غلطان المرحاض !
في كل مرة يخفق مسؤول لدينا في واجباته تجاه ما كلف به من مهام نطالبه بالاستقالة كونه لا يصلح لتولي ذاك المنصب العام وقد كانت آخر مطالباتنا لوزير التربية الاتحادي ووزيرته الولائية بعد أن فقدت البلاد معلمة جليلة في حادثة بشعة تنم عن تقصير شديد من قبل (الوزيرين) اللذان ربما اعتقدا بأن المسألة ما بتستاهل (شنو يعني معلمة تموت) وأيه يعني لما (مراحيض المدارس) في عهدهما تكون آيلة للانهيار؟
خلونا من وزراء (المشروع الحضاري الإسلامي) وتعالوا نشوف (الكفار) بيستقيلوا ليه:
? في سبتمبر 2008 قدم وزير الزراعة الياباني (سيشي أوتا) استقالته بسبب فضيحة غذائية تتعلق بأرز ملوث. وقال (أوتا) في مؤتمر صحفي عقده وقتها لذات الخصوص غن “فضيحة الأرز الملوث صارت مشكلة اجتماعية كبيرة ، وقررت أنني في حاجة إلى توضيح مسؤولية وزارتي”
. وقد قام رئيس وزراء البلاد (ياسو فوكودا) بقبول استقالته (يعني ما رفضا) كما في قصة (الترويج)! وقدم وزير الزراعة الياباني استقالته بعد أن قامت شركات يابانية بشراء أرز مستورد من فيتنام والصين وتايلاند مصاب بالفطريات وقد أصر وزير الزراعة الياباني على استقالته على الرغم من أنه لم ترد تقارير حول ظهور حالات إصابة بأمراض بسبب استهلاك الأرز الملوث (يعني ما في زول مات)!
? عندنا طبعاً عادي تستورد نخيل (فاسد)، تقاوي فاسدة.. أدوية فاسدة أي حاجة فاسدة و(تترقى) كمان (ده لو ما أدوك وسام الإنجاز)!
? في مارس 2011 أعلن وزير خارجية اليابان (سيجي مايهارا) استقالته بعد أن أقر بتلقيه هبة بقيمة (450) يورو من أجنبية تقيم منذ فترة طويلة في اليابان بما يخالف قوانين البلاد وعقد وزير الخارجية حينها مؤتمراً صحافياً قدم خلاله استقالته. وقال (مايهارا): “خلال الأيام القليلة الماضية فكرت ملياً وقررت الاستقالة من منصبي كوزير للخارجية” وتابع: “أقدم اعتذاري للشعب الياباني على هذه الاستقالة التي تأتي فقط بعد ستة أشهر، لأنني آثرت الابتعاد عن مواطن الشك مع أن تاريخي السياسي كان نظيفاً حتى الآن” !!
? شوفوا الراجل بيستقيل عشان 450 يورو مش ده زول مفتري؟ ده أنحنا عندنا أمين ديوان زكاة متبرع لقناة فضائية بخمسين ألف دولار ولا استقال ولا حاجة (لحدت ما شالوهو) ولمن سألوهو قال ح يحاسبو الله عليها يوم القيامة.. ولي هسه القروش ما معروفة وين؟ الوزير ده بيستقيل عشان 450 يورو (بس) مع إنو ما بعرفش حاجة اسمها (يوم القيامة)!!
? في أكتوبر 2011 استقال وزير الداخلية البريطاني (ديفيد بلانكيت) من منصب وزير الداخلية بعد العثور على رسالة بريد إليكتروني أثبتت أنه طلب تأشيرة دخول لمربية يود استقدامها وقد لقي الطلب عناية خاصة مع إنو كان كاتب في الطلب (لا أفضلية ولكن أسرع قليلاً)!
