أخبار السودان
الخرطوم في (ذيل) قائمة أفضل مدن يمكن العيش بها في العالم .
صدقي البخيت
حسب مسح عالمي أجرته مجموعة (ميرسر) للاستشارات عن أفضل مدن يمكن العيش بها في العالم، جاءت الخرطوم في أسفل القائمة مع ثلاث عواصم عربية هي بغداد ، نواكشوط وصنعاء.
وحلت مدينة دبي في المركز الثالث والسبعين في القائمة، وصنفت على أنها أفضل مدينة للعيش بها في منطقة الشرق الأوسط وأفريقيا.
واحتلت العاصمة النمساوية ?فيينا?، والتي تصدرت المسح للعام الرابع على التوالي، وذلك بفضل ما بها من حياة ثقافية غنية ورعاية صحية شاملة وتكاليف سكن معقولة إلى جانب هندستها المعمارية التي تعود إلى زمن امبراطورية هابسبرج
ولا يكلف نظام النقل العام في فيينا سوى يورو واحد (1.30 دولار) يوميا مع استخدام بطاقة يجري إصدارها سنويا للتنقل في المدينة التي يحكمها الحزب الديمقراطي الاجتماعي وحزب الخضر .
زمن الزمن الجميل الخرطوم كانت من أجمل وأنظف مدن العالم الشوارع كانت ترش بالماء المعطر يومياً الزهور متوسطة الشوارع والميادين النوافير شغالة ال24 ساعة وده مش بس في الخرطوم في بحري وأمدرمان في كل مدن السودان الكبيرة..ده غير الحدائق العامة في بحري والخرطوم (المقرن) وحدائق أمدرمان الجميلة الريفيرا الجندول الموردة النيليين ..والأسواق بالليل أخر حلاوة سوق نمرة 2 أسواق شارع الجمهورية ناس جورج مشرقي وأتينيه وسان جميس وصالة غردون وقهوة يوسف الفكي ..زمن فعلاً كان زمن جميل ناس حلوين قلوب بيضاء أبيض من اللبن ..
السودان زمن حكم أخوان الشيطان بقه في أسفل القائمة في كل شي مش بس في الشوارع ..عشان كده الناس طشت خلت البلد لهؤلاء الأوغاد القتله ..زمان الواحد كان مسافر من أمدرمان لود مدني يحس بالألم والحزن لفراق الأهل والحبايب والأصدقاء ..دلوقت تضرب لإهلك تقول ليهم أنا جاي السودان يردوه عليك يقولوه ليك الجايبك شنو أقعد محل ما قاعد ؟؟؟ شوف الأوغاد ديل وصلونا وين لعنة الله عليهم…
حتي الواحد نسي شكل أهله وحبايبوه وشوارع منطقتة وريحة تراب بلدوه..لكن المنتقم رب العباد والجبار رب العباد والهالك رب العباد ودوركم قرب أثبتوه وأبقوه رجال ولكل بداية نهاية والله يمهل ولايهمل لعنة الله عليكم في الدنيا والأخرة يامجرمين…
للأسف ولا ادري ماذا اقول فمدينة الخرطوم تتمتع بطبيعة من السهل التعامل معها كونها ارض مسطحة لا تتضمن تعقيدات او جبال او غابات وغيره ولكن تعامل الحكومات والقائمين عليها هم من ظمها واوصالها الى هذا المستوى اضافة الى من جاء وسكنها من خارج الولاية حيث الكثافة السكانية وإهمال الحكومات ممثلة بالقائمين على الولاية والخدمات فلا يوجد في الخرطوم صرف صحي ولا تنظيم حتى لشبكة المياة والكهرباء فهى مهملة والمشكلة ان سكان الخرطوم يهتمون فقط بنظافة داخل المنزل او السكن اما خارج المنزل فلا علاقة لهم بها حول المنزل تجد تكدس للنفايات فأين الثقافة الوطنية والانتماء للوطن واتعجب فانه في اي دولة متحضرة بعد بناء منزل او اي بناء كان فان بقايا الحفر والتراب والسباكة يتم نقلها الى مكان خاص خارج المدينة او أطرافها ولكن للأسف تقذف البقايا ومخلفات البناء على أطراف الطرق وحول المنازل بطريقة مهملة تتسبب في إعاقة الطرق وتعايش الآفات وتراكم المياة وتتكاثر الحشرات فبدل زراعة أشجار الزينة امام بوابة المنزل وحول المنزل تجد تراكم التراب والنفايات وبرك المياة الأسنة والمضرة مع العلم ان السودان غني بأشجار الزينة والماء وفر ولكن تنقص ثقافة الانتماء للمدينة والوطن وإهمال المسؤولين وهناك عشوائية في الاسواق الشعبية ولارقابة وكل تاجر يتعامل حسب هواه بلا حسيب او رقيب فالبضاعة خاصة التموينية والتي لها علاقة بالاكل والشرب تجدها تتكدس امام المحالات بإهمال وبدون رقابة ومتابعة النظافة من المسؤولين مفقودة اما الخدمات الصحية والبيئة فهى غائبة غياب امام الشيعة المنتظر وأين اللة اعلم فيا حكومات الاخوان حرام ظلم الناس والنظافة من الايمان والحكم امانة وليس استثمار وشعارات فارغة فالناس امانة في رقابكم فبدل الصراع على الحكم والسلطة والحروب الفارغة والمغامرات والفساد اعملوا على الاهتمام بنظافة وصحة وبيئة بلادكم والعدل ومنح الانسان حقة في العيش في أمان واطمئنان بدل الشعارات والمؤتمرات التي لاتغني ولا تسمن فالشعوب بحاجة للعمل والإنجازات وليس للحروب وتجارة الدين والشعارات الفارغة.
