نكبة باقان أموم وصلاح قوش ؟..الاشاعات تملأ جوبا..كيف لم يسمع العنصري الاول في السودان بهذه الاشاعة ، فيجعلها مادة لسمومه التي ينفثها من جريدته الصفراء ؟ا.. شطب أمر قبض البشير مقابل الانسحاب من أبيي.
باقان أموم تحت الاقامة الجبرية في منزله في جوبا ، لحين أنتهاء التحقيقات معه ! مدي صحة الاخبار المتناقلة في جوبا بتورطه في محاولة انقلابية ، بالتنسيق مع صلاح قوش ؟ قوة حفظ سلام اثيوبية تابعة للايقاد في منطقة ابيي ؟
نكبة باقان أموم وصلاح قوش ؟
الحلقة الثالثة
ثروت قاسم
[email protected]
باقان اموم وصلاح قوش ؟
جوبا مالك علي ؟ السؤال شرعي ، وفي وقته ؟ لانها فعلأ من اغلي مدن العالم ، أن لم تكن الاغلي ! وذلك لانعدام البنيات التحتية اللازمة ( أنسانية وغيرها ) لوجود ، ودوران عجلة دولة معاصرة في القرن الحادي والعشرين ! 80% من السكان أميون ، لا يعرفون فك الخط ! والباقون أنصاف متعلمين وأنصاف جهلاء ! موازاييك سفسفائي لكل قبائل ، وأثنيات الجنوب المتشاكسة ، توحدهم كراهية المندوكورو المغادر !
تهبط مدينة جوبا ، فتتحسر علي انعدام المؤسسية ! كل مواطن ، من الوزير الي الخفير ، أجير ، يتم الاستغناء عنه بمجرد شائعة ، أو تصرف ، لا يقبله الرئيس سلفاكير ، أو من حوله! جميع المرافق ، بلا أستثناء … من البناء ( كبيره وصغيره ) الي الخدمات ( حتي في المطاعم ) يديرها الغرباء ! كل مرفق … أكرر كل مرفق يديره الغرباء ! السوق يسيطر عليه الغرباء ! حتي الحلاقون والعاملون في الفنادق والمطاعم من الغرباء ! المواطن يعمل كأجير ، وليس كشريك ، للغرباء في وطنه ! الدولة حكر على القلة من المواطنين ، من فئة الوزراء والمدراء !
هذا الوضع المقلوب يجعل كل جوباوي يشعر بالغربة في وطنه !
دبي يسيطر عليها الغرباء ! ولكن المواطن شريك وسيد ! بالعكس في جوبا ! جوبا يسيطر عليها الغرباء ! والمواطن الجنوبي أجير ومامور !
خميرة ثورة طبقية ؟
نعم … في مثل هذه الأجواء ، يتضخم التوتر الاجتماعي ويبحث عن مخرج له ! يحتاج هذا الاحتقان الاجتماعي الي تنفيس ، والا أنفجر في ثورة اجتماعية ، ثورة المحرومين والغلابة … ثورة لا تبقي ولا تذر ! وهذا ما اراه راي العين ، ولكن بعد عيد الاستقلال في يوم السبت 9 يوليو 2011 !
القوم مشغولون حاليا بالتجهيز للعرس الكبير ؟
وبعده … الطوفان !
تهبط مدينة جوبا ، فتتذكر ، لا اراديأ ، الاية 40 من سورة النور ؟
هل تتذكرها ، يا هذا ؟
دعني أذكرك بها :
أَوْ كَظُلُمَاتٍ فِي بَحْرٍ لُّجِّيٍّ ! يَغْشَاهُ مَوْجٌ مِّن فَوْقِهِ مَوْجٌ ! مِّن فَوْقِهِ سَحَابٌ ۚ ! ظُلُمَاتٌ بَعْضُهَا فَوْقَ بَعْضٍ ! إِذَا أَخْرَجَ يَدَهُ ، لَمْ يَكَدْ يَرَاهَا ! ۗ وَمَن لَّمْ يَجْعَلِ اللَّـهُ لَهُ نُورًا ، فَمَا لَهُ مِن نُّورٍ !
﴿ ٤٠ ? النور ﴾
حقا وصدقأ … وَمَن لَّمْ يَجْعَلِ اللَّـهُ لَهُ نُورًا في جوبا ، فَمَا لَهُ مِن نُّورٍ !
تهبط مدينة جوبا ، فتفزعك طواحين الاشاعات ، من أناس لا شغل لهم غير فبركة الشمارات ، وأستيلاد القبب من الحبات !
وأخر أشاعة تجدها علي لسان كل جوباوي أن القائد باقان أموم ، تحت الاقامة الجبرية في منزله في جوبا ، الي أن يتم التحقيق الدائر معه ! والذي ربما أدي الي تقديمه للمحاكمة بتهمة الخيانة العظمي … أذا بقي حيأ حتي وقتها !
كده حتة واحدة ؟
والتهمة المتداولة بين عواطلية جوبا هي تورطه في محاولة أنقلابية ضد الرئيس سلفاكير ، وبالتنسيق مع صلاح قوش المندوكوراوي ، قبل سقوطه الداوي في الخرطوم !
