الشاب عادل يحي عبدالله يكشف طريقة اختطافه بواسطة مذيع واشقائه
الخرطوم:تفاؤل العامري
كشف الشاب عادل يحي عبدالله عن الطريقة التي تم بها اختطافه من قبل المذيع المعروف وأشقائه في وضح النهار، قائلا- أن المذيع قام باقتياده داخل عربته الخاصة في وضح النهار بالقرب من حي جبرة بالخرطوم بعد أن قام بوضع شريط علي عينيه بمساعدة أشقائه اللذان قاما بربط أطرافه حتي لا يقاومهم وأشار عادل الي انه تعرض لاقسي أنواع العذاب حيث تم ضربه بـ(خراطيش) من ثم تم سكب (موية النار) علي أجزاء متفرقة من جسده ولفت الي أن السبب الرئيسي وراء كل ما حدث يعود الي أن المذيع اتهمه بتشويه صورته عبر موقع التواصل الشهير الفيس بوك رغم انه نفي عن نفسه تلك التهمة إلا أن المذيع رفض ان يسمع له، وواصل عادل سرد مأساته – قائلا: قضيت أكثر من ستة ساعات في عذاب متواصل لم يتوقف لحظة علي يد المذيع وأشقائه الذين قاموا برمي علي بعد مسافة أمتار من منزلنا وأنا في وضع سيئ ما دفع أسرتي لنقلي علي جناح السرعة الي المستشفي وبعد فحوصات عديدة إتضح إصابتي بالفشل الكلوي مما استدعي إخضاعي لجلسات غسيل مازلت أتلقاها.
فنون
يا تفاؤل العامرى إنتى برضو خائفه من المذيع واخوانه عشان كده ماعايزه تقولى إسموا…..ياناس أرحمونا بالله من هذه المثاليه البلهاء.
بلد سايبه ومافيها قانون طوالى تسوق اصحابك وتمشى تسيد تارك وانا بمشى معاك ماعندك مشكله حقك بيجيك
يا أخوانا.. سألناكم قبل كده .. في راكوبتنا دي ..
منو المذيع ده ؟؟؟؟؟ داسين أسمولييييييه ؟؟؟؟
يا جماعة سموا الاشياء باسمائها …. من هذا المذيع … من يفعل ذلك لا يستحق الاحترام …اكيد هذا المذيع مؤتمر لا وطني وبالتالي هو فاقد تربوي … تبا لهذا النظام الذي افسد كل شيء..
المزيع دة ماعندو اسم ولا تخصصكم نافع قال والبشير قال اى زول الساكت على الحق شيطان اخرص قولو اسمو للتشهير الليلة فى المسكين دة بكرة فى واحد تانى
المذيع دا ( جبار) لدرجة أنه لا يذكر أسمه ؟؟؟؟
قضية قائمة و بالأدلة المادية و أفادة المجنى عليه و الحكومة و شرع الله و تطبيق الحدود و كل أشكال الهوس الديني لا تستوجب حتي مجرد توقيف المذيع و أشقاءة (بغرض التحيقيق) !!!!
قُتِلَ الطلاب في نيالا و جامعة الجزيرة بدم بارد و كذلك المُحتجون في بوتسودان و كجبار و قد يتفرق الدم على ( قبيلة الشرطة) لكن و في قلب الديوم قتلت عوضية و الجاني (معروف) و لا يقتص منه !!!
و في قلب جبرة يتم إختطاف الشاب عادل يحي عبدالله و الجناة (معروفون) و لا يتم ( توقيفهم) لمجرد التحقيق !!و تتجنب صحافة ( العُهر) مجرد (ذكر) أسمائهم !!!!!!!؟؟؟
و الأعجب أن يحدثنا البعض عن ( سلمية) التغيير في مواجهة نظام لا يأبه لقيمة الإنسان فلماذا نجعل لهم (قيمة) ؟؟؟
و الله و بدون ( ثورة مسلحة) سيصل الناس لمرحلة ما قبل (الجاهلية) و سيأخذ كلٍ ذي حق حقه بدون الرجوع للقانون(المعطل إلا في مواجهة الضعفاء) و الذي بات يحمي المجرمين فقط !!!!
