طبيب سوداني يرد على الهندي عزالدين بعد مطالبته حميدتي باستجلاب أطباء من الهند بدلاً عن السودانيين المضربين
هذا نهاية مقال للصحفي المدعو الهندي عزالدين ..يطالب فيها بتعيين أطباء من الهند لمواجهة إضراب الاطباء وسد النقص في المستشفيات
كتب في نهاية فكرته العبقريه:
“يستطيع الفريق حميدتي ان يوفر بضعة ملايين من الدولارات لمدة عامين لتنفيذ هذا المقترح وهو عمل خيري وانساني ووطني عظيم لاحصر لإيجابياته وحسناته في الدنيا واللاخره”
انتهى
————
اتمنى ان يجد هذا الرد طريقه إليك
يا صحفي الغفله المدعو الهندي …ولن أقول لك انك فعلا هندي ..لاني ضد استخدام هذا التعبير لانه فيه مدح لك ..لانو الهنود تفوقوا علينا في كل شي ..(نحن الهنود والله طالما امثالك هم قادة الصحف ) ..
قرات لك عدة كتابات من شاكلة مقالك اعلاه في مهاجمة الاطباء في السودان ..وللأسف الشديد في كل مره تثبت فشلك في وضع يدك على الجرح …في كل مره تخطئ سهامك الفيل وتصيب الظل ..
ياخ بالدااارجي كده. …معقوله بس كووول التدهور والانحطاط الحاصل في معينات الخدمه الصحيه في السودان خلال ثلاث عقود ما وقع علي عينك؟ماسمعت عنه ؟ماعندك قريب واللا صديق واللا زميل مرض واحتاج للعلاج ؟؟
طبعا اكيد انت عارف مستوى مستشفيات الدوله في القطاع العام …
اكيد انت عارف وشايف وسامع كل ما سأكتبه ادناه لكنك تغض الطرف عنه..بقصد او بجهل(واتوقع الاثنين) ..او لانو مخك ده مركب بالعكس :
▪️يعني ماعارف انو المرضى بيموتوا في اقسام الطوارئ لانو مافي محاليل وريديه؟
▪️يعني ماعارف انو مرضى الفشل الكلوي يموتوا في منازلهم لعدم وجود مراكز غسيل كلى مجانيه تشتغل اربع وعشرين ساعه؟(طبعا لعلمك الكليه الطبيعيه تعمل اربع وعشرين ساعه في اليوم وسبع ايام في الأسبوع و 12 شهر في السنه!!!رغم ذلك مريض الفشل الكلوي في السودان يغسل من ثمانيه لي اثنتي عشر ساعه أسبوعيا بشق الأنفس
▪️هل تعلم مراكز قسطرة القلب التشخيصيه والعلاجيه محدوده جدا
▪️هل تعلم ان مريض العنايه المركزه في ابراهيم مالك وغيرها بيدفع ثمن شريط كشف السكر والمضاد الحيوي والمحاليل والفراشه والقطن والشاش وحق المخده والملايه والمرتبه والسرير وربما الكهرباء!!!!
▪️هل تعلم ياصحفي الغفله ان اكثر ما يزعج عامة الناس ليس الجوع او الملبس او التعليم وانما المرض ..المرض …يامرض ..لانو بيكشف حال الناس ..ولانو الدوله التي تطبل لها وتكتب في الفارغه رفعت يدها تمااااما من الخدمات الصحيه …
▪️هل تعلم ان معظم الشعب السوداني تحت خط الفقر ورغم ذلك لاتوجد خدمه صحيه مجانيه في مستشفيات الدوله…
▪️ماذا تعلم ياسعادة الصحفي الهمام عن مستشفيات الدوله في كوستي وزلنجي وبربر وسكنات ونيالا والضعين والدمازين وخشم القريه وحلفا والدويم وغيرها من اصقاع السودان؟؟؟
▪️ماذا تعلم عن اجهزة تخطيط القلب وبنوك الدم واجهزة ضخ المحاليل والأدويه واجهزة صدمات القلب وغيرها وعن توفرها وعن عدمه في اكبر مستشفيات الدوله في قلب الخرطوم ؟خليك من الدمازين وزالنجي
▪️طبعا اكيد ملاحظ انو للان لم أتطرق للطبيب السوداني الماعاجبك ده؟!
لم أتطرق لمستوى مرتبه او مستوى استراحاته في المستشفيات او ساعات التدريب وتوفر التدريب اللازم او او او او .. ده ماعاوز استرسل فيهو لانو ده شعرا ماعندك ليهو حمجمه وحلقا ماعندك ليهو أضان(اذن)..
الخلاصه :
اما كان من الأجدر بك ان تطلب من حميدتي ان يصرف ملايين دولاراته لتأهيل هذه المباني المسماه زورا وبهتانا “مستشفيات”؟؟
لن أقول لتحسين رواتب الاطباء
ولكن بعباره بسيطه على مستوى مخيخك
“تحسين البيئه المناسبه لعمل الطبيب ”
📍بعدين انت ياصحفي الغفله ….تطلب من حميدتي صرف ملايين الدولارات لجلب أطباء من الهند !!باي صفه تطلب منه ذلك؟هل هو وزير ماليه ؟رئيس مجلس وزراء؟وزير صحه؟
من اين له بملايين الدولارات؟؟
لكن اخيرا دوله يكون فيها حميدتي الرجل الثاني تستحق ان يكون امثالك من قادة الصحف والعمل الإعلامي
وصيه اخيره:عليك الله اختانا ولا تعبث مع الاطباء لانك لاتسوى نقطة عرق طبيب امتياز وهو يركض محاولا توفير محاليل وريديه او جرعة مضاد حيوي لمريض في المستشفيات العاوز تجيب ليها الهنود !!!
مالك عاوز تفضحنا مع الهنود ياخ!!
الصادق عبدالله
طبيب سوداني من الماعاجبنك ديل
صدقت اخوي العوير ده بقع صحفي في غفلة من الزمن وليهو عداء معا الأطباء من زمن لان الأطباء قبليه عصيه على الانقياد والتبعيه وهذا لايعجب مثله المتملقين والورلات الراضعين من ثدي الإنقاذ امهم غير الشرعيه هو لايعرف الطبيب السوداني الضحيه والمضحي من أجل اهله ومرضاه ليس جري بتاع الامتياز والنايب ولكن شيرنج الدواء للمريض الما قادر رغم ضيق زات اليد|| وبوش مركز الأبحاث 😱 انت عارف ديل فاقد تربوي يملاءهم الحسد على الأطباء السودانيين المقدم ن على كل الجنسيات في الخليج لتفانيهم وجدهم عندما قذفت بهم حكومته البايسه المنافس والمرافي 😠😠
يا اخوانا ……. ناس المؤتمر الوثني واتباعهم من نصرة الشريعة …للشيخ تف ….. لامثال الخال الرئاسي …… للرجرجة الهندث وامثاله …. ديل محتاجين قعده …… كده …… عشان اما يكونوا الشعب ومطالبهالعادله ….. واما …… يشيلو بقجهم …..و الحقيقة يمشو ساكت لانو البقج دي ….. حقت الشعب ….. دا اذا ما خلى ليهم سراويلهم ….. عالم …….. وهم …..
God bless you and everyone working in this profession Dr.you know what Indians are controlling the world IT .
I can ONLY say God be with you all. Hopping to see new sunrise agin…..
لصادق عبدالله
طبيب سوداني من الماعاجبنك ديل
لك التحية
لكن بقول ليك ضيعت زمنك فى الكتابة لى صحفى الكريمات