الخارجية تبحث مع بعثاتها العربية توقف المعاملات المصرفية الخليجية
الخرطوم: سارة تاج السر
تتجه وزارة الخارجية لعقد مؤتمر شامل بنهاية العام الجاري لإعادة تقييم سياسية الحكومة الخارجية وأداء الدبلوماسية السودانية، في الأثناء أنهى سفراء السودان بالدول العربية مؤتمرهم التقليدي بالخرطوم أمس، وبحثوا جملة قضايا أبرزها علاقة الخرطوم بالعواصم الخليجية على ضوء توقف مصارف ومؤسسات مالية سعودية كبيرة تعاملاتها مع السودان، وقال الناطق الرسمي باسم وزارة الخارجية أبوبكر الصديق، إن المؤتمر تقليد دأبت عليه وزارة الخارجية، ويأتي في إطار التشاور بين رئاسة وزارة الخارجية وبعثاتها الدبلوماسية مشيراً الى أن المؤتمر الذي خاطبه وزير الخارجية علي كرتي، قد وقف على علاقات السودان بالدول العربية والتطورات الجارية في المنطقة وانعكاساتها على الخرطوم، وأكدت مصادر “للجريدة” أن اجتماع سفراء الدول العربية ناقش مع كرتي، قرار المملكة العربية السعودية وعدد من المصارف الخليجية والغربية، القاضي بتجميد المعاملات البنكية مع السودان وتأثيراته على الأوضاع الاقتصادية بالبلاد. وقال الصديق إن المؤتمر ستعقبه مؤتمرات مماثلة لسفراء السودان في التجمعات القارية والجغرافية الأخرى في نهاية العام الجاري لتقويم ومراجعة الأداء الدبلوماسي للسفراء ورؤساء البعثات بالخارج.
الجريدة
يبحثوا شنو ؟ مش قالوا القرارات المصرفية السعودية دي لا تؤثر على الاقتصاد السوداني المتعود على الحصار ؟؟
والله ياعلى كرتى بختك يعنى لو انقلبت الحكومة حاتمشى ايطاليا لزوجتك اميرة قرناص
وتطلب ليك حق اللجو السياسى طوالى عالم بتفكر بعيد!!!!!!!
بش بش تزوج زوجة احد زملاهو والوزير تزوج احدى سفراهو
هن وزاء وزوجتو سفيره يعني وراك مئمن ماقلتو الاجرات حقت البنوك دي مازات تاثير علي البلاد طوالي بلعتو كلامكم عالم منافقه
الموتمر ستعقبه مؤتمرات مماثله لسفراء السودان في التجمعات القاريه والجغرفية الأخرى في نهاية العام الجاري لتقويم ومراجعة العمل الدبلوماسي للسفراء ورؤساء البعثات بالخارج
يعني لسع في مؤتمرات ومراجعات وتقويم الله يصبرك ياشعبي المكلوم
ســؤال لأهــل السلك الدبلوماســــى والخارجيــة : هل يجوز لوزير خارجيـة لدولة ما أن تعين زوجتــه سفيــرة فى دولــــة أخرى … إليكم الإجابه منى إذا السؤ ال صعب عليكم !!! فى عهد (الإنقاذيـــون) كل شئ يمكن أن يحدث … الله يرحمك يا أستاذنا المرحوم / محم أحمد محجوب !!!
يا جماعة الزولة دي بت منو والزول داء راجلها صح وكمان عملها سفيهة سفيرة يعني بزور بلد الشغالة فيها وطوالي في البيت داخل بايت تحكي له عن المواضيع صغيرة صغيرة حظك يا زمن سفير ووزير خارجيتو في دنقر واحد
القصةدي مافي زول سبقك عليها يا كرتي يجب أن يدخلوك كتاب جينس للزواج وزير وسفيرتو بل سفيهتو
ما هو سر ظهور وزير الخارجية ، ورئيس الجمهورية مع نسائهم فى العمل العام .
لا ينكر أحد جمال وحلاوة وخفة دم السيدتين أميرة قرناص ، ووداد بابكر زوجتا على كرتى ، وعمر البشير . بس ما ذنب الزوجة الأولى للبشير وكرتى ، فى أن يحرموهما من نعمة العدل والمساواة بين الأزواج .
يا اخي انا في حياتي ماشفت ذي ميتت قلب الناس ديل الدنيا كلها مولعه وهم يقولوا يقيموا الوضع نهاية العامالجاري يااخي اختشوا.
يا جماعة ريحوا المرة دى فقد كانت دبلوماسية قبل زواجها من تاجر الأسمنت بل وصعدت سلم الدبلوماسية من البداية ومش تعيين أمغمتى زى سناء البصيرة أم حمد،، كرتى متزوج إتنين وهى الثالثة وهى مطلقة مرتين ودة الراجل الثالث،،، زيتهم فى بيتهم إنتو مالكم وأنا زاتى لو لقيت لى كدة فى روما دى ما بفوتها على الأقل نستمتع بمشاهدة حقيقية لكرة القدم بدل مسخرات قناة الجزيرة الفارغة دى.
يا اخى ديل لقوا الشعب السودانى شعب رمة لابهش لابنش وتفسحوا فيه زى ما عايزين بلاء يخمهم يارب امين
عشان أغلقتوا أنبوب البترول في وجه الجنوبيين عشان كارهين قطاع الشمال وعايزين الجنوبيين يموتوا جوع ناسيين إنو في الجنوب برضو يوجد مسلمين،عشان كدة أغلقها ليكم برضو من جيرانكم ما وراء البحر الأحمر.
يعني وزير خارجيتنا اكل سفيرتنا وفي الصباح سفيرة والمساء سودانا فوق والله ياكرتي عملتها واضحه
اذا اريد ترميم واصلاح علاقات السودان فيجب الاتي على الفور
اولا قطع العلاقات المريبة مع ايران
ثانيا قطع العلاقات المشبوهة مع كل التنظيمات الارهابية وفي مقدمتها حماس
ثالثا الانكفاء على مشاكل السودان الداخلية وعدم الانشغال بالقضية الفلسطينية فهي ليست من اوليات الدولة الان
رابعا عمل كل الاستحقاقات المطلوبة من اجل اقامة علاقات مع امريكا
خامسا ترميم العلاقات مع دول الخليج والايفاء بكل متطلبات اصلاح العلاقات
هذا او الطوفان
رد على عبد اللطيف
يا اخوي عبد اللطيف اي زول سنة اولى علاقات خارجية ممكن يعمل الملام ده لكن للاسف وزيرنا كان قائد للدفاع الشعبي ولا يفقه شيء في العلاقات الخارجية فيجب ان تكون السياسة الخارجية مبنية على ما يخدم مصالح البلد الاقتصادية العليا اما الباقي فلكم دينكم ولي دين
إن المؤتمر ستعقبه مؤتمرات مماثلة لسفراء السودان في التجمعات القارية والجغرافية الأخرى في نهاية العام الجاري لتقويم ومراجعة الأداء الدبلوماسي للسفراء ورؤساء البعثات بالخارج.
ينوبكم ثواب تضيفو بند (( السيخ والاسمنت وأثره في تمتين جيب الوزير في العلاقات الخارجية)