وعندما تشكك في صدقية هذه الاشاعات المغرضة ، يرد عليك عنقالي متفلسف متسائلأ أن كنت قد سمعت باقان أموم ، يدلي باي تصريح مؤخرأ ؟ وأن كنت قد رايته يستقبل وفد مجلس الامن الزائر لجوبا الاسبوع الفائت ؟ وأن كنت قد رأيته يستقبل الوفد المصري الزائر ، وهو المعروف بصلاته الغليظة مع المصريين ، من أيام التجمع الوطني الديمقراطي الهالك ؟
وان كنت ؟ وأن كنت ؟ وأن كنت ؟
وتمضي الاشاعة فتقوال أن باقان أموم وصلاح قوش كانا يخططان لعمل أنقلاب عسكري في الشمال والجنوب ، في وقت واحد ! الهدف من الانقلاب أستيلاد دولة السودان الجديد ، من حلفا الي نيمولي ، حسب رؤية الرمز قرنق ، وضد مفاهيم ابالسة الانقاذ وسفهاء الحركة الشعبية !
وعند بزوغ فجر يوم جديد من كل يوم من ايام الاسبوع ، يأتيك بالاخبار من لم تزود ، ومن لم تبع له بتاتا ، ومن لم تضرب له وقت موعد !
وتستغرب كيف ان العنصري الاول في بلاد السودان لم يسمع بهذه الاشاعة ، فيجعلها مادة لسمومه التي ينفثها من جريدته الصفراء … الانتباهة ؟
خبر اخر تتداوله مقاهي ومنتديات جوبا يتناول عرض اثيوبيا ارسال قوة عسكرية اثيوبية ( قوامها 6 الف عنصر ) ، لحفظ السلام في منطقة أبيي ! يمكن للقوة ان تكون جزءأ من القوات الاممية في جنوب السودان ( اليونميس ) ، أو قوة منفصلة في أطار الايقاد ، أو تحت أي شكل أداري اخر ، يتم الاتفاق عليه ! يمكن للقوة الاثيوبية ان تبدأ في الانتشار خلال الاسابيع القادمة ، بعد أن تنسحب قوة الجيش السوداني المتواجدة حاليا في ابيي !
عرض اثيوبيا املته اربعة اعتبارات :
+ الخوف من ان تقود مستصغر شرارة ابيي الي نار بين دولتي السودان ! تجذب اليها مرافعين الجنس والانس !
+ الاحتفال باستقلال دولة جنوب السودان ، يوم السبت 9 يوليو 2011 ، في جو ودي بين دولتي السودان !
+ توفير مخرج يحفظ كرامة الجيش السوداني ، وهو ينسحب من منطقة ابيي !
+ بقاء قوة حفظ السلام الاثيوبية في أبيي سوف يكون مؤقتأ ، ولحين أيجاد حل دائم مقبول لكل الاطراف !
رحب السفهاء بالعرض الاثيوبي ( وهم لاقيين ؟ ) ! خصوصأ بعد فشل المفاوضات بين دكتور ريك مشار والاستاذ علي عثمان محمد طه ( الخرطوم ? الاثنين 30 مايو 2011 ) ، بخصوص سحب الخرطوم لجيشها من ابيي !
وكما هو متوقع ، فقد حرن الابالسة عند عقبة العرض الاثيوبي ، كما تقول الاشاعة ؟
وياتيك اخر بخبر عاجل يشرح فيه كيف فرش الجعلي الملاية لمشار في باحة القصر الجمهوري ( الخرطوم الاثنين ? 30 مايو 2011) ! وكيف نهزر الجعلي مشار لمدة ساعة كاملة ، وهما واقفين تحت شمس الخرطوم العمودية ، والعرق يتصبب من جباههما !
وكيف رفض الجعلي اصطحاب مشار الي مكتبه او الي منزله !
الجعلي ختاهو قرض مع سفهاء الحركة الشعبية ، ممثلين في مشار !
أعتبر الجعلي كمين الخميس 19 مايو 2011 ، الذي نصبه سفهاء الحركة الشعبية ، مسالة شخصية تمس بكرامته وشرفه العسكري ! وقرر ان يمشي الي اخر الشوط مع السفهاء ، ويلقنهم درسأ لن ينسوه !
ظهر السفهاء مكشوف !
الاحتقان السياسي في الجنوب علي أشده ! الوضع الاقتصادي في الجنوب كارثي ! التوتر الاجتماعي متفجر !
الجنوب قنبلة موقوتة بدأت في التتكان !
الامر الوحيد الذي يوقف انفجارها الان ، توقع القوم احتفالات الاستقلال في يوم السبت 9 يوليو 2011 !
وبعدها … يفور التنور !
وتدور طواحين جوبا ، ليلأ ونهارأ ، وهي تقذف بالاشاعات ذات اليمين ، وذات الشمال !
