وزارة الأوقاف والتوجية بالخرطوم تطالب بإيقاف برنامج (اغاني واغاني) ومنع بثه في رمضان

ونحن نطالب الأمين العام لمجلس الدعوة بوزارة التوجيه والأوقاف بولاية الخرطوم صلاح عوض محمد إدريس بأن يطلب بإيقاف الفساد المستشري بكل أشكاله من الحكومة لأن ضرره لا يقارن بـأي شئ ناهيك عن (برنامج تلفزيوني) … بالله ده عقلية إنسان (أمين عام للتوجية والإرشاد) والله في الحقيقة كلامو ده ذاتو فساد !!!!!!!

والله ياريت يوقفوهو عديييل خاصة في رمضان …والراجل المخرف دا يمشي يشوف

ليهو عباده تنفعو ..الواحد قرب للقبر ويقعد يباري ليهو شفع…عالم غريب ياخي…

خطوة موفقة ..المسلمون في رمضان يقرّبو ا الي الله بالطاعة ونحن بنقرب من المنكرات
الكلام ده بتعارض مع ناس قناة النيل الازرق لأنو بدر ليهم قروش كتييييييييييرة؛لأن البيوتات التجارية ورجالات الأعمال دفعوا اموال طائلة لإعلاناتهم في فترة بث هذا البرنامج

دا كـــــــــــــــــــــلام عـــــــــــــــــــــال العال

ياريت تكون دى غيرة على الاسلام بس الواقع غير كدة خالص انتو ناس الاوقاف ديل كانوا فى اجازة لمن الفنانات السودانيات ديل كانن بيسافرن لى نجيريا كانن بيمشن يوعظن ولا شنو وعلى عينك ياتاجر بمطار الخرطوم…… نسال الله الهدايا للجميع

امك الجمهورية الثانية الطالبانية.:mad:

قد اوافقهم الراي فلاغاني لا تليق بقدسية هذا الشهر ((( ولكن لا يحق لهم فرض اي قرارات علي اي مؤسسة اخرة __ نحن لسنا في دولة يحكمها رجال دين … يسستطيع ان يقدموا اقتراح وليس طلب او امر

اها والاسعار الفي السوق دي يعني مناسبة ؟؟ التوقيت غير مناسب ؟؟ ياخ ده والله العظيم صراع بتاع شركات اتصالات وشغل بتاع بزنس ما اكتر .. عموما وقفوهو ماوقفوه ما مشكلة .. في اكتر من 300 قناة موجودة اي زول ممكن يشاهد العاوز يشاهدو ….. لكن بصراحة ناس الانقاذ ديل الدين ده احرجوهو جدا ….. ودخلوهو معاهم في البزنس ….

بسم الله الرحمن الرحيم
كلنا نعلم ان شهر رمضان هو شهر رحمة على العالمين ،فيه انزل القرآن خير الكلام ، وهي فترة محدودة ،وفيه ليلة القدر خير من الف شهر ، لذلك على المسلمين تحري الخير فيها وترك المعاصي ، ومتابعة القنوات التى فيها الامربالمعروف والنهي عن المنكر والتقرب الى الله بالاعمال الصالحات وترك المعاصي ( الكذب ، أكل اموال الناس بالباطل ،قتل النفوس التي حرم الله الا بالحق ،….) حتى يصلح الله لنا اعمالنا ونفوز برضاءه في الدنيا والآخرة .

اهااااا…واغتصاب البنات بواسطة جهاز الامن ما ممكن، علي الاقل، تطالبوا بإيقافه ولو في رمضان بس!!
ليت اللحي كانت حشيشاً…او كما قال!
مدوا سلك عقولكم يا كهنوت!!!

اسة ياجماعة مشكلت السودان او بالاحرى مشاكل السودان اتحلت كلللللللها بس بقينا فى البت لابسة البنطلون قفلنا مكان الشيشة ماتسوق بى شبشب البت المعاك دى منو واسة قالو يوقفو البرنامج والاغانى وشنو وشنووشنو ياجماعة خافو اللة خافو اللة كدى المواطن شبعوهو اول شى بعدين تعالو كوسو حاسبوهو وافرضو عليهو وعاقبوهو نحنا جيعانييين فى قدومنا دة مالاقين ناكل ونشرب ونلبس ونتعالج ونتعلم ابسط متطلبات الحياة ماكايسين ترفيه مدعة مباها الشى الفلانى بعد تسو لينا الكلام دة تعالو وقفو البتوقفوهو وخلو البتخلوهو مافى زول سائلكم ماتخلو مشكلت المواطن الحقيقية وتكوسو لى حاجات فارقة يافارقيييييييين

