محاكمة شاب احتال على فتاة وطلبها للزواج عبر الفيس بوك
منى عبد الله
أوقع شاب فتاة فى قصة غرامية بعد أن تعرف عليها عن طريق الفيس بوك، وبدأت القصة بينهما بعلاقة صداقة وبمرور الزمن تطورت العلاقة الى أن طلب يدها ووعدها بالزواج عبر الفيس وأخبرها في يوم ما بأن هناك بضاعة يود إحضارها من الخارج وطلب منها ان تسلفه بعض المال فسلمته ذهب عبارة عن سلسل وخاتم، وفي اليوم المحدد لاستلام البضاعة طلبت منه ان تذهب معه فرفض بحجة انه سوف يقابلها فى يوم آخر وبعدها قام بإغلاق هاتفه الجوال وبعد فترة قامت بفتح بلاغ بالحادثة تحت المادة 178 الاحتيال وأحيل البلاغ إلى محكمة جنايات المدينة بأمبدة برئاسة مولانا الصادق محمد الطاهر التي استمعت الى أقوال الشاكية وسجل المتهم اعترافا قضائيا بعد القبض عليه وبموجبه أصدرت المحكمة قرارا بالسجن لمدة 3 أشهر والغرامة 200 جنيه وفي حالة عدم الدفع السجن لمدة شهر وتعويض الشاكية مبلغ 1970 جنيهاً.
الانتباهة
انت عبيطه ولا شنو .تاني ما تحبي بالطريقة دي.
امور الاحتيال دي ظهرت مؤخرا ده كلو من الحكومه خلت الشباب عطاله ويحتالون حتي الي اقرب الناس اليهم لانهم ما لاقين شغل ولا وظيفه عشان يمشي بيها حاجياته البسيطه البت يا اخوانا والله ما عندها ذنب بس دايره عريس الستره انشاء الله عاطل
حسبي الله ونعم الوكيل فيك يا عمرالدلوكه
تعارف عبر الفيس وهم في وهم … الناس البتلاقوا فيس تو فيس يا ساتر يطلعوا محتالين و غشاشين يا بنات روقن و قسمتكم
بتجيكم من غير فيس ….
انتى سازجة وهبلة وهو مو راجل
ياخي كيف ماتحب هو زواج ولا رجالة
القروش ما مشكله بس القليب الجرحو من وين تلقي ليه علاج ( لو حنيت لعهد الشوق أجيب من وين عمر تاني )
فى قبائل كده فى السودان صعبين جدا القرش ده يطلعوه بالجلالة بس البت دى الظاهر مامنهم
ياخى حبينا من غير قرش و لا مليمة
بيان هام لكل بناتنا .. اي راجل خيبان طلب منكم .. فلوس .. اعتبروا موضوعكم .. مطرشق .. بعدين لا تقولوا قال بحبني ولا عاوز يتزوجني .. اكرر مافي راجل في الدنيا بيحب ليهوا واحده بيطلب منها فلوس … حب آخر زمن .