسرحية ظريفة وحلوه شديد وكمان عايز يموت مشنط – طيب يا جماعة المظلومين ناس الكورة ولاّ ناس دارفور ولا الطلبة الماتو أوانطه ديل …..

هسه لو طلعت مع اخوانك فى المظاهرات ما كان احسن هو فى كوره ولا اتحاد الثوره من اجل التغيير الشامل يا سجم الرماد وعشان تكون فى كورة افضل من الخروج دائما من فرق ليس لها سمعه احسن كل جهودنا مع ابناءنا الطلاب فى المظارات ثوره ثوره حتى النصر

يكون واحد من المشاطيب قال اعمل الحركة دى مقابل كم الف ممكن على قرار الفننيين البدفعو للبنات على اساس الواحدة تقدم ليها كم عرض باهت وكلو بتمنو يمكن

غايتو جنس محن

يا ترى كم واحد سيحاول الانتحار عندما يشطب عمر البشير؟؟

كل المعلقين على فعلة هدا الشاب كانوا على حق لان اصلا كورة فى السودان ما فيش ولا اى تقول عليه وتموت من اجله كان ميسى بلعب كورة والبعمل فيه البرنس وفييرا اسمه ايش خلى هدا الشاب يشوف انيستا وشافى ويرجع لصوابه اعتقد هده مهزلة

الناس في شنو والحسانية في شنو .. كان تخلوهو بنتحر دا ما بمثل اي خسارة في الارواح

صغير وعقلوا اصغر الله يشفيه ، الهلال والمريخ الاثنين فاشلين ومحليين عملوا شنو في كاس افريقيا للاندية ولا كاس الامم الافريقية ما طلعوا زي المافي حاجة من فرق ضعيفة على كل حال شكرا علاء الدين عشان انقذت الاهبل دا ..

والله دة حقو جلدة نضيفة لامن يعرف حاجة … قلة حيا

يا جماعة الخير باركوها …

الخبر بيقول شاب (واحد بس) هدد بالإنتحار بسبب شطب هيثم و لم يقل أن (كل) الشباب السوداني فعل ذلك.

هذا مثال الشاب مثال لأقلية توجد في كل مجتمع لذا لا تجعلوا الإحباط يتملككم و لتقدير دقة الموقف و الحكم الطبيعي :

هناك الآلاف من الشباب منخرطون في حزب النظام الحاكم و بعضهم يعمل كمليشيا قمعية مسلحة كما شاهدنا في عملية إغتيال طلاب جامعة الجزيرة فهل سبب لنا ذلك إحباطا أو هل كان مدعاة بأن ( كل) شباب السودان هم من القتلة و منعدمي الوطنية ؟؟؟

فضلا لا تفعلوا ما يريده النظام و هو الركون لليأس و الإحباط لأنها من أخطر عناصر الحرب النفسية ..

فلتكن ثقتنا في الشباب السوداني أكبر من هذا الحدث أو حادثة من خرجوا يهتفون بحياة الحوت ..

الشاب ده كتب وصية ولا لأ علشان نعرف السطلة ده جابها من وين صراحة قووووويه.

so many times i came across this expression “Al-Nas fee sheno; wa alhasaniya fee sheno” I feel the contextual meaning of the the essay but i do not know exactly when to use it
could any one tell me how to use

بالله شوفوا , هل دي مشكلة كبيرة يعني ما الكشف الجاي يتم تسجيله في المريخ والبحبوه موت يمشوا معاه المريخ

دا جيل السودان الجديد

هذا نوع من الهوس وكل حاجة بتحصل الناس منها بتتعلم فلو تم الانتحار فالمسؤلية القانونة
تطال ادارة الاستاد لما تركوا الابراج بدون حماية حتى يصعد عليها من يريد الانتحار وتكون مساعدة على الانتحار والعياذ بالله وناس في شنو وماذا حققت الرياضة للسودان فهي افشل من نظام البشير

والله دى كان حايطع من الدين والدينا وانا بنصحوا انو يمشى البحر الاحمر يغتسل ويشلا موزا ويحصلنا فى الدهب يفيد نفسوا وغيرو وانا شايف عندو خبرة فى الشعبطة وكان وقعت فوقوا بير يكون شهيد مش احسن من شغلتو الخايسة القاعد يعمل فيها دي …………..والله يصلح حال الشباب

