أسكت وبس !ا
ساخر سبيل
أسكت وبس !
الفاتح جبرا
* ذا كان قائد العربة القدامك (ماشى على أقل من مهلو) وعندما تخطيته وجدت أنه يتحدث بالموبايل وهو يرتدى الزى العسكرى .. يعنى ح تقول ليهو شنو؟ الإلتزام بالقانون ده ليك إنتا … إنتا عاوز تغلط (الحكومة) .. أسكت وبس وما تودى نفسك فى داهية !
* · إذا سمعت أن هنالك توجهاً بإنشاء (مفوضية للفساد) على الرغم من أن (الفساد الموثق) الذى تحتوى عليه تقارير (المراجع العام) لا يتم تقديم الوالغين فيه إلى القانون فأوعك تتكلم أو تعلق .. إحتمال دى تكون مفوضية (للفساد غير الموثق) .. إحترم نفسك وأسكت وبس !
* · إذا كنت تسير بعربتك فى أحد شوارع العاصمة الرئيسية وأنت تود اللحاق بموعد مهم وسمعت أصوات العربات ويويويويويوي وتوقفت الحركة حتى يمر موكب أحد المسئولين … أسكت وبس ! ح تعمل أيه يعنى ! مش لازم المسئول يوصل مكتبو بى سرعة عشان يطلع ليهو قرار (خطأ) بى سرعة ؟
* · إذا كنت صاحب (دكان) صغير فى أحد الأحياء وجاءك موظف الضرائب وعاين للمحل والرفوف الفاضية وصنقر ودنقر وكتب ليك ضرائب عشرة مليون .. أسكت وبس يعنى ح تعمل شنو غير ترفع إيدينك للسماء !
* · لما حظك العاثر يخليك تشاهد مباراة (غمة كروية) وتلاقيها كووولها (شلاليت) وكور (مصرجة) فى السماء واللاعبين يشوتو فى أى حته (إلا القون) وما في أى لمسات جمالية ما تستغرب وما تسال (ملايين الدولارات مجهولة المصدر) البتنصرف على الكورة دى ما عملت حاجه ليه ؟؟ هى القروش (معلومة المصدر) ذاااتا بقت مافيها بركة .. ما توجع دماغك .. أسكت وبس !
* · رغم الوعود التى وعدتك بها الجهات المسئولة بثبات (سعر السكر) إلا أن سلعة السكر فى إرتفاع وجوال السكر وصل سعره 185 جنيه وسيوالى سعره فى الإرتفاع وسيوالى (السكر والضغط) بتاعك فى الإرتفاع عشان كده ما تتهور وتحتج وتقع كاضم ..أطفالك فى إنتظارك .. أحسن حاجه تسكت وبس !!
* · إذا طالبك متحصل النفايات برسوم زائده قائلاً (الرسوم زادوها) فلا تسأله عن (الضمير) فى زادوها عائد لمنو؟ لأنو أساسا ديل ناس ماعندهم ضمير وبيزيدوا على كيفهم ولو ما دفعتا ح يودوك (نيابة التفايات) عشان كده .. أسكت وبس !
* · لما تشاهد برنامج حواري فى التلفزيون والمذيع قاعد يتكلم أكتر من الضيف ذاتو ويسأل الضيف ويجاوب على السؤال قبلو اقفل التلفزيون على طول بدل ما يجيك ضغط دم وتمشى الدكتور تلاقى قيمة الكشف مية جنيه وتسكت للأبد
* · لما تلاقي الواحد شايل ليهو سبحة وعلامة الصلاة تتوسط جبهتو وكل ما تجى (مرا) ماشة يعاين ويدنقر فى الواطة .. تسكت إنتا خالص وبس .. الراجل مش بحب يعاين لوجوه الحريم .. (كرعين بس) !
* · إذا كنت ممن يرون فى حفلات (شريف نيجريا) ودعوتة (الدورية) لبعض الفنانات أى شبهات فأسكت وبس ولا تظنن بالرجل السؤ مش إحتمال السنة الجاية يقوم يعزم (حواء الطقطاقة) !
