محمد الحسن الأمين : وثيقة (الفجر الجديد) جمعت كل سوءات الصهيونية
الخرطوم: رقية الزاكي – يحيى كشه:
قال محمد الحسن الأمين القيادي بالمؤتمر الوطني، رئيس لجنة الأمن والدفاع والشؤون الخارجية بالبرلمان، إنه ستُتخذ إجراءات ضد الأحزاب التي تحالفت مع الحركات المسلحة بواسطة مسجل الأحزاب، لجهة أنها موقعة على ميثاق العمل الديمقراطي. وأكد الأمين للصحفيين أمس، أن العام الحالي سيكون عاماً للحسم، وانتقد مواقف الأحزاب
وقال عن الأحزاب: (رِجِل جوه ورِجِل بره)، واستدل باتفاق نصر الدين الهادي مع الجبهة الثورية، وحذّر من مآلات سلوك الأحزاب طريق الحركات المسلحة، وقال الأمين إن الرد على الأحزاب سيكون بكل الوسائل المعروفة، وأكد الدفاع عن البلاد بكل الطرق، وقال: إذا سلكت الأحزاب الطريق السلمي عليها مواصلة الحوار. وأكد استعدادهم لفتح حوار مع القوى السياسية كافة، ورفض الرضوخ لشروط تضعها الأحزاب، وقال: ليست لدينا نقطة ضعف حتى تملي الأحزاب علينا أية شروط، وأضاف بأن الأحزاب فشلت في الترويج عن تزوير الانتخابات، وتابع: نحن جاهزون لأي ميدان تختاره المعارضة. وفي السياق، وصف المهندس حامد صديق رئيس قطاع التنظيم بالمؤتمر الوطني، وثيقة (الفجر الجديد) التي وقّعتها المعارضة والحركات المسلحة، بالسيئة والعنصرية والصهيوينة والحاقدة، وبأنها منفستو للجبهه الثورية، ودعا الأحزاب الموقعة عليها لتحديد موقفها من الوثيقة، وأن يكون رأيها واضحاً من تبنيها. وقال المهندس حامد في تصريحات عقب اجتماع قطاع التنظيم أمس، إنّ الوثيقة هي النظام الأساسي للجبهة الثورية التي أفلحت في أخذ غير المنتسبين للأحزاب ليوقعوا عليها، ووصف الجبهة الثورية بالمولود المشوّه للجنوب وقال إن هذا المولود لن يعيش طويلاً وسيموت، واعتبر صديق أن كل من نطق بالشهادتين وأصحاب القبلة يتبرأون من هذه الوثيقة، ودعا المعارضة للفصل بين الانتماء الوطني والوقوع في تأثير الصهيونية والاستخبارات الأجنبية، وأضاف بأن الجبهة الثورية انتقلت من عداء الوطني لعداء الدولة بحديثها في الوثيقة عن تفكيك القضاء والجيش والخدمة المدنية، وقال: هذه مكونات الدولة ويريدون أن يفككوها ويأتوا بشذاذ آفاق، نحن نعلم ممارساتهم وممارسة مناوي وجنوده في عهد شراكته مع الحكومة وهجوم العدل والمساواة على أم درمان واستفزازات المواطنين في الكلاكلة. ووصف صديق وثيقة (الفجر الجديد) بأنها جمعت كل سوءات الصهيونية، وأنها لا تتحدث إلا عن سوء معديها لأن أسلوبها صهيوني واضح في صياغة الميثاق لأنهم استدعوا أسلوب (الهولوكوست) في أن من ينكر الإبادة الجماعية يجرم بالقانون، وأيضاً استدعوا التفرقة العنصرية والجهوية بحديثهم عن إعفاء جميع الطلاب عدا طلاب الوسط، وقال: هذا أسلوب عنصري حاقد، وأشار إلى أنّ أحزاباً بدأت تتبرأ من منسوبيها الموقعين على الوثيقة، وطالب الأحزاب المعارضة كافة، التي ورد ذكر ممثليها في الوثيقة لتحديد مواقفها من مناديبها وأن تكون واضحة إذا كانت توافق على فصل الدين عن الدولة.. وما إذا كانت الوثيقة تمثل آراءهم.. أو أنهم يريدون إرضاء بعض الأجهزة الصهيونية والاستخباراتية وكسب ولائها، وقال إنه يجب على الأحزاب الفصل بين الانتماء الوطني والوقوع في تأثير الصهيونية والاستخبارات الأجنبية. ونبه لتراجع حزبي المؤتمر الشعبي والأمة القومي عن الوثيقة، ودعا كل حزب لمراجعة قناعاته العقدية والفكرية واتخاذ موقف واضح فيها.
