زيادة أسعار السكر
الخرطوم:
أصدرت وزارة المالية قراراً بتحرير سعر سلعة السكر عرضاً واستيراداً وأسعاراً، استمراراً لسياسة التحرير المعلنة، وسيؤدي القرار إلى زيادة جوال السكر لأكثر من (30) جنيهاً لتاجر الجملة.
وحدد القرار الوزاري بالرقم (83) أمس الصادر بتوقيع وزير الدولة بالمالية د . عبدالرحمن ضرار حدد الرسوم والضرائب وتحصيل المساهمات على النحو التالي:
سعر جوال السكر زنة (50) كيلو لأغراض الضرائب (156,90) جنيه، رسوم الإنتاج (26,27) جنيه ، الضريبة على القيمة المضافة (31,21) جنيه ،المساهمات الأخرى ولايات وغيرها (33) قرشاً، وستؤدي الضرائب والرسوم إلى زيادة سعرالجوال لتاجر الجملة لأكثر من (30) جنيهاً.
السوداني
هؤلاء من أتوا لإنقاذنا .. فإنقلبت المقولة لهلاكنا ..
نرجع لإستعاضة البلح بالسكر ..
سيطلع لنا صاحب نظرية ذات السواطير بفتوى فطيرة وهي أن السكر الأبيض مضر بالصحة وهو السبب الرئسي للإصابة بداء السكري لذا رفعت الحكومة سعره كي لا يكون في متناول يد كل من هبّ ودبّ رأفة بكم فالأغنياء عندهم الفلوس وقادرين على شراء الدواء أما الفقراء فقد قررت حكومتنا الشيدة المنع القسري لتقليل تكلفة العلاج .
وتجد في مخزن بيته أكثر من 10 جوالات سكر ….منافقين ..
السكره الما تفك كلو كلو
رقيق وزادوا موية وناس المعارضة حتى الان يدينوا ويشجبوا ويستنكروا ممارسات الحكومة
ثلاث وعشرون عاما لم نسمع بقرار واحد في صالح المواطن من شق علي الناس شق الله عليه
بس تلتين جنية ..ليييييييه الرسول اكان تزيدو تمانين تاني عشان تجار الجملة ديل مصريفم تقيلي شوية .شي ضرايب وشي مكوس وشي نفايات وشي محلية .اما نحنا .ززنحنا مااااامهمين خالص خالص.
ياخ نحن شعب كرور البشير زاد السكر في خطاب للجماهير قال ليهم زدنا السكر عشان الناس البتحلي الجمهور مبسوط قعد يكبر علي شنو مبسوطين ناس الانقاد بحلوا مستكترين الحلو علي الشعب دنيا عجيبة الي الامام للزيادات
حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل فيكم ضيعتو البلد ونسال الله ان نري فيكم يوم مثل عاد وثمود وقوم لوط
السكرة الترميهم في الشوك كيزان السجم والرماد
ي همباته ي حرامية
البلد فيها كم مصنع
للسكر
دايرين تسو شنو مخلاص
كفاية كفاية
العزاب الشفنا في حكومتكم
الانقاذ
ارحمونا ي كيزان
من يهن يسهل الهوان عليه, الشعب السودانى اتهان كتير عشان كدا الحكومه بقت مستمتعه بهذه الائهانات وذلك لعدم وقوف الشعب بتكاتف ضدد هذه المهزلة والائهانات المتكرره من زياده فى البنزين( اى رفع الدعم) ومره السكر معدوم ومره زياده فى الكهرباء( برضو رفع الدعم ) واسى زياده فى السكر ( برررضو رفع الدعم ) وانعدام فى المواااصلات واجواء سودانيه مكشوفه للطائرات التى لاتؤضى انوارهااا بليل, ودفاعات بالنظر غير مفعلة ( كلام عبد الرحيم ) والدولار بقى 6,200 برضو شابكيننا رفع الدعمياخى الناس ديل فضل شنو مارفعو الا المواطن ……..
حرروا سأأأأأأكت
لما يجي يوم تحررو شهادة وفاة الشعب السوداني
مافس حاجة من السلع ارتفعة ما نرلت لا لا امام الجامع برتفع وبينزل انشاء الله مايقبلو عليه
والغريبة بعد تلقي ناس بدافعو عنهم.تفووووووووووووووووووووووووووو
شعب جبان يستاهل … انشاء الله الهواء يعملو عليهو ضرائب النشوف الشعب بعمل شنو ….
ما هو دخل وزارة الماليه في الزياده وهذا العمل من صميم وزارة التجاره اللهم الا اذا كانت هذه الزياده مبرمجه فى الميزانيه الجديده ولكن بقدرة قادر سيكون التنفيذ على حساب ما تبقى من السنه الماليه وهو مصدر جديد لاغتناء الكيزان
حرروا البلاد من الفساد و الفاسدين اولا و بعدين نتفاهم
حاج منزو ساطور الليلة لابس كاكي, يلي شيل ساطورك وورينا الشهادة في غزة يا مستهبل.
قروش الزيادات بتمشي وين
لا في تعليم مجاني ولا علاج مجاني ولا الطرق مصلحه؟ بلد بقي هامل المجالس التشريعيه 90%منهم أميين والبرلمان مؤتمرجيه؛؛وا حسرتاه علي سودان العزه أسأل الله يعون شعبنا الغلبان؛؛ونشوف فيكم أسود يا أحفاد علي بابا
انتو الفى الصورة دا مش ابوساطور علاقتو شنو بزيادة السكر نحن فى انتظارك لحمل السواطير وتأديب اسرائيل ولا بس فصاحة على الفاضى قال شنو بنضرب اسرائيل من الخرطوم وبالخوف ساى بنقتلهم
ارجو ن تكون هذه هي اللحظة المنتظرة لتحريك الشارع في مظاهرات عارمة. هيا ياشباب طلاب الجامعات وجماعة قرفنا والمجموعات الشبابية الاخرى
http://almogaz.com/news/politics/2012/11/21/589509
شوفوا المصريين بيعملوا أيه ياالنايمن ومش دارىن !!