من يكون ( الضابط) قاتل الشهيدة ( عوضية) و من يكون قتلة الطلاب في نيالا و جامعة الجزيرة لتكف عنهم يد القانون ( الظالم)..؟؟؟
من يكون هذا المذيع ( الرباطي المجرم) و أخوته الذين أعتدوا على الشاب عادل يحي عبدالله و أوصلوه لمرحلة الفشل الكلوي لتكف عنهم يد القانون ( الظالم) في الوقت الذي (تتبجح) فيه “المتنمصة” ( بدرية سليمان) بتقديم كل الموقعين على ميثاق الفجر الجديد للعدالة تحت مواد عقوبةأقل واحدة منها هي ( الإعدام) !!!!
ـــــــــــــــــــــــــــــــــــ
ثبت في الصحيحين وغيرهما من غير وجه أن النبي صلى الله عليه و سلم قال للناس في يوم النحر في أشرف زمان ومكان وجمع حضره ، وبعد أن قرر الناس على حرمة البلد والشهر واليوم:
((فإن دماءكم وأموالكم وأعراضكم ? وفي رواية قال: وأبشاركم ? عليكم حرام؛ كحرمة يومكم هذا، في شهركم هذا، في بلدكم هذا، وستلقون ربكم فيسألكم عن أعمالكم، ألا فلا ترجعوا بعدي كفاراً يضرب بعضكم رقاب بعض، ألا ليبلغ الشاهد الغائب)) الحديث..
ـــــــــــــــــــــــــــــــــــ
تبا لكم و لعهدكم الفاجر الظالم …
والله كويس وصلوك بيتكم ياشقى الحال ماقصرو فى الزمن الصعب ده
أسللوب لا أقبله ولكن هو الحل السائد في السودان أجمع أهلك وأفراد قبيلتك ومعارفك وتسلحوا بما تستطيعون وردوا الصاع صاعين وكفي شكوي ونواح هذا هو الاسلوب الوحيد الذي يردع مثل هؤلاء اللهم قد بلغت فأشهد
مزيع ده ولا لوا في الجيش انت يا ولد كيف الكلام ده يسوقوك ويضربوك ما بتقدر تدافع عن نفسك وين اهلك عايش براك انته ومشيت معهم كيف اساسا؟ القصة دي ماراكبه راسي
شفاك الله وكان في عونك وعون البلد ، الكل اصبح يطبق القانون علي محض هواه … لابد من المحاكمة
لان قانون الغابة قد ولي زمانه، اذا كنت انت الفاعل حقاً بتشويه سمعته عبر الفيس بوك لماذا لم يلجاء الي النيابة ويفتح بلاغ … هذا زمانك … هذا الاسلوب اسلوب امنجيه ممكن يكون مذيع امنجي
ظاهرة أخذ الناس حقوقهم بالقوة واليد ازدادت في ظل الانقاذ بسبب عدم احترام المسئولين للقانون والناس على دين ملوكهم ،، هذا مذيع يعيش في عاصمة البلاد وللأسف يعمل في المجال الاعلامي أي يعرف عن وسائل التواصل الاجتماعي وكان الاجدر به التثبت والتحوط وحتى ان قام المجنى عليه باشانة سمعته عليه اللجؤ الى القضاء للبت في الموضوع بعد أخذ snapshot للصفحة التي تمت اساءته فيها فطالما أنه تعرف الى انه هو الذي أساءه يمكن ايجاد الدلائل الالكترونية التي تثبت او تدحض التهمة ضد المجنى عليه،،
علاقة الفشل شنو بالضرب الممبرح
الطاهر حسن التوم عيب عليك
اقترح علي من يقيمون علي هذه الراكوبة نشر الأسماء عديل كده في أي جريمة واصلا موت موت ليه الخوف دي جريدة لما يرفع قضية المتهم ينفي اسمه تكون سنة 2050قربت تجئ بس النشر يكون صادق احتراما للحقوق وعدم اتهام الناس واسماءهم بالغلط يعني يكون كل شئ نجيض ومستوي مايخرش المية علي قول اولاد ببمبه
ظاهرة تطبيق القانون واخذ كل زول بيدو غريبه.. ياولد انت ماعندك اهل قبيلة ولا مقطوع جند اهلك وبرضو اخذ حقك بيدك… عصابة لرد الظلم..اعجب لكم..