الراي العام
سجمي يا ام الحسن
الدولار اكثر من 7000 جنية والادوية مافي والحياة صارت مستحيلة انت عايشة وين يا ام الحسن
نقطة الضعف هي غلبتكم
بس اعترفوا قبل ان تشتموا الاخرين
. The new dawn is coming irrespective of what you say
. I believe you are about to (shit) on your clothes now
اصبحت مسالة تحججكم بكل من ينتقدكم بالصهيونية و العمالة الاجنبية بايخه و لا تنطوي على احد حتى اذلامكم ايها المخنس
فانتم ابعد من الاسلام واقرب للصهاينة بل انتم يمكن ان تتحالفوا مع الشيطان في سبيل الجلوس علي السلطة لاطول فترة
تاريخكم الاسود قاربت صفحته على الاختفاء باذن الله وسوف نري ذلك قريبا.
واعتبر صديق أن كل من نطق بالشهادتين وأصحاب القبلة يتبرأون من هذه الوثيقة،
_________
ردود واهنة تلجأ للتجريم والتكفير ،، هذه الوثيقة لم يكتبها كفار قريش ولا يهود هوازن يا أغبياء إني استغرب من محمد الحسن الامين حالتو قانوني ،،، لو صادقين بطلوا الكضب وحلوا الحكومة وادعوا انتم الى حكومة قومية انتقالية 4 سنوات وده أفضل الخيارات السيئة المتاحة لكم وإلا فانتظروا الصوملة والافغنة واللبننة والسوررة ،، كل التجارب دي وما عايزين تستوعبوا ،، اللعنة على حب السلطة والثروة يا محمد الحسن الامين // حالتك زي اغنية غيبو وتعال مع الاعتذار لشاعرها ومغنيها//
قال الصهيونية! ما انتو الصهيونية ذاتها ماشية برجلين لكن فاكرين نفسكم تغشوا في الناس
ووصف صديق وثيقة (الفجر الجديد) بأنها جمعت كل سوءات الصهيونية
يا سبحان الله وهل هنالك أسوأ من سوءاتهم والتي نعرفها بحكم زمالتنا لهم؟
هؤلاء عار على كل الرجال السودانيين
ليست هناك طريقة أنجع للرد وإخراص هذه الأصوات ، إلا بنشر وثيقة الفجر الجديد على أوسع نطاق ، وإيصالها لكل المواطنين ، وهذا الدور لن يقوم به الا الأحزاب الموقعة عليها .. هذه المسألة فى غاية الأهمية..
أم الحسن الأمين
ام حسن دي ضاقت قبل كدا في جدلها يوم تبرأت من المؤتمرالشعبي فى محاولة انقلابية وقالت سجمي ماسمعت بالانقلاب دا وانا معاكم ياناس المؤتمر الواطي
أها الهبوك قام ليه شوك دا ما الزول الانبطح أيام الجماعة قالو الشعبي خلف الانقلاب الفاشل الجابو فيه كم و احد من البسطاء في الدروشاب و الحاج يوسف و قال دايرين يعملوا إنقلاب عسكري و قبل ما يعفو عنهم صاحبنا انقلب من الشعبي الى الوطني و تاب توبة نصوحة من السير خلف الشيخ
( سيد القبة في المنشية) و حواره السنوسي الراكب الشبح الدبلوماسية يوم يا كمال عمر تلقى رقبتك زي الضفادع تنبح بالليل..