الحمد لله لقينا لينا ذيل نعلق فيه عاصمتنا بلاش حكاية العيشة فيها دى المهم تكون معلقة زي الشعب العايش فيها
مجموعه ميرسر ديل كتاحات انا حاليا في فيينا البطاقه اليوميه للبصات والقطر 4.20يرو كل نفاق
بمناسبه اليوبيل الذهبي واتمام خمسين سنه علي استقلال السودان احب اذف البشرى لكل سوداني واقول ليه ارفع راسك واعرف انو سودانك ده متزيل الترتيب في كل الاحصائيات المتعله بمستوي التعليم،الصحه،الفساد ….. الخ طبعا حاتقول لي انو ده كلام بتاع ناس خوجات وديل ناس دايرين لينا ……..لب لب لب.
اسمع هنا ده يا سوداني وسودانيه ياخ هرمنا عدييييل كده من الكلام ،،، الصادق قال وعرمان قال لب لب لب ومافي اي حاجه حصلت …..
وكمان ياخ تاني اي واحد عندو كلام بتاع تغير واسقاط النظام يوفر كلامو ده ليهو ويجي الشارع الشاااااارع ده هنا محل التغير الحقيقي….
ياخ دايرين نعمير بلدنا وطنا هنا اتربنا هنا زكرياتنا من هنا كلنا بدينا وقرينا ولعبنا وبكينا وفرحنا ….. اه اخ
ياخ انا كل ما اسمع المقطع بتاع اغنيه فلق الصباح بتقول ( أنت يا الكبرتوك
البنات فاتوك
في القطار الفات)
ده السودان البنات الاصغر منو فاتووووهو بي مراحل .
ياخ الانجليز دي لمن طلعو من السودان خلولينا البلد دي جنه .
بتين يتعدل حلنا ده انا بقيت ممغوص شديد من الوضع الحاصل ده….
خواطر
طيب اذا كانت من أسوأ المدن في العالم، كيف سعر الأرض فيها من أغلى المدن في العالم، وبرضو ناس الولايات عاملين زحمها فيها خلو زراعتهن وبهايمهم وجوا قعدوا فيها. طيب لو كانت زي فيينا كان باقي السودان جاء سكن فيهاولا شنو ؟. وجوبا كيف يا مجموعة (ميرسر) ؟
السودان جميل بأهله وطيبتهم رغم ماحدث فيه من سفسفة فى عهد الانقاذ خربت القلوب ودمرت البيوت وهجرت مابقي من الناس . لكن يجب الا يدخل اليأس قلوبنا وعلينا الكفاح ولايغير الله مابقوم حتي يغير مابأانفسهم . والعزاء فى الاجيال القادمة والشباب الذين يجب الاستفادة من طاقتهم المهدرة
كل شىء جميل انتهى وبكل اسف وبقينا فى الحضيض بسبب سياسة اخوان الشيطان لعنهم الله وربنا ينتقم منهم ولا حول ولا قوة الا بالله
نعم الخرطوم كانت من اجمل مدن العالم وبالدليل ارجعوا للافلام الوثائقيه بلندن وتشوفوا العجب
وايضا ذكر لي مالك الشركة التي اعمل بها في السعودية بانه كان يعمل في القنصلية السعودية سنة 66
وذكر لي بان شوارع الخرطوم اكانت تغسل بالماء المخلوط بماء الورد
والرجل لم يكذب بس نقول شنو في حكم الجبابرة الذين سلبوا كل شي جميل وماهو جميل
حسبنا الله ونعم الوكيل فيهم