أشاعات صادقة ، واخري كاذبة ! أشاعات حميدة ، وأخري خبيثة ! أشاعات قائمة ، وأخري نائمة … كعصي مولانا ! أشاعات بمبية ، وأخري لون زينب !
أشاعات … أشاعات … أشاعات !
علي قفا من يشيل في ديار الباريا !
مقدمة !
أستعرضنا في الحلقتين الاولي والثانية من هذه المقالة بعض ملامح المشروع الاسرائيلي المقترح لحل مشكلة ابيي ، كما أشار اليه ديفيد فولوفتس ، رئيس تحرير جريدة الجريسلوم بوست ، في مدونته بتاريخ الجمعة 15 يناير 2010 !
وفي هذه الحلقة الثالثة نستعرض مشروع ادارة اوباما الشيطانية ( المجتمع الدولي ) لحل مشكلة ابيي ، علي أن نختم أستعراضنا في الحلقة الرابعة والاخيرة !
العب لعبة غيرها يا مستر ليمان !
حندك المستر برستون ليمان ( مبعوث اوباما الخاص للسودان ) ، شيئأ ، الجعلي بأن صرح ، من امريكا ، بانهم كانوا علي وشك مسح اسم السودان من لائحة وزارة الخارجية الامريكية التي تحتوي علي الدول الداعمة للارهاب ! وأنهم كانوا قاب قوسين أو أدني من تطبيع العلاقات مع السودان ، وأرسال سفير امريكي للخرطوم ! وأنهم بدأوا الكلام مع البنك الدولي واخرين ، بخصوص شطب ديون السودان البالغة 38 مليار دولار ! ولكن غزوة الجعلي لابيي يوم السبت 21 مايو 2011 ، فرملت مجهوداتهم وجمدتها تماما ! ولكنهم علي اتم استعداد لمعاودة اجراءاتهم ، اذا انسحب الجعلي من ابيي ، فورأ ، وبدون اي شروط مسبقة !
أبتسم الجعلي أبتسامة ابليسية ماكرة ، وقال :
ده فيلم هندي قديم شفناه قبل كده ، أكثر من مرة ! شفناه بعد توقيعنا علي اتفاقية السلام الشامل ! شفناه بعد سماحنا لقوات اليوناميد بالانتشار في دارفور ! شفناه بعد توقيعنا علي اتفاقية ابوجا !
وعود لم تتحقق في الماضي ؛ وعود لن تتحقق في المستقبل ، وعود لن تتحقق اليوم على الإطلاق ! وعود هوائية … قبض الريح !
امريكا توفي بوعودها مع غيرنا ، وليس معنا ؟ الرئيس السابق جورج بوش الاب ، أوفي بوعده لمصر ، والغى من ديون مصر المستحقة للولايات المتحدة مبلغ 25 مليار دولار! وهذا مبلغ يمكن ان يحسب بأكثر من اربعين مليار دولار بقيمة الدولار الحالية ! كان ذلك عام 1991 ، عندما قررت حكومة الرئيس السابق حسني مبارك ، ان تهرع الى الوقوف الاسمي الى جانب الولايات المتحدة في قرارها بشن الحرب على العراق لإخراجه من الكويت ( وهو ما اسمي في ذلك الوقت حرب الخليج الثانية ، وكانت الاولى هي حرب العراق وايران التي امتدت لثماني سنوات وانتهت عام 1988) .
ردد الجعلي لنفسه :
العب لعبة غيرها يا مستر ليمان !
ولم يفهم مستر ليمان الكلام !
مقطوع الطارئ ( أمر القبض ) ؟
كان الجعلي يقصد ان بقاء اسم السودان علي لائحة وزارة الخارجية الامريكية الارهابية ، أمر يخص امريكا وحدها ، ولا يضير السودان شيئأ ! كان الجعلي يقصد ان عدم تطبيع العلاقات ، أمر مقدور عليه ، وقد بقي السودان حيأ يرزق منذ مقاطعة امريكا له في عام 1989 ! أما شطب ديون السودان ، فذلك تحصيل حاصل ، اذ ان السودان لا يملك علي ما يدفعه لسداد الدين ، ولن يدخل السودان السجن لعدم سداد دينه !
كان الجعلي يتوقع من مستر ليمان ان يصرح بأنهم بصدد سحب ملف دارفور من محكمة الجنايات الدولية ، وارجاعه الي مجلس الامن ! لتصبح مسالة دارفور مسألة سياسية بامتياز ، وليست جنائية !
وبالتالي يتم شطب أمر القبض تلقائيأ !
في هذه الحالة ، وفقط في هذه الحالة ، كان يمكن للجعلي ان يفكر في الانسحاب الفوري من ابيي ! كان يمكن ان يقلب هوبة ومعه بلاد السودان !
أطمأن الجعلي شيئأ ، أن التدخل الأميركي والأوروبي يأتي متثاقلا وعلي استحياء ! قياسا بما كان قد جرى بالنسبة لمصر؛ حيث بقي أوباما يحرص على الظهور يوميا ليدلي بتصريحات ساخنة جدا طالب فيها الرئيس السابق حسني مبارك بـ( التنحي فوريا ومن دون تباطؤ) !