بطل التهديد الفارغ والرد بكل الوسائل المعروفة دي مقتبسة من التهديد الامريكي للدول التي تشكل شيطانا على مصالحهاكما اوقفوا العزف على مقاطع البراءة ليست لديكم نقطة ضعف صح يا جماعة الناس في المؤتمر الوطني ما بشوفو عوجة رقبتهم و دايرين تقولو كل المعارضة صهيونية و مالنا و أسلوب الهولوكوست تجروه للسياسة السودانية تقوم المرة دي تجي طيارات تضرب وين ما عارف ؟؟؟..
كدي قولو لينا ناسكم الماسكنهم علبتوهوم و الله جمدتوهم و بالذات القوشي يوم تقولو جمدتو حساب العائلة و يوم في المستشفيات ود ابراهيم مسردب يقضي يومو خنق ما قولتو فيه التدعك!!! حيرتونا الله يحيركم!!!
من انت حتي تتكلم انت مجرد انسان نفعي الجبهة الثورية قادمة ومعها عيدان سنينة
هههههههههه بلبلة شديدة
أنا كشخصي الضعيف وناطق بالشهادتين أوافق علي ما جاء في هذه الوثيقة, لكن نذكر هذا الباشمهندس صديق وندعوه ألا يذهب بعيدا في أن يضرب أمثال عن الهولوكوست واليهود , ما حدث لليهود حدث لأهالي دارفور و العنصر المشترك بين الفاعل والمسئول عن حادثتي الإبادة هو العنصرية ضد شعبان أعزلان.
اقتباس : ودعا المعارضة للفصل بين الانتماء الوطني والوقوع في تأثير الصهيونية والاستخبارات الأجنبية،
تعليق : أيها الشاطر هل وقعت اتفاقية نيفاشا في منظمة المؤتمر الاسلامي أم برعاية جورج بوش و كولن باول و الاستخبارات الاجنبية؟
أليس من وقع اتفاقية نيفاشا واقعا حتى اذنيه تحت تأثير الصهيونية والاستخبارات الأجنبية؟
يا أم الحسن هناك زلزال قادم أحسن تشتروا ليكم بمبارس بمقاسات كبيرة جدا xxxxxxxxxxxxxlarge لن ينفعكم كنزكم للمال سوف تذهب هباءا منثورا،،
اقرأ واضحك
أمشي يا احم احم ،، استغفر الله
مـــــــــــــــــــاذا تعنـــــــــــــى الصهــــــــــــــيونية؟؟؟؟؟؟؟؟؟
1- فقر يبلغ مدى بعيد جدا موش خط الصفر خط مامعروف لي وين
2- حروب في ثلاثة ولايات بالكامل
3- غلاء فاحش وانعدام للادوية المنقذة للحياة
4- شعب كامل اصبح عاطل عن العمل
5- انحطاط اخلاقي بالكامل كل ماتحمله كلمة اخلاق من معنى
6- شعب اصبح هامل ليس له رئيس ولا وجيع
7- رئيس حرامي ومريض ومعزول بالكامل (داخل كرنتينة)
8- توقف كامل للمشاريع الزراعية والحيوانية
9- هم الشباب كله كيفية الخروج من السودان انشاالله امشي اسرائيل
بعد دا كلو تقول لي صهيونية ، هي الصهيونية خليتو ليهم حاجة كعبة اشان اعملوها بعد كده، بلد اتكلموا فيها الشواذ ذي محمد الحسن الامين دي نافعة تاني
محمد الحسن الامين الشهير بالوالي اب كريمات بعد المفاصلة مشا مع الترابي الضلالي ثم رجع للمؤتمر الوثني
يعنى بس انتو الاسلاميين المن حقكم تحكموا السودان الى ابد الآبدين بفشلكم وعنصريتكم وغيركم لا؟؟.. بعدين شنو اسطوانة كل من نطق بالشهادتين والصهيونية وما ادراك.. ياخى انتو حتتفاوضوا مع الحركات المسلحة عاجلاً ام اجلاً وبرضو حيطرحوا نفس الوثيقة اها تعملوا شنوووو؟.. حترفضوا علمانية الدولة البتحفظ وحدة السودان يعنى حتفصلوا جنوب كردفان والنيل الازرق ودارفور زى ما فصلتم الجنوب وقال احد مخابيلكم الجنوبيين عايزين العلمانية ونحنا متمسكين بالشريعة عشان كده فصلناهم و الله بيسألنا يوم القيامة عن الشريعة مش عن وحدة السودان!!!!.. يعنى الحل النهائى لمشاكل السودان من وجهة نظركم التخلص من الجبهة الثورية بأى ثمن او فصل مزيد من مناطق السودان.. وفى النهاية تتباكوا وتقولوا مخططات صهيونية وامبريالية عالمية وراء تقسيم السودان..