مع حبنا لرمضان وليت ايامنا كلها رمضان
1/ الماعاجبو يقفل جهازه وهل كل السودان صايم
2/ لا اكراه في الدين العاوز يمشي الصلاه يمشي
3/ ممكن انتقل الي اي قناه بالرقم الغالبيه نست حاجه اسمها قنوات سودانيه
4/ دعو الخلق للخاااااااااااااااااااااااالق
5الأمين العام لمجلس الدعوة بوزارة التوجيه والأوقاف بولاية الخرطوم صلاح عوض محمد إدريس بإيقاف برنامج أغاني وأغاني في شهر رمضان ) ماهي سلطات هذا الشخص حتي يقرر وهل الغالبيه صايمه العاوز

يا ناس حرام عليكم والله بكل صدق وبكل أمانة … نحن بنأخد الأمور بالمقلوب أما بالنسبة لبرنامج أغاني وأغاني فهذا هو الشيء الذي عندنا في السودان غيروا عندنا شنوا ؟؟؟ بحمد الله تعالى الشعب السوداني شعب واعي وشعب راقي ويعرف وبكل الصدق والأمانة يعرف كل صغيرة وكبيرة إن كانت في الدين أو كانت في الأغاني ….
فالحلال بيّن والحرام بين ( طيب إذا كان وقت البرنامج يتعارض مع صلاة التراويح فلماذا لا يتم تغيير وقت البرنامج ليبث بعد صلاة التراويح ؟؟ )ولماذا هذه الحملة عليه وأين التبرج وأين الشيء الذي لا يرضي ديننا…. وكلنا سودانيين ولا نرضي بأن يتمايع أي فنان ليقدم أغاني ولا فنانة تتمايع وتقدم أغاني فوالله كنا أول من يكتب وأول من يشجب .. كيف نسكت على سمعة بلدنا ؟؟ وعلى أبناء بلدنا وهم يقدمون الشيء السيء والبذيء؟؟ وبحمد الله تعالى نصلي أوقاتنا كلها ولا نتلاعب في أي فرض من الفرائض … ونستمع لبرنامج أغاي وأغاني … فماهو الحراااااام ؟؟؟ وإن كان هناك شيء سيء فقولوا لنا وماهو الشيء الحرام فيها ؟؟؟؟؟؟؟؟؟؟

بالمرة كمان امشوا المتحف القومى . تلقوا هناك تماثيل كتيرة كسروها.. دى اصلها حرام
ووثنية وشرك وغيروا اسم السودان الى:جمهورية طالبان السودان الثانية .. وبكدا
تكونوا ارضيتوا نفسكم وربكم .. وكفرتوا عن ذنوبكم والحاجات اللهفتوها اتمسحت
ودخلتوا الجنة بغير حساب .. بس خلوا لينا شوية حور عين !! امكن نجى نتفرج وبس!!

أنا بفتكر هذا جدل بيزنطي ! الانسان مخير في ان يسلك الطريق السوى , فالناس أحرار فيماتسلك من طرق الخير والشر , والماعاوز يجئ الطراويح وجود هذا البرنامج او عدمه لايمنعه من الصلاة فنسال الله الهداية للناس اجمعين:crazy: :confused: :confused: :lool:

أهم حاجة إذا عايزين تراعوا مشاعر المشاهدين في هذا الشهر المبارك أيضاَ توقفوا إستضافة أشباه الرجال وأولئك ال……. المايعين الذين تستضيفهم تلك الزبالة أو مايعرف بقنوات التلفزة السودانية لأن ذلك مؤذي للمشاهد ويعكس صورة سيئة عنن رجال السودان المشهود لهم بالرجولة والشجاعة وليس بالميوعة والخيابة والله لدرجة الواحد أحياناَ يشعر بأن المزيعة مقدمة البرنامج أو الحلقة أرجل من الشخص الذي تستضيفه
فرجاء إستضافة أشخاص يكونوا شادين حيلهم شوية حتى لاتدفعوا الناس لإرتكاب ذنوب في هذا الشهر المبارك بسبب سبكم وسب الخلفوكم

هذا مشكلتنا معاكم يا فيكو او fico ( ليه كاتب اسمك بلغة النصارة) عايزين توقفوا الكذب والسرق في شهر رمضان بس لا يا حبيبي انحنا عايزنكم ترقصوا وتغنوا وتتعبدوا وتتركو الكذب والسرق في كل العام يعني ما عايزين في شهر رمضان تعملوا لينا موائد الرحمن وفي العيد تطبحونا ذي خرفان العيد في السوق