وتنفس الجعلي الصعداء !
ولكن الي حين !
حتي انت ، يا بروتس !
بعدها ، شعر الجعلي بالضيق والحنق ، وهو يشاهد امير دولة قطر يخاطب المؤتمر الدبلوماسي الاقليمي لمحكمة الجنايات الدولية ( الدوحة ? الثلاثاء 24 مايو 2011 ) ، ويقول :
( المحكمة الجنائية الدولية هي أحد أهم انجازات المجتمع الدولي على طريق تحقيق العدالة الناجزة ، التي لا اعتبار فيها للقومية ، أو الاثنية ، أو الدين ! والتي ستكون سندا أساسيا لارتقاء المجتمع الدولي ، والحضارة الانسانية ) !
وطالب امير دولة قطر بدعم استقلال المحكمة ، وبتوسيع النظام الاساسي للمحكمة ، وتقويتها ، لتشمل العديد من الجرائم الجسيمة ، التي وقفت المحكمة أمامها عاجزة عن تحقيق العدالة ! كتلك الجرائم التي ارتكبت ، ومازالت ترتكب في حق المدنيين تحت الاحتلال الاسرائيلي في غزة!
ردد الجعلي لنفسه بصوت خفيض :
حتي انت ، يا بروتس !
الجوه جوه ، والبره بره !
استنكر الجعلي موقف ادارة اوباما من قضية ابيي ، معتبراً أنها تستخدم سياسة الكيل بمكيالين ! وأكد الجعلي أن السودان لا يطمع في جزرة أميركا ولا يخاف من عصاها ! وهدد أنه بعد التاسع من يوليو المقبل ( موعد استقلال الجنوب ) ، ستكون هناك مهلة للمواطنين الجنوبيين في الشمال ، لتوفيق أوضاعهم ! وبعدها سيتم ترحيل كل الموجودين في الشمال ( بصورة غير قانونية ؟ ) ؟
بعد هذا التاريخ سيكون الجنوبي جنوبياً والشمالي شمالياً!
الجوه جوه ، والبره بره !
نواصل في الحلقة الرابعة … صفقة شيطانية ؟
يا اخي جننتنا جعلي جعلي جعلي ، انا اول مرة اشوف زول بينسبوه بامة. و الله لو جئتنا فى دارفور و نسبت واحد باموه ، حيفرمك. يا اخي اذا كان للرجل نسب يذكر ، فانسبوه بابيه
تريد كلمة الجعلي على طول وعرض المقال فيه ما فيه ويحمل ما يحمل فارجو من الكاتب توخي الحذر وان لا يصب الزيت على النسيج الاجتماعي السوداني الهش.
استاذ ثروت عفوا
من الملاحظ انك تأتى بأخبار ومعلومات ليس لها
نبض من الصحة وخالية الدسم تماما"
انت تكتب وتركز على الخيال اكثر من الواقع …اين نحن
ومع ذلك والحمد لله لا تنقصك الشجاعة
لكن الاشياءالنظرية لا تفيد القارىء بشىء
ارجو ان
تستند فى كتاباتك على المصادر يا استاذ
وخلى بالك
سحب ملف دارفور من الجنائيه …. دي صعبه شويه يابشبش
ونحن بسبب حماقاتك ونفعالاتك وتهورك خسرنا كتير يابشبش ومافي سوداني مستعد يقيف معاك في معركه خاسره تانيه معاك :mad: :mad: :mad:
ياخى عملت لينا صداع جعلى جعلى جعلى
الزول البتقصدو ماجعلى .. بدير ى … بس تربية جعليين يعنى جعلى تايوان
والله انت الكلامك مندكورو ماااالك يا شيخنا مستعجل في المقال كده تكتب سطر وتفط سطر من بنات افكارك جهجهتنا
,,,,,,,,,,,,,,,,,,,,,,,,,,,,,,,,, ولو ما عاجبك جعلي وجعلي وجعلي واكان عندكم كلام اقعو بيه البحر سااااااي ……….. وماف زول معصوم من الغلط عاااارفنه راكبه الغلط من راسه لي ساسه ويوم حسابهم جاي بس انت البيقنعك منو
ما لكم كيف تحكمون..
ابغض شئ القبلية واقسم لك صادقا ان البشير ليس جعليا…قد تكون امه لها نسب في طرف من الجعيليه..ولكن قطعا هو ليس جعليا… وهل كونه جعليا يغير من الامر شئيا..
انسان بليد متبلد..لا حول له يحتمي ببكري لان بكري يعرف كل شئ عنه وعن جبنه… ولن يغفر له بكري انه لم يحضر الي القيادة حتي تاكد انو كل شئ تمام…ساعتها بكري كان حيروح فيها…وبكري يحتمي بابو ريالة لان ابو ريالة يعرف كل شئ عن خبث بكري..وحب بكري للبنقو والسطلي…
من قتل ابراهيم شمس الدين حتي يتاح لبشبش ان يتزوج وداد والتي كان يحبها ويجلس معها لساعات وياكل الكوارع عندها في الجريف وزوجها في الجنوب يدك القري حماية للبترول..