هؤلاء الناس لاذال فى سكرتهم يعمهون مسوق جديد صهونية أستخباراتية أجنبية عنصرية قبلية علمانية وبعدين الاحزاب خلاص حددت موقفها من الوثيقة وتم التوقيع عليها بالعشرة لخلعكم الباقى أنتم حددو موقفكم من الوثيقة هي كما ذكرتم كلام لاينطلى على أحد والوطنية أنتم أول من خرق الوطنية والدين كل الناس فى عهدكم ضعف دينهم من عمايلكم التجارة بإسم الدين أين وطنيتكم البلاد فركشتوه ثروة نهبتوه زراعة صناعة وكل خدمات المواطن دمرتوه خدمة مدنية وؤدتوه لن يبقى غير دفنكم مع الاموات لاحس لديكم مات فيكم كل الحواس نحن مع الفجر الجديد رضيتم أم أبيتم
ممثلى الشعب أتفقو على توقيع وثيقة الخلاص من حكمكم الظالم تانى لا أحد يسمع ما تقولون الجمل ماشى والكلب ينبح وإنضمام الاحزاب مع الحركات المسلحة دليل قوى جدا فى رفضكم جميع قوة التجمع الوطنى لحكم المؤتمر الوطنى المنفرد وشراء ذمم تانى مافى ما عندكم مال والذمم سقفو بقى عالى أسقاط نظام المؤتمر البطنى لانقبل أقل من أزاحتكم بكل الوسائل كما تتخذون أجراءت ضد الاحزاب الموقعة كل الوسائل فالتكن كل وسائل القمع والتنكيل والحرية غالية لايقاس بالتعذيب أو القتل يمون شريف يبقى شريف لمواصلة المسيرة .إنها لثورة حتى النصر أسرع يا الفجر الجديد .. ملاحظة أخيرة دعوة الاحزاب للتفاوض الاحزاب 24 سنة لم يجد منكم فرجة لو قد أبرة معاكم وقاموس التفاوض كان زمان أكله الدهر لم يذكر فى الوثيقة . توليت.
حسوني الليوني الباع شيخه !
أنا مسلم ومن أهل القبلة وأوافق علي الوثيقة من ألألف للياء.
هو قال نحن جاهزين لاى ميدان تختاره المعارضه . نعم انتم جاهزين لميدان عبدالمنعم . وميدان جاكسون . وميدان عقرب . وميدان نمره اتنين .. طيب رايك شنو تقابل المعارضه فى ميدان كرنوى وميدان الوخايم . وميدان قارسيلا . وميدان كاودا . وميدان جبال تلشى وميادين غابات الجنوب الجديد ؟
“”لأنهم استدعوا أسلوب (الهولوكوست) في أن من ينكر الإبادة الجماعية يجرم بالقانون، وأيضاً استدعوا التفرقة العنصرية والجهوية بحديثهم عن إعفاء جميع الطلاب عدا طلاب الوسط””
في اعتقادي أن استدعاء أسلوب الهولوكوست عند صياغة وثيقة الفجر الجديد كان أكثر الأشياء إلهاما وأكثر النقاط اشراقا في هذه الوثيقة
فمن هنا نبدأ..
