عيد الحزانى – كاريكاتير عمر دفع الله
فرحة السودانيين بعيد الفطر المبارك هذا العام غطت عليها دموع الحزن والأسى، بسبب الأمطار والسيول التي أودت بحياة المئات، وشردت الآلاف. وبسبب غياب الاستعدادات التي يفترض على الحكومة القيام بها.
دور الحكومة ليس قهر الشعب والتضييق عليه، وفرض الضرائب والجبايات.. ولكن واجبها أن توفر الحياة الكريمة وتعين الشعب على المصائب والصعاب. ولكن (أنقاذ) عمر البشير تثبت دائماً بأنها جاءت من أجل امتهان كرامة الأنسان والحط من قدره، بل اعتبر والي الخرطوم أن موت المئات وتشرد الآلاف ليس كارثة، فالكارثة في اعتباره هي أن يموت نصف السكان.
كاريكاتير الفنان التشكيلي عمر دفع الله يصور المشهد الحزين..
يضحكوا وكل واحد بي نسوانو الاربعة في عماراتهم العــالية ويجدعوا ليهم قشر الموز ويقولوا ليهم دي ابتلأت ياخوانا وهي لله ولاللسلطة ولا للجاه وسير.. سير يابشكير والناس المســاكين قــاعدين يغرقوا والغرق انتهى خلاص والحمار داك كايس ليهو فرقة مع الناس الفي المركب .. هههه والله دا تعبير خرافي شكـــرا ليك ياعمر دفع الله يا مـــــــــبدع
(الإنقاذ الكاذِب (1
عاطف كمال حاج الخضر
***************
بإسمِ الله
وكِتابِ الله
قال هِيَ لله,
هِيَ لله
لالِلسُّلطَه ولا للجّاه
وفى زمن أغبَر
جا الإنقاذ
الكاذِب وأمكَر
هَلّل وكَبّر
خَدع الشّعب
وخَدع العَسكَر
إغتَصب
السُّلطَه إتحكّر,
علينا إتسَلّط إتجَبَّر
بالفساد
للإقتِصاد دَمّر,
لي كُل إجراء
صَعَّب, مايَسَّر
وغَلَّي الجّاز,
غَلَّي السُّكّر
بي نَهب مُقَنّن
لينا أفقَر
جبايات, اتاوات
فيها بالغ كَتّر
ووين الخدمات ؟
أبَداً مافَسّر
فى القاذورات نِتعَثّر
والصَّرف “الغير”صِحِّي
آسِن مُنكَر
من القَذاره أقذَر
باعوض وحر
لى حيلنا فَتّر
لمنامنا كَدّر
ولمَزاجنا عَكّر
حتّى الموية
اللِّيها ماوَفّر
مَمزوجَه بالأوساخ,
أشنى مَنظَر
يجى الخريف,
يقولو
فاجأنا بَدّر
مياهو
دون تصريف
بالشهور تتحكّر
تتحوّر
لى كائِن مُخيف
نتِن لَزِج أخضر
من جوفو
أمراض تِتفَجّر
ناس تموت
وأهاليها تِتحَسّر,
قلوبا من كُتْر
الغُبُن تِتحجّر
****************
عاطف كمال
(الإنقاذ الكاذِب (2
***************
فى زمن أغبَر
جا الإنقاذ
الكاذِب وأمْكَر
لا لي رَوعة
تَنوُّعنا قَدّر
أو في بديع
ثقافاتنا إتفَكَّر,
بل ليها
أنكَر إتنَكَّر
لي صَفا
علاقاتنا كَدّر
قَبَلِيّه, جَهَويِّه
وتَطَرُّف مُستَنكَر
في عهدو
فاض إتفَجَّر
لأوصال
الوطن بَتّر
وأضعاف
ماعَمّر,
رَمّل, يَتّم
ودَمّر
لي شَرع الله
شَوّه حَوّر,
فى الإنتِخابات
غَشّ وزَوّر
ولأساليب الفَساد
نَوّع طَوّر
لكرامتنا
مَرّغ عَفّر
لا لكبيرنا وقّر
أو لصغيرنا قَدّر