? يعني الخواجة ده استقال عشان طلب من ناس الهجرة (يسرعو ليهو شوية) في استقدام الخادمة!! بالله شوفو (الكافر ده)؟ بالله دي عملية يعملا ؟
? في أكتوبر 2011 استقال وزير الدفاع البريطاني (وليام فوكس) من منصبه على خلفية الكشف عن علاقته الوثيقة برجل أعمال له مصالح تتصل بشؤون الدفاع، وقد أقر فوكس في خطاب استقالته إلى رئيس الحكومة بالخطأ والخلط بين المصالح الشخصية والحكومية، وقال في خطاب الاستقالة “أنا آسف جداً لما حدث”.
? عندنا عادي ممكن تلاقي (الشركة) البتبني في مباني الوزارة قاعدة تبني للوزير في البيت بتاعو .. ومفيش مشكلة ولا أي (خلط) بين مصالح شخصية ومصالح حكومية.. دي حاجة هسه يستقيلو بيها لو ما ده خواجة مطرطش سااااكت ؟
? في فبراير 2012 قدم (فيليب هيلدبراند) رئيس المصرف الوطني السويسري، استقالته من منصبه على خلفية مزاعم تكّسب زوجته من صفقة تحويلات ضخمة قبل أسابيع، من تحديد المصرف المركزي السويسري سعر الفرنك. وصرح هيلدبراند، في مؤتمر صحفي في برن عقب إعلان استقالته قائل: وصلت إلى قناعة باستحالة تقديم دليل يبرئ ساحتي!
? عندنا المسؤول يسرقوا من بيتو (9) عملات مختلفة (قيمتها مليارات)، لا بستقيل وللا زول يقول ليهو (تلت التلاتة كم) ؟
? في فبراير من العام 2012 م تستقال وزير الطاقة والمناخ البريطانى (كريس هون) في أعقاب الإعلان أنه سيواجه اتهامات تتعلق بالتفافه حول غرامة لتجاوزه حدود السرعة القصوى، وذلك بوضع الغرامة على رخصة القيادة الخاصة بزوجته!
? أيه الفساد ده ؟ يخت الغرامة في رخصة قيادة مرتو؟ دي عملية يعملا لازم يستقيل عشان لو خلوهو يعمل في عمايلو دي ح يهدم المشروع الحضاري .. (البريطاني طبعن)!
كسرة:
أخبار لجنة تحقيق (التربية والتعليم) شنووو!! .. أكيد لقيتو إنو (غلطان المرحاض) !!
? كسرة ثابتة (قديمة): أخبار ملف خط هيثرو العند النائب العام شنو؟83 واو – (ليها ست سنوات و11 شهر)؟
? كسرة ثابتة (جديدة): أخبار تنفيذ توجيهات السيد الرئيس بخصوص ملف خط هيثرو شنو؟ 42 واو (ليها ثلاث سنوات وستة شهور)
الجريدة
غلطان الشعب …
وين المعلمين ..كيف سوف يعلموا أبنائنا الشجاعه وهم اثبتوا انهم جبناء لا يستطيعون اخد حق معلمه توفت من فرط الاهمال والفساد …
غلطان الشعب …غلطان لانه سكت عن حقه فى عيشه كريمه لمده 30 سنه…بل تعود على عيشه المذله والهوان …غلطان الشعب ..
فاذا كان الموت لابد منه …فمن العار ان تموت جبان…ممنوع لاى معلم ان يردد هذه البيت بعد الان ..
فى عـهـد مـيتران رئيس الجمهورية الفرنـسية , اسـتقالـت وزيرة الصحة مدام سـيـمون فـئ لآن ممـرضة اتـضح انها حـقـنـت مريضة وكان الـدم فاسـدا .
غلطان الشعب …
وين المعلمين ..كيف سوف يعلموا أبنائنا الشجاعه وهم اثبتوا انهم جبناء لا يستطيعون اخد حق معلمه توفت من فرط الاهمال والفساد …
غلطان الشعب …غلطان لانه سكت عن حقه فى عيشه كريمه لمده 30 سنه…بل تعود على عيشه المذله والهوان …غلطان الشعب ..
