عوض الجاز : " أقسم " بأننا لن نقبل بقوات عازلة مهما كانت التكاليف..الاستعمار يستهدف البشير دون وجه حق..كمال عبيد : الحديث الناعم لن يجدي ولا بد من الدخول في "الحسكنيت"
(أقسم) د. عوض الجاز وزير الصناعة في جلسة البرلمان أمس، أن الحكومة لن تقبل بقوات عازلة مهما كانت التكاليف، ووصفها بأنها جيوش استعمار تسلط سيوفها على الشعوب، وانتقد الذين يراهنون على الاستعمار وقال لهم: (هيهات). وقال الجاز وفق صحيفة الرأي العام – إنّ الاستعمار لن يغيِّر أهدافه بل وسائله، وأكد تربصه بالبلاد بالتحريض والدمار، ولفت لاستهدافه للرئيس عمر البشير دون وجه حق، وقال إن المسؤولية مسؤولية وطن وليس تبارياً بين شماليين وجنوبيين. وسخر الجاز من المخاوف على الاقتصاد إن وقع انفصال، وقال إن الشعب لن يجوع إن استقل الجنوب، ولفت إلى أن الشعب لم ينكسر في أحلك الظروف. وفي السياق طَالب د. كمال عبيد وزير الإعلام بالتعامل الواضح والمسؤول لدى تناول القضايا المتعلقة بالاستفتاء بصورة تساعد صاحب القرار في اتخاذ الوجهة الصائبة، وقال في ندوة عن محفزات الوحدة وتداعيات الانفصال بجامعة أفريقيا العالمية أمس، إن الحديث عن قضايا الاستفتاء ينبغي أن يكون واضحاً أياً كانت قساوة العبارات التي تقال به، وأضاف: الحديث الناعم لن يجدي فتيلاً، ودعا للتعاطي مع التجربة الصعبة التي تمر بها البلاد، واصفاً ذلك بـ (الدخول في الحسكنيت).
لا تقسم يا سعادة الغفير فقد اقسم واغلظ القسم قبلك رئيسك بأن لا يطاء ارض السودان جندي واحد وهاهم يملاءون البلاد من شمالها الي جنوبها ومن شرقها الي غربها ليس ذلك فحسب بل اصبحنا اكبر دوله تضم قوات امميه ….وتتنازل عن مطارها الرسمي لهم
أقسم) د. عوض الجاز وزير الصناعة في جلسة البرلمان أمس، أن الحكومة لن تقبل بقوات عازلة مهما كانت التكاليف، ووصفها بأنها جيوش استعمار تسلط سيوفها على الشعوب، وانتقد الذين يراهنون على الاستعمار وقال لهم: (هيهات).
قال على الطلاق ؟ يا زول بتلحس كلامك ده زى القبالك مالحس كلامه وقال على بالطلاق ( من الأولى طبعاً )
عنتريات فاضية والقوات جاية جاية شدوا حيلكم ..:crazy: :crazy: :crazy: :crazy:
الحسكنيت يا زول شعب السودان داخل فيهو اكتر من عشرين سنه وانتو قاعدين في ضل اللبخ العراض ,ضاربكم الهمبريب ,مجاوراكم الخضرة والماء والوجه الحسن!!!بس
حسكنيت الحرب ده نحن ما معاكم فيهو اكان انطبقت السماء علي الواطه ومحل تنقد رهيفتكم انشاء الله ما تتلتق ….قال حسكنيت!!! (تاني جاب سيرة البحر)!!!
هو في استعمار اكثر منكم يا اخوان الشياطين
انتم حاليا مستعمرين الشعب السوداني وقاعدين فوق نفسو وما قادر اقول بقم
اقول لهذا سمير علي المدني والله ان وطنيتك داست عليها جزم العملاء
يا أخي خلي عندك روح وطنيه شويه !
ايه الإنحطاط ده ؟؟؟؟
حسبنا الله ونعم الوكيل فيكم
سترون ان شاء الله ……………
احسن لينا الاستعمار الخارجي من استعمارنا الداخلي
اقسمو واحلفوا وطلقوا ________________ الحكاية بقت ملطشة _______ والسودان بقى حق اهاليكم _________ حريقة فيكم وفى اليوم الجيتوا فيه ______ ليكم يوم ____
عندي طلب من إدارة الراكوبة بأن لا يضعوا هذه الصورة المستفزة لأي عنوان لا أريد التعليق على الشلاضيم والبرابخ والجمال الساحر … الكرفتة أخطأت المكان ياها قسمتَ.
يقول سيادتو أن الشعب لن يجوع !!!
معك الحق من أين لك أن تعرف أن أكثر من 95% من أفراد الشعب السوداني قد أصبحوا تحت خط الفقر يعني بالعربي جياع على طول …
والله هولاء الجبهجية الأرزقية تجار الدين يفقعوا المرارة يتكلم الفرد منهم وكأنه عائش في المريخ ..
