أغاني وأغـاني الموسم الأخــير..هل فقد بريقه ولفظ أنفاسه..مظهر محمود عبد العزيز أحبط معجبيه.. والسر قدور افتقد ظرافته
حقق برنامج (أغاني وأغاني) السنة الماضية نجاحاً غير مسبوق في تاريخ البرامج التلفزيونية، وجلس المشاهدون القرفصاء من اجل متابعة البرنامج الذي أعاد لهم أغنيات الزمن الجميل بأصوات نجوم الغناء امثال فرفور، وعاصم البنا ونادر خضر، وعصام محمد نور، وحققت المطربات ريماز وأفراح ومنار اضافة نوعية للبرنامج. هذا العام أتى برنامج أغاني وأغاني مخيباً للآمال وعانى من الزحمة الكبيرة في أصوات المغنين المؤدين، وعانى كذلك من عدم التجانس بين الأصوات وظهر عدم الانسجام، وشكل الفنانون الجدد عالة على البرنامج بعدم دخولهم في الفورمة خاصة أحمد الصادق، الذي كان نشازاً ووضح أنه لا يجيد غناء الأغنيات الجادة فهي اكبر من تجربته الفنية المتواضعة وكان طه سليمان غير منسجم مع المجموعة وظهر التوتر على أدائه لم يكن يغني بارتياح!!
أما محمود عبد العزيز خصما على البرنامج وبالمقابل تأثر محمود بهذا الظهور المحرج الذي احبط معجبيه وجعلهم يدركون ان فنان الشباب في خطر حقيقي!!
اما مجموعة البنات فقد كان اداؤهن دون الوسط وكانت أميمة الحلقة الاضعف في البرنامج بحضورها الضعيف!!ا ولولا فرفور ونادر وعصام وشريف وعاصم لشيع البرنامج لمثواه الأخير. وكانت حلقة الفنان حمد الريح هي أفضل الحلقات حتى الآن،
أما بقية الحلقات فحدث ولا حرج، البرنامج فقد شفرة النجاح وهي الجماعية، حتى مقدم البرنامج السر قدور افتقد ظرافته وبدأ وكأنه يريد أن يتخلص من عبء ثقيل، رغم انه يردد مع الشباب (نقوم على مهلنا)..
على إدارة النيل الأزرق أن تفكر في حلول جديدة في الأعوام القادمة فقد اتضح جلياً أن البرنامج استنفد أغراضه ولم يعد تجدي معه محاولة الفهلوة وتجديد بعض الوجوه لأن الفكرة أصبحت قديمة (خمسة سنين كفاية)!!
الصحافة
والله فعلا ده الحاصل على برنامج اغاني واغاني ? وفعلا من احلى الحلقات هي حلقة الفنان حمد الريح وجات معاها حبه زغاريد كده خلتنا نقوم فوووق وهاك يا ابشرر ? وعلى العموم الخبر ده ميه الميه البرنامج وقع واطه والبرنامج كشف انه كل من احمد الصادق وطه سليمان ما بعرفو حاجه غير الاغاني الهابطه
انفجر غيظآ و انا اشوف بما يقال فنان شباب بمدح اشرق خلق الله
المادح للرسول له خصيصيته فى اوساط اهل الدين ومشهود له اجتماعيا
كمادح للرسول اما ما نراه اليوم هراء و ليس مديح كل من هب و دب
بيقول هو مادح و بهذه الكيفية نساعد فى هدم معنى المديح فى بلادنا
لان الزى يسمع لهم بنسجم مع الموسيقى اكثر من معانى المديح و بالتالى
خلطنا الحابل بالنابل فنان و مادح ده تجى كيف ده ؟
من زمااااااااااااان في فنانيين بمدحوا وبغنوا جات على محمود عبدالعزيز وبقت حرام؟؟؟؟؟
يا دقاش انت قاصد محمود عبدالعزيز بس في فنانين بشربوا وبمدحوا وكلامك ده من زمان ما قلتو ليه؟؟؟
هم اسياد المديح قالوا لمحمود تعال امدح انت زعلان ليه؟؟؟
وبعدين هو مادح ما جا صلى بالناس ولا قراء قران في حلقة يا اخوي ما تتكلم في شي تافه
ومحمود فنان الشباب الاول رضيت ام ابيت وبمدح لو ماعاجبك اقلب القناة او بطل تسمعي المديح من محمود
بس ماتلقوا ليكم موضوع فيهو محمود عبدالعزيز هاك يا نبز وهاك يا كلام فارغ مع انو في مليون فنان بعمل البعملوا محمود بس مافي زول اتكلم!!!!!