عبد الرحيم تخلص من الزبير وابراهيم شمس الدين والطيب سيخة عارف ده كلو…
علي عثمان ونافع عارفين ده كلو لكن بشبش وبكري وابو رييالة ماسكنهم من ايدهم اللي بتوجعهم…..محاولة قتل حسني مبارك ..
الطرطور الوحيد اللي كان فاكر نفسو عارف هو العواليق قوش…ذهب الي المذبلة…يتقدم الصفوف…وهم اللاحقون
ان يك صدر هذا اليوم ولي فان غدا لناظره قريب
ما دام قلت الموضوع اشاعة تحوم في جوبا
ستظل اشاعة الى ان يثبت العكس.
بدات البحث عن كلمة الامام و كنت اقرأ و اتوقع ان تكون بين كل كلمات قادمة. من كثرة ترداد ك لكلام الامام اصبحت كمن يحذر الحبل لان الثعبان عضاهو.. صارت لدى عقدة من كتاباتك لكثرة ترديد اقوال الامام . تحتاج لفترة نقاهة طويلة من الاشارة الى الامام حتى نسترد ثقتنا في ما تكتبه.
كفاية قبلية ..
ياعالم اصحو نحنا في القرن الواحد وعشرين وانتو بتتكلمو عن جعلى وسحف وغباء بيضحك فينا العالم كلو على العموم انا بزعل جدا لاني في اليوم بنسال عشره مرات انتو كيف وافقتو تقسمو بلدكم ومقابل شنو ولرغبة من للاسف الحكومه السودانيه بتتراجع عن مواقفها عشان ترضي الاداره الامريكية فضرت السودان ولالمت في عنب امريكا ولابلح ورضا المواطن السودانى يعنى بلدنا حاتروح ببلاش
جعلي وشايقي ايه فايداني غير كبرت الخلاف وخلت اخوي عاداني
يكفي النيل ابونا والجنس سوداني ززززززززززززززززززززززززززززز
ياريت كان إنقلاب باقان وقوش نجح كان أقل شى إنتهينا من مشكلة أبيي , وكان السودان رجع مليون ميل تانى ,, لكن نحن دائما حظنا زى الزفت
غلطان والله نحن اولاد بلد واحد لافرق بينا من نمولى الى حلفا كلنا يد واحده ماعايزين عنصريه كفاناااا
ليه بعض اولاد جعل زعلانيين من نعت البشير بالجعلي
الان صار البشير مو جعلي
هذه الحكومه نشرت القبليه البغيضه
القبليه والجهويه في كل مكان … وكل شئ صار مبني علي القبليه
نحن اهل الشماليه يجب ان نكون صادقيين مع انفسنا
هذه الحكومه كل شهر او شهريين تفتتح مشروع في الشماليه كما هو ظاهر في التلفزيون … باقي السودان صفر علي الشمال … جهويه واضحه
البشير من حوش بانقا و حوش بانقا جعليين
امه جعليه او حبوبتوا ما تفرق … كلهم جعل
ما يهمنا هذا
حوش بانقا و ما جاورها حازت علي تنميه اكثر من نصيبها اذا كان هنالك عدل … السبب ان البشير من اولاد جعل ومن ناس حوش بانقا
نتمني ان تكون هنالك جديه لمحاربة القبليه البغيضه
كثيراً ما يجذبني عنوان الموضوع للأخ الكاتب ولكن، فحوى المواد التي يكتب عنها دوماً تتسم بالنمطية على سبيل المثال كثرة علامات الإستفهام ؟؟؟؟ والتعجب !!!!!! ألا ياخي الكاتب كتبت بطريقة أسهل أي بطريقة عامة يسهل فهمها للجميع .
والله يأخ ثروت قاسم ( إذا كان هذا هو إسمك الحركى) كلامك أصبح خارم بارم . يأخى الشعب السودانى فى حاجة لإنسان يحلل تحليل موضوعى . أرجو أن تحترم القارئ وتكتب شيئ يستفيد منه .
والله اذا اشاعه قوشه وباقان كانت صحيحة نبصم لهم بالعشره .. انهم وطنيين ويحب السودان الموحد ونغفر له ما كان منه في السابق من اموم ..ويعتبر رجــــــــل وحدوووي .. وهذا المشروع يجب ان ندعمه .. واحتمال كبير اسرائيل ومخابرتها هى التي فضحتهم لانها تريد انقسام السودان لا تستبعد ذلك لان صلاح قوشه داهية وكان يمسك بزمام المخابرات لفتره طويلة في يده كل شئ ولم نعرف سبب وجيهه لاقالته حتى الان .. لان بقاء الكيزان من مصلحة امريكا واسرائيل لانها حكومة مسكوره الجناح تنفذ ما تملي اليه .. ولذا لا نستبعد هذه الاشاعه ..