لعن الله دين المواسم بتاع الاخوان

والله البسمع كلامكم يقول صحابة والبشوف افعالكم يشهد بانكم منافقــــــــــون ياخى داهيىة تخمك وتخم المعاك نسيت فساد حكومتك واكلها اموال الناس بالباطل وجيت تتكلم لينا على مواعيد برنامج تلفزيونى ! ! ! والله عجيب امركم يا الفاسقون المنافقون وماذا تعرفون انتم عن رمضان قتلتم 28 شهيدا من خيرة رجال هذا الوطن وفى شهر محرم وليلة عيــــد واخرست لسانك وعايز تتكلم الان هذا حلال وهذا حرام متى عرفتم انتم الحلال تأكلون ناقة سيدنا صالح ولا تستحون وتستحون من مواعيد برنامج ! ! ! 1 1 1 لعنة الله عليكم مائة وسبعين مرة انا من المقههورين منكم ويومى بدعى عليكم ايها الاخوان المنافقيـــــــــــــــن ربنا يخسف بكم الارض يا سفلــة الاتعلم ان اليهودى افضل من المنافــــــق ! ؟؟؟

ايه دخل برنامج أغاني وأغاني بصلاة التراويح وصلاة التراويح هي زاتها ما فرض عين … ليه دايرين تحرمونا البرنامج الوحيد القادر علي إشباعنا من الغنا الجميل يامفترين ..خلاص لهفتو كل شي فضل ليكم تعكرو مزاجنا الفضل…. كرهتونا السودان وإسم السودان وحتى لونا الأسود كرهتون ليه … كرهتونا العالم العربي وأفريقيا..

بقلم الدكتور مصطفى محمود – رحمه الله.

ماذا تفعل لو زارك ضيف متدين فى بيتك؟ ..ربما لا تكون أنت متدينا بالمعنى المتعارف عليه فى مجتمعنا…ربما تكون غير ملتزم بالصلاة فى المسجد..أو صيام النوافل..بل ربما لا تكون لك أية علاقة بالدين على الإطلاق وربما لم تصم أو تصل منذ سنوات…بل ربما تكون لك ديانة أخري غير ديانة هذا الضيف المتدين ولك رؤية أخرى فى الحياة قد تتعارض مع منهج حياة هذا الضيف.

كل هذا لا يهم!..لأن ذلك لن يثنيك عن إكرام الضيف ومحاولة عدم جرح مشاعره أو معتقداته، على الأقل فى الفترة التى سيزورك فيها..ستحاول أن تجعل زيارته سهلة عليه وعليك وستحاول أن تبحث عن أرضية مشتركة للحديث وقضاء الوقت معه.

غير المعقول والذي قد تعتقد أنه جنون هو موقف أحد أصدقائي غير المتدينين حين زاره شيخ متدين فى بيته … فما أن دخل ذلك الشيخ بيت صديقي حتى قام صديقي وقال للشيخ : "سأثبت لك أنى احتفل بقدومك وزيارتك الطاهرة .. فقط أعطني دقيقة" .. ابتسم الشيخ الأسمر الذي يشع وجهه نورا وقد جلس فى غرفة الضيوف مسبحاً … ولكن ابتسامة الشيخ الرقيقة ما لبثت أن تحولت لفم مفتوح (على البحري) من الذهول … فلقد رأى صديقي يدخل عليه وفى يده زجاجة من الخمر ويحمل على كتفه سماعات ضخمة تخرج منها موسيقى صاخبة لفرقة من فرق عبدة الشيطان .. ووقف صديقي فى منتصف الغرفة يرقص احتفالا بزيارة الشيخ ثم مال على الشيخ قائلا : (هلت) أنوارك…تشرب بيرة ولا ويسكي يا شيخ إن شاء الله؟

الشيخ هو شهر رمضان وصديقي غير المتدين هو الإعلام العربي الذي نحسن به الظن معتبرين أنه أراد أن يحتفل بقدوم شهر رمضان المبارك (بغشامة) فوضعنا جميعا فى موقف لا نحسد عليه.

تتسابق القنوات الإعلامية فى ماراثون من الفوازير والمسلسلات والبرامج ذات الإنتاج الضخم … ولا أدري ما علاقة رمضان الذي هو شهر روحاني له وضع خاص فى العقيدة الإسلامية بالإنتاج الفنى والدرامي والترفيهي وبرامج قصص (كفاح) الفنانين .. ليكون السؤال المنطقي الوحيد الذي يمكن طرحه أمام هذا التناقض هو;(إيه اللى جاب القلعة جنب البحر)!..