محمود عبدالعزيز فنان الشباب الاول يمر بظروف صحية صعبة ندعو الله سبحانه وتعالى يشفيهو ويهدينا جميعا
برنامج السر قدور مازال برنامج ناجح واجمل ما فيه دروس السر قدور لهذا الجيل ومحاضراته البسيطة ولكنها تحمل معلومات ومعاني كبيرة ،،، في رأى البرنامج مازال في قمته،، فن ومعلومات ودروس في الموسيقى السودانية
ودعكم من النقد الهدام هذا الأستاذ العظيم من خلال ضحكاته العالية وفرحته بأبناءه وبناته إنما يقدم لهم دروساً قل ما اعطيت لجيل الشباب واتمنى ان يتمعن المغنين الشباب فيما يدرسه لهم ويحكيهم به.
البرنامج جميل جميل جميل ..ونتابعه بكل شوق واستمتاع ..
ولو عندك حاجة تانية قولها ..
أحيي عاصم وعصام ونادر وريماز ومنار وكل الشباب . وتحية حارة لك ياالسر قدور
فقد امتعتنا والله .
اتفق تماما مع الكاتب فيما يقول وبالاخص عن الفنان القدير محمود عبد العزيز,لحسن حظ محمود نحن لسنا بالشعب الجاحد للمبدعين ولا احد يستطيع ان ينكر الانجازات التي قدمها محمود عبد العزيز في خدمة الاغنية السودانية ولكن هل هذا يجعله من المعصومين ,سؤال بسيط جدا يطرح نفسه هل كان محمود عبد العزيز حايصل للمرحلة دي لو للا الدعم الاعمى من المعجبين ولو لا التشجيع الاخرق من بعض الاخوة الذين ليس لهم صلة بالفن المسئلة زي الكيزان واحد عارفين انه الشعب ما شايف ليهم بديل عشان كدا استغلو الاوضاع وتجي زي ما تجي اكلو ناركم,وبالنسبة لاحمد الصادق فانا بستغرب من حاجة واحدة مع انه واثق من انه كلو زول بذوقه وفي النهاية مافي انسان كامل مهما كان لكن دا منو الاطلق الالقاب السخيفة دي على الفنانين ومنهم احمد الصادق بنعته بالامبراطور ,اي نعم صوته جميل واي حاجة لكن ما هي الاشياء التي قدمها احمد الصادق في المسيرة الغنائية حتى نعمل ليه امبراطورية هل قدم احمد الصادق حتى الان اغنية وطنية واحدة او مثل السودان في الخارج او حتى له باع طويل مع الاغنية السودانية ما اظن وفي حالة جا فنان جديد ومتمكن وغنى ليه كم اغنية هابطة ماذا سنطلق عليه؟ ربها (استغفر الله العظيم) لك الله يا بلادي كل من هب ودب ووجد الشعب معلق الامال عليه استغلاهم وباشياء ما تسوى.
البرنامج جميل و ممتاز جدا –
بس المرض الكبير و القرف البقفل النفس هي عرضة فرفور .
لانو جلابية سيد السكسك او بائع الكبكب ( كبكبي ) المرتديها ما بتتلاءم مع العرضة .
وبعدين الاستوديو مساحته محدودة ولمن تقوموا و تحجبوا الاخرين او ورود البرنامج من الكميرا بعرضتكم القبيحة و الغير مناسبة مع الزمان و المكان تكونوا بعدين جدا من الزوق السليم
و عمك قدور و الله كرهكم عديل لكن ما قادر يقوليكم حاجة .