ومن كاودا تشرق شمس خلاصك يا بلادي
أى حزب وقع على هذه الوثيقةوأنسحب أويريدالأنساب منها خوفا أولأى سبب يعتبر قد خان قضية شعب بأكمله وهى الخلاص بكل السبل المتاحة من هذه العصابة وأى حزب له ملاحظة فى هذه الوثيقة تناقش بحرية مع الموقعين ويمكن الأضافة فيها لمصلحة الوطن وليس لمصالح شخصية ولا يجب على الأحزاب الألتفات لنعيق ونباح ناس المؤتمر الوطنى وهم يريدون الخذلان لكل الأحزاب بالترغيب والترهيب كما يفعل (نافع ومحمد الحسن الأمين وغيرهم من قبيلة العصابة)وهم يفعلوا ذلك وخصوصا تركيزهم على(فصل الدين عن الدولة)ويفعلوا الكثير والمثير والخطير لأيقاف الفجر الجديد والذى أن فعل على الأرض ستكون نهايتهم لا محالة,لذا أناشد كل القيادات الحزبية الموقعة بصفتى مواطن حر يريد كسر الأغلال من يديه بأن لايهابوا هؤلاء الصعاليك ويعدوا ماأستطاعوا من قوتهم الشعبية ليوم النزال وزى ماقال المثل السودانى المعروف(الكلب ينبح والجمل ماشى).وعاش السودان حرا مستقلا من أستعمار بنى كوز.
نحن مع اسقاط النظام من خلال العمل السلمى ( ثورة شعبية ) ومع كل ثائر ومناضل ضد هذا النظام الوحشي الذى مزق البلاد وافقر العباد وحطم كل القيم السودانية الاصيلة واقول لكل منتمى للمؤتمر الوطنى ماذا تريدون ان تقولو في هذه الوثيقة فانتم فعلتم ابشع مما يتصور العقل تامرتم مع الامريكان ضد اهل السودان وفعلتم كل باطل وكل قبيح عن اى خدمة مدنية تتحدثون فانتم انقلبتم وسرقتم السلطة ودمرتم الخدمة المدنية هل يوجد الان في السودان خدمة مدنية لاتنهون عن فعلانتم تفعلونه ائها الاوغاد
اما عن وثيقة الفجر الجديد نحن موقفنا ثابت اسقاط النظام من خلال العمل المدنى السلمى
ونختلف معهم في حل اجهزة الدولة اى استبدالها وهذا الامر من باب الغباء السياسي الاجهزة تنظم وتوضع لها القوانييين الشفافة وهى تطهر نفسها لان القانون هو الفيصل يبقي مافى داعى لى لحل الاجهزة الامنية والخدمة المدنية ياريت من قام واتفق على هذه الوثيقة يعيد النظر في خطورة بعض البنود في الفترة الانتقالية وخاصة حل الاجهزة اى كانت تلك الاجهزة او المؤاسسات والحل في معالجة الاخطاء ووضع القوانيين المنظمة لهذه المؤسسات
يادلوعه اقيف طولك وخت سدرك مع سدري متين بقيت راجل نسيت ايام بتسكر في عطبرة وضربت عمود الكهرباء وانت سكران وكنت نائب الوالي اختشي وشوف ليك ديانه مسح جضيماتك زي البنات0
تعرض قادة الاحزاب و المنظمات السياسية الموقعة علي وثيقة الفجر الجديد الي تهديدات جدية من جهاز الامن والاستخبارات بالتصفية الجسدية اذا لم يتراجعوا عن تأيدهم للوثيقة و وقف دعمهم للجبهة الثورية — و الجميع يعلم ان عصابة الانقاذ لا تعرف حرمة لدم او عرض او مال او وطن و يمكن ان تحيك الدسائس و المؤامرات في سبيل الاحتفاظ بالحكم اطول فترة ممكنة — و عليه يمكن للاحزاب تلاوة بيانات تفيد بتراجعها عن الوثيقة علنا و الاستمرار في تأيدها سرا و قديما قيل ( الحرب خدعة و الحرب مكيدة )– حتي لا تعطي لعصابة الانقاذ ذريعة للتضيق عليها و حرمانها من الوجود العلني — سعد السعب السوداني بمختلف مكوناته بهذه الوثيقة التي تفتح نوافذ للامل و الخلاص من هذا الكابوس المزعج .
