مسدار الرزيلة
حاشانا الرزالة وماب نبيعو وطنا
رافعين الرؤوس عزاز دوام ما أتهنا
الغيظ والحنق الفي قلوبكم طنا
ياشيوخ الرزيلة والفساد والعنة
الشعب العظيم ماهو الرزيل يا وليد
ديل احفاد مهيرة وعبدالفضيل وعبيد
الخلاني احزن يوم صباح العيد
كان متلك يطردوبو البهم والصيد
منو الارزل من الجابك علينا وزير ؟
الحق مو عليك راس مو بشير ومشير
لو ما الدنيا غرارة وصغيرها كبير
ماحكمونا ناس علو الوضيع وحقير
ما اتعود لساني على الكلام المايل
وماب اعرف اسب الناس بي قول قايل
كان ماشفتو بي عيني حويلك مايل
كان صدقت اكذوبة الامام العادل
نقاطع لي انتخابات المنح وهبات
رياح تغييرنا لي عرشك تهز هابات
اركز يا جني الشعب حي مامات
وبنعرف الرزيل من الشريف في الفات
مقاطعين انتخابات الضلال ومناكر
أمانة صوتنا في اعناقنا ماها مساخر
موت بي غيظك آآ شيخ الكضب يا جاير
في آخر الزمن سويت وزيرك ياسر ؟
عبدالمنعم العوض
[email][email protected][/email]
ردك حار وإن شاء الله يفهموه،، بس يجب أن لا نقترب من الخطوط الحمراء حتى لا نتلبس بدعاوى العنصرية،، الشاب دة جاهل ووجد نفسه يتمرغ فى مستنقعات السلطة والفساد مثل الشافع الفى يده مسدس يعبث به ولا يدرى خطورته على نفسه وعلى الآخرين.
خبر عاجل
البشير في لقاء نصرة مشايخ الطرق الصوفيه وعدهم بالخلاوي الالكترونيه ما شاء الله شوفتوا الجدل النحن فيه عريان في —————– ولابسلوه سديري
تسلم ود العوض .. و حاشانا الرذالة و ما بنبيعو وطنا .
ردك حار وإن شاء الله يفهموه،، بس يجب أن لا نقترب من الخطوط الحمراء حتى لا نتلبس بدعاوى العنصرية،، الشاب دة جاهل ووجد نفسه يتمرغ فى مستنقعات السلطة والفساد مثل الشافع الفى يده مسدس يعبث به ولا يدرى خطورته على نفسه وعلى الآخرين.
خبر عاجل
البشير في لقاء نصرة مشايخ الطرق الصوفيه وعدهم بالخلاوي الالكترونيه ما شاء الله شوفتوا الجدل النحن فيه عريان في —————– ولابسلوه سديري
تسلم ود العوض .. و حاشانا الرذالة و ما بنبيعو وطنا .
مسدار الرذيـــلة
حاشانا الرذالة وماب نبيعو وطنا
رافعين الرؤوس عزاز دوام ما أتهنا
الغيظ والحنق الفي قلوبكم طنا
ياشيوخ الرذيلة والفساد والعنة
الشعب العظيم ماهو الرذيل يا وليد
ديل احفاد مهيرة عبدالفضيل وعبيد
الخلاني احزن يوم صباح العيد
كان متلك يطردوبو البهم والصيد
أرذل منك الجابك علينا وزير ؟
الحق مو عليك راس مو بشير ومشير
لو ما الدنيا غرارة وصغيرها كبير
ماحكمونا ناس علو الوضيع وحقير
ما اتعود لساني على الكلام المايل
وماب اعرف اسب الناس بي قول قايل
كان ماشفتو بي عيني حويلك مايل
كان صدقت اكذوبة الامام العادل
نقاطع لي انتخابات المنح وهبات
رياح تغييرنا لي عرشك تهز هابات
اركز يا جني الشعب حي مامات
وبنعرف الرزيل من الشريف في الفات
مقاطعين انتخابات الضلال ومناكر
أمانة صوتنا في اعناقنا ماها مساخر
موت بي غيظك آآ شيخ الضلال السافر
في آخر الزمن سويت وزيرك ياسر ؟
يرحم ربي اسماعيل ويحفظ نسبو
كان وزراهو ناس يحيى الشريف واب حسبو
آآه من الزمن شخبط كتابنا وقلبو
شوف عيني الكديس جر الاسد من ضنبو
كركبتونا بي كرتي وتريزا وحسبو
عبدالمنعم العوض ? الرياض- 8 مارس 2015م
شكرا كبيرا باشمهندس ود العوض الهميم — والله العظيم انت اخذت بى تار السودانيين كلهم — وانا لو فى مكان البشير كنت استقلت وتركت البلد –لكن للاسف تبلدت المشاعر وعلى فكره اكل الرباء والحرام يقتل القلب –فلنبدأ التوثيق لتجاوزات الجماعه اللفظيه لكى تكون دليلا على فسادهم وافسادهم فى يوم الحساب القريب — وجيتا جيتا يا فارس القول والفعل –دمت ذخرا للوطن