تدليس الطاهر التوم ولويه عنق الحقائق تبيّن بصورة سافرة بعد أن ارتفعت كثافة التظاهرات واهتز نظام البشير والمؤتمر الوطني، وكان لابد من الأقنعة أن تسقط، فبدأ الطاهر التوم الخبيث في التشكيك في كل ما يتعلق بثورة الشعب السوداني.
في حلقات برنامج حال البلد والذي سماه النشطاء بخائن البلد، بدأ الطاهر رحلة بحث مضنية عن كل شيء يجعله يطعن في شرف الثورة التي انتظمت مدن السودان، وعندما تعذّر عليه ذلك بدأ لوي عنق الحقيقة بهدف خلق شرخ بين المواطن البسيط وبين الثوار في الداخل والثوار الذين أجبرهم نظام الإبادة الجماعية إلى الهجرة التي أمر الله بها المضطهدين في كل مكان وزمان.
قال الطاهر أن المظاهرات تدار بسيرفرات في الخارج وتحديداً في فرنسا من قبل الحركة الشعبية من شخص يسمي كريم.
الناشط عثمان ذوالنون استضاف الناشط عبدالكريم وهو من دارفور هاجر إلى بريطانيا بحثاً عن حياة كريمة، ويحاول شأنه شأن كل سوداني شريف دعم انتفاضة مدن السودان الظافرة بإذن الله والتي تبحث عن غد أفضل لأهل السودان.
الهادي بورتسودان على حائطه بفيسبوك كتب أيضاً حول هذه القضية:
أجابات الشاب عبد الكريم أدريس وده اسمه كامل و للأمانة كريم افهم من الطاهر التوم بألف مرة ود يوريك نجومنا ديل صناعة نظام :
– أولاً أنا مقيم في بريطانيا وليس فرنسا
– أنا مواطن بسيط ساكن هنا في بريطانيا بإسرتي وأطفالي وضحية للابادة الجماعية في درافور
– قال من حقو يعارض النظام لانو الآن الطبيعي كل الشعب السوداني بيعارض النظام والغريب إنه في شخص يبقى مع النظام
– بيشكر الشعب السوداني القدم ليه الدعم وقال مالقى تعليق واحد صدق كلام الطاهر التوم وده بيوريك نحن متوحدين لولا الظلم
– سخر من عرض الطاهر للشاشات في مكان عمله كانها مركز لإدارة الحمله .. وقال بقالة صغيرة في بريطانيا فيها شاشات زي دي
– قال الطاهر ده نموذج للعلقية البتدير البلد . زول ما كلف نفسه يخش البروفايل بتاعي يعرف ولا فبرك بشكل كويس
– قال ما حيترك الطاهر التوم ولا قناة سودانية 24 وبالقانون الدولي لأنه عرضوه لمخاطر ، وقال هو حزين لأنه هو هنا في بريطانيا بقول اي حاجة بينما شباب في الدول العربية قبضوهم ورحلوهم وذكر ود قلبا تحديداً
تسقط بس
الطاهر التوم يا كوز زخم الثورة و اندفاعها تجاوز الآن كل المطبات التي تحاولون وضعها ,التشكيك و التشويه لم تعد أدوات تكفى لوقف الزحف الثورى , الهدف و الأولوية لكل أهل السودان بمختلف وجهاتهم السياسية هي انهاء ثلاثين عاما من المسغبة و المعاناة, ولا مجال الآن للرجوع عن ذلك مهما فعلتم من تدليس و ترعيب, أو كما يقول الانجليز: your days are numbered
أقول ليك حاجة والله ما عندك موضوع ، الأجهزة التي خلف الصورة والله موجودة في أي بيت ، وهي شنو أصلاً ؟ غير CPU وشاشة كمبيوتر ، وطابعة ، شنو الشابكنا حركة شعبية ، يا قول الثورة وراءها بعد إسرائيل والشيوعيين والبعثيين الشيطان زاتو شخصياً ، مش حتخلصنا منكم نحن معاها تسقط بس .
بعدين أثبتت أنك أجهل من ضب ، كيف تظن أن الشعب السودان الثائر ده كله يتم توجيهه والتحكُّم فيه من قبل شخص واحد عايش في أوروبا ، لو كانت الحركة الشعبية عندها القدرة السحرية دي البتخليها تحرِّك الناس بالمستوى الواسع والقوي ده لكانت قضت عليكم من زمان من 1990 ، وما كان ده كله حصل . اختشي بالله عليك (اتعرَّص ، واتمعرَّص ، و فرفر وكُب الجرسة ) لكن أعملها شوية بطريقة مقبولة ،وأنت ما عارف من الليلة دي خلاس بدأ العد التنازلي لخسائر سودانية 24 ليس بسبب هرطقتك المنشورة هذه بل بأننا قررنا نقود حملة مقاطعة إعلانية من الجميع لقناتك ، لِم قروشك الاستلمتها من غوغل وختها في بقجة من بقج عمك الطيب مصطفى واتخارج ، ده لو لقيت ليك حتة تقبلك
دي قناة منحطة إعلاميا واخلاقيا وبتحاول تقلل من القيمة العظمي للثورة وأنا بقترح تغير الإسم من سودانية 24 الي كيزانية 24 وتسقط بس
تسقط بس
ما في دواس بلا غبينة
لو الدنيا دى كلها حرضت ومافى سبب الناس ما حا تطلع ،، دى يفهموها الببغاوات زى الطاهر التوم والفاتح عزالدين ومن لف لفهم كيف .
أخيرا المدعو الطاهر التوم يصل الى حل لغز احتجاجات السودان ويكشف عن من يقف وراءها فأسمعوا وتعجبوا فهو يقول من يقف وراء الاحتجاجات شخص يدعى عبد الكريم يجلس في غرفة في مكان ما في فرنسا ممسكا بريموت كنترول يدير ويوجه به التظاهرات في مدن السودان وهو على بعد آلاف الاميال أيضا هذا الشخص ذو القوى الخارقة في التأثير على متظاهرين يحركهم كألربوتات ينتمى الى جهة شريرة تريد الحاق الضرر بأهل السودان, الطاهر التوم يريد أن يعرف من هذه القوى المتامرة و يظن أنها الحركة الشعبية وللحركة الشعبية عدة أجنحة ومن غير الواضح على أي منهم يقع اللوم , هذا هو ما توصل اليه مقدم أكثر برنامج تلفزيونى شهرة في الاستقصاء والتحليل والرجل جاد فيما أتى به وعلى ثقة بنظريته وليس لديه مساحة لاى علامات استفهام.