تسابيح مقابل هجليج !..استيلا قاتيانو مقابل بحيرة الأبيض..!!
بكرى المدنى
* اطرف ما في الأزمة بين السودان ودولة جنوب السودان -وللأزمات طرائف – مطالبة مواطن من دولة جنوب السودان على موقع الكترونى لحكومته اختطاف مذيعة قناة النيل الأزرق الأستاذة تسابيح خاطر ومقايضتها من بعد مع حكومة السودان بمنطقة هجليج أي ان تحتفظ حكومة دولة الجنوب بتسابيح خاطر من بعد اختطافها تلبية لطلب مواطنها ذلك واستخدامها كورقة ضغط في مواجهة السودان حتى تضطر حكومة الخرطوم للتنازل عن منطقة هجليج مقابل افراج الجنوب عن تسابيح !وعزا الأخ من دولة جنوب السودان طلبه ذلك لما تتمتع به مذيعة قناة النيل الأزرق الأستاذة تسابيح خاطر من شعبية كبيرة في السودان الشئ الذى سوف يشكل عبئا على حكومة الشمال فتضطرللمقايضة بها !
* طبعا الأخ المواطن من دولة جنوب السودان لا يمكن ان يكون جادا في طلبه ذلك وان كان جادا تكون تلك مصيبة و هناك فعلا من يفكر بهذه الطريقة وكلنا يذكر ساعة غزو حركة العدل والمساواة بقيادة خليل ابراهيم لإم درمان وتصريح احد الأولاد الذين تم اسرهم في ام درمان للإعلام بقوله ان خليل وعده حال بلوغ الحركة الخرطوم بتزويجه من الفنانة ندى القلعة !وهذى وتلك طبعا من الحكايات الطريفة وان لم تمنع طرافتها التحوط فلربما فكر بعضهم في تنفيذها ولو على مستوى فردي والتاريخ والحاضر يذخران بقضايا الإختطاف والمقايضة !
* عموما وعلى ذات الطريقة الطريفة فاننا نرجو من حكومتنا اختطاف الإعلامية من جنوب السودان استيلا قاتيانو والضغط بها على حكومة الجنوب حتى تخرج من بحيرة الأبيض ?هذا ان كانت لا تزال فيها- واستيلا في دولة الجنوب لا تقل شعبية عن تسابيح في دولة السودان ولقد كانت (ايام النفوس متطابية)ولعلها لا زالت في نفوس كثير من اهل الشمال تتمتع بشعبية كبيرة فأستيلا اعلامية وشاعرة واديبة وقاصة اشتهرت لها جدا رواية (زهور ذابلة) ولأن ليس للأرض هناوهناك مقابل فليكن اطلاق سراح تسابيح مقابل اطلاق سراح ازبيلا ?هذا ان وقع اختطاف فعلا لهذى او تلك لا قدر الله وفي الآخر ليت كل الأزمات فيها من الطرائف ما يشابه تسابيح واستيلا !
اتعرفون يا قراء الراكوبة من هو مدير قناة النيل الازرق ؟ رجاء الاجابة بكل صراحة
والله الناس دي بتفكر بعقل ضيق. ودا اكبر دليل على جهلهم,وعدم قدرتهم على استمراردولتهم..
اليوم مع الطرائف يابكرى ونطلع شويه من الجو الحار .. واحد مسطول سالوه ماهو الفرق بين النيل
الازرق والنيل الابيض ؟ النيل الابيض مليان سمك وتماسيح والازرق سوركتى وتسابيح .. ولك الود
تفتكر يا عمي الحكومة ستضحي بهجليج عشان تسابيح؟؟ ما ارخص الانسان في بلدي فلذلك مغامرتك فاشلة والله كان خطفتوا نصف سكان السودان الحكومة ما تتنازل عن شبر من هجليج (النقاطة الوحيدة) انتو جنيتو والا شنو؟؟ هذا ان كان هذا جاد في كلامه!!!
…اعتقد انه نوع من الحب عند ابننا من الجنوب تجاه بنتنا تسابيح ,اما بتنا استيلا فهى فوق راسنا معززة وست بيت ماضيفة فى الجزء الاعلى من قلب افريقيا المنكسر المنشطر….اما الذين فى ذمة الله ,الرجاء لا تقولوهم ما لم يقولوه…!!!
مدير قناة النيل الأزرق هو ريك مشار صح؟
ماعندك موضوع خاااااااالص ياشيخنا
ضريبة الخفه والضحك فى الاعلام
اتمني ان تكون هذه طرفة للهزل فقط لان الخلاف بين حكومات وليس بين شعبين كانوا شعبا واحدا, اي بنت من السودان او من دولة الجنوب هي شرف كل رجل يجب المحافظة عليه والشرف غالي
انت البنطلونات دي عشان جنز قدو قدو مافي مشكل
المشكلة إنه أستيلا لا تقل شعبية في الشمال عنها في الجنوب ، والله يجازي اللي كان السبب في كل ذلك.