أثبت لنا تماما من التصريحات المؤتمرجية لم يحرك جنونهم إلا سماع كلمة حركة مسلحة يعنى خوف من الله مافى تقول حركات مسلحة يقوم كل شعور الانقاذين بالهلع والخوف بهستيريا التصريحات من كل الاتجاهات يعنى أصبح نومهم نوم الديك فى الحبل عين مفتح وعين مغمق وح يطيرو من قولة كش وهزة حوى شمارهم يملى البلد ويمشو وين ما عندهم بلد يتخبو فيه الا كن يخشو تحت كباريهم يكون عاملين فيه أنفاق للهرب من تحت الارض .والشمار يكون قوى يطلعوهم من المجارى مع جماعة رندوك من القصور والفلل والشقق اللوكس والمزارع النموذجية تكون مصيبة وخيبة اللهم حضرنا نهاية أهل الانقاذ ونشوف مذلتهم أمام العالم وشاشات التلفزة والمواقع الاسفيرية كما هى متوفرة الان كل أحداث الحكام والطغاة فى العالم ..
قالوا الصقر كان وقع كتر البتابت عيب .. إنشاء الله كانوا سويتواشنو الجبهة الثورية جاية عليكم مثل السيل عشان يقلعلكم من جزوركم إلى حتوفكم هذا إن كانت لكم أصلاً جزور في السودان .. البطبطه ديه ما بمرقكم أحسن أركزوا وقابلوا الموت .. أو المحاكمات والسجون..
انا عاوز اعرف انو الاسلام ده فى السودان الوكلاء بتاعنو هم ناس محمد الحسن الامين ده وعلى عثممان والبشير النكرات ديل وهل هم البيعملوا فيهو ده عندو علاقه بالاسلام زاتو
السرقة والقتل والنهب المصلح والتشريد وتفتيت البلد والحروبات القائمه دى سببه الشعب السودانى يعنى الانهيار الاقتصادى الحاصل ده سببو المعارضة يعنى والله الواحد زاتز ماعارف يقول شنو يا اخى الناس ديل التفول كلهم مولودين فى بيت واحد ومربيين تربية على ايد واحدى يعنى كبر فى الغرب والجاز فى الشمال وايلا فى الشرق كلهم يكذبوا بلسان واحد تفو عليكم يا قتلة يا مجرمين
نقطة نظام يا محمد الحسن يا الما عندك نصيب من إسم جدك: يا أخي المعارضة دي ضعيفة ومتشرزمة وما ممكن تقوم مظاهرة من ألف شخص وقلتم ليس لها وجود طيب مجرد ورقة صغيرة خلتكم تجقلبوا يا ود الحسن قولوا الروب الموضوع انتهي شوف ليك مخارجة ونحن داسنو ليك من ما كنت في الأبيض أوعة تكون نسيت.
والله يالحسن الامين انتو فتو الصهيونية ذاتها باشواط وقرون ضوئية
= مقابلة صحفية مع يس عمر الامام -شفاه الله وعافاه- نشرت بالصحيفة حينها..سالناه عن انتقال عناصر الشعبى الى الوطنى..تطرق الشيخ الى صاحب الصورة محمد الحسن الأمين..قال الشيخ زارنى الأمين بعد سنين من المفاصلة وهو كان قد التزم جانب الشيخ الترابى..جاء الأمين ليس معتذرا بصعوبة المعايش وكما ذكر الشيخ بأن أهل الوطنى يضايقونه هذه الأيام فى مستحقات مالية وأنه بحاجة الى أن يكمل منزله الذى يبنسه و…و…و…فهم يس عمر الامام المطلوب..بكى الحسن الأمين وقبل رأس الشيخ وانصرف..لم يرد الشيخ بكلمة فكان يتهيأ للصلاة فى المسجد المجاور كعادته…تمضى اليام ويعود المين الى حظيرة المؤتمر الوطنى..وهذه الأيام هو الأعلى صوتا فى البرلمان فهو رئيس لجنة الأمن والدفاع والشئون الخارجية..والناطق الرسمى باسم وزير الدفاع حين يخاطب البرلمان وهو الذى يخاف الآن كلم جاء ذكر كبار الجوكية بالبرلمان..وقد طالب بعقد جلسة سرية حين طرح المراجع العام تقريره الأخير معللا بأن الأمر يخص شخصيات تنفيذية وسياسية ذات حصانة..
