بدء القبول لجامعة المغتربين ..شاهد رسوم الدراسة
أعلنت إدارة جامعة المغتربين، بدء القبول للدفعة الأولى للجامعة خلال الأسبوعين المقبلين، على أن تنتظم الدراسة بالكليات في نوفمبر المقبل، باستيعاب (600) طالب وطالبة، (300) منهم للعلوم الأدارية و(100) طالب لكل من كليات الطب والهندسة واللغات.
وأكد مصدر مسؤول بإدارة الجامعة لـ (سونا) أمس، اكتمال الاستعدادات للقبول وأن العمل جارٍ الآن لتركيب الأثاثات والمعامل، وأشار إلى أن زيارة لجان التعليم العالي لمبنى الجامعة للتأكد من جاهزية المكان. وأوضح أنه تم تخصيص (60%) من عدد المقاعد بالجامعة لأبناء المغتربين و(40%) لغيرهم، منها (10%) لليتامى وأبناء الشهداء والمعاقين والمتفوقين وأصحاب الحاجات الخاصة للدراسة مجاناً في شكل منحة.
وقال المصدر إنه تم تحديد الرسوم لطلاب الطب بمبلغ (8) ملايين جنيه للمؤسسين والمساهمين، و(12) مليوناً لغيرهم، وكلية الهندسة (5) ملايين للمؤسسين والمساهمين، و(7) ملايين لغيرهم، أما العلوم الإدارية واللغات تم تحديد (2) مليون للمؤسسين و(5.2) ملايين جنيه لغيرهم.
الرأي العام
معقولة الكلام ده؟
هى جامعة المغتربين ولسه فى بداياتها ماذا سيحدث بعد كم سنة؟
اين المراعاة للمغترب الذى ترك بلده واهله ليعيش فى عذاب نفسى ومادى ودفع الزكاة والضرائب؟
وبعدين دى جامعة جديدة ولا انصح اى مغترب بان يضحى بابنه او بنته ويسجلهم فى هذه الجامعة .
دى الجامعات العريقة انتهت فما بالك بهذه الجامعة الوليدة.
وعلى فكرة يستاهل المغتربين ما يحدث لهم لان صوتهم ضعيف ولا يطالبون بحقوقهم.
يعنى تكون فى السودان مركوب ولما تغترب مركوب مرتين؟
والله انا اشوف انو ولدى يدرس فى رومانيا ولا روسيا ولا يدرس فى السودان. يعنى ننفعهم ولا نتسنفع؟
يعني فرقت شنو من القبول الخاص في الجامعات الحكومية؟!
ظننا ان الجماعة احسوا اخيرا بمعاناة المغتربين, وتقديرا لدورهم التاريخي تم انشاء الجامعة لتخفيف الاعباء عنهم!!
المفترض ان تكون الرسوم في هذه الجامعة بالنسبة لابناء المغتربين اقل من رسوم غيرهم او على الاقل ان تكون مماثلة لرسوم الجامعات الحكومية الاخرى.
حقوا يسموها سلخانة المغتربين!
12 مليون في العام و الله يضاعف لمن يشاء (عدد الابناء).
