اشتباك بالأيدي بين دستوريي ولاية الجزيرة في أمانة الحكومة
ود مدني: مدني محمد عبد الله
فى ظاهرة تعتبر مؤسفة وتؤكد فشل حكومة الجزيرة فى إدارة شئون الولاية وقع في يوم الخميس الماضي وفي تمام الساعة السادسة مساء اشتباك بالأيدي داخل مكتب الأمين العام لأمانة الحكومة بين الدكتور فضل موسى جادين الأمين العام، والأمين خضر مستشار الوالي لشئون المعلوماتية، والذي تم تعيينه مؤخرا بقرار من الوالي حيث أثار جدلاً كبيراً باعتبار ان لديه بلاغ جنائي بمحكمة مدني الجنائية ولم يفصل فيه بعد.
وتعود واقعة الاشتباك بعد الاجتماع الدوري لمجلس وزراء حكومة الجزيرة وبنهاية الاجتماع اشتكى المستشار خضر الامين للوالي عدم تخصيص مكتب له داخل الامانة وعلى الفور وجه البروف الزبير بشير تاها الدكتور فضل موسى جادين بأن يجلس الان لحل مشكلة مكتب ومخصصات المستشار وعلى الفور جلسوا داخل مكتب الامين العام الا أن نقاش حاد قد دار بينهم وصل الى مرحلة الاشتباك بالايدي مما ادى الى تدخل الاستاذ اسامة السماني نائب الأمين العام ومعاونيه لفض الاشتباك. وتلك الواقعة تشير إلى فشل البروف فى تشكيل حكومته التى ظلت دائما غير متجانسة، بينما أصبحت ساحة مجلس الوزراء حبلى بلصراعات والخلافات بين الدستوريين، فقد سبق ان قام احد الوزراء المستقيلين فى الفترة الماضية بصفع وزير المالية ما تسبب في اصابته فى عينيه. والذى ظل دائما محل خلاف مع الوزراء لانه مقرب من الوالي.
وانتقد دستوري سابق بالولاية قائلاً أن حكومة الزبير فشلت فى تقديم أي خدمات لانسان الجزيرة باعتبار انها حكومة متصارعة وغير متجانسة ويكون ذلك الفشل الخامس للزبير بعد ان سبق وفشل في إدارة جامعة الخرطوم ، وزارة التقانة، التعليم العالي، وزارة الزراعة، ووزارة الداخلية.
جبانة هايصة
منذ تولية منصب الوالى لم يظهر شئ ملموس
على مستوى الولاية او المحلية وهو اسوا
والى على مستوى السودان كان الله فى عون الجزيرة
الخضراء التى اصبحت جزيرة جرداء
حلوة والله لفشل الخامس دي يعني فاضل ليهو كم فشل كدا علي بال ما يطلع المعاش؟
الله يرحم عبدالرحيم محمود ابن مدني البار
و يأخذهم أخذ عزيز مقتدر
مديده حرقاني – مديده حرقاني
الله يفتنهم و يقلل حجازهم
كدى النسعلكم: هو الوالى دا معيّن ليهو مستشار زياده فى شنو؟ موش عندو وزرا وهم مستشارينو كل واحد فيهم بتشاور معاه حسب شغل وزارتو ,, انتو عارفين اللى دلوقت بسمو الوزير زمان كان بسموه مساعد المحافظ لما كان الوالى بسموه المحافظ ( حفظكم الله من بدع ألأنقاذ اللى كل بدعه وبدعه اكبر من اخيتا .. يعنى كدا اسألو العنبه قبل ما تسألو رقبتكم يا ناس مدنى الأشاوس : هل فى اى مقارنه بين وزير التعليم بتاع اليوم عندكم او فى اى مديريه من بتاعات زمان بيساوى مثلا اعمامكم المرحومين صالح بحيرى وعمكم ابكر ود عفمان وعمكم بشرى المقبول اللى كانت بقولو عليهم(مفتش تعليم مديرية النيل ألأزرق – اللى يطراها بالخير – اللى كانت حدودها من الكامنين لحد فازوغلى جنوبا واللى كانت فى بطنا تلاته ولايات من بتاعات اليوم.. النيل الأتيض – الجزيره -والنيل ألأزرق) .ولآ اخوكم محمد على ود عثمان موسى ..مساعد المحافظ.. ها ناس .. سعيلى الله .. زبيركم دا البعيّنلو مستشارا “بشاكل” زياده فوق مساعدنّو اللى حقو شورتو تبقى معاهم لا عندو راى لا فهما يفيدكم بيهو.. كفى السواه فى الجامعه وفى الزراعه وفى الداخليه الجابت خبرو وختت اسمو فى اول قائمة الواحد وخمسبن .. كان ما شديتو حيلكم الا بلحقكم حبوباتو (امات ابوه طه “القرشى ؟” الزول دا البنضم مع الناس القراب جنبو متل التكنّو بناضم ناسا بالحيل بعاد منو فى الخلا زى كوراك ود الأمين ليوليد عمّو امحمد “ها امحمد هوى ابوك الحماره ما جاببّا؟ اللاّ ساكت من فوق يغتّى عليكم هو و ناس اشراقه وبت درار وتالتن احمد “كر .. كر.. كر.. منّو (الكاف دا يا جماعه مضموم الله يكرم السامعين)
سيدى الرئيس رأيك شنو
والله نخن خجلانين ليكم كتتتتتتتتتتتتتتتتتتتتتتتتتتتتتتتتتتتتتتتتتتتتتتتير !