ايمانا منا بالديمقراطيه لو الجنوبيين عايزين يرجعوا يتحدوا معانا لازم عن طريق استفتاء للشماليين المره دي
غايتو الناس البتنهش في عرض فخامة السيد الرئيس ديل ما خايفين من عقاب ربنا
انا ما فاهم حكاية التصنيفات العرقيه بتاعت السودانيين دي يعني البشير بديري وارتكب جرم شنيع عندما قال عن جنسه جعلي البيسمع كده يقول الجعليين ديل اسكندنافيين حاجه غريبه والله مفترض مواطني اي دوله يكونوا عباره عن تروس تدور في حركه متناغمه لدفع الة البلد الي الامام والترس البايظ يتم رميه والمثل بيقول لايهم القط اسود ام ابيض المهم ان يصطاد الفار
اول مره اعرف ان البشير جبان والرجل معروف ومشهود له بالكفائه القتاليه وبطولاته في ميوم معروفه
الله وحكمتو مخلي السماء من فوق راسك مفتوح عشان تشطح بالشكل البتريحك!!:rolleyes:
طيب في الحدوته دي ليه مافي سبعه محاور!!!
ماحبوبتي عارفه الحاصل في جوبا وهم راضين اي اجنبي الا مندكورو وما علي كيفم! البلد بلدم وهم سياده!! اسع ات الاجانب ما في بيتك بيمسحوا ومالين عفراء بيتسوقوا وانتو بتتفرجو عليهم!! ده حتي المايقوما بقت عيونه صغار وصفرا منقه بس!!! والا الجمل مابشوف عوجت رقبتو!!
انتو متاكدين انو الكتب المقال ده ثروت قاسم ؟؟؟ لان هذا ليس مستوي ثروت قاسم
:lool: :lool: :lool: متى يتجه اهل السودان الى القومية …. ده جعلى … لا شايقى … محسى … نوباوى … هدندوي .. بنى عاملر ..لا بديرى ..لا حلبى …. يا عالم نحن فى القرن الواحد والعشرين ….. اتحدوا واتعظوا ….
وباقان وقوش (اهون من بيت العنكبوت)
اعجبنى ما عايزين جزرة امريكا ولا خايفين من عصاها ….. تمام يا اسد افريقيا …
ياجماعة الخير البشير بديرى دهمشى وديل مكانم فى جهة الشايقيه كريمه وحولها لكن منطقتو الدرس فيها واستقروا فيها اهلوا ذى كل قبائل السودان البتسعى وراء المكان الافضل هى حوش بانقا جهة شندى لكن ده مابيعنى انوابراهيم دينق الدينكاوى العاش فى الشماليه ديار الشايقيه شايقى ولايعنى تعبان دينق والى الوحده انو ما تبع جنس ابوه المن قرى بربر فى نهر النيل وامو جنوبيه المهم المكان مابحدد جنسك اذا كنت انت ذول رعى وزراعه السودان ده ذى بحر الدميره فاير وماثابت نصو فى طرفو وطرفو فى نصو اليس فيكم رجل رشيد السياسه عمتكم اعوذ بالله. بتلموا الحطب بليل للدنيا ام بناين قش دى
اتفق مع الاخ ابكر ادم ان الرجل لا ينسب لامه بل لابيه قلنا قبل كده في هذا المنتدي ان البشير بديري وليس جعلي ونحن الجعليين الاشكال دا ماتشرفنا
اخ ثروت انا قرات موضوعك من البداية حتى النهائية والنتيجة انت تكتب من اجل التسلية والتشفى من البعض والا ما العبرة من ذكرك لبعض المفردات ابالسة والجعلى هذة التسميات العنصرية متى ياتى اليوم الذى يناى عنه كتابنا القدوة لنا عن ذكر كل ما هو قبلى حتى نعيش باسم قبيلة واحدة وهو السودان
يا اخوانا الحارق رزكم شنو؟ قلتو الجنزبين لو رجعوا ما عايزنهم ! وهم احرار في بلادهم ان شاء الله تاني يشتغلوا عبيد عند اليوغندين ( مالكم ومالهم خلونا في مصيبتنا! ثم يا قاسم تقول باقان تحت الاقامة الجبرية !!! يعني ناس سلفا افهم من ناس علي عثمان ، ما كنت لقيت قوش في صحن البوش قبل ما يتم تفكيرو ( وما حكاية سفره سرا لامريكا ببعيد ) قبل ما الطائرة تصل امريكا كانت الجهة قد قرأت ما سوف يقول ( يعني قرت افكارو) ويا قاسم ارجوك خاطبنا قدر عقولنا وارعوي
والله انت يا ثروت قاسم لو ما كنت الصادق المهدى معناها هو البيمليك وانت تكتب بدلا عنه فأنت فى نظرى لست صاحب رأى صائب ولا ناقل رأى أمين ولست الاّ باكيا على ليل مضى وولى.
