سخر رئيس المجلس السيادي عبد الفتاح البرهان من ما وصفه بالمحاولات الفاشلة لاتهام مجلس السيادة بالانحياز إلى المؤتمر الوطني وقال إن مطلقي الشائعات “عايزين يسوقو الناس بالخلا”.
وخاطب البرهان صباح اليوم الإثنين بمعقل الشيخ الجعلي في منطقة كدباس بولاية نهر النيل الاحتفال الديني الكبير بتزويج 100 شاب وشابة بالتزامن مع ذكرى المولد النبوي الشريف.
وقال البرهان إن الجيش لا ينحاز إلى أي فئة أو حزب، خلاف الشعب السوداني الذي يستمد منه السند والعضد، واصفاً ما يشيعه البعض بأن مجلس السيادة ينحاز إلى المؤتمر الوطني بأنه “سواقة بالخلا”.
وأضاف “الناس باتت واعية ولن تنطلي عليهم هذه الشائعات الساذجة”.
وأعرب رئيس المجلس السيادي، الفريق أول ركن عبد الفتاح البرهان، عن تفاؤله بأن تشهد الفترة المقبلة انفراجاً في المشهد السياسي بعد استشعار الجميع بالمخاطر.
وجدد التأكيد بانسحاب الجيش من العملية السياسية حتى يتسنى تشكيل حكومة مدنية، واصفاً ما يثيره البعض من تشكيك في خطوة الجيش بأنه “مزايدات ومكايدات”.
وحول ما يقال عن مبادرة شيخ كدباس، قال إن الشيخ الجعلي اتصل عليه وأبلغه مسعاه في إصلاح ذات البين ولم شمل أهل السودان، وبارك له هذا المسعى. مؤكداً وقوفه مع أي مسعى أو مبادرة لتوحيد أهل السودان.
من جهته، قال المتحدث باسم منطقة كدباس، البروفيسور البخاري عبد الله الجعلي، إن لبساً لازم مبادرة “شيخ كدباس”، وأكد على أن الموقف السياسي للشيخ الجعلي، معلوم للكافة منذ فجر الحركة الوطنية.
وقال “إن كانت لكدباس مبادرة، فهي دعوة كل الأحزاب والقوى السياسية للاستيقاظ والالتفاف حول الوطن، وإن الفترة الانتقالية مهامها التمهيد لانتخابات تحسم مشروعية من يحكم السودان، وهي فترة محددة زمنيا ومحددة غرضياً”.
انت النعمة الفيها دي ما من المؤتمر اللا وطني! لولاه ولولا خيانتك لرفاقك ظباط رمضان ما كان وصلت مقدم – وطبعا لما شافوا خيانتك كلفوك زيك وزي الجنجويد كوشيب وحميرتي عشان تحرقوا قرى دارفور وتغتصبوا نساءهم يا معفن! دا انت القائل بأن رب الفور يا خسيس – قال سواقة بالخلا قال -تسوق منو يا فرعون العريان كل الناس شايفنك والشباب البتقتل فيهم بواسطة المندسين دي قايلها سواقة بالخلا؟ الناس عارفة كل حاجة بس يجي اليوم التقع في قبضة الشباب ديل يوروك الوهم التذاكي البتخم بيهو دراويش كدباس وقنطنو وعود القذافي مجهزنو ليك ولا تحلم بمحاكم الكيزان وتفتش لقضاتهم العينتهم ديل تلقاهم معاك في الزنازين قبل وبعد العود
انها نذر وبوادر بداية النهاية … ومؤشرات سقوط السلطة الانقلابية القادم لا محالة .. والدلائل متعددة ..
مثلا يا جوك القصة سخنت وغلبتم تب … حميدتي فى آخر مخاطباتة قال بالحرف “والله يا جماعة نحن كل يوم روحنا المعنوية فى الارض .. خلاص فى الارض ؟؟ِِ”
القضارف وربك عارف اسقطت فعليا ممثلي سلطة الانقلاب المحلية …
بالونة اختبار حمدوك انفجرت فى وشهم ..
الكفيل والنظام المصري فى حالة استنفار لمضايرة الازمة قبل ان تفلت العواقب والبدائل من سيطرتهم وهذه هو السر وراء عودة ايلا بدفع من المخابرات المصرية بعد استشارة قوش كخط دفاع اذا فشل مرغنة الفتة فى تكوين حاضنة للانقلاب ..
في الشطرنج هناك نقلة تسمي “الحركة الانتظارية” وهي تحريك قطع غير هجومية عندما يكون الخصم فى مواجهة النهاية الحتمية واي قطعة يحركها ستنتهي بــ “شك ميت” ..
البرهان وسلطته الانقلابية وصلوا هذه المرحلة المتأخرة والميؤس منها واي حركة يقومون بها مردودها الوحيد هو التعجيل بنهايتهم والوشيكة والحتمية ..
الكلام ده كتبوا ليهو ا اصلا هو مايعرف يتكلم دون مشورة سيده السيسي ..مبروك عليك ياالسيسي عندك عسكري مطيع في السودان ويسمع كلامك ويعمل ذي ماانت عاوز
لسع متخيل انه الشعب دا غبي وشغال ذر للرماد في العيون حقيقه
كل إناء بما فيه ينضح
وثاني ما في زول بنساق بالخلاء
رب العزه يمهل ولا يهمل
وفى الاية .. واذا وقع عليهم القول اخرجنا لهم دابة من الارض تكلمهم .