يا حليل ايام محمد عبده عثمان الامين العام السابق اذا لم يكن نزيه لكان لليوم موجود
البروفيسور الزبير بشيير طه والي ولاية الجزيرة وابن جزيرة الفيل ..وجزيرة الفيل من احياء ودمدني العتيقة وهو عالم بكل ماتحمل الكلمة من معاني ولكن في اطار تخصصه فقط وهو علم النفس بمختلف فروعه الفردي او الاجتماعي او التربوي…واما ولاية الجزيرة فهي تحتاج الى والي متخصص في العلوم الزراعية بالمقام الاول وذلك نسبة لان الولاية كانت سابقا قلب السودان النابض بل كانت عاموده الفقري ايضا ومازلنا نذكر الاغاني التي كانت تتناقلها وسائل الاعلام في ذاك العصر الذهبي والزمن الجميل واقصد السبعينات والثمانينات من القرن السابق واذكر منها على سبيل المثال *دمت للسودان ياارض الجزيرة**وفي الجزيرة نزرع نتيرب نحقق املنا**وبلا ادنى شك فقد كانت ولاية الجزيرة هي اكبر مصدر من مصادر الدخل القومي وهذه حقيقة لاينكرها الا جاهل او مكابر..اما صاحبنا الزبير بشير طه فهو يحب المجاملات والاجتماعيات واستنفار الهمم للجهاد وهذا امر لايعنينا كثيرا نحن ابناء ولاية الجزيرة ومايهمنا هو ان تعود ولاية الجزيرة الخضراء لعصرها الذهبي..والله ولينا وهو ناصرنا..
أنتو الكتب الخبر ده مولود ومربي في لندن ولغته غير عربية قال تاها
والله محن يمشن و يردحن …البعرفوا المستشار الجديد دااا بدون مخصصات و غير متفرغ وزوول خطيير فى التخطيط و الكمبيوترات و حاجات تانية حاميانى …و مشكلته الجنائية دى لانوااا زولا حاااار وفى وااحد صحفى مسؤول صفحة حوادث فى جريدة سمح بنزول خبر عن المؤسسسة الشغال فيها وقال حرقت وفى صحفية بقت تمشى و تجى مدنننى وادردرت بت النااااس و الزوووول دا زعل من الصحفى و قال لييه انت ماراجل لانك تلتلت بت الناس دى والزول دا مشى اشتكاه.
اتجاه لتوقيع صفقة للبرمجيات بقيمة مليون ومتين دولار بين ولاية الجزيرة واحدي شركات النظام
مازال يواصل النظام الحاكم في البلاد مسلسل تبديد اموال الشعب وسرقتها تحت مسميات ومشروعات زائفة ولا تمت الي الواقع بالصلة فكلنا نعلم ان تكنلوجيا المعلومات تتطلب بني تحتية مستقرة فما بالك بولاية مواطنها جائع وطلابها يجلسون علي الارض وشبابها بلا عمل والله مهازل يازمن يقال ان الصفقة ورائها مستشار الوالي للمعلوماتية الجديد الشديد الذي يأتي بالعجيب برمجيات بقيمة اثنين مليون ومتين دولار والناس جيعانا وفقرانا وعطلانا
والله مهازل
انتو ياجماعه بصراحه ماعارفين الشمارالحار
هو أمين عام الحكومه ده ماعندواليومين دي قضايا كتيره خلوهو يشوف شغلوافي المعلوماتيه المتطوع ليهو مجاني
يعني ياناس تلوموا الناس العايزين يخدموكم
ويخدمو القضايا المصيريه بتاعتكم
والله قلة أدب منكم
والماعارف يقول ماعارف
عشان نديهو الشمار