بالرغم من السلوك المشين للمشجع الا انه والحق يقال ان علاء الدين يوسف طلع رجل شجاع وكريم وينبغى ان يصفق له الجميع وصفقة حارة منى يا كابتن فييرا منى انا جركان المريخابى

ياجماهير المريخ الابية ياصفوة الكرة السودانية ارجوكم لاتجادلوا مشجعى الهلال فاذا كان المشجع ينتحر فى شطب لاعب فانه اذا غضب سوف يشطب جمهور باكمله- ونصيحة من جركان المريخابى

المفروض يخلوه الينتحر ماالبلد الموت بالجملة ايه المشكلة عالم وهم

يا جماعة رجعوليهو ميسي و رونالدو نحنا ما ناقصين الفينا مكافينا

انتو يا جماعة : ألقو القبض على سمكة (البردة) المتهمة بقتل طلاب جامعة الجزيرة ولا لسة ؟؟؟؟؟؟؟؟؟

انا صراحة اكتفيت بالضحك على موقف هذا الشباب ،ولكن لفت نظري موضوع السلامه في الصورة حيث يلاحظ عدم استعمال علاء لاي حزام اثناء صعوده وامساكه بالشاب مع العلم ان شخص يريد ان ينتحر من اجل مشكله اقل مايقال عنها انها تافه ليس في حاله طبيعيه،اهم شيء في هذا الموقف ارتداء حزام للسلامه لكي لاتكون المصيبه مصيبتان،شغل عشواء ماذا يفيد ان تغير بنطلونك وتلبس بنطلون الدفاع دون اتباع اجراءات السلامه لكي تضمن سلامة نفسك وسلامة من تريد انقاذه

والله الزول البيقنعوا علاء الدين ده كان يخلوهوا يقع يكسر راسه الكبير ده
طارق

هيثم مصطفي قدم ما فبة الكفاية ولكن مؤسف جدآ ان تكون نهايتة مأساوية بطريقة دي نأمل ان جمهور الهلال يكون رابطة بتجمع جماهيري عالي المستوي لنصرة البرنس وفييراء واغلة شانبيون فورآ

يا لهوي
لأول مره واحد يثبت لي ليه البشير طلع ميتين أبو أهل السودان ؟
ديل الشباب الراجاهم البلد؟
عالم كرور
هسع دا فايدته شنو منزلنوا؟ خليهو يغور جاتوه نيله تخمو وتخم الأنقذه

دي تمثيلية الولد دافعين ليهوا عشان اعمل كده كلو وهم في وهم هو كان داير انتحر بقول نادو لي الوزير ناس الحكومة برموا الطلبة في البحر خلونا من الفيلم الهندي ده

ده هسع يسموهو شنو شهيد البرنس!!! عالم جاهل بشكل غريب

شاب ( مستعد) ينتحر عشان كورة ، ولاعب كورة …قول ليهو أطلع في مظاهرة يقول ليك ماشي الكورة .
سبحان الله

دي درامات جديدة ذي ما طه سليمان واحمد الصادق بدفعوا للبنات عشان يجو يحضنوهم ويبكو في المسرح كذلك فعل البرنس – صاقعة تاخدكم كلكم وتريحنا منكم الناس في شنو وانتو في شنو

عينة الزول دا المفروض يخلو يموت لانو نحنا ما ناقصين هبل كفاية الوزرا, شعب غريب مستعد ان يضحى بحياته من اجل الكورة وغير مستعد ان يرفع صوته ضد الظلم, فى ستين داهيه دعوه فهو غير مفيد. يريد ان ينتحر من اجل الكورة التى اثبتنانجرى ورائها ونجر خلفنا الفشل والهزيمة

المشجع ده دايرلو دقه

يا جماعة ……………. يا عالم ارحمو الراجل شوية كلكم مريخاب ؟ الراجل مريض بهستريا الملاعب . انتو البتعلقو ديل الطلع فيكم لمظاهرة منو ؟ بلا كبرة شلاليف .