فاذا كان الموت لابد منه …فمن العار ان تموت جبان…ممنوع لاى معلم ان يردد هذه البيت بعد الان ..
فى عـهـد مـيتران رئيس الجمهورية الفرنـسية , اسـتقالـت وزيرة الصحة مدام سـيـمون فـئ لآن ممـرضة اتـضح انها حـقـنـت مريضة وكان الـدم فاسـدا .
يا استاذ جبرة دي اسمها دولة المشروع الفسادي لانهم تربوا بالفساد وعاشوا بالفساد وتنفسوا الفساد
واللي بفقع المرارة كل هذا باسم الدين.
وفي النهاية يجي الطيب مصطفى ودواعشه يشنون هجوما على الاستاذة شمائل النور لانها انتقدت تسترهم بالدين
يا استاذ جبرا الناس ديل فسروا ليك الاستقالة بالدِّين الاسلامي وقالوا ليك الاستقالة زي التولي يوم الزحف عايزهم يسمعوا ليك كلام الكفار.
ازيدك استقالة بسيطة..
في اليابان استقال مسؤول رفيع بعد ان اوردت احدي المجلات خبرا مفاده انه ركب القطار ببطاقة مجانية.. اكرر بطاقة محانية..
غايتو الياباني ده ببااالغ. طيب انتا لو جيت هنا وشفته الهبر البحصل للميزانية والناس قاااعدة فوق كراسيها ممكن تجن عدييل..
اخيرا..
قرر ابليس الاستقالة من العمل في السودان بعد ان حسي بالقهر والتهميش من قبل الجماعة المخضرمة اصحاب المشروع الشيطاني.. ابليس زاتوو مخلوع من الجماعة وخمجهم وقرفهم..
الله المستعان..
التحية ليك استاذنا القدير والقلم المدهش جبرا…
كلامك ده يحسبونه هينآ وهو عن الله عظيم والله كلامك عظات ابلغ من اي خطبة جمعه كلام يصحي اصحاب الكهف لو امتد بهم الزمان ولكن لا حياة لمن تنادي يوم القيامه اتي وليس هناك ابلغ من شرح اية وبئر معطله وقصرآ مشيد واليوم نمازج للنذاهه ممن لا دين لهم ونحن اصحاب المشروع الحضاري اللهم اني اشهد ان الفاتح جبرا قد بلغ
والله يا أستاذ جبرا ( قاعد ) تجبر بخاطرناالله يجبر بخاطرك ياغالي
تصدق الواحد لو مابقرا كلامك الجميل دة كان فقد ( عقلو )
متعك الله بالصحة والعافية … ودمت في أمان الله
المشكلة يااستاذ جبرة تكمن في ضعف الايمان
هؤلاء الفاسدين لن يعرفوا ان الفساد حرام الا عند حشرجة الموت وبعد الموت طبعا حيث يقابلون ابتداءا منكر ونكير وتبدا رحلتهم مع الحساب والعقاب
ولكنهم حاليا فانهم ينظرون للوطن واموال الشعب بانها غنيمة ساقها الله لهم ليتقاسموها ويحمون نفسهم بفقه السترة والتحلل على ذلك النحو ولن يجرؤ احد من الشعب ان يعترض والا لقي مصير مالقيه شهداء سبتمبر
ولكن ليس هنالك ياس من رحمة الله وما بين غمضة عين وانتباهتها يغير الله من حال الى حال وليس على الله ببعيد
الرحمة للاستاذة الشهيدة التى توفيت نتيجة الاهمال والقصور
عندك فكره ياجبرا الكفار ديل بتعلموا الحاجات دى من وين ؟؟بعدين حاجة تانيه جماعتنا ديل مافى بشر كفء احاسبهم غى الدنياإلا احاسبهم الله يوم القيامه. مش شعارهم لا لدنيا قط عملنا , خلاص برضو شعار لانحساب فى الدنيا. الحساب عند الله فى الاخره. محاكم الدينا للناس العاديين اما القوى الامين فحسابه يوم القيامه. والما عاجبو المراحيض الايله للسقوط كتيره.