* · إذا كانت لديك قضية تنظرها المحاكم ولاحظت أن القاضى يأتى إلى المحكمة متأخراً (بعد ما يفطر في بيتو) بينما المتخاصمون يأتون من (صباح الرحمن) فأسكت وبس .. فى زول كمان بيسال القاضى؟
* · إذا توقفت أمام إشارة المرور وأمامك عربة (بدون لوحات) تجاوزها رجل المرور وجاء ليسألك عن (اوراق عربتك) فلا تتعجب وأسكت بس وما تودى روحك في داهية لأنو أكيد بيكون هو عارف العربية البدون لوحات دى تابعة لمنو!
* · إذا عانيت من الأرق وعدم القدرة على النوم والساعة قد تجاوزت الحادية عشر مساء بينما (مايكرفونات شيخ فلان) تبث على الهواء (حلقة الذكر) الاسبوعى التى يقيمها .. لا تغضب ولا تتضجر ولا تشكو (ح تشكو لمنو يعنى ما هم سامعين) .. فقط إتناول ليك (حبه منومة) .. اسكت وبس !
* · إذا علمت بقرار الحكومة توفير مليون رغيفه مدعومة فلا تأتى بالآلة الحاسبة وتقعد تضرب فى عدد الأسر فى العاصمة وتضربهم فى متوسط عدد كل أسرة وبعدين تضرب الحاصل فى متوسط عدد (الرغايف) البيأكلها كل فرد مضروباً فى عدد الوجبات لانو كده ح تضيع وكتك ساكت وح تلاقى إنو (المليون مايكروعيشة) ديل ما ح يكفو سكان (أم بدة بالردمية) .. خليك من التضريب وريح بالك وأسكت وبس !
* · إذا كنت ممكن يعانون من مرض الفشل الكلوى ممن تضرروا من الإضراب الأخير للعاملين بمراكز (غسيل) الكلي بالخرطوم وبحرى إحتجاجاً على عدم صرفهم لمخصصاتهم المالية فلا تشكو ولا تسأل (علماء الأمة) عن دور الحاكم فى (توفير العلاج) لأنهم سوف يقولون لك أن الحديث يقول (إذا عثرت بغلة بالعراق) وليس إذا مات (مريض بالفشل الكلوى) .. من الأسلم أن تسكت وبس !
كسرة :
إذا جارك الموظف الكحيان (فجأتن) عمل ليهو فيلا فى (كافورى) .. أسكت وبس .. مش إحتمال يكون دخل ليهو (صندوق) وأدوهو (الصرفة الأولى) !!
——————===========يا خرطوم ثورى ثورى ضد الحكم الديكتاتورى….. البشير سفاح يا أوكامبو كلامك صاح ،حدد الشباب السودانى فى مواقع التواصل الإجتماعى صباح 21 مارس موعداً للتظاهر فى وسط الخرطوم ، عليه نتمنى من الجميع المشاركة الفاعلة لانجاح اليوم والذى سيكون بداية الانتفاضة الثالثة من أجل إسقاط الديكتاتوريات فى السودان ، مشاركتك أيضاً بتعميم الدعوة عبر رسائل الموبايل لجميع الاصدقاء والمعارف
وروروووووووووووووووك د كلام في التنك
(كرعين بـس؟)
مـنو قال ليك!!!!! ده بكون مـِرَكِـز على (نايل سات) والعين بحسين.
صور حية من كتاب معاناة المواطن السوداني والمتكررة يومياً، كل قصة معاها صورة وعنوان كبير، ولما تغوص في أعماق كل قصة حا تلقى كل الطرق تؤدي إلى المؤتمر العفني وأذياله الذين فسدوا وأفسدوا وأفقروا البلاد والعباد وكل دعوة مظلوم يرفع يديه للسماء كل واحد من هذه العصابة له نصيب منها
الاخ الاكرم الفاتح جبرا
صدقني سكتنا و ح نسكت كتير لسه وهو في حاجه بتتعمل غير السكات…
الاخ الاكرم الفاتح جبرا
صدقني سكتنا و ح نسكت كتير لسه وهو في حاجه بتتعمل غير السكات…
ونحناالمغتربين ديل 000000000000نسكت ونبكى بس
;(
:mad: قالو كتر السكات بيضر فلنبدا الان بالكلام جميعا لا لا لا
انا افتكر أنو نحن أكتر شعب مرتاح كلامك دي كلام طير ساكت
إذا مررت يوم 21مارس بميدان أبجنزير ووجدت حوله ألفين شرطى رسمى وعددهم بالملكى وخمسين ناقلة جنود جواها ناس مبرقعين ما تتكلم تسكت بس مش يمكن أبجنزير عايز يطلع من قبرو ……………………
سكتنا ياجبرا من زمان .. ولا حتى قولة بغم
* · لما تلاقي الواحد شايل ليهو سبحة وعلامة الصلاة تتوسط جبهتو وكل ما تجى (مرا) ماشة يعاين ويدنقر فى الواطة .. تسكت إنتا خالص وبس .. الراجل مش بحب يعاين لوجوه الحريم .. (كرعين بس) !