لعلمك ياود الجاز مايمكن أن نصفهم بغير الجياع هم المؤتمرجية فقط ويساوا 4% فقط من الشعب السوداني لأن خزينة الدولة مفتوحة لهم ومظاريف قروش البترول تسلم لهم في الدعوات الخاصة والشاهد على ذلك العمارات والفلل التي يمتلكها منسوبي المؤتمر الوطني .
العالم يتربص بكم .!!
تعرف لم ؟
لأنكم تريدوا أسلمة العالم بأثره وزعزعة كل الأنظمة فيه .
شوف عليك الله ضحكت الحرامي دا الاسمو الجاز والا البنزين
عارف اتو اصلو عقدتم الايمان من زمان واقسمتم وخنتم العهود والمواثيق وانقلبتم على الحكم الشرعي للبلاد
تجرعو سم كأس ماصنعت يداكم
قال تعالى " واذا اردنا ان نهلك قرية امرنا مترفيها ففسقو فيها فحق عليها القول فدمرناها تدميرا " صدق الله العظيم
الله ينتقم منكم اكثر واكثر ياثعالب يامكارين
عوض الجاز
حا نسميك عوض جاز المصافى
عشان بعد كدة ياالجاز احسن ليك تشتت ماليزيا
واعراس الشهيد انتهت
وجبهجية تغشوهم ما فى الموجودون الان تجار ومرطبين
اوعدك باننى حا اتزوج لى مرة شهيد عشان تساعدنا انا وام العيال من هم المصاريف
امنت لما اقمت ملايين الدولارات فى بيتك
وضحكت ضحكة قرير العين هانيها
كلام رجال وفقكم الله ونحن من خلفكم والله واكبر والخذي والعار للمتخاذلين والعار لعملاء اعداء الوطن
تضحك يا ابقلبا ميت هسي في شي بضحك غير البكا
الراجيكم مافي حاجة ، اصلا انت يا ابوالجاز كنت مدرس
في جامعة امريكية والبشير جابك من هناك ودخلت في
زمرة الجبهجية الحرامية وما فارقه معاك السودان يتجزا
وللا يروح في ستين داهية في النهاية انت مليان دولارات
وحاترجع من محل ما جيت وترطب هناك يا خاين
عليك الله شوف العبيد دا فاصل للضرس !!!
بختك مرتاااااااااح
وقسما وعظما كلما تقسموا نحن بنصدق الكلام العكس قسمكم طوالي ..
ساحارب معك وساكون اول شهيد ولكن بشرط ان تعطينى سيارة همر كالتى تركبهابنتك وتحوم بها فى شوارع الخرطوم … عليكم اللعنة يااقزام
يا أخونا الكلام ده كلو خلوه وين الطيب سيخه قالوا مريض الكلام ده بصح ؟
والله يا اخوتي تعلقاتكم كولها في الهواء والجاز مابقراء الراكوبه والبيقول كلمه عبد دي بالغت فيها كتير واسم عاشق الحور وده واتو الجايب المشاكل نعم انتقد الجاز والانقاذ بس خليك حضاري يازول والناس كولها عبيد الله وله عشان شوفت النخره ماذا بيقول ليك في السعوديه تكروني انتقد عشان نفهم واحسن ليكم حراميه شبعو من حراميه جعانين
سياسة القسم من الله خلقنا ما شفناها ويقسمون تعلمون لماذا لان الكذب اصبح شعارهم ودثارهم لدرجة انهم اصبحوا يتهمون بالصدق بدل الكذب
سلام
الراجل ده قصتى معاهو رافعها للسماء فوق وبتتعلق بى ولدو دقش عمنا بى سيارتو وعمى واقف فى مناسبة بالصحافة فرتق عربية عمى خلاها معلقة للتاريخ والذكرى والغريبة فتح بلاغ فى عمى علشان جاهو فى نيران الدفع الرباعى والضربة من الخلف والعربية متوقفه تماما ونشرت الموضوع ده فى الراكوبه ومنتظر عمى يدينى الموافقة بنشر صورة العربة والمستندات
وكان مابيقرأ الراكوبه عوض الجاز الامنجية هنا كتار خالص والمريدين ماشاء الله عليهم قبل ماننشر صورة العربة وحيثيات الحادث حلو لينا موضوعنا ياخى نفسيا متاثر عمى جدا بالموضوع لانو خرج مئات من الوزراء والمهندسين والضباط بى طباشيرتو ساكت كمربى اجيال والعربية خاتيها قدام منامو يومى يعاين وهو بيصلى يدعى عليهم
كلمو الجاز يقرا الراكوبه اخير من الانتباهة بتحترم كتابها وقراءها وصادقة فى توجها
………تصبحوا على وطن
ها ها ها ياخى بالله انت تقسم ورئيسك يقسم ونافع يقسم وعلى كرتة يقسم ومصطفى ببغاء يقسم وعبد الرحيم يقسم وبكرى يقسم وحتى الطرطور كمال عبيد بقى يقسم الحكاية شنو بقيتوا ما عندكم شغلة غير القسم دا ما بحلكم امشوا انتم المجاهدون لتقاتلون نحن ها هنا قاعدون متفرجون شامتون ضاحكون مثل ضحكتك الساحرة يا أمير
اتمنى ان ترفض وتكون قدر كلامك ونرجو ان لايكون كقسم الاسد.