ولو كنت شخصية حقيقية وبتعتز بآرىئك السياسية ورينا انت مين وولدت وين ودرست فى أى المدارس ومن هم زملاءك عشان على الأقل نعرف البخاطبنا ده منو
بعدين حكاية جعلى وبديرى والقبلية البتحتل معظم مساحات كتاباتك دى مابتدل الاّ على واحد معقد من نفسه وأصله وفيها استعداء واضح وحرق متعمد لكيان وطنى ومجموعة اثنية كبيرة وفاعلة وذات تاريخ ولها من التواصل والتداخل مع بقية اثنيات السودان مايحميها من سفاهة اقوالك وحماقات عمر البشير وغيركما.
وبمثلما تنتقد البشير وتصفه من التجائه للجهوية فالواضح أنك انت اسوأ وأضل فقد بدأت أنت بذلك وأنت تعرض خارج الزفة فكيف سيكون الحال ان حملت سيفا أو حتى عصاة ودخلت الدارة؟
ناخذ الخبر فقط
اعاننا الله على القراءة
وعدم الفهم آمين
يااخى قاسم الواحد ماقادر يعرف انت عايز شنو وعايز تصل لشنو يااخى الزول جعلى ما جعلى نوبى او الخ من القبليات ده مش منطق ابدا ده كلام خارم بارم ، نحن عايزين نفكر نخرج من المشاكل الحصاله فى البلد ونتعاون على الحل مش نزيد الطين بلا بكلامك المانفع ده .
كلام عقلاني وفعلا الابالسة لاترجو منهم الخير لانو ديل مستعدين لو اتخلو عن السلطة يحرقو البترول ويكبو باقي البنزين في البحر وهم ناس عنصريين على الشعب يعني بالعربي الفصيح ياتبقو معانا ياتموتو زي البهايم البشير انسان غبي وعايز يتذاكى مع الغرب وهو ماعارف انو مطلوب جنائيا ويدعي الشريعه لذلك هو في عين الغرب حقير والعصابة اللي معاهو اول ناس حيتبرو منو وخاتينو في الواجهه زي الاراقوز في وجه المدفع
انتو هسي زعلانين مالكم على فكرة مافي شي اسمو جعلي وشايقي كلها اسماء ابتكرتموها انتم واباءكم الاولين لالصاق والانتماء لو بقليل من العروبة مسمى قبلية انا اول مرة اشوف قبليه بدون فخوذ واصول وفروع وشيوخ يتسيدونها والمصيبة لو تلاحظ قري وبلدان الجعل في الشمال كلها اسماء رطانة (نوبية) لاعلاقة لها بالعربية والعروبة عالم وهمانين والله كل قبيلة في اي مكان السعودية او اليمن او حتى ليبيا لها فخذ وفرع واصل ووجهاء وشيوخ تحكمها الا السودان فالحين بس انا جعلي وانا شايقي بس حتى اسم دال في السودان مافي اسم عائلة مافي اسماء ثلاثية ورباعية ليس لها معني يعني ممكن تجد مليون شخص زي اسمك فضحتونا والله العالم تضحك عليكم وعلى جهلكم حتى كلمة جعلي (جعل) هي عبارة عن فعل وليس اسم فوق دا كلو متعنصرين على شنو ياحسرة ؟؟!!! العروبة متبرية منكم ومتكبرين على افريقيا اللي هي كمان متبرية منكم بقيتو زي المجذوم
القبايل السودانية و الافريقية و العربية كمان مالم!!! عندكم فيهم كلام كمان؟؟ هسع لو ما القبايل دى كان انتو بتنعموا بالاتصالات و لا الكهرباء ولا الطيارات ولا العربات ولا القطارات ولا الكمبيوترات ولا النت والفيس بوك و و و و!!! هسع الحاجات دى اخترعوها الخواجات المعفنين الما عندهم قبايل زينا؟؟؟ ما اخترعناها انحنا!!!!! قوموا كده بلا قبايل بلا كلام فارغ والله انتوا ما اخترعتوا حاجة غير انكم تاكلوا ة تبعروا و تتكاثروا و تعملوا المشاكل لى روحكم و يجوا اولاد جون يعلموكم و يعالجوكم و ياكلوكم فى المعسكرات من مال دافعى ضرائبهم!!!!!!! ياخى اختشوا و شوفوا ليكم مواضيع تانية تفيد البلد و الانسانية عموما!!!
الأخ ( دنقلاااوي ) مالك فى شنو ؟؟؟!!
يا زول خمر الموضوع فى راسك بعدين أكتب
انتو أىّ واحد اشترى لاب توب معناها يكتب أىّ كلام . خليكم موضوعيين شوية
شنو كلمة صحيحة والف كلمة هبوب ساكت
ده شنو ده .؟
من الابرول ابت تطلع
من الواسوق ابت تطلع
من المدفع طلع خازوق
خوازيق البلد زادت
_______________________ REBUPILC OF SUDAN___________________
sallamat rakoba guys.you read but donot understand you miss the core of the subject. if this the standard of people who happen to own lab tops in the sudan it will yet be a very long time before we make a change in the sudan or else these are amin guys trying to missdirect people hopfully
فهمتوا حاجة بالله من مقال ثروت قاسم ؟؟!!!!