والله ده لو حصل مااخلى فى اهل المذيع ده نفاخ النار ابتداء من اولادو وانتهاء بى امو وابوه…
بلد مافيها قانون .. شيل ساطورك ومسدسك وعليك بيهم ماتخلى حقك عاملهم باكثر من المثل…
قال قانون قال
انت يا حماده يا حمودي تقول علاقة الفشل الكلوي شنو بالضرب المبرح هو القتل الاستاذ الفنان مصطفى سيد احمد شنو غير الضرب المبرح من كلاب الامن حتى اصيب بالفشل الكلوي عليه رحمة الله .
دا مذيع دا ولا نيقرس !!!!
ابسط الناس لو حصل ليك منو اي اهانة او سب ما ح تخطفو
حتي لو نزلت الي ادنا حالةح تضربو فقط لكن دا كلام غريب
هذا مجرد مذيع في دولة (كوزمافيا )..؟؟…فما بالك في امثال قرا(قوش)،واخواتها ..؟!..والضحبة على فراش الموت ،ما زال البعض يصر على السترة والتستر على الجاني وهذه جريمة أخرى.
شخص مثل هذا في دولة عاقلة راشدة، لن يرى الميكروفون مرة ثانية..لكين اننو السودانيين، يومكم (أسود)….مع الاسف والاعتذار للجميع.
من هو المذيع نرجو توضيح الإسم وهذا لم يكن مذيع بل هذا رباط ياناس الراكوبة مليون مرة قلنا عندما تنشروا خبر مثل هذا يجب أن توضحوا اسم الشخص الذي ارتكب الجريمة بدلاً من اعلان مبهم .
دا كلو لانو الحكومة ما مواكبة للتغيرات العصرية يعصرا البلا
لو كان عندها نيابات متخصصة في الجرائم الالكترونية في الفيس وخاصة المواقع الالكترونية زي الراكوبة وسودانيز اون لاين وغيرها التى اصبحت مكان لتفريق الكبت ولكن احيانا يسيء للاخرين ولي اسرهم وهو يعرف انه لايمكن كشفه وبالتالي ينفخ كل سمومه وعقده ومركبات نقصه دون وازع ديني او اخلاقي(وتحسبونه هينا وهو عند الله عظيم) (ان الرجل ليتحدث بالكلمة ما يلقي لها بالا تهوي به في جهنم سبعين خربفا)
لو عادل كان من ديل يبقى غلطان ويستاهل
والخبر المبتور جاب الضحية ولم نسمعراي المتهم او المتهمبن بعدين تلاتة اخوان وبين الاخ والاخ سنتين وتلاتة يعني شي تمنية وعشرة سنة يعني نهاية العشرينات وبداية التلاتينات وبالتالي هم ناضجين ماممكن يكونو زعلانين في حاجة صغيرة اكيد اتكلم عن شرفهم ولا عن شيء كبير بزعل الاخوة وزي مابتقول الحكمة اليونانية القديمة (الانسان يعمل ما يستطيع ويستحق نتيجة لهذا العمل ما يحصل عليه)
ربنا يشفيك ويقومك بالسلامه . وشنه لسه خايف منو تقول اسمو والله كلام ؟
هو وصل معاك مرحله قدر دى قول اسمو عشان نعرفوهو وتعرفو القناه الشغال فيها دى لانو لا يصلح فى الشاشه التلفزيونيه ودا احتمال بكره يضرب مدير التلفزيون . دا ياريتنى لو وقعت فيهو هييييييييييييييييييع
قال صحافه قال (صحافة تخاف من ذكر اسم المجرم و برضوا يقولوا صحافه يا ولد اجمع اهلك و اخذ حقك او امشى اى موقف مواصلات و بتجد ألاف من الشرفاء الذين سوف يهبون معك
اسى يكلفتو القضيه ويطلع المزيع برائه خاصه لو كان من الجماعه
رش النيقرس بي كم الف ويجيبو ليك حقق الف مره
إذا كان المذيع لايزال طليقا هو وأخوته فتلك مصيبه كبيره , وتبقى البلد سايبه وكل واحد بعد كده يأخذ حقه بيده
الله اكبر عليك يامزيع يافاشل انت اصلا عندك سمعه وشرف والله والله والله وتاالله لوكان هذا الشاب بس انا بعرفو قبيله المزيع كلها ما تحلينى منو وطالع بضمانه كمان والله اشرط ليك ابو اهلو ذاتو قال مزيع قال انت يامزيع ابن شوارع وود حرام لا انو العمله بتاعتك دى م بعملها ود حلال.