هى هى الله يجازيك يا أستاذ الفاتح.. كرعين بس … لكن إنت ما عرف إنو النظرة الأولى ومهما كانت طويييلة فهي لك ؟
;) ;) ;) ;) ;) ;) مافى كلاااااااااااااااااااااااااام
ياحليلك ياجبرا خلاص بعد دي يازول إنت رحت فيها:D
لما المحلية تأجر الدرداقة لى الشفع الصغار السابوا المدرسة عشان إعولو اسرهم ماتستغرب ..
بكون نوع من الاساليب التربوية عشان ايعلموهم (ان الحياة اخذ وعطاء …)
يابروف مش ناس القانون بقولوا لاينسب لساكت قولا فالسكات ده بخوف بوبي!!!(؟)
اذا جارك الكان مؤجر
خلال فترة بسيطة بقي عنده سبعة بيوت وثلاثة نسوان؟ اسكت ساكت
يمكن جاءته ليلة القدر (خصوصا اذا كان شغال في هئية الحج والعمرة)
أصلاً دخل الصندوق الآسود .:lool: :lool:
هذا أوجز ما كتب في مهزلة المليون رغيفة
أخوكم في الله صاحب طوابين ومعماري وكاتب عمود وبأكره الكيزان من طرف
(((* · إذا علمت بقرار الحكومة توفير مليون رغيفه مدعومة فلا تأتى بالآلة الحاسبة وتقعد تضرب فى عدد الأسر فى العاصمة وتضربهم فى متوسط عدد كل أسرة وبعدين تضرب الحاصل فى متوسط عدد (الرغايف) البيأكلها كل فرد مضروباً فى عدد الوجبات لانو كده ح تضيع وكتك ساكت وح تلاقى إنو (المليون مايكروعيشة) ديل ما ح يكفو سكان (أم بدة بالردمية) .. خليك من التضريب وريح بالك وأسكت وبس !)))
اذا قتل رجال الامن شخصا ولفقوا له تهمة يجب ان تقفل خشمك ولا تتكلم وغريبة انهم بعد قفل القضية يمشوا يصلوا بس برضوا تسكت لانك لو تلكمت يطلعوا ليك تهمة انك كافر
اذا استعبدكم البشير وبقي كانه الله الخلقك هو البحدد حياتكم وموتكم يجب ان تقول لعزرائيل مرحب الامر جاي من البشير
اذا رسق حقك قول معليش ولا تتكلم لانه سوف تكون انت المجرم
يازول كافوري دي قاصد بيها منووووو؟
ياجبرة اسكت ودون التاريخ مابرحم الجوعو وشردو ابناء الوطن الشرفاء
ويومهم قررررررب:mad: :mad: :mad: :mad: :mad: :mad:
المشكلة انو بالبلدى كدا السكات علامة الرضا
واجعني في البحر السكات
After all; if you’d been stolen from some one in the market or general transportation,don’t report just keep your mouse close.do you know why?!!!!!!:cool: :cool: :cool: :cool: :cool: :cool: :cool: :cool: :cool: :cool: :cool: :cool:
واللييييييييييييييييييييييييييييييييييييييييييييييييييييييييييييلة يا جبرا ، ووووووووووووب عليك.
إذا رأيت طائرات الرفائيل الفرنسية وصواريخ التوماهوك الأمريكية تمزق سكون الخرطوم فاسكت ساكت فالجماعة قد أدوا الواجب في ليبيا وما حيقصروا في الخرطوم مع جماهير 21 مارس يعني المرة دي إنتفاضة محمية بواسطة الأمم المتحدة ومجلس أمنها والتحالف الدولي خاصة وأن الجنوب قد إنفصل وأوباما قال: خوة فرتق.