مهما كانت التكاليف.
التكاليف حاتطير كما طار السابقون.
يبدو ان اخونا صار زاهدا فى الدنيا الفانية بعد ان تم تجفيف منابع اللغف.
وماطار طائر وارتفع الا كما طار وقع.
الرجل الصادق لا يحتاج للقسم أو الحلف , وطالم هم يكذبون فمن الطبيعي يشعرون أن الشعب لن يصدق كلامهم …. لذلك فهم يقسمون ويحلفون بالطلاق وغيره . ليس لدينا إلا أن نقول لعنة الله عليهم وعلي من شايعهم وأيدهم .
هؤلاء اشبه بالشياط ين هم ليس ببشر مهما وصفتهم لايمكن ان تصدق بان هذا المخلوق وامثاله كيف فعلوا بهذا الشعب المغلوب ليتهم استحلو المال العام فقط هم بتلذذون بتعذيب البسطاء يموت الاطفال بالمستشفيات وتزهق ارواح النساء كذلك بسبب عدم توفر الدواء المنقذ للحياة ابناء البلد الشرفاء لايملكون ما يسد رمق عيالهم وهؤلاء الاباليس يعيسون فسادا باموال الشعب المغلوب على امره المليارات داخل سياراتهم تعطى بروشتة للمحاسيب موقعة من سيدهم الاكبر هذا الذى امامكم يمتلك اسطول من السيارات السكس ويل يقدر ب500 سيارة دخلها اليومى نصف مليار جنيه تعمل فى حقول البترول والسدودالتى يعتبرونها ملك لهم من منظور التمكين وهذه قطرة من بحر يمتلكه وغيض من فيض وقيسوا على ذلك من امثاله ولكن صبرا عليكم يا مجرمين ايامكم تتناقص والجزاء من جنس العمل والديان لا يموت ودعاء الثكلى والارامل والمرضى لن يضيع عند الجبار قاصم ظهور المجرمين وهذا يقيننا الذى نحيا ونموت عليه
الشعب انكسر وجاع بس خاف وارهب وعزب لكن المرة بتلقوا الشوارع سد ولمزبلة التاريخ يا لصوص الانقاذ
أذكركم بالحديث الشريف(ايات المنافق ثلاثة اذا حدث كذب واذا أؤتمن خان واذا وعد
اخلف) أولا هؤلاء الكيزان من البدية كذبوا على الشعب السودانى وخدعوا حتى
اولاد بمبه بأن انقلابهم لا لون سياسى له ثم خانوا الأمانة فسطوا على مال الشعب
السودانى وسرقوه وحولوه للخارج 0لليوم الأسود الجاييهم0وقطع شك جاااااى0ثم
قطعوا وعودا كثيره من ضمنها قسمهم المكرر المنفس0هؤلاء منافقون 0ماذا
تنتظرون من منافقين0:confused:
احيييييييييييك يا دكتور عوض الجاز ونتمنى التوفيق لكم
وبصراحة كلام رجال ماعايزين اى قوات اممية ولا غير اممية
ويا عصمت وبقية المعلقين الشعب السودانى مع حكومة الانقاذ ودة ظاهر لاى زول يزور السودان وانت يا عصمت ظاهر عليك فى السودان بس بتعاين بعين واحدة وياريت تفتح عينك الثانية وتعاين كويس وقول الحقيقة وبطلوا حقد
يا عوض الجاز، حليفة شنو ليك؟؟
يعني إنت كنت قايلنا بنصدق حليفة رئيسك لمن نصدقك إنت !!
خليك مع عيالك اللي بيدرسوا في كوالالمبور وعماراتك اللي في ماليزيا ويا حبذا لو تقدم في برنامج ماليزيا وطني الثاني
بالمناسبة عوض الجاز لديه شركات توظيف في البترول حقته شخصياً
وبمجرد ما يشغلوك يشترطوا أن يستقطعوا من راتبك لعدد من السنين
يعني من دقنه وأفتق له
أو حشفاً وسوء كيلا
قوم لف
:mad: :mad: :mad:
يا محمد محمد خير ,, وطنية شنو وعملاء بتاعين منو ؟ انت شارب من كوز الجماعة ديل ؟ ديل حرامية وكذابين وباعوا البلد بالرخيص وانت عامل لى فيها وطنى ؟ وطنية بتاعت جزمتك قوم بول اتا فى اتا .;)
يعني أنت تحلف ورئيسك يحلف أنتو وين في محكمة ولا سياسة
السياسة ما فيها حليفة فيها شغل
ورئيسك حلف قبل كدة إنو ما في بوري أزرق يدخال السودان ، والآن في 25 ألف جندي أممي أكتر من الكانو مستعمرين السودان