والي الخرطوم يشكو من الأعباء المالية الناتجة عن الإجراءات الإقتصادية الأخيرة

الشكيه لى اب ايدا قويه .
ما عندك حل غير العصيان …
او اول لك قوله حقو تشتت من هس هههههاى من نناس لاهاى .

هذا المعوق ، ماذا إستفادت منه ولاية الخرطوم ؟
كفايه علينا ، رياله ومخا….. سبب لينا تلوث بصري.

تبكى تبكى ياراجل تبكى على شنو على خيبتكم ولا على دماركم للبلد.
البلد وسخانة ومعفنة .لا نظافة لا صرف صحى لا تعليم لا مواصلات لا علاج
لا ادوية لا ولا ولا حاجات كثيرة.
من المعرف الدول المتحضرة تقاس ب 1/الصحة 2/التعليم 3/المواصلات
ونحنا لا عندنا صحة ولا عندنا تعليم الا نمشى يا حاج ادم الى ديوان الذكاء
عشان نعلم اولادنا. اما المواصلات الله يخلى الركشات .عليك الله يا عبدالرحيم يوم ركبت ليك ركشه؟. مشيت السعودية مشيت الامارات مشيت الكويت مشت الدوحة فى يوم
لاقتك ركشه حايمة ولا كارو لافة.والله جيتوا تنقذونا رجعتونا الى عهد المهدية
يا ابو ريالة انت ما حضرت زمن الخرطوم بالليل وكت كانت شوارع الخرطوم تغسل
شوارعها بالصابون ما حضرت لبن كافورى الكان بيضعوه على الحيط دون ان تمتد له
يد تاخذه حضرت مشروب السكة حديد القزازته مكرشه ما حضرت تلفونات الشارع التى
لا توجد مثلها الا فى اوورباما حضرت زمن كان عندنا اسطول من الطائرات تجوب العالم حضرت ايام كان عندنا خطوط بحرية لا مثيل لها لا عربياً ولا افريقياً.
عليك الله الحاجات دى كلها مشت وين بدل ما تزيدوها وتطوروها تقموا تقضوا عليها
الله لا بارك فيكم ولا زادكم بركة 0000

انت بتشكي لينا نحن هو نحن البعنا الحاجات كلها ما تشتكي لرئيسك سبب البلاوي يعني انت سواق بس و الرئيس قال ليك ما تتكلم وانت سائق.

يا والي الخرطوم اليس حري بك ان توفر لقمة العيش الكريمة لمواطني الولاية بدلاً من هذا الامن الذي تتحدث عنه ..
ياعزيزي الفاضل الاكل مقدم على الامن ، قال تعالى: ((الذي اطعمهم من جوع وامنهم من خوف)).
ماذا يفعل الجائع الذي لايملك ما يسد به رمقه وبطون ابنائه الجياع ؟!! ليس امامه شيء سوى السرقة او الهمبتة. الم تقرا في التاريخ او سيرة الصحابةعن الجوع فقد قال سيدنا علي كرم الله وجهه (لو كان الفقر رجل لقتلته). وفي عام الرماد عندما حدثت المجاعة قال سيدنا عمر بن الخطاب رضي الله عنه (عجبت لمن لا يملك قوت عياله ولم يحمل سيفه).
يا اخي امن شنو وكلام فارغ شنو!!!!!!!!!!!!!
شوف عيشة المواطنين واترك الاشياء الانصرافية التي تحاول ان تغطي بها فشلك فانت كل يوم في منصب جديد دون اجادة لهذه المناصب السابقة والحالية.

الخرطوم اكثر العواصم امناً!!!!!!!!!!!!!!!!!!!!!!!
بالله شوف

محمد حنية

أكتر حاجة معبرة في الخبر ده كلو الصورة الفوق دي هههههههههههههههههههههه