تسابيح و استيلا بنات بلد جد ربنا يحفظهم
وكلنا يذكر ساعة غزو حركة العدل والمساواة بقيادة خليل ابراهيم لإم درمان وتصريح احد الأولاد الذين تم اسرهم في ام درمان للإعلام بقوله ان خليل وعده حال بلوغ الحركة الخرطوم بتزويجه من الفنانة ندى القلعة ،،،،،،
برضو خليل رحمة الله عليه لو قال للولد كده أحسن من الكلام القالوا الرئيس الراقص ولم يتجرأ أحد على نشره للعلن الا الترابي ،،،،،
لو عشان استيلا اخطفو سلفاكير بالقابل يرجعو لينا اسيلا
ولله لو بعرف شعب الجنوب قدر كم حبيناهم والفناهم لما انفصل
لا يخطفو مننا لا نخطف منهم وحقنا بنرجعو رجالة حمرا… مليار ذي تسابيح ماتساوي ذرة من تراب بلدنا… قال إستيلا قال… إستيلا دي كافتيريا في الشعبية!!! بصراحة يابكري دمك تقيل والخفة مالافقة معاك وماعندك موضوع.
ياليت كل الحروب تكون بتلك النعومة
( وأنا تاني ما بجيب سيرة الجنوب) – الشاعر القدال في قصدية (طواقي الخوف) التى بكى فيها الجنوب !!
يا راجل أوعى تاني تجيب سيرة استيلا … استيلا دي معشوقة رواد الراكوبة ومحبوبة المثقفين والأدباء في الشمال … ودلوعتي أنا تحديداً … استيلا دي أبعد منها بعيد… أبعد من جرح نزّاف بلون الكاكاو .. وشكل الرياح… وعبق جميع الأزمنة… أبعد من لوحة الرجاف… وأبعد من ملمس الليل وكورال الحزن الجنوبي استيلا.. أبعد من استيلا .. أبعد(النبض الأول في الغابات) .. أبعد من رواية طويلة لم تنته اسمها (الغابة والصحراء) … أبعد من أغنية ليست للغناء .. سميت مجازاً (استيلا) !!!!!!!!!!!!!!!
السيده استيلا قاتيانو متزوجه من سودانى شمالى . يعنى مقيمه هنا رغم انف وزير الداخليه الارترى ..
تسابيح دي نحنا بابار بترول الوحدة كلها ما بنبدلها.
التعليق على هذا الخبر مضيعة وقت من هو الجنوبى الذى كتب ومن هى تسابيح ؟؟؟
اللة اكون فى عونك يابلدى
يا خي اذا تسابيح بترجع حدود الوطن المتعارك عليها
فعليها الذهاب فداء الوطن احسن تعمل حاجه فيها فايدة
ياخوانا خلونا من الختف وما الختف البت دي موش لابساة بنطلون والبنطلون قالو الجماعه بجلدو فيهو ولا الجلد لي ناس معينين قال شريعة قال
تسابيح دى خلوها الفيها مكفيها لكن استيلا دى جننتنى انا براى وياعادل ما تتعقد وعشانا حبيت كل قبيلة اللاتوكا وما حصل فوت ليها عمود ما قريتو وساكيها لى عند جريدة المصير ولو لا قدر الله انفصلت عن ولدنا عادل انا جاهز تتم عدتها بى جاى وانا بعرسها بى جاى تحمل المعنين {الادب والادب} وفى اجمل من كدا وانا بلومها كتير عشان ماقاعدة تكتب فى صحافة الشمال ما نحن اعمام اولادك ماتروحيى علينا فى
اى صحيفة ان شاء الله الانتباهة وانا متأكد اكتر زول يفرح هو عمنا الطيب مصطفى لكن خايف عليك من الدينكا ديل غدارين تقومى تكتبى بى جاى يلحقوك اطور بى جاى او على اقل تقدير يحرموك من مشاهدة اهلك
عند الحوجة {تحياتى لاصدقائى من الجنوب يونس قبريال الجاك/ جيمس جروميك جادا/هنادى بت حى كتور جوباوابنائها والشيخ وجنو اجوك وابنائه}
هاهاها ظريف شديد يابكري لمن…… ماابعرف جبت الرشاقة دي من وين
أستيلا واعية وعرفت أنو الوضع بقى ما زي زمان عشان كدا (آثرت السلامة) .. قلا يمكن أن تواصل كتاباتها في ظل الوضع الجديد .. لأنو أدوها جنسية عشان تبقى مرة زولة كسرة وملاح مش تعمل (مغارز) يعنى اسمها بي قلم الرصاس .. صراحة هي ظريقة واستوعبت ثقافة الشمال بسرعة شديدة .. بس تسابيح دي ثقافة تانية وحاجة تانية وحضور طاغي .. تغسل وشها و(تلفح) توبها وتجي الاستديو
عارفين الكلام ده لو حصل الكيزان ح يقولو شنؤ.
انه قدرها اختارها الله لتكون فداء للوطن ! ولو كان ولد
وسيم كان قالو خلاص شيلو هجليج ورجعوا لينا ولدنا لانهم…
الله يكرم السامعين
ياريت يخطفوا تسابيح وكل المذيعين والمذيعات والله يكونوا خففوا علي الشعب شويه من بلاويه.والله لوشالو معاهم بعض الصحفيين الفارغين والمنبطحين يكنوا عملوا كويس
stela and tasabeh i luv u both.
one on newspaper,other on screen.what a sudanese talents.GOD bless sudan,n south.