البرهان دا يا جماعة يا هو الدابة المذكورة !!
أنت لك سنة سائق الشعب بالخلاء وكل شغلك وعمائلك عمائل كيزان ما يهم تكون مؤتمر شعبي ولا وطني
لقد عرف السودانيون جميعا وحتي راعي الضأن في الخلاء أن مصيبة السودان هي هذا الجيش الذي يقوده امثال البرهان .
انت كوز و انت امتداد للكيزان بعد سقوط البشير الله لا بارك فيهو و فيك
25 اكتوبر جاي يا مجرم
مسدار الجيش:-
مانشيت الصحف نشرت كباسن شاكي قال الجيش تغازم وهان كرامة الكاكي يا بلد السمر قوليلي ايه الجاكي بتريدي البزلك وتكرهي البهواك الجيش في الضعين ضاق المهازل عرقة اتهرشوا الجنود واندق قايد الفرقة الفعل الحصل يا ديشنا كان بتدرقة في وجه الشعب الاحترام بتفرقة السوس كان كتر عود المرق بنشق والجيش كان سلم من الوسخ بتنق معليش يا عميد الجنجويد من حقه دام الجيش تسيس كل يوم تندق في عهد الملايش وانعدام العيش خربانه البلد ما فيها هيبة جيش تندق يا عميد برضك تقول معليش وخليه الشعب الدولة تحمي الجيش صقر الجديان حزن خو وتباكي علينا وقال بالصريح النصرما لينا ما دام الحكم كتل الرجال الزينة اتهانت عروضنا ولامست كرعينا ديل اكلوا السمح والجيش اكل طعمية واتخطوا الرتب بي رتب وهمية يا حليل البلد لما كان محمية بالكاكي المدرع وهيبته القومية رغم الظلم عاس فوق الضماير وفذة لسع باقي في وجدانها عسكور عزة لو ما الجيش تقلبن والمكان بتنز ما بتنهز كان كل الخلق ينهز الجيش قومي كان لا عرب لا نوبة وهسع تخصخص في رتب ملعوبة لو ما حكم القجر والدنيا جات مقلوبة ما بنزل يمين علم الشعارها قروبة يا حليل الزمن العد روح جيلها زمن العساكر ما بعرفوا قبيلة بلدا رجال فيها مخدر نيلها كيف تنزل لي شلة وتفك دا الحيلة الجيش تهمل وسيسوا الطابور وجينج التعنصر في الحصل معزول النضم الهرش في الدار صبح محظور وبقت الملايش وحدها العسكور القال الحقيقة بيدخل الزنزانة وبتهرش المليشيا الدولة بي اركانها راتبهم مضخم والجيوب مليانة والجيش بالفلس متقحبد الجبخانة ما شفنا الاسد من النعام بتحاب وما اظن الضكر في يوم بيكون مشاط هم والرئيس كل البيكون يوم في بلاط وقدام العساكر بكتلوا الضباط سوي الناجدة يا جيش واتحد في لامة وقوميتك تفيض فينا وتغطي العامة لاك الشعب وجع ومراير سامة والحاكم تجبر واتنفخ في هامة كان هضلم ظلم بي عازة في اولادها ورحمها يوت بينجب في الجنود والقادة ماتوا الرجال والجيش فقد اوتادها بس غيرهم بكون دام امهم ولادة جمع الغبش شان سلطة ما هو فراسة وكل الفتن يا ديش بقت من ساسة الايدهم بقت فوق الجراح نخاسة هم في القصور والميري بكتل ناسها اقتصبوا البلد بالظلم تلاتة عقود وزادوا الكروش والشعب ناشف عود كان هم الشعب فوق الكبك مفقود ينكال الرماد في خشمكم هبوت ديل همهم سلطة وعرس نسوان وشبع البلد في حكمهم توهان هم والاباليس في الاصل اخوان وانكسرت عشانهم هيبة السودان
نسأل الله السلامة من أهل الفتن والغواية.
سواقة بالخلا ايها الكذاب الاشر … انتظر ونحن معك منتظرون … الايام القادمات ستشهد تخليل ضروشك وركبك يا طشمان !!
السياسيين في السودان اصبحوا في حالة ماذا يفعلون وماذا يقولون, لقد جربوا كل ما بوسعهم ولم يفلحوا, أمورهم أصبحت ملخبطه ويقولون ويفعلون عسي ولعل حاجة تلفق والحل واضح بما يريد الشعب. أعطوا الشعب حقه, لكي تنعموا بالمنام.
ده آخر ما وصلت ليهو يا خايب الرجا ! جاتك فرصة تخلد إسمك في تاريخ السودان لكنك اخترت إنك تكون عدو السودان وعدو الشعب الأول .. قسماً بالله عود القذافي شوية عليك يا شبيه الرجال
هذا القاتل الخائن الجبان المجرم الفاسد الكاذب يتكلم بلسان الشعب السودانى وهو من نقض معه العهود و قام بطعنه من الخلف, ولا زال يكذب ويصدق كذبه ويظن ان الشعب يصدق ما يتفوه به من افك وبهتان. هكذ ما يراه الدكتاتور فى نفسه وهذا رأه الفرعون عن نفسه حين قال “مَا أُرِيكُمْ إِلا مَا أَرَى وَمَا أَهْدِيكُمْ إِلا سَبِيلَ الرَّشَادِ”