لماذا لا يحترم الإعلام العربي رمضان … لماذا يتحول رمضان إلى شهر ترفيهى بدلا من شهر روحاني؟ .. لست شيخا ولا داعية … ولكني أفهم الآن لماذا كانت والدتى تدير التلفاز ليواجه الحائط طوال شهر رمضان … كنت طفلا صغيرا ناقما على أمي التى منعتني واخوتى من مشاهدة فوازير (شريهان) بينما يتابعها كل أصدقائي .. ولم يشف غليلى إجابة والدتي المقتضبة "رمضان شهر عبادة مش فوازير". لم أكن أفهم منطق أمى الذي كنت كطفل أعتبره تشددا فى الدين لا فائدة منه .. فكيف سيؤثر مشاهدة طفل صغير لفوازير على شهر رمضان؟

مرت السنوات وأخذتني دوامة الحياة وغطى ضجيج معارك الدراسة والعمل على همسة سؤالي الطفولى حتى أراد الله أن تأتيني الإجابة على هذا السؤال من رجل مسن غير متعلم فى الركن الآخر من الكرة الأرضية … كان ذلك الرجل هو عامل أمريكي فى محطة بنزين اعتدت دخولها لشراء قهوة أثناء ملء السيارة بالوقود فى طريق عملى … و فى اليوم الذي يسبق يوم الكريسماس دخلت لشراء القهوة كعادتى فإذا بى أجد ذلك الرجل منهمكا فى وضع (أقفال) على ثلاجة الخمور… وعندما عاد للـ(كاشير) لمحاسبتي على القهوة سألته وكنت حديث عهد بقوانين أمريكا : "لماذا تضع أقفالا على هذه الثلاجة" .. فأجابنى :"هذه ثلاجة الخمور وقوانين الولاية تمنع بيع الخمور فى ليلة ويوم الكريسماس يوم ميلاد المسيح"… نظرت إليه مندهشا قائلا : أليست أمريكا دولة علمانية .. لماذا تتدخل الدولة فى شئ مثل ذلك؟ .. فقال الرجل :"الإحترام.. يجب على الجميع احترام ميلاد المسيح وعدم شرب الخمر فى ذلك اليوم حتى وإن لم تكن متدينا .. إذا فقد المجتمع الاحترام فقدنا كل شئ".

الاحترام … ظلت هذه الكلمة تدور فى عقلى لايام وأيام بعد هذه الليلة … فالخمر غير محرم عند كثير من المذاهب المسيحية فى أمريكا .. ولكن المسألة ليست مسألة حلال أو حرام .. انها مسألة احترام … فهم ينظرون للكريسماس كضيف يزورهم كل سنة ليذكرهم بميلاد المسيح عليه السلام .. وليس من الاحترام السكر فى معية ذلك الضيف … فلتسكر ولتعربد فى يوم آخر إذا كان ذلك أسلوب حياتك … أنت حر … ولكن فى هذا اليوم سيحترم الجميع هذا الضيف وستضع الدولة قانونا يفرض الإحترام فيمنع بيع الخمر ذلك اليوم. وحتى إذا كنت مسلما أو يهوديا أو حتى ملحدا فى أمريكا فلن يمكنك شراء خمور فى هذا اليوم حتى وإن كنت لا تؤمن بأهميته ولا بقدسيته … فبغض النظر عن عقيدتك وتدينك فستجبر على احترام ذلك اليوم.

هكذا أرادت أمي أن تعلمني (احترام) رمضان منذ نعومة أظفاري .. فلتشاهد الفوازير والمسلسلات والأفلام كما تحب طوال العام إذا كان ذلك يتناسب مع معتقداتك وأخلاقك .. ولكن فى رمضان ستظهر احترامك لهذا (الضيف) الشهر سواء كنت متدينا أم لا.

بالنسبة لى لم تعد القضية فى رمضان قضية هل المسلسلات والأفلام والبرامج الحوارية حلال أم حرام … وليست القضية قضية هل تفسد الفوازير والأغاني المصورة صيامك أم لا … القضية أن الباب سيدق عما قريب ليدخل ضيف كريم بيت كل واحد منا … المتدين وغير المتدين .. الإسلامي والعلماني … المسلم والمسيحي … وسيكون عليك بغض النظر عن أفكارك أو أسلوب حياتك أو مدى تدينك أن تظهر لهذا الضيف … الكثير من الاحترام.

