عثمان شبونة
* السادة: والي الولاية الشمالية ــ مدير شرطة مرور الولاية ــ مدير محلية القولد/ المحترمين.
* بعد القيام بأعظم ثورة في تاريخ السودان؛ وخلع طغمة النظام البائد الذي كرّس للمحسوبية والظلم والفساد وإفقار المواطن والإستيلاء على أراضيه باسم الإستثمار وإهمال حاجاته الضرورية؛ إستبشرنا خيراً بالعهد الجديد؛ وتعلّقت الآمال العريضة بحدوث تغيير جذري يجعل أمن وصحة وسلامة المواطن في الدرجة الأولى من الإهتمام.. لكن للأسف وبعد إنقضاء سنتين من عمر الثورة وجدنا أن المشاكل الموروثة لم تراوح مكانها بعد.. وأُس المشاكل الموروثة هو عدم الإهتمام بالمواطن وتوفير ضروريات حياته من طرق ومستشفيات ومدارس وكهرباء وخبز.
* إننا أبناء قرى محلية القولد نرفع إليكم باسم قاطني هذه القرى؛ مطلبنا المهم جداً والضروري والمُلِح؛ وهو وضع مطبات وإشارات مرورية قبل وبعد تقاطع الخط السريع الدولي مع مدخل مدينة القولد؛ وذلك لتهدئة سرعة البصات السفرية القادمة من الخرطوم والمتجهة نحوها؛ وقد حصدت أرواح العشرات من شباب أبناء المنطقة.
ــ من المسؤول عن هذا الإهمال المريع والأرواح التي تزهق؟!
* إن عمل مطبات وإشارات مروية توجيهية لا يحتاج لكثير أموال؛ فقط يحتاج إلى مسؤول له ضمير ويفهم دوره المنوط به.
ــ أليس حراماً أن يدفع المواطن المسكين مرتباتكم من عرق جبينه ويحصد الدهس والقتل؟!
* إننا نكرر مناشدتنا لكم بالإسراع في وضع الحلول لتقاطع الموت هذا؛ قبل أن يحصد أرواحاً أخرى في قادم الأيام.. وشكراً.
مواطنو قرية (دمبو)
من المحرر:
* إنتهت الرسالة على تواضع مطالبها؛ فليت من يعنيهم الأمر يتواضعون لحل المشكلة (كواجب) مُستحق للمواطنين.. وشعبنا الطيب لا يستاهل هذا الموت (الكاسح) ما بين طرق المرور وسوء المرافق الصحية وبنادق العسكر.
أعوذ بالله
[email protected]
المواكب
يا اخوننا نحن البنعمل فيهو دا دلع ولا قلة ادب ولا جهل ؟ ما ممكن خط دولي سريع تتعمل فيهو مطبات .. طيب ليه نحن م نوعي الناس عدم قطع الطريق السريع والاجدى انهم يطالبو بنفق او جسر لعبور المشاه .. انا ما عارف الناس تقول عاوزه تتطور ومصره تمشي عريانه … يللا دي النفروض تديها اعوذ بالله
والله اعتراضك مافيهو حاجة لكن زي ما قال اب سن ” ملافظك عاجزة” …
بعدين المطالبة بى نفق او جسر عبور في وقت “الحر” الاقتصادي الحاصل علينا دا تبقى زي شورة البصيرة ام حمد بقطع راس التور ….
اولا في كتير من دول العالم الخط السريع لمن يدخل على مدينة او قرية بتكون في مطبات او اشارات مرور …
والمشكلة شنو في انو الخط السريع يكون فيهو مطبات تأخر الباصات دقيقتين او تلاتة وفي مثل الظروف الحالية اللي عارفين انو الحكومة او الولاية ما بتقدر عليها . ايه المانع دا يكون الحل لحدي ما يكون في حلول تانية مثلا بأن يبعد الخط السريع تماما عن القرية لمن يريد السرعة وخط فرعي يدخلها مع الاحترازات لمن يريد … ولكن يبقى حل المطبات هو الأسرع وينجي المواطنين من الموت والكوارث ان صدقت رواية او شكوى اهل القرية …
السودان كلو مافيهو طريق دولى بالمعنى المعروف ….الجماعه عارفين الحكومه مفلسه لذلك طالبوا بعمل مطبات..لكن اذا فى طريقه لعمل جسور متينه لحمل الناس والدواب فلا اعتراض.
يالله!!!! انتوا عايزين مطبات وإشارات مرورية ونحنا عايزين بئر ماء نشرب منه كغيرنا من البشر.
الناس في شنو والحسانية في شنو؟؟ مع كامل احترامنا للحسانية