= جاء بلانتباهة بتاريخ27 نوفمبر2012وبصفحة11 وتحت عنوان (أقصى المدينة ) مايلى:-
=**تجارة السيخ والانسلاخ من الشيخ:-
يقول الراوي إنه بعد المفاصلة الشهيرة بين القصر والمنشية، اختار أحد القيادات المهمة جدًا جانب الشيخ الترابي، ومع مرور الزمن واستمرار التصعيد، فكَّر الرجل في حاجة كدي يأكل بيها عيش مع أولادو، قام فتح ليهو مغلق علي قدر حالو وماشي كويس في الشغل، يعني مستورة والحمد لله، والراجل بقى منهمك في شغل الخرصانة والسيخ والحديد لا فاضي لي الترابي ولا البشير، لاكين لأنو الراجل مهم وكان ماسك ملفات حساسة جدًا عشان كدي الجماعة بقو يزنو ليهو طوالي: يا أخوي ما أحسن تبقى معانا، يا أخوي ما أحسن تبقى معانا وكان هو مُصر علي موقفو، ورفض كل العروض والدعوات، لاكين أصلو ما قنعو منو، مرة قامو رسلو ليهو واحد صاحبو شديد وبيثق فيهو مية في المية، جاهو لاكين أصلو ما جاب ليهو سيرة تنضم لي كدي ولاّكدي وقال ليهو يا خي مالك ومال الحديد والخرصانة، ياخي شخصية مهمة زيك يقعد يحرس ليهو كوم حصحاص ورملة اليوم كله، ياخي وسِّع تجارتك ياخي، قدِّم للعطاء بتاع الأسمنت دا حتاخد تمويل من البنك بي «3» مليار.. «أشار إلى إعلان في صحيفة كان يحملها»…الراجل قعد يضحك، وقال لي صاحبو: إنت بتلعب، يا خي أنا لو قدمتا عشرين مرة ما حيقع لي العطا دا ولا غيرو، وإنت عارف علاقتي مع الجماعة ديل انقطعت من اربعة رمضان وهسي أنا عدو بالنسبة ليهم، فكيف بالله أعشم في عطا زي دا.. صاحبو قال ليهو إنت قدِّم وخلي الباقي عليْ، أنا بعرف الزول الماسك العطاءات دي، المهم صاحبو أقنعو وقدم العطا، وطوالي العطا رسا عليهو وأخد تمويل من البنك «3» مليار، لما استلم الاسمنت لقاهو كلو حجار «مبلول بالموية» تمامًا لا يصلح لأي شيء، الراجل أخد بمبا وبقى في حتة ضيقة جدًا جدًا، بس ما قدامو إلا خيارين إما السجن أو يبقى معاهم فاختار الأخير وهسي مدور مع الجماعة من وزارة لي وزارة ومن مؤسسة لي مؤسسة، عايش في أمان الله، بلا ترابي، بلا مغلق، والمبلغ مجمد حسب الرواية، يوم ما رفع قرنو مدة التجميد حتنتهي ويا السجن جاك زول…!!!
ما قلتم ان الاحزاب ليس لها قواعد! طيب خيفين ليه
خوفكم هو دليل على بداية النهاية
يابايظ
هذا محمد حسن الامين حقوا أصلوا ما يتكلم عنده فضائح معروفة في مطاردة البنات
وشغال مواصلات وما يلقى ليه بنت جميلة في الشارع إلا تكهرب وطاردتها
زول فضيحة معروفة
انا غايتو من وجه نظري شايف الجماعه ديل قاعديييييييييييييييييييين لسه ..
وانتوا بتكوركوا سااااهي سوف يسقط سوف يسقط ..
عارفين ليه ؟؟ لانكم شعب جبااااااااان كسلان ماعندكم وطنية بتعريفة .. كل الذي يحرككم اجندة حزبية عنصرية ومواقف حدثت لكم مع نظام الإنقاذ …
انتوا عارفين انو الشعب السوداني اكتر شعب عربي يلحث على حمل الجنسيات الاخرى الامريكية والكندية والبريطانية .. وكمان في واحده جديده البحرينية والله كلام..