منقول .. ورمضان كريم للكل

مافى شك القرار صائب ولشهر رمضان حرمته وهو ايام معدودات وللمؤمنين ان يغتنموا
هذه الفرصة ولولاة الامور مساعدة الناس للتوبة والغفران والعبادة بل من الهاء الناس باغانى واغانى وغيره

يا اخواناالقنوات التلفزيونيه مش ضمن اختصاص وزاره الاعلام ولا الجماعة ديل جعلوها ضمن اختصاص وزاره الارشاد والاوقاف

يجئ رمضان تكتر السرقات شئ افطار للعاملين في روتانا السلام وشئ سحور برج الفاتح اما عمرة رمضان نظامها براه الما عاجبو برنامج يشيل الريموت ويغير القناة وكفايه متاجرة برمضان ومطلوب وقف النهب باسم فطور رمضان وكفايه حوافز :mad: :mad: :mad: :mad: ;( ;( ;( ;(

مع اننى لا احب هذا البرناج الا اننى لا اوفق على قرار الايقاف لان كل شخص يحاسب بما يفعل ويمكن ان يتحويل الى اى قناة اخرى كما ان قناة الشروق بثت برنامج بنات حواء وهو لا يقل بكثير عن اغانى واغانى بى شى لذاك لكم دينكم ولى دين

من هذا الكتكوت الذى يحدد للشعب السودانى متى يصلى ومتى يفطر ومتى يمسك عن الكلام المباح
هذا الكتكوت اكتنز شحما ولحما من مال الشعب السودانى ونصب نفسه وصيا عليه
من قال لكم اننا فى حاجة لوزارة اوقاف وتوجيه ولائية ناهيك عن مركزية
هذه وزارات فارغة لاتقدم ولاتؤخر اللهم الا انها عبئا على كاهلنا المثقل بالمناصب الفارغة
اوقفوا بعثرة اموال الشعب السودانى فى وزارات عبثية
من يحتاج الى توجيه الذين يكنكشون وتزهق ارواحهم فى الكراسى
من يحتاج الى توجيه الذى لايكف من الاساءة للشعب السودانى صباح مساء
اشعب السودانى ليس فى حاجة الى توجيه ولاوزارة توجيه

اللعب ده انتو ما عارفين الحاصل شنو … ناس النيل الازرق في رمضان بسحبو كل المشاهدين من التلفزيون الرسمي الماسوره الاسمو تلفزيون السودان ده … عشان كده في اجتماع تنظيمي بيضم كل المسؤلين في البلد والامين العام لوزارة الاوقاف هو المسؤل التربوي الاجتماعي … طبعا في الاجتماعات ديه ما في زوول كبير الا رئيس التنظيم حتي محمد حاتم ذاتو … في التلفزيون الرسمي لا حضور بيمشو وين والله؟ سؤال … ناس حسن فضل الله المولي في النيل الازرق جارين الناس ببرنامجهم الفاسد ده اغاني واغاني … طيب المعالجه شنو يقيف البرنامج لكن كيف ؟ لانو وزير الاعلام زول اخو وما دايرين ندخل اخوانا في حرج خلاص انتو ناس وزارة الاوقاف بالولايه قوموا بالدور ده … يعني المآمره اعلاميه والقرار تنظيمي وهو مطلوب البرنامج التربوي الاجتماعي في رمضان … ديه حاجه مفرق منها … واديك لينك … رابط … اربط ما بين 500 الف يعني نصف مليار للتلفزيون من الحج والعمره عشان ما يحل بيه مشاكل المطالبين بيه حقوقهم من التلفزيون … اللمه الحج والعمره مع الاعلام شنو ؟ سؤال … والدخل وزارة الارشاد والاوقاف بالولايه في الاعلام شنو … يله شوف الحج والعمره … الاوقاف كده … حاجه فيها ان مش كده … تسريبات ويكليكس … انتظرونا لدينا مزيد … غدا نخبركم من كان في هذا الاجتماع ومن قاد مشروع ايقاف البرنامج … :mad: :mad: :mad: :mad: :mad:

بشريات الجمهوريه الثانيه:mad: :mad: :mad: :mad: :mad: :mad: :mad: :mad: :mad:

حلها بسيط مالكم جايطين شغلوا بعد رمضان وفى نفس المواعيد.

يااهل الانقاذ اما كفي لعذاب اهل السودان تريدون قتل الفرح داخلهم وتبخلون وتحرمونا حتي من الابتسامة

الذي يريد ان يصلي فذاك المسجد والذي يريد ان يتابع البرامج الترفهيه فليشاهد ولاتحسابو الناس علي افعالهم يمكن تمديد زمن البرنامج ولكن ليس الغائه هناك غير مسلمين في السودان ويجب احترام الاقلية والتنوع