……. وبعد دا يقول ليك ديل كفار؟؟؟ بالله هسه الكفار منو….
وماشفت الكافرة انجلينا جولى (الممثلة )عملت شنو اضراب عن الطعام حتى كادت ان تموت(اقصد تهلك طبعن لانها كافرة) وغير انها اتبرعت بملاين الدولارات للجميعات الخيرية لايواء الاطفال المشردين فى جميع انحاء العالم (بالله عليك ده عمله تعملها الكافرة دى )
يظهر دماغنا حينفر بعد شوية لعدم استيعابه للتناقضات البتحصل دى
اكيد فى شى غلط يافينا يافيهم
عمايل المتأسلمين ديل كانت حتمشي فينا لو إبليس موجود في السودان . يا ريت ابليس يرجع عشان يتعلم من المتأسلمين الشغل الياهو .
استقالة وزير المالية.مع الحليفة. كسرة جديدة.
ياجبرا وزير الماليه ماحالف يستقيل وايقعد تانى فى الوزاره.غير رايو بعد رفع العقوبات والله ياجبرا وزرائنا اريتم كانو كفار كان ارحم
يا جبرا انت عرفت آخر رئيس وزراء بريطانيا العظمى استقال ليه؟
لان الشعب البريطانى في استفتاء حر قرر الخروج من الاتحاد الاتحاد الاوروبى—
طيب سمعت حد من المشروخ قدم استقالتو لمن راح الجنوب بي كبرو!!!!!!!!!
جبرة انت ما شايف كمية الإلحاد المنتشرة وسط الشباب ؟! حاجة تهولك , وكلو طبعا بسبب التناقضات الحاصلة ديا , دقون وسبح وعلامات صلاة ويصاحبا كذب وفساد ومحسوبية وعنصرية ÷ تقصير مسؤول وعدم محاسبة وقضاء ساعات العمل بين البكيات والمناسبات = دولة السودان (الإسلامية)،!!
تسلم حبيبنا جبرة لافض الله فوك
يا استاذ جبرة دي اسمها دولة المشروع الفسادي لانهم تربوا بالفساد وعاشوا بالفساد وتنفسوا الفساد
واللي بفقع المرارة كل هذا باسم الدين.
وفي النهاية يجي الطيب مصطفى ودواعشه يشنون هجوما على الاستاذة شمائل النور لانها انتقدت تسترهم بالدين
يا استاذ جبرا الناس ديل فسروا ليك الاستقالة بالدِّين الاسلامي وقالوا ليك الاستقالة زي التولي يوم الزحف عايزهم يسمعوا ليك كلام الكفار.
ازيدك استقالة بسيطة..
في اليابان استقال مسؤول رفيع بعد ان اوردت احدي المجلات خبرا مفاده انه ركب القطار ببطاقة مجانية.. اكرر بطاقة محانية..
غايتو الياباني ده ببااالغ. طيب انتا لو جيت هنا وشفته الهبر البحصل للميزانية والناس قاااعدة فوق كراسيها ممكن تجن عدييل..
اخيرا..
قرر ابليس الاستقالة من العمل في السودان بعد ان حسي بالقهر والتهميش من قبل الجماعة المخضرمة اصحاب المشروع الشيطاني.. ابليس زاتوو مخلوع من الجماعة وخمجهم وقرفهم..
الله المستعان..