ياخي حسوا شوية و ما تبقوا بايخين اكثر من كدي .
ناس بتحب النقد ليس إلا؟ البرنامج جميل وممتع….والمتعة الكبيرة في اعتقادي اريحية العملاق السر قدور…….بالنسبة لمحمود صيحيح ما تقوله…..اما البقية ..تمام
كاتب المقال ده زول حاقد ساكت وأحتمال يكون طابور خامس مدسوس ويتخابر مع العدو الأمريكي لتفتيت وحدةالتراب الفني وإن كان قادر وبيفهم في الفن فليأت بمثل هذا البرنامج أما عن الحوت العملاق نحن سامعين أن معجبيه سوف يقومون بعمل نفرة كبرى وجمع المال اللأزم لإرساله لسويسرا للإستشفاء والنقاهة وسوف يعود عملاقا يسد عين الشمس وليمت الحاقدون بغيظهم بس ورونا ندفع التبرعات كيف؟؟؟
والله البرنامج ناجح ومافيهو كلام ومحمود ماجاي يأثر فيهو برنامج اصلا دايما القمم مستهدفه ربنا يخليك يامحمود وتكيد العزاااااال واحمد الصادق انا شايفه انو ماقصر برضو تمام وربنا يوفق الجميع
السلام عليكم ورحمة الله وبركاته
يعني انتو عجبكم السنه الفات وماعجبكم السنه دي السنه الفات البنات كلهم صفر والسنه دي احسن بوجود محمود عمرو ماحيجيب نظرنا ولاخيب اما احمد الصادق بالعكس اتقن اي غنيه واي غنيه حلوه في صوتو زي محمود بالضبط اما طه كمان كويس شديييييييييييييد اما البنات غربو اي حاجه جد خربو دخلوهم واسطه بس ما اكتر من كده
المهم يارض احفظى ماعليك رماز مير غنى كانت ومازالت هى نجمة البرنامج
كلام سليم مائه بالمائه فبل دخول محمود كانت كل الاسر والجميع يعنبرونونه البرنامج الاول ولكن السنة دى بمجرد ماشاهدنا الدعايات هربنا الى قنوات اخرى مين محمود دا ؟؟؟؟؟؟؟؟؟؟؟
البرنامج ناجح بس الزول الكاتب المقال دا زي ماسبقني واحد قال طبور خامس ايوه فعلا طابور ونحنا كجمهور ماعندنا مانع يجيبوا محمود يجيبوا احمد الصادق يجيبوا اللحو يجيبوا حواء الطقاقه بس المهم نفتح شاشه النيل الازرق بعد الافطار نلقي برنامج السر قدور اغاني واغاني لانه اصبح مكتبه للاغاني السودانيه بماضيها وحاضرها ويستحق الاشاده وشكـــــــــــــــرا 😉 😉 😉
مع احترامى لكل الاراء ولكن لم اجد نقد بناء ولا شخص دارك للغناء المشكله ما فى الفنانين المشكله فى الجمهور الشباب نفسهم الثقافه الفنيه لديكم متواضعه
برنامج جميل وبنتظر كل يوم وناجح وطحكه عمك ههه هه ها ها و الشباب ديل مقطعين الغناء والبنات كمان بعد مالبسن التياب بقو حاجه كده وبالنسبه للفنان محمود رائع وبقترح لكل الشباب المعجبين بي محمود التبرع عبر شركه الاتصلات زين بتحويل واحد ج من الرصيد الي تلفون محمود عبد العزيز طبعا دي فكرتي انا من محبي الحوت للعلاج
ان طه سليمان لهو بحق ظاهرة فنية لا تتكرر كثيرا بما يمتلكه من حنجرة ذهبية وحضور ذهنى مستمر ومقدرة مذهلة على التطريب واجادة تامة لكل ضروب الغناء السودانى من ا لحقيبة الى الغناء الشعبى الى اغنية السيرة والدلوكة بل ويعتبر افضل من اجاد غناء الفيديو كليب من المطربين السودانيين ….