هامش : ما هذا التشويش الغريب والخلط بين معلومات غير مؤكدة ..واستنتاجات متسرعة .. وأفكار تأتي على الطاير غير مكتملة ؟؟؟!!!
بئس المقال .. جعلي وشايقي ..؟ ياخ إختشي علي دمك ولاحظ انت بتخاطب كل الأجناس .. وحِد مقالك للشعب السوداني .. اذا كان هناك من مقال .. ورائحة العنصرية في كُـتاب المقالات مكروهة
يا استاذ:eek: :eek: :eek: :eek: :eek:
علبك ىن تؤمن بان السودان بلد متعدد الاعراق والسقافات الجعلي شنو والشياقي شنو ودخولهم السودان سنه كم
اكتب حاجه العالم يستفيد منو
حطث عن انقلاب قوش عن ابيي
لكن احزر من شطب خلك المجرم
من لاهااااااااااااااااااااااااااااااااااااااااااحي
الما (جعلي) كاتب المقال بدات قراءة في مقالك ولكن عندما بدأت تقحم لفظ (جعلي) عرفت أنك مريض بداء…..*** هذه مصيبة السودان *** حسبتك موضوعي مع نفسك وفي مواضعيك*** ولكنها العقدة يا أخي الإسلام إن كان مسلماً*** عقدة مصطلح (الجعلي والشايقي والعربي) اعمت بصيرتكم وبصائركم وملئت حقدا وكرهاً ** لست مع المؤتمر الوطني ولا افق معه*** ولكن ضد جهويتك هذه بأن تتناول الموضوع بنعرة عنصرية وقبيلية وجهوية *** طيب إذا كان البشير مسمي نفسه الجعلي*** فإلى أي قبيلة وقبلة تنتمي انت يا صاحب المقال*** الشجاعة يا كنترول في نقل الراي والرأي الآخر
عل اقتحام ابيي كان من افضل انجازات الانقاذ علي الاطلاق في الفترة الاخيرة بعد ان ظلت تقدم التنازلات الواحد تلو الاخر بداية باتفاقية السلام المذلة مرورا بفصل الجنوب وصولا الي ادخال اليونميد دارفور
وبمان الجنوبيين قيادة وليس شعبا حسب المعطيات اختاروا الانفصال فليعد لسلفاكير رشده لن يكون هنالك جنوبي درجة اولي او ثالثة في الشمال وما لم يدركة سلفاكير وقتها والان ان كل الافارقة درجة ثالثة ولا خلاف في ذلك ولكن عليه ان يعالج انشقاقات دولته الوليدة اولا ثم يفكر في مقارعة طبول الحرب مرة اخري لان الحرب لو دارت لن تكون كسابقتها والله اكبر
كلامك دة نسخة مشوهة من / إسحاق فضل الله –
أنصحك أقرا شوية كمان في الأورا ق الصفرا قبل ما تفك لينا في طراشك دة
والله مافي شي جايبنا لي ورا غير تنظيرنا وقبليتنا
كما قال محمد أحمد عوض (جوبا مالك علي أنا) يا جماعة مافيش داعي للإنفصال خلوا السودان واحد كما كان و حلوا قضايا الجماعات في مختلف أرجائه
كل سودانى .. حاليا اصبح يقدم اسم قبيلته .. انا .. ونحنه .. حارقاكم ماله لما سودانيين الشمال يتكلموا باسماء قبايلهم .. جات عندهم وبقت عنصرية .. بلا يخمكم
الكتاب اسامة انور عكاشة اقصد ثروة عكاشة اة اقصد ثروة قاسم .لماذا لاتتجة الى كتابةالافلام و المسلاسلات الدرامية فيبدو من خلال الكتابة انك زول كتاب وصاحب خيال خصب .مشروع جزيرة يعنى ؟.قوش لوكان بفكر بطريقتك دى كان راسو فى قبر الكلب .دى الجعلى مابتلوى يااخوى وباقان لو كان ديار يقلبة كان طيارتو حرقت فى مطار ملكال..قدت قد ياخى ……..
اسماء معروفة لكن بصراحة الاسترسال في ال ,,حكي يفقد المقال مضمونه فيبقى امسخ من المسيخ واتمنى من الاخوة الاساتذة الاكتفاء بالقدر المقبول
والله العنصرية مشكلة والمشكلة في العنصرية السرقة ياخي الجمل بقودو من وين …لعن الله الجهوية …بس عايز أأكد انو ربنا جعلنا شعوبا وقبائل للتعارف فقط …ياخي عمر البشير ده بديري دهمشي الودا للجعلين شنو وناس حوش بانقا ا تبنو عديل كده حتي العنصرية مقننة بالسرقة والملطشة…..الله يلعن الجهوية اينما قامت …
اخي ثروت ولااقول إسحق احمدفضل الله؟إشاعاااات لاأجد كلمه اقولهاغير.{أجي}اعرف إن باقان وإموم عملهم تلميع حذاء امريكا.ولكن عذرامن كثرت الشائعات بت لاأدري ااريد بأهل الارض شرا ام خيرا:lool: