الوضع بالسودان لا يطاق..ولا أدري كيف يعيش أهلنا الله يكون في عونهم….السودانيات المغتربات يعترفن.. نعم لا نريد العودة النهائية

اعملوا دخل في السودان اضافي .من عقار او مشروع يدر لكم عيشة كريمة . بدل ما تقعدو في السعودية تقضوها اكل وشرب وحنانه وثياب .. ومظاهر كذابة .. لان السودان وطننا ولا بدا من العوده يوما ما شئنا ام ابينا ..

يا المدعو أبو الشيماء أولاً : يا تقول خيراً أو أصمت لان المغترب لم يبدل وطنه ولم يتنكر لوطنه وفي النهاية كلها أرزاق وعلي الله الجميع متوكلون والمكتوب علي الجبين لابد تشوفو العين ولو انت عندك استطاعة تغير المكتوب وتغير الارزاق افعل ما تشاء واستغفر ربك وعود لصوابك ،،، الله يهديك يا جهلول

النسوان فى الغربة بقن يحلفن بالطلاق ما راجعات طبعا مع العودة تكثر الزيارات وهن تعودن على الزيارات المبرمجة أخر الأسبوع وعند الضرورة للتعزية أو حالة فرح لاكنفى السودان البيت طوال اليوم وطوال الشهر والسنة مفتوح والزيارات وفلان ما فطر زفر تكان ما أتعدى والجماعة البجو داخلين بدزن دسنور ولاأحم وعلى الثلاجة على طول للكشف عن الموجود فالواحدة تعودت على سيسنم تجى السودان كلوا يبوظ

الاخ ايمن
الواحد ما لاقي عمل في السودان انت تقول اضافي؟
اآه ولا انت قاصد زي اضافي اخو البشير من هنا 5 مليون ومن هنا 3 مليون ومن هنا 4 مليون ومن هنا 6 مليون
يا اخي ايمن اختشي !!!! انت قاعد وين ؟ اتق الله فيما تقول

ابو الشيماء انت واحد كوز معروف مستفيد من النظام في السودان وما يهمك البموت من الجوع والبموت من المرض ونوعك دا هو الذي جعل الناس تهرب من السودان
وما اسهل ترديد قول الشاعر
بلادي وان جارت علي عزيزة واهلي وان ضنوا علي كرام
لكن عندما لا تجد خدمات وعندما ترى امك التي ولدتك تريد الشلوقة من العمى وانت لاتقدر وعندما يطرد اولادك من المدرسة وانت عاجز عن دفع الرسوم وعندما ياتي اليك الضيف ولم تجد ما تقدمه له وعندما ترى ابنك يقاسي الالم من المرض وانت لا تقدر على علاجة وعندما تضطهد من قبل حكومتك وتحارب في اسباب رزقك وفي اي مصلحة انت تدفع وتدفع دم قلبك عندها ستكون مضطر للهروب من بلدك وفي دواخلك حسرة وكأن الطائرة التي تحملك هي النعش ولكن آآآآآآآآآآآآآآآآآآه ظلم بني جلدتك حار

يا قرفان من الوضع ،، اي واحد في يده قرار العودة او الاستمرار في الاغتراب ولكن اذا كنت انت البتنتقد المغتربين ومتحير في وضعهم وانت نفسك قرفان من الوضع !! فعلام الرجوع اذن ؟؟؟ يعني الناس ترجع عشان تعيش قرفانه زيك ؟؟؟؟ ام افضل وضع المغتربين الحالي عيشة بدون قرف ؟؟؟؟ فلماذا التناقض يا قرفاااان ؟

سبب بلاوي المغتربين هي نساؤهم مخهن كلو في الحنة والدخان والضهب …لا يمكن تشارك مشاركة ايجابية في توفير المال ..وكمان بيتكلمن ما بنقدر نعيش في السودان طيب نحنا عايشين كيف؟؟

لما الهجوم الكاسح على ابو الشيماء فكلامه صحيح 100% وانا مغترب وليس مؤتمر وطني الا اني اظن انه اصابكم في مقتل .
وافصح لكم عن حقيقة تهربون منها .
وخلاصة الامر السوداني يعيش بالغربة وكانها مثواه الاخير واذا لاقته المنية بالسودان يكون معه تاشيرة خروج وعودة .
ضعف ايمان اسمه لااقطع رزقي بيدي .
كانما الرزق بالغربة .