التحية ليك استاذنا القدير والقلم المدهش جبرا…
كلامك ده يحسبونه هينآ وهو عن الله عظيم والله كلامك عظات ابلغ من اي خطبة جمعه كلام يصحي اصحاب الكهف لو امتد بهم الزمان ولكن لا حياة لمن تنادي يوم القيامه اتي وليس هناك ابلغ من شرح اية وبئر معطله وقصرآ مشيد واليوم نمازج للنذاهه ممن لا دين لهم ونحن اصحاب المشروع الحضاري اللهم اني اشهد ان الفاتح جبرا قد بلغ
والله يا أستاذ جبرا ( قاعد ) تجبر بخاطرناالله يجبر بخاطرك ياغالي
تصدق الواحد لو مابقرا كلامك الجميل دة كان فقد ( عقلو )
متعك الله بالصحة والعافية … ودمت في أمان الله
المشكلة يااستاذ جبرة تكمن في ضعف الايمان
هؤلاء الفاسدين لن يعرفوا ان الفساد حرام الا عند حشرجة الموت وبعد الموت طبعا حيث يقابلون ابتداءا منكر ونكير وتبدا رحلتهم مع الحساب والعقاب
ولكنهم حاليا فانهم ينظرون للوطن واموال الشعب بانها غنيمة ساقها الله لهم ليتقاسموها ويحمون نفسهم بفقه السترة والتحلل على ذلك النحو ولن يجرؤ احد من الشعب ان يعترض والا لقي مصير مالقيه شهداء سبتمبر
ولكن ليس هنالك ياس من رحمة الله وما بين غمضة عين وانتباهتها يغير الله من حال الى حال وليس على الله ببعيد
الرحمة للاستاذة الشهيدة التى توفيت نتيجة الاهمال والقصور
عندك فكره ياجبرا الكفار ديل بتعلموا الحاجات دى من وين ؟؟بعدين حاجة تانيه جماعتنا ديل مافى بشر كفء احاسبهم غى الدنياإلا احاسبهم الله يوم القيامه. مش شعارهم لا لدنيا قط عملنا , خلاص برضو شعار لانحساب فى الدنيا. الحساب عند الله فى الاخره. محاكم الدينا للناس العاديين اما القوى الامين فحسابه يوم القيامه. والما عاجبو المراحيض الايله للسقوط كتيره.
……. وبعد دا يقول ليك ديل كفار؟؟؟ بالله هسه الكفار منو….
وماشفت الكافرة انجلينا جولى (الممثلة )عملت شنو اضراب عن الطعام حتى كادت ان تموت(اقصد تهلك طبعن لانها كافرة) وغير انها اتبرعت بملاين الدولارات للجميعات الخيرية لايواء الاطفال المشردين فى جميع انحاء العالم (بالله عليك ده عمله تعملها الكافرة دى )
يظهر دماغنا حينفر بعد شوية لعدم استيعابه للتناقضات البتحصل دى
اكيد فى شى غلط يافينا يافيهم
عمايل المتأسلمين ديل كانت حتمشي فينا لو إبليس موجود في السودان . يا ريت ابليس يرجع عشان يتعلم من المتأسلمين الشغل الياهو .
استقالة وزير المالية.مع الحليفة. كسرة جديدة.
ياجبرا وزير الماليه ماحالف يستقيل وايقعد تانى فى الوزاره.غير رايو بعد رفع العقوبات والله ياجبرا وزرائنا اريتم كانو كفار كان ارحم
يا جبرا انت عرفت آخر رئيس وزراء بريطانيا العظمى استقال ليه؟
لان الشعب البريطانى في استفتاء حر قرر الخروج من الاتحاد الاتحاد الاوروبى—
طيب سمعت حد من المشروخ قدم استقالتو لمن راح الجنوب بي كبرو!!!!!!!!!
جبرة انت ما شايف كمية الإلحاد المنتشرة وسط الشباب ؟! حاجة تهولك , وكلو طبعا بسبب التناقضات الحاصلة ديا , دقون وسبح وعلامات صلاة ويصاحبا كذب وفساد ومحسوبية وعنصرية ÷ تقصير مسؤول وعدم محاسبة وقضاء ساعات العمل بين البكيات والمناسبات = دولة السودان (الإسلامية)،!!
تسلم حبيبنا جبرة لافض الله فوك