والشاب ده م عندو اهل اهلك وين ياسجم الرماد ووووووووين اخوانك وووووين اولاد عمك الدم مبرجع الا بالدم فى الزمن الكلو بقى محسوبيه الله يعينك يا اخى والله لمن قراءت الخبر ده من الغلب لمن عينو دمعت.
سؤال واااااااااحد بس للراكوبه والصحافه عامه .. زي ما انتو قدرتو عرضتوا صورة هذا الشاب المسكين المظلوم واسمه .. لماذا ومليون الف لماذا لا تعرضوا صورة هذا المذيع الخايب الفاشل واسمه بالكامل ليعرفه الكل على حقيقته ؟؟؟؟؟!!! لكن مصيرك ان طال او قصّر بكرة حتتعرف
اسئله محيره:
1 من هذا المذيع
2 اذا كنت تكتب عن طريق النت كيف عرف مكان سكنك ام ان هناك سابق معرف به او باخوانه
3 كيف اخذك من الشارع في النهار اي الناس اي الدنيا
4ماذا فعلت الشرطه بعد وصولك المستشفى
5 هل تم القبض عليه
6 اين ما يعرف ب اورنيك 8
9 اين اهلك يا ابني وقبيلتك اذا كان الموضوع خطف من الشوارع واخذ حق بالقوه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هيييييييييييييييييييييييييييييييييييييييع وحيات اسم الله لو ف محلو المزيع دا الا كان اعمل ليو جناحين واطير بس غير كداماافي اي حل قال اخوانو قال واهل الولد دا وين لاحولة ولا قوة الا بالله قانون شنو البستناو احكم لي زي المزيع دا اول شئ اتخنق خنقة كارررررررررررربة والقصبة الهوائيةد تتعطل عشان تاني مااعرف اتكلم ولا ازيع زاتو هوووووووووووووووووي يا اهل الولد دا اوعكم تمشو القانون حقكم بي يدكم بس اوصيكم لمن تدقو المزيع دا تدقو في الرقبة اهم شئ وبعد داك تكسرو اليدين عشان مااعرف امسك المايك وتكسرو الرجلين عشان مااتحرك من محلو والباقي تدقو بي صوت عنج وتبولو ليو ف راسو وتمشو تخلو هيييييييييييييييييييييييييييييع
تتسرعون في الحكم في حاجة ناقصة في الموضوع
ما اسم المذيع ، لماذا لا تنشروا اسمه يا إدارة الراكوبة ؟ هل سننضم نحن كذلك لمؤيدي فقه السترة ؟ وهل يوجد مذيع في إعلام هذا النظام المجرم يستحق السترة ؟ نشر اسم المذيع المتهم هو أبسط اعتبارات العدالة التي يجب القيام بها ، وهو واجب ديني وأدبي وأخلاقي تجاه المجتمع الذي انتهك هذا البلطجي أمنه وسلامته ، اذا كنا تعرف هوية هذا الرباطي ونمتنع عن ذكر اسمه فإن ذلك يصل الى حد الاشتراك في جريمته والتحريض على ارتكابها مجددا في حق أي منا!!!