فلنحافظ على هذا الكنز الثمين بالتشجيع والنقد البناء
مع الاسف اسلوب الحياة في السودان كل شئ يبداء كبير ويصغر يصغر حتي ينتهي عكس الناس في العالم الخارجي زي التقول نحن من الفضاء الخارجي هذا البرنامج بداء يفقد موضعيته ويظهر فيه الغرور والاوهام واعطاء الاشياء اكبر من حجمها والاستاذ السر قدور يفتقد للموضوعيه في تقديم قصصه الخرافيه ومن اهم اسباب النجاح للبرنامج الفنانين الشباب
واغاني الحقيبة الجميلة فقط اتمني من الله التوفيق للجميع وارضاء الجميع غاية لا تدرك
مع احترامي
الظاهر عليك مالقيت ليك موضوع تظهر بيهو عشان كدة كتبت فى اغاني واغانى لكن اغاني واغانى افضل برنامج تقدمه الفضائيات السودانية :lool: :lool: :lool:
حراااااام عليك يا بدوى ايه المدح ده كله ………… انت الظاهر عليك مافهمت ماورد فى المقال اعلاه …… كدى حاول تقراه تانى يمكن تغير رايك … اما بخصوص المقال فقد جانب كاتبه الصواب كثيرا . قال طه بتاع كله قال:mad: (؟) (؟)
؟
اوافق تماما على كلام الكاتب البرنامج بشكله الاول كان من الممكن ان يواصل النجاح الاضافات كانت فاشلة وقلصت من فرص المبدعين عصام ونادر والبناءاما محمود عبد العزيزاللهم انى صايم
يا عبدالله اللهم اني صايم
والله اي واحد بتكلم عن محمود وبتريق ده ما بعرف فن وزول حاقد وبس
يا اخي السر قدور وحمد الريح وبشير عباس وقبلهم وردي وكل الفنانين انت البتسمع ليهم اشادوا بمحمود عبدالعزيز حتى عاصم البناء وفرفور وكل الشباب تاني في شنو اكتر من كدا
حب الناس مذاهب وماعندنا اعتراض انك تحب فلان ولا علان بس النقد الفني جميل يعني ما تتريق في القامة محمود انت وغيرك لو سمحتو ادوا الزول الطيب ده حقو
اغاني واغاني ,برنامج ناجح جدا فهو يشد كل المشاهدين الي الشاشه بعد الاقطار ,,,,واوافق الاخوان ان ريماز تفوقت,,,,,,وطه سليمان ابدع
عسل ياريماز ارجو المزيد
انا اوافق الكاتب في ما ذهب اليه ان البرنامج فقد رونقه هذا العام وللاسباب التي ذكرها الكاتب ايضا ولي ملاحظه في الحلقه التي تم فيها استضافة القامه بشير عباس وهي قمة استغرابي من تعليق الاستاذ بشير عباس علي ان اداء الشباب كان رائعا واخذ لونيه جديده ماعارف كلامو ده مجامله ليهم والاشنو؟خصوصا بعد ادائهم لاغنيات البلابل التي فشلوا في ادائها كم ينبغي00عموما اتمني ان يراجع الاستاذ الشفيع عبد العزيز النظر في اغاني واغاني هذا العام 00ورغم انو البرنامج باقي لسه فيه حلقات الا انه وزي مابقولو اهلنا(الخريف من رشاشو)0
والله لو ما محمود عبدالعزيز ما كنا نتفرج البرنامج ده و اي زول يتكلم في شكل محمود بقول ليه انت ما عندك مراية في بيتكم؟!!
شكل محمود هو شكل السوداني الاصيل خالي مكياج و بودرة و كلام بتاع بنات
أبشر يا الحوت
برغم من مرور5 سنوات علي البرنامج الاانه ازداد جمال وحلأ امابلنسبه للسرقدورفازداد ظلرافه
الاسم / محمدمجدي