قلت لى نحن بتاعين مظاهر القال ليك ده قشاك …نحن ياسيد ماعندنا كل يوم مرقة وزيارة ومناسبة ..انا جربت الرجعة النهائية للسودان ولقيتنى برة الشبكة هناك المظاهر الكدابة والبوبار بدون اساس ولو على التياب على الاقل توب فى الشهر بيشتروا للمناسبات الرسمية والمفبركة من مزاجهن ياسيد التوب التوتال فى السودان ب150 جنية وعندنا فى السعودية ب120ريال وكونك بتشوف المغتربة فى الاجازة مرة فى السنة تقول جنها تياب احسن تحسب بتاعت السودان اشترت كم دستة فى السنة دى وكلها ديون واقساط وصناديق ماتنتهى ليوم الدين …وقلت لى الحنانة بالله شوف ده الواحدة فى السودان اسبوعيا لازم تمشى الحنانة لو كسرت رقبتك ما بترحمك وتقول لى شنو.البوبار بقى اساسى فى السودان اشتريت من وين ووديت اولادى مدرسة شنو وحاجات كتيرة طلعت عينا وطفشتنا(؟)

بلادك حيث ترزق لاحيث تولد

بصراحة انا مغترب ومعى زوجتى وبنتى ولهما اقامة وسوف يغادران للسودان نهائيا نهاية هذا العام والسبب فى هذا القرار هو ان ابنتى سوف تبلغ سن الرابعة نهاية هذا العام وهذا يتطلب ان تعيش فى الريف السودانى لتكتسب من طبائع اهل الريف السودانى وهذا هو الاهم عندى

المال في الغربه وطن والفقر في الوطن غربه

جميع القيادات التى مرت على نهر النيل لم تقدم لها شيئا على الاطلاق وانما انتشر الفساد والثراء الحرام واكل مستحقات اهالى الولاية بغير حق . انظر لابسط الاشياء مياه مدينة الدامر (رائحة نتنة وجراثيم يمكن رؤيتها بالعين المجردة ) فمابالك بالاشياء الاخرى . فساد ادارى على عينك ياتاجر ومن غير حياء (مصانع الاسمنت اتضح انها صفقات يستفيد منها اشخاص معينين على حساب اهل الولاية المتضررين من ادخنتها وللاسف ولا واحد من الولاية ما معين الا عمال فقط يمكن عدهم باصابع اليد علما بان الولاية مليئة بالكوادر المؤهلة .المصانع المفترض ان تساهم فى تطوير المنطقة وتوفير فرص العمل ) سيدى الوالى اسال نفسك قبل ان تُسأل يوم القيامة غالبية المتسلقين بالسلطة ومن هم حولك من حثالة اهل الولاية غير مؤهلين لا علميا ولا اداريا ولا حتى اخلاقيا فساد فساد فساد مستشرى ومن غير حياء غلاء فى المواصلات غلاء فى المواد الستهلاكية تدهور مريع فى التعليم ونقص فى المعلمين ابنائنا فى الثانوى لايستطيعون القراءة ولا الكتابة كابسط الاشياء أصبت بالزهول لما رايت وتحسرت على ايام الدامر الثانوية وعطبرة الحكومية كيف كانت فى الماضى واين هى الان دماااااااار دماااااار وبقينا متزيلييين الولايات فى التحصيل الاكاديمى . اما السكة حديد فحدث ولا حرج اصبحت كالغار المهجور وبنيت فيها العنكبوت .. الزراعة تدهورت وقل الانتاج بصورة مريعة (المزارع يجتهد ويكافح والمضحك فى الامر مع قلة الانتاج يطالبوهو بالزكاة و و و و وووووو؟؟؟ الواحد يرجع بيتو بحفنة من الارباع ليس الا!!!!!) المحليات .. نهب نهب نهب جباية قلع وصراع بين الإدارات وحوافز بالجملة من غير تبرير كلو فى كروش آكلى مال السحت كلكم ستسالون من اين لكم هذا…) جامعة وادى النيل اصبحت لوبى صراح مستفحل بين العمداء ودسائس وخساسات وطعن فى الظهر والغريبة فى الامر كلهم كيزان فارغى الرؤوس الا من المكر والكذب والنفاق والغدر والخيانة … والطالب المسكين من يدفع الثمن .. اعلم عدد كبير من الاساتذة غير المؤهلين تم تعيينهم محاباه وواسطات وترضيات فى حين ان عدد كبير من نوابغ كليات وادى النيل تم تهميشهم وتطفيشهم والغدر بهم … ياسيدى الوالى لا اصدق انك لا تعلم ذلك لانك رجل امن ولا اشك فى ان كل هذه المعلومات معروفة لديك فلمذا تغض الطرف هل هذا لمصلحة شخصية ام ماذا؟؟ لكم جميعا يوم .. والله يمهل ولا يهمل

