الجنوب يحتجز طائرة انتنوف سودانية هبطت فجأة فى مطار جوبا وحاول طاقمها الفرار

لماذا التسرع في الأتهام والنفي ؟؟؟؟
دي طيارة يا عالم . مش طيرة !
بكرة تبين الحقيقة وتظهر التبريرات .

التسوي بايدك يغلب اجاويدك

غايتو الله يعين على الفشل حكومة فاشلة وطيار خارج الشبكة ما عارف روحه عاوز يهبط وين ، ودولة الجنوب افشل طيارة نهبط وما تكتشفها إلا بعد هبوطها اجواء فاتحة ساي سهله قال شنو بعد الزمن المحدد لهبوط الطائرات اها في الوقت دا بتعملو شنو بتمشو تشربو مريسه ولا بتلعبوا شدت .

واي انا الي اليله دي الصوارمي ينفيها كيف كل مره ينفي حتي لما خليل دخل الخرطوم والله العظيم لما المواطن كان شاف بعيته المتمردين تاكلين جمب البقالات في الخرطوم لكان نكر نحن كمواطني من جات الاتقاز امنين مهدد …. رجاءا يا ناس الراكوبه اتخيلو دي حينفيها الزي

هاهاهاهاهاهاهاهاهاهاههه

فهمونا يا اباطرة , حيرتونا…….

الحمد اللة ما عندنا ابوريالة عشان كان يقول ( تخيل الطيارة جأت بليل طافية الأنوار وتخيل !!!! الناس في جوبا حيكونوا في البارات وبعدين ما في ما استعداد لان المفاوضات شغالة) الطيارة و محتجزة طلع ما عندو سيد حنودي المتحف للتاريخ

يا كدوس ولا كبروس الجنوب فاشل فاشل دولة ما عندها رادار يلقط او يمسح الاجواء لحدي ما تجي طيارة وتهبط في المطار حتى يعرفوها اها الطيارة دي لو كانت شايلة قنابل من النوع ابو كديس بتاعت الانتنوف القنابل البرميلية بتعرفها ولا ما سمعت بيها ورمتها في المطار ولا في مكان بنوم سلفاكير اها حيقولوا شنو زي ما قال عبد الرحيم محمد حسين الواطه ضلمة ، كلامي عن انو مفروض اجواء اي دولة تكون تحت السيطرة موش لحدي ما تهبط ما تكون عارفها تابعة لاي جهة فدا الفشل الاكبر ولو انت معترض على كلامي دا برضو انت فاشل ، قال شنو مطار هيثرو لا يعمل بعد 11 ليلا ياخ دلللللللللللللل دا لو ما انا اخر مرة كنت جاي من مطار شارل ديفول ونزلت هناك…

…ياخى بسيطة , الجماعة ديل نسوا انو الجنوب بقى دولة بحالها ,وهم متعودين ينزلوا بمطار جوبا , واكيد الطاقم اوكرانى ,يعنى طشمى وكدة,وبعدين منو العندو انتينوف فى المنطقة غير السودان,ومعانا اوكرانيا بس فى العالم كلو!..بس السؤال المحيرنى , الجماعة ديل كانوا جارين وهاربين ماشين وين..!!؟؟

واحدي وقعت وواحدي طشت والله انا خايف الزول يكون نايم طياراتكم المبهدلة دي تقع فوقو كفففففففففففف ويموت ما عارف حاجة انا غايتو بركب لي مضاد للطائرات فوق راس البيت اي حركة غريبة برشها ليكم ولا عذر لمن انذر

يا جماعة باركوها وخلينا نفهم حاجة “” بتتكلموا عن (انتنوف) وله ( حمار لبن ) ؟؟.

نقلا عن الحقيقة:

من غير المنطقي أو المقبول أن تعبر طائرة حدود جنوب السودان وتهبط بدون اذن في مطار جوبا فمن المعلوم لابد من الحصول على موافقة كل دولة للمرور عبر أجوائها قبل اقلاع الطائرة ولابد من الحصول على موافقة الهبوط حتى وان كان اضطراريا لضمان سلامة الطائرة وركابها ومن حق الدولة المعنية بالمرور أو الهبوط في حالة عدم وجود موافقة أن تجبرها أو تمنعها من العبور أو الهبوط فاذا تمادى الطيار تعليمات برج المراقبة في الدولة المعنية من حقها ضرب الطائرة لسلامة حدودها وأجوائها ولا أدري كيف تكون الطائرة مجهولة وطاقمها مجهولون وهم محجوزون لدى سلطات حكومة جنوب السودان ومن المعروف فان كل طائرة يتم تسجيلها وفقا لمنافيست التصنيع والصيانة الدورية ولا توجد طائرة غير مسجلة حتى تقال مجهولة …

باقان اموم لما قال السودان دولة فاشلة الكلام دا ما جاي من فراغ ولسة الايام حبلى بالمزيد.

جاتكم في صمة خشمكم، طائرة ما عندها سيد وتائهة…أدوها الجيش الشعبي والغنمايتين (أقصد الطيارين) اللذان كانا علي متن الطائرة، ضعوهما في الحظيرة لغاية ما سيدهما يجي. ربك دا ما كريم نكران نكران لامن الله جاب خبرهم.

يا أخوانا مثلنا العامى بيقول (الفى بطنو حرقص براه بيرقص !!) ومصيبة الجماعه ديل لان نيتهم سوداء بيفضحوا رقبتهم براهم واكيد مصادرة الصحيفه تكشف كذب وإدعاء النظام وكما يقال تصرفهم ينطبق عليه المثل القح (يكاد المريب أن يقول خذونى!!) ولا أدرى ان كان فى النيه التضحيه بكابتن الطائره ومساعديه وقطع شك الطيار ومساعديه فيهم (المشلخ مطارق)على كل حال لوتمكنوا من الفرار انا إقترح على المسئولين الجنوبين (فحص الحامض النووى الخاص بالطائره!!!) 00واقول لناس الانقاذ (الشينه منكوره!!) ويبدو إنكم الوحيدين فى العالم الشغالين بالانتنوف!!والعمله لما تعملوها اركزوا ولا داعى للتهرب لان الهروب ليس من شيم الرجال00ولا كيف ياعنتر زمانك وأقصد نافع على نافع وأمثال الطيب مصطفى يمتنعون فالوصف لايشملهم لانهم غير مصنفين مع الرجال،فقد تعودوا التمترس خلف شبابنا المغرر بهم ويمارسون ما هو أشبه بالرجوله وإذا ارادوا ان يسترجلوا فعليهم بمشروب (بالبريل!!)0