مافي لزوم للجامعه دي
صدقوني ديل تجار قايلين المغتربين بخمو فيها بالشووال
ها ها ها ها
الخت الرسوم ده قايل الاغتراب ده لسة بغنو ليه بالدلوكة
ولسة ساكين المغتربين يحلبوهم
kld
طيب اين ابناء المغتربين من هذه التعريفة كانك يا ابوزيد ما غزيت . نفس الرسوم في الجامعات الاخرى وكمان جامعة بادية جديدة والله مهازل يعني بس اسمها جامعة المغتربين عشان الاسم يجيب المغتربين؟ يعني دعاية بس؟
يا ايها النصايون الجدد
عندما سجلنا كمساهمين في هذه الجامعة الوليدة ذكر لنا بالحرف الواحد
بأن سياسة الجامعة للمؤسسين سوف يتم قبول ابنائهم علي اساس انه قبول عام
وللشهادة السودانية علي اساس قبول خاص ؟؟؟؟
هسع كالعادة عندما ضمنو حق الاسهم في جيوبهم تنكرو لهذه الوعود ؟؟؟
بعدين هسع خليتو شنو للقبول الخاص ؟؟؟؟
بدل تمانية مليون ما اكملها اتناشر وادخلو جامعة معروفة ؟؟؟
يا كرار التهامي ما ذا انت فاعل ولا بتنصحهم بمازا ؟؟؟؟؟؟ ومازا بارده كمان
حسبنا الله ونعم الوكيل
ليس لنا امل في ما يعرف باسم دولة ا ل س و د ا ن
اتمنى من ابناء المغتربين الا يقدموا فيها بهذه الرسوم عشان يغيروا اسمها لانها بهذه الرسوم تؤكد المفهوم الخاطئ عن المغتربين بانهم فقط بقرة حلوب
بالله 12 مليون للطب
5 سنوات في 12 مليون = 60 مليون
دي يرجعوها كيف دي ولطبيب يتخرج بيجلس عاطل لمن راسو يسخن وكان لقا شغل بالواسطة يلقاهو بي 800 الف يقضي نصها مواصلات والنصف التاني سندوتشات طعمية
اخيييييييييييييييي.على المستقبل المظلم
والله العظيم الاطباء ديل بقو يحنوني اخر ضياع ليهم يجو الخليج بي رواتب تافهة لا يقدرو يلموا منها لا يتقدمو في العلم بسبب الضفر
الطبيب يشتغل الامتياز براتب 600 شهري ما يعادل 7200 سنوي
وبعدين يتوظف براتب 700 الف يعني سنوي 8400
طيب بعد ستة سنوات يكون دخل 50 مليون يعني بعد يكمل سبعة سنوات من الشغل وسنة خدمة يكون لسة ما عوض الخسارة بتاعت الدراسة
هذا على فرض انو موفر ليهو سكن واتصالات ووجبات وكل حاجة بس راتب صافي .
تخيل مشروع بعد 13 سنة حتى يجنى ثماره
تجارة خاسرة مع الجامعات الباهظة التكاليف والوظيفة براتب ضعيف .
في السعودية الطبيب يحصل على راتب مذ التحاقه بالجامعة . وليس هناك رسوم
والدراسة في جامعات العالم . التى هي فوق مستوانا لا تصل لهذا الغلاء الباهظ
الله يستر علينا .
لكن بالمناسبة التعليم موش مجاني . طيب بتدفعو الرسوم لييييييييييييه
يحكى ان ابا مريش جدا دخل ولده في كلية مختبرات حميده ولا التقانه ولا غيروا المهم
صرف في الولد الاف الدولارات وبعد ان اتخرج والولد عمل ليهو محل مختبرات على اجمل ما يكون
كله قزاز وفي اول يوم جاء ليهو واحد كبير لتحليل البول
الولد اداهو قزازه للعينه وبعد ما الراجل الكبير جاب ليهو العينه الولد مسك العينه في خارج المحل
مره قندران فظهر القندران على قزازه العينه الولد طوالي قال للراجل يا عمو عندك قندران في البول
الراجل قال ليهو شنو الولد قال ليهو احمد ربك انو عندك في البول كان عندك في الدم كان مته طوالي
يتم فتح بلاغ رسمي في الذين يقومون بإدارة الجامعة بتهمة النصب والاحتيال ويقدموا للمحاكمة ويتم حبسهم على ذمة التحقيق
اين العدالة
نصب واحتيال واستهانة وعدم نازع وضمير ولا خوف من الخالق ولا من حاكم
ايها المغتربون
لو كنتم الحادبون على مصلحتكم ومصلحة وطنكم
حاكموا هذه الطغمة الفاسدة التي تريد أن تلهف اموالكم بالباطل
طالبوا رسميا عبر الانترنت والمؤسسات الرسمية بمحاكمة هؤلاء والتحري معهم حول ما يفعلونه
حربوهم قاتلهم الله ، حاربوهم ليكونوا عبرة للأخرين
باللة عليكم ما بتخجلوا طيب نحن لو عندناالرسوم اللي حددتوها ما نودي عيالنا في الدول الاسيوية والدراسة احسن من السودان مليون مرة نتمني تغيير اسم الجامعة
اللهم انصر المغترب المظلوم و عاقب المسوول الظالم .