الإخوة المعلقون السلام عليكم ورحمة الله بركاته الموضوع كبير ولكن للأسف أرى انحراف البعض به عن جادة الحوار فالمسألة هي ماساوية وضع بعض الأسر في الغربة وعدم التخطيط السليم لمفهوم الغربة والهدف منها فكيف للبعض اختزالها في ثياب أو حنة أوفشخرة المسألة سادتي أن العودة الطوعية تعني عودة أسرة كاملة تحتاج من أول يوم من تاريخ رجوعها إلى توفير وضع معيشي ودخل ثابت وقبل هذا التعايش مع مجتمع ذا تحولات كبيرة في توجهاته الفكرية والأخلاقية فمعظمنا في بلاد الغربة مازالت في ذهنيته صورة السوداني ود البلد الصادق الأمين الذي يستطيع الثقة فيه ولكن للأسف الصورة هذه تغيرت وكثيرا ما يتعرض الكثير من المغتربين للنصب والخداع والاستغلال من أقرب المحيطين مما يجعله يصاب بصدمة في ثوابته ومن هنا تبدا المعاناة النفسية مابين واقع معاش لن نستطيع تجميله إلا بخداع أنفسنا وما بين صورة تربينا عليها للسوداني الذي يتحرى أن تكون اللقمة التي تدخل جوف اطفاله حلااااااااال حتى لا يتعلق أطفاله بتلابيبه يوم القيامة وهم يصرخون :أبي لم اطعمتنا الحرام …
شخصياً جربت العودة الطوعية ومكثت في السودان حوالي ستة اشهر حاولت العمل في السودان -حيث إنني قانوني واعمل حالياً كمستشار قانوني بوزارة الصحة السعودية ورأيت العجب بأم عيني في رجال يفترض أنهم يمثلون القضاء الواقف ومناط بهم بسط سلطان العدالة التي لا تستقيم الحياة إلا بها وطبعاً لا اتهم الكل ولكن للأسف الكثيرون- رايت بأم عيني كيف يمكن لبريق المال أن يخطف بصيرة الرجال قبل أن يخطف بصائرهم واصابني الرعب والحديث الشريف( كل لحم نبت من سحت فالنار أولى به) يجعلني احتضن اطفالي في خوف كل يوم قبل النوم تعجبت والرشوة تسمى تساهيل وتطلب على عينك ياتاجر …نعم أخي المعلق أنتم بالداخل عايشين ولكن دعني أسألك – وما زلت اكرر أن الخير هو الأصل في السودان وما عداه وليد ظروف اقتصادية تحكم بقبضتها وتمسك بتلابيب المواطن السوداني هل تحري اللقمة الحلال اساس عند الخروج من البيت عند كل صباح؟لك الإجابة وللإخوة المتداخلين
لذا ارجو ألا تختزل القضية في الكلام غير المؤسس عن نساء المغتربين وكم من نساء هنا اسهمن في مساعدة أزواجهن في دخول الجمعيات أو مايسمى عرفاً بالصناديق وجمعن حصاد الغربة لبناء مسكن لأطفالهم بالسودان أو لتاسيس مشروع اقتصادي يكفي اطفالهن مؤونة سؤال الناس وتكففهم ليعطوهم او يمنعوهم ..
دعونا نناقش أمهات القضايا بوعي : المغترب مواطن يدفع ماعليه من واجبات تجاه الدولة التي علمته ووفرت له العلاج وكل شيء في مراحل حياته الأولى ماذا يمكن أن تقدم له الولة في حالة عودته الطوعية او القسرية؟ هنا مربط الفرس ولقد علمنا عملنا في القانون (أن الحقوق التي لا نسأل عنهابدراية ووعي دائماً ماتكون اقرب للضياع ) قال حنة وتياب قال