عايزين اسماء : المذيع الارهابي و الفنان العامل فيها بت … كل مره خبر ناقص
أكان دي طريقة أهلك لمعالجة الموضوع ( فتح بلاغ ) خم وصر والترابة في خشم المستني الحكومة تجيب ليهو حقو .
يا خبر يقروش بكره ببلاش اغلب الشماراتية عاوزين اعرفوا المذيع ما تستفيدو من التقنية قوقل وبنج وياهو والتا فيستا عملوها لشنو؟؟؟؟
المذيع مسنود من رئيس البلد ويقال هو العلم بشبش الكمبيوتر واصبح رفيقه في الحل والترحال وله برنامج وثائقي في قتاة كيزانية كبيرة؟؟
للذين يطالبون باسم المذيع. عليهم ادراك الاتى . الخبر منقول وليس من المصدر ثانيآ المصدر لايمكن له ذكر المذيع وذلك لدواعى قانونيه قد تطاله فى حالة عدم الادانه والتى هى متوقعه فى هكذا حاله من واقع ان هذا الشاب ليس له دليل على ذلك وهذا مايستوحاه من حديث الشاب نفسه . لذلك يااخوى وطاله مامتاكد من الفاعل ماعليك الأ التعامل بشريعة الغاب وتاخد حقك بيدك. مع التاكيد لو دى اقوالك اصغر وكيل نيابه حيشطب البلاغ.
هههههههههههاي ياخي خليك اسد يا مان دي جات عندك
ياخى نسال الله ان يشفيك اولاو ياخذ لك بحقك ان كنت فعلا مظلوم .
اى كلام……….والغريب اى واحد مكن يلاحظ انو الظلييط قديم جدا… وبعدين ما الداعى فى اخفاء اسم المذيع وليس ( الزيع) يا شاطر
تعاليقكم ظريفه ياناس ياظريفين المزه ده اقصد المزيع ده طيفور ككككككككككككككككك عرفتو
هذه القصة تبدو ساذجة جدا وغير منطقية في عدة محاور ويفترض التحقق من نشر علي الاقل ما يمكن تصديقه حتى لا تفقد مصداقيتها
عندك قضية وحق امشي اشتكي يا امشي شيلوا بيدك … شنو جاي راقد ومنبطح وتتكلم ضربني وخطفني والكلام الفارغ ده
قوم لف
السلام عليكم
أيها الإخوة هذه ليست غيبة ولكن لتمليك الحقائق
الراكوبة حكايات وفنون كلكم جبناء
مكان العمل النشرة الرياضية التلفزيون القومي
سكن الأسرة الخرطوم جبرة شمال المدرعات
هذا الذي تسمونه رباطي يدعى أشرف علي شكرالله
اللهم قد بلغت اللهم فأشهد
والسلام
والله عادل ده الم فيهو اخلي ريحتو طير طير مش ادقو بس
دا عادل يحيى الخيخة ؟؟ ود الازهري. الله ينتقم منك يا عايب. ده ود معروف بالاعمال اللاأخلاقية والابتزاز. كان يقتلوهو زاتو عشان البلد دي تنضف من امثاله من شباب الخيبة.
من الكلام المذكور الغير منطقي اعتقد انه اتهام ملفق و القصد منه القرووووش . في زول يدقوه في جبرة في الشارع ويخطفوهو بالساهل كده ؟ والله جبرة دي كان داير تشيل كيس عيش من الفرن الناس كلها تشوفك شايل كم عيشة . اذا كان المتكلم مجنون فالسامع عاقل.
القصة في جهه والواقع في جهه تانية الغريب في الموضوع انك منزل فيديو في اليوتيوب بتغني فيهو قبل ما تنشر الموضوع ده باسبوع وده ما يدل الا على حاجة واحدة ….
http://www.youtube.com/watch?v=Kzy_lFBOumw&feature=share