ذَلَّ بناتنا
ودا الذُّل الأكبَر
لا بيُغتَفَر, لابِتجَبّر
**********************
بِكِبرياء الخاطر
الإنكَسر ومابِتجَبَّر;
أمَلنا يازمن تَقدَر
ترحم شعب أَقبَل
من وادي عَبقَر
وحَطَّم موانع أكبر
ويالعُمُر الكُل
مابتَكتَر بِتِتقَصَّر;
زَمنّا مِنُّو الأكتَر
وَلَّي وأدبَر
في عهد
الباغي الاكبر
فَبِرب الرّحمه
بارِئ الكَوْثَر
عَجِّل, دَعْنا
نَحضَر
فَجر الحُريّه
الأخضَر
*******************
عاطف كمال
اللهم صبرنا على المحن ولا ملجا الى اليك يارب العالميييين
ومسئول التخطيط العمراني قال البيوت شالها السيل لانها مبنية من الطين !!! وغير مطابقة للمواصفات!!! عشان كدا ياناس مرابيع الشريف وام بدات والحاج يوسفات ودار السلامات لازم بناكم يكون مسلح!!! يعني تكونوا (مسلحين) فاهمين!!!!!
غايتو ابدعت ايما ابداع يا عمر دفع الله دا ياهو زاتو الكنت بتخيل فيهو من يوم بداية السيول لكن بكاريكاتيرك اصبح لى كانو حقيقه وما خيال. ههههه يعنى كل واحد معاهو كوتتة نسوانو بنظروا للمساكين الخايدين فى المويه من فوق قصورهم العاليه ويجدعوا ليهم فى قشر الموز لكن ظنيتك ما ختيت نافع معاهم بماانو نافع قال هو متزوج واحده بس وزوجتو الثانيه هى الانقاذوانت ختيت كل واحد معاهو كوتتة حريمو ابدااااااااااااااااااااع
إني أخاف عليك الفتنة كل رسوماتك تهين بها كل من هو متمسك بدينة ومطلق لحيته، ليس كل متدين يقف مع الحكومة وليس من ليس له مشكلة دين في اسلوب حياته أنه ضد الحكومة أو يعيش في فقر مقدع ، انا أري ان رسمك يزيد من النعرات بين الناس وهذه عاقبته سيئة، اما تعبيرك للرئيس مخزي وقبيح،أنا والله ما عندياي قضية ولا غيرها مع هذه الحكومة وهي فشلت في امور كثيرة ،وما يخطة قلمك لو كان في بلد غير السودان أو رئيس غير البشير ما كان شفت الشمس طول ما بقي من عمرك ، ونحن كمسلمين علمنا نبينا علية الصلاة والسلام طاعة ولي الامر . فعلينا الامتثال حتي يفرجها علينا رب العزة والجلال، لذا آمل أن يكون النقد موزون هادف دون سب أو مهانة قد تسأل منها يوم القيامة أو قد لا يهمك والله كلنا سوف نحاسب ونسأل ، الحمدلله تركت الرسم مخافة الله حيث قيل لي أنه لايجوز شرعا واقولها ما تفعله لا يجوز شرعا…….. وسلام
لا نقول إلا (((اللهم أرنا في هذه الحكومة يوماً أسوداً ))) أخذوا أموال بلادنا ويعيشونا بها فسادا في الأرض اللهم أرنا فيهم يومك الأسود اللهم نكل بهم يا الله اللهم دمرهم كل مدمر يا الله …..
ما ركزت الا على الحمار الغرقان داك.. انحنا ذاتنا حمييييييييير عشان بنى كوز راكبين فوق ضهرنا واتحملنا الظلم والمهانة مدة 24 سنة..
حسبى الله ونعم الوكيل على كل من خان الامانة