هووي ياحريم بلا فلقصة معاكن
قال شنو الوضع مايحتمل والحر والتعب والاكل الكعب
ليكن حق ماتعبتو ولاشقيتوا الراجل شايلة الحمل والتعب
ضاربات الكبسة ومرطبات تحت المكيف
تمشوا السودان ليه ؟؟
لكن خليكن عارفات انو الوضع هنا في بلاد الاغتراب
مادايم وراجلك دا في اي لحظة يشوتوا من الشركة او الشغل
اللي هو بصرف عليكن منو .. بعد داك قولي مابمشي السودان
تمشي عينك فوق راسك غصبا عنك .
حريم ماعندهن شغلة بلا الترطيبة والنوم تحت المكيف
علي الطلاق تمشي السودان الضحك يشرطك
تقومي من صباحات الله تعوسي الكسرة .
مش تنومي للظهر .. ظهرك انكسر .
عشان كده ماعايزات تمشن اتعودتن علي الراحة والرفاهية
لكن اخشوشنوا فان النعم لاتدوم :crazy: 😉

الجميل ان الشخصية السودانية في بلاد الغربة ما زالت تجسد روح الشعب السوداني الاصيل
زار وكيل وزارة الصحة بدولة الامارات العربية احدى مستشفيات ابوظبي فجاة فوجد تجمهر كبير
للجالية السودانية خارج المستشفى فخيل له ان مكروه اصاب احد افراد الجالية فبداء يسال من المتوفي فرد عليه احدهم بانه لم يتوفى احد بل ان هناك احدهم اجريت له عملية الزائده فتعجب الرجل كل هذا الجمهور يتجمع هنا لان احدهم اجريت له عملية الزائده فسال هل هو فنان ام احد كبار الشخصيات السودانية بالامارات فتعجب اكثر للجواب انه محصل فواتير بدائرة الكهرباء بابوظبي فما كان من الوكيل ان امر احد مساعدية لتوفير وجبات عشاء لكل الحضور وقال ربنا
يخليكم لبعض وانتم تمثلون طيبة وحب اهل السودان للخير وانكار الذات

الاخوة المعلقين الذين قالوا ضرورة عودة المغتربات الى السودان انا اسأل
ماذا يضركم لو لم يرجعن ؟
وماذا تستفيدون من رجوعهن؟
ثانيا ماذا لديكم لهن وماذا تقدم لهن الدولة اذا رجعن؟
الم تأكلوا لحومهن بالاشاعات والكلام المهين بأنهن يلعبن من وراء ازواجهن؟
وهذا مثبت وفى حلقات نقاش تلفزيونية وصحفية رأيتها بعينى !!!
ثم مالكم من لبسهن وزينتهن؟ وهل البوبار والفشخرة مقصورة عليهن فقط؟
انا اعتقد ان البوبار اكثر فى السودان. ولكن نظرة الناس للمغتربات تختلف ؟
كما اوضح للاخوة ان كثير من المغتربات لايشترين اى ثوب الا عند الاجازة
ويكتفين بلبس العباية طول مدة الاقامة بالاغتراب
اتقوا الله