بعد التعاقد مع تامر حسني للغناء في بورتسودان : فنانات يطالبن السلطات بالسماح للفنانين العرب بالغناء في الخرطوم ..!!
ابدي عدد من الفنانات ترحيبهن بمقدم الفنان المصري تامر حسني الي السودان ووقوفه علي خشبة مسرح مدينة بورتسودان لأول مرة في حفل جماهيري كبير لما يمثله الأمر من أهمية كبري بالنسبة للتواصل الفني العربي للسودان مع محيطه من الدول العربية الصديقة ولإرضاء تعطش الجمهور السوداني المتلهف لسماع أصوات الفنانين العرب ، وأكدت المطربة الشابة ريماز ميرغني أمنيتها أن يوفق تامر حسني في إقامة حفله الجماهيري بالسودان بغض النظر عن المسرح والمكان الذي سيتغني خلاله ، وطالبت الفنانة عزة ابوداوود السلطات السودانية بضرورة إعادة النظر في قرار منع مجئ الفنانين العرب للخرطوم وأوضحت الفنانة عبير أن قدوم فنان كبير وعالمي مثل تامر حسني الي السودان سيثبت للدول العربية وغيرها أن السودان دولة منفتحة ومتواصلة إعلامياً وفنياً مع من حوله وشعبه شعب متحضر ، وكشفت عبير أنها من عشاق تامر وتدعو له بالتوفيق في حفله بعروس الشرق
فنون
وأوضحت الفنانة عبير ??? عفواً هل الساحة الفنية السودانية فيه مغنية اسمها عبير..
وارضاء تعطش الجماهير السودانيه التلهف لسماع الفنانين العرب!!!
العالم دي بتجيب الكلام دا من وين ,,,الفنانين العرب لا يطرب لهم الا ابناء المغتربين في دول الخليج لانهم تعودوا سماعهم اما غالبية اهل السودان فلا احد يطيق سماعهم
والدليل علي ذلك ان اي حافلة ركاب اوبص سفري كل الاغاني التي تردد فيها سودانيه وبس ,,,الشئ الوحيد الدخيل علينا هو الزفه المصريه في بعض الاعراس والتي سعي المرحوم وردي طيب الله ثراه وبعض الغيوريين علي السودان تغيرها بزفه سودانيه
يا جماعه سيبونا من التملق للعرب والتشبس بهم ,,نحن سودانيين نعتز بثقافتنا وتراثنا وفننا ومن له راْي غير ذلك فهم النشاز
عبير دي هي ذاتها مالها ومال تامر هي البلد ناقصة انحنا في شنو وديل في شنو يعني لو جا حيحل لينا مشاكلنا
انا غايتو ما مع المتعطشين ولا شي
والبدفعوا لي تامر حسني ولا اسمه منو ده
في مليون اسرة سودانية محتاجة ليه
وانت يا ايلا شوف اهلك البموتو بالسل وفيهم أعلى نسبة أمية
واعلى نسبة فقر
شوف نسوان البجا البموتو بالتتننس في الولادات
شوف الاطفال البموتو بامراض سوء التغذية
وسيبكم من الكلام الفارغ الما جايب لينا غير الفساد والمسخرة
ابدي عدد من الفنانات ترحيبهن بمقدم الفنان المصري تامر حسني الي السودان …
دي قلة أدب…
وتامر ده حيشيل الايراد معاه لام الدنيا بالجنيه السوداني ولا الضولار المعدوم ؟
قالت مجيىء تامر يثبت للعرب انو الشعب السودانى متحضر ومنفتح وهذا مفهوم قاصر ياجاهله لــيـــس التحضر فى الاختلاط ورقص الارداف والكلمات المثيره للشهوات وسهر الليالى وصرف المبالغ فيما لايرضـى الله وكثير من الاسر باجه للمأكل والعلاج واما التحضر يكون فى الحشمه والاخلاق وتوعية المجتمع بتعاليم ديننا الحنيف وهدى سيدنا محمد صلوات ربى عليه وسلامه وانت وأمثالك تهدون الناس للضلال والفـــجور هداكم الله واسأله ان يخرجكم من الظلمات الى النور…
هؤلاءالمستعربون يفضلون فنانين العرب,ويصبحون عرب اكثر من العرب انفسهم, فهم ضعفاء إلى درجة المذلة والهوان.سيأتى جيل من الابناء يفوق من غيبوبه تشويه التاريخ.
ياللاسف الناس مالاقي لقمة عيش عشان تاكلها تجيبو لينا تامر بملايير الجنهات اختشو يا فنانين الي اين تذهبو تريدون حياة الخلود دي قله معرفة بالحياة السودانية
بالنسبة لتامر في السودان للبنات المرهقات فلا داعي تامر شنو الفينا بكفينا ماتحرجونا
قالت فنانات انتن ليست بفنانات لو كنتن فنانات كنتم جعلتم من الفن عنوان للادب والحشمه والعفه والرزانه لكن انتن ابع من ان يتحدثن عن الفن شنو تامر حسنى ولا غيره الموضوع تامر حسنى وكل الفنانين مش قادرين يعملوا حفله واحده داخل دولهم لانهم صاروا منبوزين صاروا نكره .
وثم الفنانين المصريين والممثلين المصرين هل فهمت وقراتم ما قالوه عندما هزمتم الجزائر بالخرطوم صاروا يضعون كل اسباب فشلهم بان السودان غير امن وغير شعب متخلف واشياء وسخريه من جميع القنوات المصريه كيف يجرؤ المصرين ان يتحدثوا عننا كدا ونجى ندخلهم السودان لكى نحتفل بهم دا كله كلام فارغ والبلد فيها ازمه وفيها ضائقه معيشيه
وبعدين شنو ريماز وشنوعزه وشنو عبير كم عمركم حتى ان تطلبوا وتقولوا دخول الفنانين العرب يجعل البلد مفتوحه وان شقافتها عاليه كلا يا بنات الدلوكه وغناءكم كله تلب وبعدين هل العرب معترفين بكم عرب كلا يا بنات شوفوا ليكم غرفه نوم واعملوا ليكم حبه دخان وكبريت واهتمن بازواجكن بدلآ من تصريحات لا تفهمون عنها شئ
البلد معروفه من قبل ملايئين السنين المحجوب كان شاعر ومهندس ومحامى ورئيس وزراء السودان هل سمعتم يومآ برئيس دوله كان يحمل اكثر من شهاده وتخصص
ام الاعلام والتلفزيون دخل السودان قبل جميع الدول العربيه حتى مصر
وكان السلطان دينار رحمه الله عليه من كان يقوم بتوزيع الزكاة على اهل الحرمين
وهو من عمل ابار على للمساعده الحجيج فى اداء منسكهم
وهو من سجل بيوت وقف للحرمين
وهو من كان يكسو الكعبه لاكثر من عشرة سنوات
وهل تعلمون ان اول سياره دخلت السعوديه كانت هديه من الامام عبد الرحمن المهدى هداءها للملك السعوديه
هل الاعلام العربى اعطى الشعب السودانى حقه هل الاعلام العربى صحافه وتلفزيون وضح الحقائق
كلا لانوا لا يمكن ان يعترفوا ابدآ ودى عقليه جميع العرب لا يقولون لا يقولون الحقائق المره