برطم يستدعي وزير الداخلية بشأن انضمام أكثر من ١٨ طالباً بكلية العلوم الطبية (مأمون حميدة) لداعش

فعلا نحنا محتاجين نواب زي ديل لكن المشكلة انو لا وزير داخلية حيستدعوه ولا مدير مطار زاتو ,,
طبعا هم ماسكين في عذر انو الاولاد ديل جوازاتهم اجنبية !! طيب خلونا من الجوازات شوفوا البحصل داخل الجامعات دي شنو !! وما ممكن كل الطلبه البنضموا لداعش هم حملة الجوازات الاجنبية , وديل بس الاتعرفوا لأنهم طلعوا عن طريق المطار , طيب حملة الجواز السوداني بيطلعوا عن طريق شنو ؟

مشكلة حكومة السودان علي مايبدو انها تدار من قبل اشخاص غير اكفاء اطلاقا الحكومة عايشة رزق اليوم باليوم انتو ياعزيزي لو عندكم حكومة محترمة وذات كفاءة عالية كان عرفتو كلو شاردة وواردة حاصلة في البلد لكن لالالا يجي واحد في منصب رسمي يشرع وينظر وهو ماعارف كوعو من بوعو دي نتاج تشريد الكفاءات والفصل التعسفي وتشريد اي صاحب كفاءةعلمية الي الخارج علي قول المثل كما يقول مامون حميدة خليهم يمرقوا انحنا عندنا دكاترة ومطمئنين بالله انظر لما يقوله هذا القملة عن الدكاترة..يابرطم البلد لايوجد فيها كفاءات عشان كده فضايحكم بقت علي لسان الكل ابقي سلم لي علي المحسوبية والواسطة والتمكين والرفت والاحالة للصالح العام وعدم تدريب الخريجين والناس كلها بتهاجر وراء لقمة العيش الكريم هذا هو نتاج فشلكم يابرطم 26 سنة ياعزيزي..كسرة اخبار الباكستاني الزاغ من مطار الخرطوم شنو يااخوانا باكستاني زاغ ناس جامعة العلوم الطبية الداعشية كما دعاها احدهم مايزوغو والله السودان ده اي واحد يزوغ فيهو وويمرق ويدخل زي عاوز بما فيهم العبد لله كاتب هذه السطور اذا كان هذا هو حال البلد والله المستعان..حسبي الله ونعم الوكيل

كلنا نعرف ان البرلمان برلمان غير شرعى وجاء نتيجة تزوير وترضيات . لكن اذا خرجت منه اصوات تستطيع ان تعارض فهو المطلوب . ومعظم الذين يسخرون من بعض النواب ليسو اﻻ جداد الكترونى حددت له مهمته باغتيال هذه اﻻصوات اعﻻميا .
فاليحاصرهم من الداخل من استطاع وليقضو مضاجعهم ما استطاعو ولنشدد من أزرهم ما استطعنا . فان الغاية واحدة وطرقها متعدده ولله اﻷمر من قبل ومن بعد .

اعرف من هو برطم و ماذا يمتلك و مع من يتشارك و بعد كدا حتفرق بين نائب برلمانى حر و بين كمبارس